金都海鮮酒家 (環翠商場)

營業中

休息中

當日星期六拜完山中午一行6大2小(3歲),收足8位茶$都算🤬,期間分2枱坐,各自都來了冇點過嘅點心,後來埋單16籠要$590😤,仲要食D好普通點心,完全唔係咩貴價野,蝦餃1籠,燒賣2籠,其他只係山竹牛肉,煎腸粉,蒸竽頭糕,潮流粉果呢D,即係平均要30-40/1籠😠,搶$定掠水揾苯,總之冇下次,只係屋邨酒樓,我以呢個價去高級酒樓好過啦！最好笑我哋分2枱要求分枱埋單話唔可以,一定要一齊埋單,咩道理😡,你卡都開2張,枱又分開得遠,咩理由要一齊埋單😠

午市叫幾個點心都等左40分鐘叉包 呢種門口前既外賣點心我唔信冇叫樓面跟跟佢又hea我 問非所答點心已經唔分大中小 （比大點更大既精點）你攞d咁垃圾既服務比我新翠 永利都有茶樓 好自為之

我平時好少會去柴灣，今日因為要去搵一間舖頭，所以第一次去環翠商場，睇完野諗住響附近食埋晚飯，正好經過見到呢間金都海鮮酒家，我都諗住入去試吓，響門口收銀問個阿姐攞個餐牌睇吓有咩食，嗰位阿姐即刻𢲡埋口面話冇，以為因為佢只做收錢所以唔埋我哋，於是我哋企響門口等個伙記嚟再問佢攞個餐牌嚟睇。終於等到個女侍應嚟，我哋話想睇吓個餐牌先，點知佢又係話冇，佢話總之就乜都有得食，好多嘢食。跟住就走咗去。即係趕客啦！　　

第一次嚟飲茶，酒樓藏身於領展商場下。裝修新凈光猛，一踏入門口，小姐會為各食客量度體溫，枱與枱之間嘅距離比一般酒樓大，坐得舒服、安心。疫情下，呢啲措施係各食肆必須的！早茶有好多特價點心都好抵食，仲有現今少有嘅《干蒸牛肉燒賣》，爆汁唔在講，點上喼汁，回憶返晒嚟呀！《香煎蝦米腸》～ 條條脆邊㗎，一啲都冇hea煎👍《魚肉煎釀尖椒》～ 全部肥嘟嘟，魚肉飽滿冇醒味《薑汁雞包仔》都好足料，大片香菇、豬肉、芫荽香味樸鼻！大量特價點心，抵食！📌茶錢$10/位

見佢新開都不妨入去試下裝修係唔錯嘅，枱與枱之間都幾闊落下而且有一邊有卡位設計，令人覺得幾舒服，幾有privacy不過有啲2排係單邊對牆而且有d窄就令人唔太想坐同行姨媽都覺得迫，唔係好想坐個張枱咁其實個度係重有2枱應該係岩岩走嘅枱唔知係咪姐姐唔想執枱，所以等咗陣佢都係無理到係我哋岀聲先有小小悔氣咁話執啦執啦唉然後全程都keep住黑面但當時其實只係大概14:15，下午茶時段先岩岩開始無幾耐叫咗個點心拼盤，每樣2粒，樣樣試到下都幾好蝦餃皮唔算太厚，都幾好菜苗餃個皮都唔算厚，而且粒餃都漲卜卜，算係唔錯藥膳雞腳，D雞腳好淋，但不是太入味，如可整到再入味D會更好茄子皮煎到好脆，而且大大舊不過茄子好索油，好間唔中食一次就得金錢肚好惹味，又大大舊，下面D芋頭都好入味而且無淋到好似就泥爛咁有D奇怪嘅組合D點心都上得幾慢，唔知係咪因為人流唔多，唔會蒸定，係有人叫先蒸雖然上得慢，但可以食完一樣先再上一樣，全部都熱辣辣咁上不過未夠4點已經差不多無哂人加應該係部長？嘅人泥催我哋埋單，好似想趕人走咁，呢樣就差D其實呢間嘢嘅點心都幾唔錯，係D職員態度有待改善

冬至家人吃飯，食到一肚火🤬訂了8:00兩圍，等到8:45，啲餸菜大部分都凍左，服務其差，12人枱竟然無轉盆，啲餸菜仲要5-10分鐘上一種，放都有困難😓等枱超耐，但上菜超趕😱一定無下次😡請都唔會再來☹️

東江鹽香雞~有點過火，但味道適中，不會太咸碧綠抄蚌片蝦球~不錯，蝦很大飯，好吃彈牙及新鮮紅燒竹笙雞絲翅~ 芡汁太杰了，只吃了材料湯倒了🙈🙈碧綠金錢配鵝掌~芡汁同樣是太杰身，但味道是可以的清蒸沙巴龍躉仔~魚不錯，剛熟，豉油汁也煮得味道剛好鮮茄單耳浸翡翠~清清淡淡，還可以椒鹽鮮魷~味道不會太濃，不會很油，吃起來都可以海味雜菜煲~很大的一窩，抵吃👍👍拔絲菠蘿肉排~酸酸甜甜，味道不錯，腩排少少肥伴肉，好吃瑤柱蛋白抄飯~不會很油膩，抄得還算乾身，不錯

屋企人生日諗住去食番餐飯， 呢間係屋邨裏面嘅酒樓， 都唔期望會有好好嘅服務質素， 但係竟然比我想像中嘅差。 去到先有個夥記問你要咩茶， 睇落好正常， 但係竟然半個鐘啲茶都未到， 九個人仲要得一壺茶。 落單嗰陣有個疑似女部長， 對自己嘅酒樓唔熟悉， 報海鮮價嗰陣改完又改， 令人覺得極其不放心。 落單嗰陣已經好驚佢囉錯， 特別畀心機同佢逐個送講清楚，之後真係有落錯單。 跟住想搵一個侍應幫手， 搵咗三個都話唔關自己事，叫我自己搵經理，好無助。 最可憐係食飽飯想埋單嗰陣，個場啲人一係就唔見人一係就避免同你眼神交流， 舉手搵人埋單搵到我手軟， 連想畀錢都好辛苦。 提議要食嘅人要有心理準備比常人更好既耐性。唯一要讚既係上菜幾快， 食物質素不過不失， 如果祈求好精緻餸菜呢間係唔啱你，呢間係係飽肚同埋正常味道。 可以推介嘅餸菜係黑醋薯仔豬肉， 呢碟係食得最滿意嘅。 另外好得意嘅係呢間有一度菜叫做炸龍躉皮， 其實應該係會幾好食嘅不過炸嗰個人就唔夠火喉，有啲淋。 另外嗌咗半圍名宴， 我哋九個人去其實本來名宴都好多嘢食， 如果女仔多嘅話其實夠食，如果有男仔嘅話呢就嗌返幾度小菜就夠啦。

呢間酒樓的蝦餃係必食推介啊，啲蝦好爽口同埋啲皮好薄嘅。另外啲乳鴿都炸得好香口嘅，今次同啲同事八個人叫咗三隻來食啊。呢度的裝修好靚，唔會坐得迫，另外樓底又夠高又夠光猛喎。

首先要講這間餐廳有蚊的⋯如果閣下很介意有蚊陪伴你，你就要考慮一下試唔試⋯我去到那裡那些職員都開始準備落場。所以我都好趕地點曬點心就慢慢坐。那些樓面姐姐態度差就一定。不過算啦，屋村地方如果講服務就咩都唔駛食。這間餐廳環境多蚊，其實我都超反感。但唯一令我感到佢地用心的地方。是牆上原來有些特別。好似好有深度呀這間酒樓都算大。坐位都算闊落。不過未到四點就差唔多趕人走。開始熄燈了。這個就做得比較差。👆🏻平日的下午茶餐單我點了孖寶和一個特價點心。都算抵呀。兩個人只係食左$50。這個鳳爪都算幾好。份量夠。本身都好夠熱。又有花生底。這個蘿蔔糕就很差了。煎得很濃⋯凍冰冰⋯又硬到石頭一樣。比的醬汁只係用來點腸粉的。甜醬唔夠多。花生醬要來都無用。這是潮州粉果都幾抵食。大大個。價錢又唔貴。里面的料都好夠。值得一試。總結：點心價錢可以、衛生一般、份量足夠、職員態度一般。如果只想簡單食點東西，都可以考慮一下。

金都係商場裝修後新開既酒樓，今次係第一次食。入去見到檯與檯之前都有啲空間，座位同餐具都乾淨，係坐得幾舒服既。叫左碟滷水豬腳仔，好入味！不過食多幾舊就覺得有點鹹。煎腸粉份量有啲少，煎完都唔香既，麻麻地。咁多碟之中，蘿蔔糕係最好食既！唔會好油，又唔會好林，煎得好靚！鯪魚球不過不失，最好襯熱食，凍左就縮水喇仲有叫左一籠燒賣，都係普普通通。整體野食麻麻地，如果鍾意坐低慢慢傾計，呢度都幾好坐既，又有卡位，私隱度足。

同婆婆一齊，醒目阿姐便安排坐近門口的卡位，很貼心！食物温度很熱，抵讚！上菜速度算快，味道就大部分都ok, 食左流心包，炸黄金紫薯，叉燒腸粉，皮蛋瘦肉粥。而唔太建議食陳村粉，唔係透明粉皮，又冇豆鼓，走樣得滯環境方面，新裝修，簡約路線，餐具，地面同魚池都幾乾淨，仲見到有人清潔魚池添價錢公道，晚市有5選1優惠，蒸龍都係$68,等幾吸引，下次會試下冇唸住寫食評，所以冇影食物相，但見到其他負評服務就忍唔住平反下，執枱都快手

今天是我們朋友過年後的第一個聚會，我們選擇了這一間港式酒樓作為晚飯，酒樓地方有一點遠離地鉄但勝在空間感十足，枱和枱的空間非常足夠，今天我們選擇一個套餐，有乳豬外皮酥脆味道又夠香，海鮮方面有龍蝦，夠新鮮又夠份量多，還有大扁貝，肉夠彈牙又有蒜香味，當然有我喜歡的海班魚，又香又滑魚味十足十，另外生滾海中蝦也不失鲜甜㻎脆，這一餐満足了我們所有人。

成盤翅可以凍嘅，同個女樓面講，佢仲大大聲話：邊度凍啊？我啱啱見到都熱我話我食落口唔清楚過你？？仲要一路嘴妙妙，等到個經理過嚟先攞返入去，跟住盤翅出返嚟一浸燶味跟本唔食得。見到隔離枱條魚又係唔熟要番蒸……

初7，人日食飯，唔知係咪太夜呢？什麼湯也沒有😅😅😅開左都一段時間了，但從無諗過去試，今天都是因為fd才去我們本來點選了個金銀菜燉白肺，怎知沒有了😅😅😅，再問到還有無其它湯，怎知除了翅和塞米羹，什麼湯也沒有了😬😬😬我們點選了枝竹🔥腩大鱔煲，熱石醬烤乳🐷（半隻），蒜蓉炒豆苗，薑蔥焗原裝桶蠔大鱔煲和桶蠔都夠新鮮，肥美。走油後粉醬不多，所以絕對可以試試熱石醬烤乳🐷，這個賣相very good(打卡重點）😂😂😂 , 可以令到上枱後隻豬還熱辣辣，啲皮還脆卜卜，正爆👍👍👍大至上，環境唔錯，服務態度都很好，完全無諗過都可以值得一試再試，希望下次可以嘗試到燉湯啦。