金記冰室 (新港城中心4期) (已結業)

今日同F 一人一個茶餐 39 一份撈面， D系瑞士汁， 無乜味⋯⋯面好差， 吾彈， 面身系Dcheap 公仔面， cheap 到 福面好過佢。 份量少 無配料3只 雞奕 ， 味道方面可以 。 一杯熱野 39 值咩？ 一只L形炸雞翼， 半塊西多， 一杯熱野39 、 講真 真係

見去到馬鞍山嘅時間仲未食得晚飯😅，我地遊走咗去新港城中心間好多人排隊嘅「金記冰室」食住個下午茶先。🤣芝士西多士 + 熱阿華田 (轉鍊奶)平時唔係咁鍾意食花生醬嘅我見到西多士中間終於唔係落花生醬，而係放咗芝士😍，咁一定要試啦。芝士同多士嘅味道都好夾，熱辣辣食好食。😋 用茶走嘅方式做”田走”，阿華田口感變得好滑，甜度適中。😉金牌乾炒牛河 + 凍阿華田 (多奶)牛肉足料，河粉彈牙，炒得唔會太油。😙多奶嘅凍華田第一次試，味道比正常嘅更香濃。😋

今天放工晚上，朋友約了我今晚在馬鞍山新港城影Sario聖誕景，因就近影相位，選了今晚這間吃，吃過不同分店，今晚這間仍保持水準，裝修環境不錯，今次點了鐵板蘋果豬扒薯菜蒜茸汁好香蒜茸，豬扒大塊，煎得脆脆鐵板香煎雞扒拼吉列魚意粉黑椒汁很有黑椒香味，雞扒同吉列魚都大塊，雞扒嫩滑，吉列魚，炸得脆口香魚味桂圓紅棗桃膠茶好足料桂圓紅棗，桃膠多，甜度適中綿滑蛋白杏仁茶好香杏仁味金銀蛋肉碎浸時菜大碗，金銀蛋好滑，肉碎香，菜爽脆金粒西多配雪糕炸得金黄脆，粒粒易入口，甜味剛剛好，朱古力雪糕曲奇

馬鞍山真係無咩好食，因為連這間金記出面成日有人排隊，老實講他d野食又唔係話好差，但一定唔可以講好食囉！就講我食果個早餐，沙嗲牛肉麵炒蛋多士凍奶茶，沙嗲牛肉麵一般水準，如果十分滿分都有四至五，炒蛋，炒到碎碎咁，比三分，多士凍冰冰得三分，凍奶茶，奶太多好似飲花奶咁，冰又多，可能我無叫少冰啦！奶茶二至三分，這間餐廳最好就係可能他夠方便囉！

以前去金記冰室食嘢份量與味道都成正比，但是過了這一年疫症後他們的質量品質，最重要是食物的食材及分量比以前差了很多，份量少了但價格又升，根本與價錢不合，這樣寧願去連鎖式快餐店食還很好，真係十分差，而且炒烏冬的份量根本同一個茶餐份量冇分別，我是食晚餐的但是他的份量是給一個小朋友的份量，而且內裏的肉片只得三四件，一個成人食會飽嗎？食完後根本要回家食個杯麵先可以！而且服務員態度十分差，呼呼喝喝未點完飲品都收我個餐牌，都唔知道佢趕住做什麼！？！？一句講曬！這樣的價錢比這樣的食物分量我真係氣都難頂！！見到都火興！！！

上午去左下水估唔到午餐咁多人1230前黎到好多餐廳都要等位點左~星洲炒米都有咖哩香既料都幾多呀感覺上仲多過米粉咁呀~常餐鮑魚絲通粉湯底幾好唔會好淡個多士值得一讚幾鬆化下呀總括黎講可以黎一試呀

話說每朝送完小朋友返學，都見到金記勁多人排隊，起碼10個以上，今次終於得兩三個排隊，正！我的早餐必點款：沙嗲牛肉麵 加 奶茶 係走唔甩，不過上次午餐來食嘢時，試左茶走，覺得幾正，今次會再點沙嗲牛肉即食麵沙嗲牛看似濃郁，食落不過不失，沒有太大的驚喜較好的是沒有太多鬆肉粉炒蛋多士炒蛋滑溜，多士金黃香脆奶茶（茶走，揀左少甜）正如上次一樣，入口順滑，揀左少甜，都依然夠味（因平時我飲奶茶已是不落糖），與屋企人一致認同 呢度的奶茶冇得輸，下次要試下 普通奶茶先估唔到有酥皮蛋撻套餐總括而言，茶走（奶茶）冇得輸，係加分位；食物中規中距

今次終於有機會可以試下金記，平時都見到唔少人會排隊去食，今次等左五分鐘左右就有位，環境好靚好光澤，餐單內都係傳統餐廳既食物，今次叫左最出名之一的肉醬意粉，叫完亦好快就有，食物整體上幾好，無諗過幾好食，味道剛剛好，下次會再黎

外賣午餐一份要企35分鐘至有，執左佢啦，咕嚕肉飯加熱奶茶，半個鐘？即炒咩？仲要係十問九唔知，究竟係無人包定無人煮？難得有成班人等外賣，馬鞍山人特別好耐性？真心無下次囉！

係馬鞍山呢個沙漠黎講，金記的確係甘露黎所以無論咩時間路過，你都會見到滿坐，如果係午市晚市，門口更是一條龍等位、一班人等外賣旺場一定有原因，呢間餐廳質素真係唔錯，而且水準穩定，每次黎食都令人滿意6點來到不用等可以直入，坐位舒適餐牌選擇多，鐵板、小菜、炒粉麵咩都有QR code自己落單好方便靚檸檬，夠檸味兩餸套餐好抵食，$158可以揀兩款餸，有兩個湯，兩個飯，兩杯熱飲！每次必點既椒鹽豬扒有圖有真相，睇個樣唔洗字都知有幾惹味豬扒夠淋，唔乾唔鞋例牌沙薑雞，沙薑味香濃，下飯真係一流肉質唔會過淋，啖啖肉風沙豆腐呢個又係必食，唔係間間金記都食到，平時唔鐘意食豆腐既我都可以隊半碟，真係好好食完美演繹咩叫外脆內滑粟米魚柳，好香噴噴，魚柳份量唔少，皮唔厚，入面保留到嫩滑口感

下午茶到6:00，5:30到不用等直入。環境簡潔，坐位空間足夠。喜愛此店下午茶有另類選擇，今次試了牛舌焗飯，份量剛好，價格合理。牛舌嫩滑，有兩片頗厚，飯也不錯，奶茶轉少練奶非常正，夠香滑。自動點餐，可因應個人喜好慢慢選。服務員似不夠人，頗忙碌，但仍有耐心解答客人查問，不錯。

消費券出咗，響應下波叔齊齊消費，帶旺經濟，一早去食個早餐先成日經過都見有人排隊，今次一於試吓佢哋嘅早餐。餐牌上早餐都多選擇，但我偏向食即食麵，所以就揀咗沙嗲牛肉即食麵落單後不夠5分鐘侍應就奉上碗麵，一試就發覺湯底係完全無沙嗲味，只係一般即食麵嘅味粉味配嘅煎熟蛋同牛油多士，不過不失最後就係杯熱奶茶，好一般，茶同奶味都唔多夠總結就係早餐做得確實有點hea, 有點失望。另外就係室內冷氣開得太大啦，食完份蛋同多士，碗麵都凍晒，希望可以關注吓

金記冰室😋😋炸髀關注組！！呢間都唔錯❤️可以去試下😝常餐-爽D （炸髀+沙律+公仔面）$58😋雞脾炸得好香口，而且份量好足😋肉汁好多，唔多乾😆沙律都好好味！好有細個媽咪整沙律既感覺☺️公仔麵可自選硬啲/淋啲！可以因應自己口味去叫😋特飲雪糕紅豆冰/抺茶紅豆冰（跟餐）$10😋飲得出係用鮮奶沖架！紅豆好多😆絕對足料好好飲👍🏻餐廳可以用QR code落單😝方便又快捷！整體評分：4/5環境：4/5味道：4/5抵食：4/5地址：金記冰室 (新港城中心) (馬鞍山)馬鞍山鞍誠街18號MOSTown新港城中心2樓2308及2309號舖

朋友話金記的海南雞不錯，中午經過就去試試。午餐海南雞飯$68, 雞略肥，也算滑，飯就不過不失，但雞肉份太少，還以為是下午茶餐! 朋友說以前份量多些，可能店家這排攪抽獎，生意唔憂做，所以偷工減料。

叫D侍應教細啲個冷氣，佢就話中央冷氣無得教，我而家先知道今時今日嘅冷氣仲會冇得教大細！D後生女侍應態度又麻麻地，真係需要再培訓，雖然食物質素都唔錯，但係咁嘅服務態度同店內溫度真係未必會再幫襯