金雅餅店

營業中

休息中

今期同事的生日蛋糕，有人負責，唔使我傷腦筋買什麼款式，實在太好。看餅盒，是金雅餅店的出品，我未吃過。打開蓋，原來是芒果蛋糕。除了很多香芒之餘，面頭也放上不少宜多啤梨、火龍果、提子、蜜瓜等作點綴，以街坊餅店去計，賣相也叫可以接受。吃了一件，芒果是香甜，其他生果也可以，可是海綿蛋糕並不軟鬆，同埋忌廉太多，算不上好食。願幾位同事生日快樂，身體健康！

位於好運中心，即沙田街市對面有一間小店幾乎做盡中西糕點..... 似乎誇張了點 但可以肯定的是比尋常的多，製作雖非經典，卻總有一兩樣代表作。 我今天介紹的便是我長期捧場的鳥結花生榶和新相識的芒果之戀。1.鳥結花生榶($35): 雖較甜，但花生牛奶香味均很濃，有嚼頭，個人認為比車厘哥夫或多數的澳門鳥結花生榶好。 不過我亦曾對它感到失望，因吃到數盒較硬的，之後有一段時間沒有再買。 這次和店員閒話才得到較圓滿的解釋..... 原來此糖就如一般軟糖般遇熱即溶，遇冷即硬，所以隨了不要放進冰箱外，亦不可受熱。 我上次在寒冬購買才產生此等誤會，大家要切記呀2.芒果之戀($12): 以為類似芒果班戟，誰知芒果卻少之又少.... 不要失望，蛋糕很鬆化，忌廉很滑，最出奇的是外皮很煙韌，它似冰皮但比任何一款冰皮月餅的外皮更煙韌，可能是新鮮吧！ 芒果之戀的主角是外皮，好此道者要試試了！

雞尾檳 $9 ~ 雖然明知道雞尾包係好高熱量既麵包 , 但係又唔係日日都食 , 只係今日突然之間想所以就買左一包黎填肚 , 價錢比美心既鳳尾檳平幾蚊 , 不過味道就的確差左少少 , 入面既餡唔夠香 , 甜度比較淡尚可接受。

雞仔餅 ~ 其實我都有一段時間冇買 , 原來已經不知不覺加左價囉 , 宜家$26一磅 , 今晚本來想買幾個蝴蝶酥食架 , 點知得返兩個而且仲係爛左既 , 所以轉身見到雞仔餅得返唔係好多 , 於是心笮就買左$13半磅啦 , 雖然加左$1 , 但係才材料同以前既一樣 , 水準亦保持得到 , 只不過味道會比較甜少少 , 唔會太多肥肉 , 更加唔會有我最討厭既瓜子係入面 , 食下食下半磅話咁快就已經冇哂lu。

菠蘿切 ~ 係舊式麵包店買$3.50一件西餅平唔平就見仁見智 , 但係份量一定會大size過美心個d , 自從前幾日食完皇后個件真係有好多菠蘿既菠蘿切之後就心郁郁好想再食 , 可惜沙田個間宜家裝修緊冇得買 , 行過見到金雅餅店入面有 , 而且望落去感覺大大件吸引力自然大增 , 所以就入去買返一件黎試下啦 , 味道唔會太甜 , 而且淨係得面頭有一層薄既菠蘿片 , 我食起黎唔駛左挑右扔咁麻煩(因為本人其實係唔like有菠蘿肉) , 口感幾實有d乾身 , 可能我覺得好少人會揀始終呢類型既舊式麵包店黎買一打西餅 , 都唔知道d西餅已經係放左幾耐 , 故此試過一次就算。

雞仔餅 $24一磅 ~ 深知自己係一個好易食到停唔到口既人 , 所以淨係敢買$12半磅黎頂癮 , 都已經有好多塊架啦 , 如果維意食雞仔餅既人有機會一定要買金雅餅店既雞仔餅黎試 , 因為材料又足口感又夠煙"UN" , 入面既半肥瘦豬肉餡唔會甜咸平均 , 買完之後返屋企一面飲朱古力奶一面食雞仔餅 , 結果………我好快就為自己既體重增添多幾磅囉。

11月21號晚，路過金雅，突想買點麵包回家作宵晚之用，見到一個不太大的香蕉糕．記起小時候很喜歡吃的包點，因好香加有點甜．買了一個回家試試吧．從保鮮紙解封後，一陣香蕉的香味．但口感沒以前的鬆化．可能餅店要作保存，用保鮮紙包得太久的關係．甜味亦沒有以前的好吃．我想要再找另一家試試吧．

欖仁豆沙條 ~ 我發覺自己都幾鐘意食豆沙 , 之前先試完豆沙餅 , 又再買多一條欖仁豆沙條黎試 , 價錢就比較貴 , 一條細過手掌位既size賣$5.80 , 不過份量就幾重身 , 唔知係咪唔係新鮮整既 , 所以層餅皮有d乾身但係唔難食 , 入面既豆沙相對黎講就甜左少少 , 欖仁粒唔會太多 , 每食兩啖左右先有 , 呢個唔適合做早餐 , 因為食完一條之後真係會有d甜到太漏既感覺。

卷蛋($3.50) ~ 究竟呢款西餅係叫瑞士卷定係卷蛋？又抑或都係叫做蛋卷呢？由於一直放係西餅凍櫃入面 , 搞到拎上手個陣好凍而且仲雪到有d硬 , 不過返到屋企放左一段時間先食 , 所以就唔會影響到個味道 , 同平時食到既冇分別 , 但係就勝在平得黎大大件做早餐實夠頂肚 , 加上宜家咁既物價指數 , 相信對於任何人黎講都係大件夾抵食最重要啦 , 可能慳返d錢丫嘛 , 能夠有兩間屋村餅店係附近比我買又平又抵既麵包食 , 真係好呀~~~

酥皮蛋撻 ~ 最近泰昌既曲奇皮蛋撻進攻黎左沙田開分店 , 唔係總店就始終係冇咁好食 , 另外話就話沙田最出名既酥皮蛋撻係奇興 , 但係我個人認為試過金雅餅店出品既 , 一定會覺得奇興並唔係咁特別好食 , 未拎上手已經散左一大堆出黎仲叫人點食呀 , 至少金雅既酥皮蛋撻層酥皮就唔會咁易散哂 , 蛋味仲比較濃 , 最重要係平丫嘛 , 高質素過奇興都只係買街坊價$2.50一個咋 , 真係抵食到笑 , 即刻買返兩個黎滿足自己胃口 , 下次仲可以買埋酥皮椰撻食 , 味道一樣咁好食呀 , So good!!!

丹麥條 ($4.5) ~ 放假都淨係可以訓到6點幾就起身 , 7點鐘落街去買早餐食 , 終於見到金雅有新鮮出爐既丹麥條啦 , 平時返工太咁早未出爐 , 二話不說即刻買返一條黎做早餐 , 份量好長又重 , 計落$4.5都抵食架 , 而且甜甜地幾醒胃 , 可惜我討厭有提子乾 , 如果丹麥條可以冇左d提子乾就好。

蝴蝶酥($3.80) ~ 好耐冇食所以今日就買返一塊黎做下午茶 , 點知準備夾個陣真係有少許嚇親 , 點解好似塊塊都焗到又"火農"又黑黑地咁架 , 難道係換左師傅 , 但係其他麵包個d又好似冇咩唔同wor , 算數啦~~~鬼叫自己又想食就照買 , 好彩食落去唔會有焦味ja , 甜度仍舊岩岩好 , 而且冇加價都已經唔錯。

吃了老婆餠普通的,中間像青瓜(?!)的物體,我不太中意覺得好的是捖仁豆沙條($5.5)好有月餠feel大大口的吃,全都是豆沙饀!但是來吃這二種餠都是不熱的包類ok多但行多幾步就到百樂啦是的捖仁豆沙條我都ok中意!但如果買波籮包等等的包我就會揀行多步啦

雜餅 ~我聽到老闆娘係咁樣稱呼呢件西餅架 , 本身仲以為都係叫卷蛋之類 , 比起美心平$0.5 , 但係味道真係差得多囉 , 咬去口感落又實又乾身 , 而且好多Cream令人覺得好漏 , 到底係咪已經放左好多日呢？定係個師傅整到失手？冇理由麵包店既生日蛋糕同麵包質素唔錯 , 西餅會差成咁架...一定冇下次!!!

之前行過買左豬仔包($2.5)返屋企自己加塊扒做豬扒包雖然食豬扒包好易ignore左個包既味不過我今次食得出個包好鬆軟!叮左之後勁脆!好好味!!