金飯碗餐廳 (已結業)

係觀塘返工，好多時夜晚都會同同事食呢間嘢理境寬敞，坐得舒服，服務唔錯小菜價錢大約50蚊到，有老火湯有嘢飲上次同同事就分別叫咗幾個小菜一齊share食首先梅菜扣肉，D扣肉好大件，又唔會太肥，但個低有勁多梅菜同埋汁，送飯一流之後就係中式牛枊，牛唔太難咬，但全碟得4-5塊牛枊，唔多化算，味道酸酸甜甜，可以一試最後叫咗香䓤炒牛肉(好似係)，D牛都好好味，一D都唔難咬，但呢碟嘢D䓤仲好味過D牛，係咁食D䓤老火湯真係老火湯黎，一D味精都冇，仲要好大碗，碗碗都有湯料係入面，仲有粟米係觀塘返工嘅朋友，夜晚可以去試下呀，幾個人叫小菜一齊SHARE一流。

是日到觀塘，突然很想吃久違了的咸魚雞粒炒飯，揀了金飯碗開餐，由於咸魚雞粒炒飯沒有做跟餐唯有散點，飯較多，咸魚粒算不少，唯飯炒得不夠乾身有點濕，生菜料不少， 這個久違了的咸魚雞粒炒飯算不錯了。

二月下旬•陰天一得閒，又要繼續揾舖。來到巧明街，試試這間茶記。九點來到，心血來潮，想吃麥皮。回覆卻説沽清。咁好賣，今日麥皮節乎？唯有又吃回奶醬多，是夾心多士，烘得熱但不太脆，仍保留了麵包的口感，不錯。咖啡淡淡的，不夠香濃。店子有出爐麵包的，看來不錯。

近來似乎少有踏足工廠區，多數都去非工業區覓食。今日來到觀塘的工業區，不如在工廈裡的食堂午餐。上次曾經在金飯碗用膳，來一個煲仔飯，今天同樣地來一個煲仔飯，簡單得來又可飽肚。今次點來煎蛋牛肉飯，煎蛋是全熟，沒有半點蛋汁，牛肉餅如酒樓般的肉餅，啖啖肉，內裡也有少計馬蹄，肉質軟腍。煲仔飯用上鐵煲盛載，米飯沒半點燶，與瓦煲的米飯截然不同。凍奶茶一般般，沒有太多節茶香味，但都順滑，回甘度稍欠，奶味都幾多的。在食堂用膳，或者都是一個不錯的選擇。

事原呢區lunch選擇不多，呢間金飯碗差不多兩星期就黎一次，而每次黎親都係叫呢個煲仔飯。如果話每間餐廳都有個招牌食物，呢個煲仔飯可謂金飯碗既皇牌。話就話係煲仔飯，但其實只係用一個貌似瓦煲既不銹剛煲黎蒸既飯，即係蒸飯，煲乜鬼仔飯！？！？俾大家望望先，今日食鳳爪排骨。首先份量唔洗擔心，男人食一定飽，好彩既話，阿姐會醒兩條菜過你食（有時無gar），鳳爪有兩隻，入味，唔會太淋令到骨肉分離，排骨都好多下，而且每粒都半肥瘦，大家都知喇，太瘦唔好食ga ma.服務就一般茶餐廳lor, 上菜快既，姐姐都幾好禮貌。單點煲仔飯$28, 飲埋野加$8。

是日來到觀塘工業區，當然是要辦公，辦公後適逢午餐時間，就平平地往工業區開餐。然而在下亦會在工業區的食堂開餐，一來性價較平，二來也可媲美茶記，而且味道並不輸蝕。來到開源道近鴻圖道，有一間食堂叫金飯碗，是在下上世紀九十年代時，經常在這裡開餐，直到今天已經裝修過，依然有大的圓枱，現在又多了卡座，在下還是選擇了圓枱和其他食客搭枱而坐。安頓後餐牌也沒有看過，隨即點選了一客臘腸雞飯，這也是在下這麼多年來，點選煲仔飯中的其中一款。不久臘腸雞煲仔飯端上來，看這煲不同彼煲，此處用上來鐵煲而並非瓦煲。吃下雞飯時，骨頭沒多一塊，差不多全是雞肉，而且蒸得很滑，但是未至於嫰滑那種感覺。蔬菜用上了上海白菜，是白灼白菜，也許因為擺放得太久，白菜已經冷卻了，雖然如此，但是白菜仍然容易咬開且沒有渣。臘腸方面，很有口咬和咬勁，不算得很硬和咬于開，唯獨肥肉與瘦肉比例中，以瘦肉為多而肥肉較少，約為兩份肥肉比八份瘦肉。白飯也見粒粒分明，沒有爛飯或蒸得濕爛，也沒有一嚿嚿。由於今天午飯時間較熱，就點了一杯凍奶茶，來降低在下的體溫。奶茶的奶和糖十分豐富，蓋住了茶味，這也是茶記的一般通病，倘若淡奶及糖水不要落得這麼重，多一點茶味的話，

是日點了常餐, 有個火腿奄列, 兩餸粉麵, 飲品 ($30)奶茶味道唔錯, 有一般茶記水平!火腿奄列唔會太淡或太咸! 正! 我揀左腸仔雞翼通粉, 雞翼微炸所以幾香口, 通粉份量亦足! 應該會再黎食lunch!

呢日做野做到攰攰地，就同同事夾份，打電話去呢間野度叫一碟雪菜肉絲炆米、肉絲炒麵外賣，點知一叫要成三十分鐘先到，而且我兜肉絲炒麵的味道真係一絕：係冇味道，同食蠟冇分別，我同同事加埋兩碟野$52落樓，咁我不如去麵包店買豬仔包食仲好。佢地Ｄ嘢真係令我好失望。

每次叫金飯碗外賣都係「鳳爪排骨」, 因為實在太好味。料多, 同鳳爪排骨都係一齊蒸, 所以都會 d 味道, 再加埋甜豉油, 讚!!!如果你堂食, 佢仲會用個鐵煲仔上枱, 熱辣辣, 仲好味~~ 今日仲要4個同事都係食佢