金萬年酒家 (已結業)

我和家人都覺得這裡的晚飯小菜很有水準，而且價錢也很合理；要坐得舒服又食得開心，金萬年是一個不錯的選擇。首先是晚市孖寶，有上湯焗原隻南澳龍蝦伊麵底及燒雞半隻。孖寶只需$368，超值，2款也是水準之作。另外要推介的是金牌牛魔王$198，牛肉控必定會喜愛，牛肉又香又諗又滑。建議早一點落單，因為烹調需時20-25分鐘。另外一道小菜是金銀蛋白菜仔，味道就不過不失。

食物質素正正常常既，但服務態度真心差個日同屋企人飲早茶，叫左兩個孖寶10:15分左右叫賣單，個待應啤左我一啤就走左咁我以為佢聽到幫我搞緊，純粹態度差少少，等到10:40張單都未黎又再吹多次點知張單黎到收我正價點心同茶錢，原因係我過左10:25 先賣單（優惠時段）一開頭我都好聲好氣同經理講 下 我10:15分已經叫左賣單，你地個侍應都有望到我，你就通融下改番個價錢啦，或者打個折balance 返啦個經理企得好硬，就話你10:25分前可以再吹多次我地（但其實我唔知10:25前就要賣單），我問過哂我d同事，佢地話無收過你order要賣單，價錢我點都唔會改嫁啦，你賣唔賣單係你既事。咁我地就話咁叫你老細出黎，或者睇閉路睇下我有冇叫賣單lor, 佢死都唔肯，仲話你要報警咪報lor 明明係你地d職員失職，推返個負責落我地度，作為經理，改個價錢/打個折/免茶錢有幾難，完全做唔到野。雖然唔係話好多錢，但佢既服務同回應令我地好唔順lor。都唔知學人做咩經理，以後都唔會再黎。

屋企附近去飲茶，有五個選擇，居然揀咗呢間嘢。 首先，呢間嘢啲冷氣凍到死，大男人去都要着外套。呢度嘅食物質素其實過得去，都叫抵食嘅! 可惜，服務係至命傷!除咗點心外，仲叫咗菏蒸飯同乳鴿。 點知等好耐都無嚟! 問個侍應，佢居然話要十一點半後先有，所以無幫我哋落單!吓! 佢又唔早講! 呢啲係咩服務! 真係食到一肚氣!咁叫佢快啲落返單啦! 點知佢仲不停咁講去解釋要十一點後先有，所以無落到單。 我哋話咁唔該你慘啲幫我哋落單啦!點知最後，做又只落咗個飯，而無落到乳鴿! 請到呢啲伙記真係喊幾聲!

尋晚去晚飯，訂咗枱去到冇人理 都算，終於搵到一個人問， 佢話張枱個客未走，咁就行開咗去落單冇理我， 我問佢咁即係點，人哋都未走，你等下。但係其實佢哋另外一邊仲有好多檯冇人好彩最後有位姓王嘅員工熱心幫我， 佢知道解決問題先係最佳方法，所以即刻安排咗我同朋友坐低另一張枱， 而且佢知我哋趕時間仲好快幫我哋落單。至於食物質素係唔錯嘅， 整體環境唔算嘈 都坐得舒服，而且價錢合理。 希望佢哋員工嘅質素提升一下就會更加好。 食物有心做到咁好，如果畀員工嘅服務態度拖垮了，就真係可惜。

聽聞是附近皇牌茶樓《康禾閣》旗下新開的，於是一行20人就去做白老鼠試試。叫左乳鴿，灌湯餃加大量點心。乳鴿皮唔夠脆，少肉汁👎🏿灌湯餃比灣仔碼頭更差👎🏿整體點心質素不合水準，也不夠熱。唯一可取是招呼週到

裝修環境各方面可以，食物是否好食真係唔知，因為我同老婆帶個女去食飯，唸住快D食完帶個女回家訓，因為之後嗰日早起返學。結果，1個小時之後才走來問我，叉燒賣曬，可唔可以轉其他。我話：連燒味你都一個鐘頭先同我，我其他野幾時黎，追左好多次了。後面再等左半小時，D員工同經理完全唔理我叫佢地。之後我起身走。一家人變左去食快餐。

本來諗住去康和閣，但係無位，唯有去依間睇吓啦！因為都係同一個老闆，所以啲嘢食應該差唔多！最後揀咗呢個餐半圍！好多餸都唔記得咗影因為實在太肚餓乳豬-半圍嘅乳豬份量都好足翡翠雙腸彩鳳片- 即係臘腸潤腸肉片炒翠玉瓜，份量都好多，味道OK!百花沙律盞芝心球-沙律份量多，同一圍份量一樣，但芝心球很細粒！花膠雞絲海皇羹- 好足料！ 魚夠滑！酸酸甜甜嘅蝦，好味食到唔記得影！碧綠花菇螺片-花菇好大隻！沙薑雞-好食，唔會太肥！糯米飯都唔太油！最後仲有紅豆沙糖水！

已經不是第一次到此酒家光顧，原因為家人住在附近。先講食品的確是比之前進步！剛開業的時候不單止水準就連出菜速度，只能說一句不懂比分。到了今天共三次晚飯，一次飲茶…服務其差服務好唔好係無定義？大家自己判斷…今天落單時已經混亂，下單的沒有來；追查沒有跟進沒有答覆。以為是找高層(經理級)好一點，結果他不單止將單下錯枱號還覺得點心等40多分鐘是理所當然。一位姓黎經理級向一位同事講＂呢啲係好嘢係要等＂ 一聽到就記起上一次晚飯又係聽到同樣的說話，原來呢間餐館特色係咁㗎！管理層有此級數難怪下一級更甚，我只好説一句永別

重要的事情要說三次大家千萬千萬千萬不要試金萬年酒家！！！一試必後悔！！ 折騰完還有找另一間餐廳才能填飽肚子！！！今晚我們兩人去附近看傢私，逛完看到有新酒樓便想去試試，但到了大門發現空無一人，亦無餐牌，正想離開之際，有一員工跚跚來遲，然後便寫了個桌號，叫我們自行入去找。我們進了酒樓以後，發現桌號亂七八糟，好不容易找到一個女侍應，她帶點不耐煩指了指我們的桌子。我們到了桌子以後，發現是一張在路中心的桌子，根本不知怎坐才能避免被送餸菜的小車撞，而且無論坐那個方向腳都會撞到桌子的柱。我們等了幾分鐘才有人遞上餐牌，追了十多分鐘才有一壼水，我們問可否單叫薑蔥桶蠔（因蠔與蒸魚是孖寶餐），但第一位女侍應是可以但不知價錢，她問經理價錢但經理只大聲吆喝她看電腦！最後有另一經理報價約160元，於是我們便點了椒絲腐乳唐生菜、薑蔥桶蠔和兩隻蒸蟶子皇。大約十分鐘後，那經理回來說沒有桶蠔，那我們只好點其他食物，但我們想點的幾樣他們都說沒有！那時才八點多！最後最後我們點了醬燒宮廷骨，那女侍應說這味菜要多等點時間，我們說沒問題。很快唐生菜和蟶子都到了，唐生菜炒得很不錯，蟶子也清潔得很乾淨，我們很快吃完便一心等那醬燒骨。等

當晚一家大細專程前往惠顧該酒家，入座時只得安排坐六人的枱子（我們有七人），入坐後店內其他位置很多空置的枱冇人坐，坐下看餐單，發覺沒有什麼菜式揀吃，惟有選點套餐，當點菜不久後，約三數分鐘，竟然先速上已蒸好及早備用的魚，我們嚇了一跳，其他乳豬半隻及菜餚都未曾預備好，便先行上蒸魚，識唔識開酒樓㗎，這樣形式上菜，都是第一次遇上，遂要求先退回，幾經要求，才勉為其難退回，但那經理回應說，我們是一次過蒸幾條魚，所以蒸好了便上菜給你們吃。我心諗，唔通遲些會先上糖水飯麵。其後，餸菜急速排山倒海式上枱。但可惜枱面太細，無法放下，真的要我們立即速食不成嗎？其後要求部長停止再上菜，強烈要求他按步上菜，但最後還是只欠餘下雞及糖水才能停下來。這餐真是貼錢買難受。

今日同家人去飲下午茶,原本帶住期待的心情去試新酒樓。點知叫左一個肉絲炒面,味道平平無奇之餘,份量更是少得很。承惠近$100, 每人只有兩小碗,肉絲只有數條。。。 。。。而且下午茶完全無特價點心紙, 2:45入去3:30就叫人埋單,當時點心都未齊。最後叫左一籠叉燒包,非常之細個。。。。。。 最後想check單,個侍應仲要極度不耐煩地對客人發脾氣。埋單百五蚊,都唔知食左乜野落肚。。。。。。。總之,無下次。。。。

去咗試新開酒樓，大門口有個好大嘅舞獅汽球，好搶眼～～😆😆🎈平民價錢，但D野食幾新鮮足料，味道唔錯，款式都算幾多。性價比高～～～環境衛生幾光猛乾淨。最精緻係鮑魚蝦燒賣，呃like最啱😂😂😂成隻蝦，啖啖都有蝦肉，正！必食!!😋😋😋拉布腸粉滑嘟嘟～～～😋👍🏻👍🏻薑汁糕好夠薑味～～好韌～～～但D點心好搶手，有幾多款好快於賣晒，朋友推介五穀糕同蛋撻，但都試唔到賣晒，下次再嚟～～～

今晚在黃埔去了一間新開業的金萬年酒樓，叫了幾個菜式試試，象拔蚌刺身清蒸阿拉斯加長腳蟹，新鮮有鮮味，好食，西芹炒龍躉球，鹹淡適中，新鮮有魚味，好食，竹絲雞螺頭湯，夠曬火候，尤其係個炸子雞一定要試，佢係用新鮮雞嚟整，皮脆肉滑，連雞心雞潤雞腸都整埋比你食，唔係我吹水，我食過咁多炸子雞，呢隻真係最好食，甜品紅豆糕，焗布丁，都係好好食，唔會太甜，真係唔錯，值得一試再試，總括來講，呢間新開業嘅金萬年酒樓，食物質素相當有水準👍👍👍😋😋😋