金記冰室 (海港中心)

營業中

休息中

又一日需要食個快lunch，呢日黎左金記快手食個頹飯🤣大概12:15到達，已經滿座，要攞籌，不過由於我只係一個人，所以等咗幾分鐘就有位。全個Menu有過百種嘢食揀，如果有選擇困難既人，應該有排揀🤪我呢日呢就冇咩胃口，所以揀左羅宋湯通粉、熟蛋、熱咖啡。食物上嚟係熱辣辣嘅，不過因為搭枱，張枱本身已經好細，再加塊板，實在係好迫好迫，令到本身打算食個快飯嘅我，食得更加快😹食物整體發揮合理，羅宋湯酸酸甜甜好開胃，同埋份量一啲都唔細，應該大部分人都食得飽！不過建議大家有個飯腳，唔使搭枱先去會開心啲🤭

之前行完電腦展 筋疲力盡 近近哋 食個茶餐廳算~起碼响屋企附近食過幾次, 應該曬會大伏, 個心定啲嘛…叫咗個 2人晚餐, 叫番穩陣嘅 魚香茄子煲 同埋 椒鹽排骨, 相信 點都穩陣嘅~ 跟餐有 例湯, 油菜 同埋 飲品, ok 啦, 百幾蚊 望落好正路~ 食落其實都好正路嘅, 完全夠熱 全部都係熟嘅, 味道正路, 而且返去冇肚痛~果然 係行會展 行到超攰 唔想再兜嚟兜去 又諗又搵食咩好, 穩打穩扎, 唔錯嘅選擇黎~除咗之飲管有污跡之外, 一切還好的!侍應們 都好有禮貌~

今年又吃 🇭🇰金記月餅啦～雙層熱狗巴士造型的月餅盒🚌，好有香港特色呀!! 月餅上下各放兩件，最特別的是😳車頭的店名會吸光，晚上時份會發出綠色夜光，好有趣呢～吃完月餅後，盒子可以用來裝紙巾，循環再用♻️!!【 花好月餅·雙式月餅 】包括兩個低糖雙黃白蓮蓉月餅 及 兩個金腿伍仁月餅，一次過滿足兩個願望。雙黃白蓮蓉以低糖方式製造，甜度不高。而我最愛的伍仁月餅，則鹹香十足，又有咬口，好吃耶～在網店或各分店現已發售，買兩盒再送$𝟏𝟓𝟎現金卷呀🔥!

位於灣仔會展遊客區，門口有個帶位疑似經理嘅恤衫侍應，態度差勁，當住食客面照話，香港旅遊業真係多謝晒你👎🏻星期五晚大約8點多，本人同朋友人數多，由一張大枱飛轉做兩張細枱飛分開食，叫到細枱號碼，恤衫侍應態度差話下次唔好再拎咁多張飛，但餐廳夜晚收10點，9點半就會熄晒全部冷氣，分枱食個位侍應都唔滿意？點餐後，恤衫侍應同其他員工執枱，係隔離當面大聲鬧，表示本人玩佢號碼飛？？如果一人一張飛就係玩佢，分兩張飛都係玩佢？？？晚餐用餐時間得45分鐘，食咗20分鐘，恤衫侍應係身邊望錶話都差唔多啦，若然係咁趕收工，不如一早截數，唔好再比客人入，無需將自己不滿情緒發洩落食客身上👎🏻👎🏻唯一得收銀姐姐有禮貌，值得讚揚

本人和朋友星期四下午兩時半到灣仔會展附近的金記分店光顧，當時下了兩個餐，一個餐已在十分鐘內到，而另一個餐就等了十五分鐘都未到，所以叫職員跟進一下，再等多十分鐘餐仲未上到，我再次問職員，當時職員回應我，「幫你取消咗去」，我當時唔明白，怕誤會，再次講追下個餐，佢即時話「耐咪取消咗去」，我當刻真係莫名其妙，我再講「我無話要取消」，他再講「唔等得就好等啦」，當時有好多客人都聽到，我再同他理論，我只叫佢幫手跟進下，無任何怪責，當時他很激動，還想向我們衝過來，另一個恤衫同事幫助捉住他，帶他到後門，但他還繼續駡「唔做你生意，走啦」，我不明白當一個顧客為何要受到這樣對代。

這位的這間冰室,環境舒適明亮,座位設有卡位讓顧客坐得放鬆自在。雖然在繁忙時段需要等位,但職員的服務反應極為迅速。然而,餐廳在食物品質上仍有需要改善的地方。我點了碗炸醬撈麵,入口時發現醬料分量十分單薄,缺乏應有的濃郁感。而且湯頭也欠奉蔥花等配料,整體口感欠缺層次。更令人失望的是,麵底竟非採用傳統生麵,而且調味也過於生澀,難以品嚐。建議餐廳可以考慮調整醬料配方,加強口感,並重新審視麵條的選用,為食客帶來更佳的用餐體驗。

去完家居展，走時經過會展地鐵站附近，到金記食個下午茶，店內多卡位，茶記黎講算坐得舒服鮮茄濃汁焗豬扒飯焗飯最緊要夠熱，豬扒有一大塊，汁有鮮茄肉星洲炒米米粉夠乾身爽口，配料並不算多，味道算唔錯家鄉鹹肉炒粉絲鹹肉餸飯一流普通茶記，勝在夠方便

好耐以前我都好鍾意食金記，今日入嚟食午餐睇文字叫咗呢個「滑蛋叉燒飯」，上到枱面見到芡汁叉燒飯，搵啲差少啲肉又梅又林。只能夠說而家人工、租金、食材都好貴，呢個食物質素可以同最大嗰兩間快餐店媲美。永冇下次。

金記本身擁有多間分店，但近期唔少金記茶餐廳分店相繼結業，今日試一試尚未結業的金記茶餐廳。去到茶餐廳，梗係要嗌一嗌常餐，當日就嗌咗呢個豬潤麵常餐，配炒蛋多士。豬膶麵份量唔多，豬膶細塊薄身唔好食，而且湯頭唔好飲，相比起以前食物嘅質素明顯差咗。而且豬潤麵上菜嘅時候湯汁灑滿碗邊，賣相亦都唔靚唔衛生。至於炒蛋多士，質素同普通快餐店相同，冇咩特別驚喜。最後跟餐仲有個熱檸茶，可惜嘅係熱檸茶遲遲未上，係食完所有食物口等多10分鐘先至有，令到整個用餐體驗都未如理想。希望餐廳之後會有所改善。

厚切午餐肉煎蛋飯。 份量大大碟。蛋可以選擇太陽蛋，煎蛋。 午餐肉有兩大塊，再加一條腸仔，飯上有少少豉油汁。 味道ok ，免費加熱飲。服務方面，因為9點半last order, 我地9點3先到，有少少趕收工感覺。總體來說，港式冰室。多選擇

===========================客家沙薑雞飯$84 包括中湯、熱飲1）雞選的雞較肥，脂肪仲多過啲肉沙薑調味味道夠濃，但汁偏鹹；其中一塊雞不太熟，見血水且肉不離骨2）湯中湯不過不失，有兩粒肉咁3）熱飲普通檸水，怕酸的人可選1片檸檬4）座位環境座位ok , 兩個人也可以坐卡位 ， 較舒適但四週放滿雜物===========================總結：唔算太難食但呢個價錢連雞都未煮熟係有啲過份

會展office,游客區，服務態度差到咁，野食遲遲未上，食完就已經俾職員提示用餐時間己過。香港飲食真係無得玩，服務差，態度差，環境差，金記多人食都做得唔好，唉，無得唔負評

去完美食展又攰又餓，記得附近有間金記，之前食過lunch 質素唔差，剛岩去到好快有位，經apps點了以下食物：1. 二人套餐 - 四川重慶口水雞 + 新鮮菠蘿咕嚕肉配油菜、例湯、白飯及飲品：2個餸份量足秤幾大份，口水雞肉質滑嫩，真新鮮菠蘿加上咕嚕肉大塊又夠脆，一食就知係即叫即製，口感好唔同，仲有碟油菜送，2人餐4個人絕對夠食。2. 川味回鍋肉炒烏冬：夠鑊氣、炒得好靚、夠乾唔濕，冇想像中咁辣，正....服務態度還好，上菜速度快，留意晚餐有限定時間用餐，讚讚讚!!!

【灣仔區】【金記冰室】同大家提過我有時要喺會展嗰邊幫手做嘢，冇時間食飯，好多時都係求其買便利店啲麵包、蛋糕就算。不過有時都仲有半個鐘至一個鐘食飯，去之前講過嘅 Triple O's 就多數都滿座，行遠少少去海港中心地下呢間茶記就好啲。今次同一個朋友去，佢話佢畀錢所以我就由佢揀，先揀到呢間。茶記好吖，選擇多，乜都有得食，價錢上又豐儉由人。不過我嗰日由於唔太夠瞓，加上係人哋畀錢，所以我都唔打算叫到太多嘢咁，都係一人一個午餐咁就算。我叫咗個 $76 嘅「白汁粟米焗牛舌意粉」，雖然我當刻冇咩胃口，但係都居然覺得佢幾好食。白汁芝士味濃，牛脷亦都又腍又香，唔錯。用 QR Code 落單令我夠膽叫「熱奶水」做飲品，不過飲落偏淡，可能水吧都好少整呢款。朋友食 $68 嘅「蔥油雞扒腸仔飯」加底，勁呀，果然係後生仔，極速啪晒個飯。飲品方面佢加 $3 飲「凍檸茶少甜」，不過件事太急，其實都唔知佢係咪好肚餓先食咁快，我估應該質素都唔差嘅。埋單 $147，只能講多謝晒。。。（地址：灣仔港灣道25號海港中心地下G4-G5號舖）

今天我去了金記茶餐廳，被他們多種多樣的選擇和實惠的價格所吸引。這家茶餐廳提供了豐富的菜單，讓我有機會品嚐到各種不同的美食。我選擇了一份經典的香脆炸雞配沙律，外酥內嫩的炸雞🍗讓我感受到了滿足。不僅如此，茶餐廳的價格也非常抵食。儘管提供了如此多種類的菜單選擇，價格卻相對經濟實惠，讓我可以在不花費太多的情況下享受美味的食物。今天的用餐體驗在我心中留下了美好的印象。一定會再去幫襯多一次食多次雞髀沙律餐。