金飯館貳·零 肉餅·焗飯專門店

營業中

休息中

只是炸一塊無肉味的餅今日早餐吾飽，早d搵午飯食，哩個名以前系牛頭角見過，今日咪試下囉。味道(1分)— 蓮藕莓香鹹魚($62)1分     — 接近無鹹魚味     — 肉餅表面系炸的，裡面有馬蹄，但肉系一d肉味都無，唐記$31個肉餅飯肉味都好過佢100倍飯— 蝦頭油肉餅飯($68)    — 真系幾油，但無蝦味，    — 肉餅表面系炸的，裡面有馬蹄，蝦乾等，但肉系一d肉味都無兩樣食完口舌頭都乾曬。環境(2分)— 哩個價錢，比茶茶餐廳裝修差。服務(1分)— 坐低好耐都無招呼，到問佢就比個蒙查查有又掃吾到的QR code 比客人掃碼落單，其他客人亦有同樣問題。— 幾個waitress 真系好亂。衛生(1分)— 見到一個服務員帶手套鋪地毯，之後無洗手亦無換手套就攞食物— 一個年輕人應該剛剛上班，就系大堂即場脫光衣服換工作衣服。抵食— 以咁價錢已經吾便宜，仲午餐時間系無湯無茶，梗次吾抵。

想食好耐，好彩冇失望😎 佢前一排有攪沙嗲牛肉麵任食，都幾多人試，不過我都係對佢個肉餅飯同焗豬有興趣多啲😝😝🍅🐷 蜜桃鮮茄焗豬扒飯 $78見到人地啲相個樣勁豐富📸上枱個樣都真係好靚仔，面頭啲芝士焗到有少少燶🤩夾起發現豬扒份量勁多🥹成大塊蓋滿個飯，要夾走啲豬扒先食到個飯🤣同埋足足有成碗豬扒咁多🥹😋 然後個飯仲要係炒飯底，粒粒金黃又好乾身👍🏻👍🏻唯一少少不足係希望有多少少汁🤣🤣🍚🐷 奧爾良雞軟骨肉餅 $62一見到個肉餅飯有埋隻太陽蛋，即刻要叫🥹佢隻蛋仲要係用蘭王蛋🤩 肉餅有煎香，有厚度👍🏻調味都做得好好，仲咬到有雞軟骨。豬油加豉油加蛋黃撈飯，點會唔好食🤤🥹🤩🍊🧃 柳橙綠茶 +蘆薈 $28佢啲飲品係台式飲品，一邊食飯一邊飲廢水🤣🤣🤣好fun!其實仲想試佢個蝦頭油炒飯🙂‍↕️下次再試！

OT完諗住附近食個快飯，試吓哩間好多好評嘅茶記，雖然環境細而且幾多人，但坐落又唔係迫，牆上仲有展示籃球衫，可唔老闆係籃球愛好者蝦頭油炒飯（HK$88) ，開頭覺得小貴，不過抱住試下心態，一上枱好震撼，巨量櫻花蝦蓋喺飯面，炒飯顏色金黃，睇落好有食慾，一試之下炒飯粒粒分明，炒得好乾身同有油香，但唔會漏，聞同食都感受到蝦頭油嘅味道，除左櫻花蝦，個炒飯仲有大粒蝦肉同飽滿嘅蠔仔同帶子，平時少見蠔仔炒飯，乾身炒飯配搭蠔仔濕潤口感又幾好成個炒飯好滿意，不過份量都幾大，女仔可能要share先食得晒另外叫左波霸奶茶，本身無咩期望，始終係間茶記嘛，飲落都拍得住出面啲台飲店，仲飲到有茶味添，飲唔晒可以拎走慢慢飲

📍 金飯館貳·零 肉餅·焗飯專門店 (旺角)呢間食店主打新式肉餅飯，仲有多種台式飲品，感覺新穎。6點半去到座位就已經9成滿😂😂🥨🥨🥨🥨🥨🥨🥨🥨🥨🥨🥨🥨🔗蓮藕梅香咸魚肉餅飯 HKD62蘭王蛋煎到半熟，蛋汁撈飯一流，肉餅採用偏多肥肉，個人比較喜歡瘦肉，店員還過來力推加豬油😂 （試完係香口嘅，不過真油）🔗蝦頭油炒飯 HKD83一上碟就聞到陣蝦油味🤤🤤炒飯粒粒色澤均勻，令人食欲大增。炒飯料仲有原隻蝦同帶子粒，碟面還有大量櫻花蝦，呢個價錢仲要係2個女仔嘅飯量。總結/啲食物油份充足，的確係香口惹味，不過食開清淡嘅人士（我）真係會食幾啖就覺得膩。而且每碟份量偏多，細食女仔嗌一個飯分享小食都已經夠😌 📌食唔哂打包外賣盒收$2/ 膠袋再收$1

晏就諗住食個焗飯，1240坐低1242落左單，點左個焗飯加杯野飲，野飲5分鐘後後到，隔左15分鐘後個焗飯仲未到，於是舉手問一問店員可唔可以幫我跟一跟個焗飯，其中男店員表示無問題。過左一陣仲未見到我個焗飯仲未黎，咁我再等一等，就見到遲黎既客人既局飯已經到左，咁我再舉手問一問店員，其中一個女店員同我只有大約1米多啲既距離，佢見到我舉手，但就照無視我唔理我，我再叫唔該，其中男店員再黎幫我，我話等左好耐都仲未到1242落單就黎1300都仲未到我就話cut單，之後岩岩無視我個個女店員就即刻話幫我跟，我就同個女店員講：我要cut單，岩岩你見L到我舉手你都無視我，你地越做越衰喎！最後埋單時間1301，呢間野真係越做越衰，從未試過要嬲到要寫負評，以前初初開係好好，亦都經常食，依家真係不了。亦都明白lunch時間好忙，但其實順番點餐次序黎出餐呢樣野其實係咪好難？

慕名而來食佢嘅招牌肉餅飯，可能自己冇留意，原來個肉餅並唔係蒸，而係半煎炸。坦言有點失望，因為坊間靚嘅蒸肉餅飯實在唔多，但如果喜歡煎炸食物應該會鍾意多啲。肉餅口感偏硬，以為有蝦油，原來冇嘅，其實係肉餅內有幾粒蝦肉 😅😅，咁是否着數左呢？沙嗲牛肉蘭王蛋炒飯，真係覺得有點浪費。沙嗲牛肉味道濃，加上炒底已經非常之香口。蘭王蛋係日本靚蛋，食佢正因為佢嘅靚蛋味，靚蛋加白飯，已經非常吸引。 不過現在係加咗濃味嘅沙嗲牛，真係唔知點講好😵‍💫😵‍💫濃味嘅沙嗲影響咗啲蛋味，啲靚蛋黃又溝淡咗的沙嗲味 ⋯⋯ 個炒飯有沙嗲汁已經有點濕，篤穿個蛋黃後，個飯就更加濕上加濕 🙈🙈。個人唔識欣賞，或者下次可以試吓佢其他食物，但呢兩款就一定唔會再食啦。

有其他位都死都叫人搭枱，叫左兩個炒飯 一個沙嗲牛 一個雞扒，尼得一個 另一個催左好幾次 等左40分鐘都無尼最後嬲到cancel左 。d炒飯完全唔推薦 勁咸又炒得油 一個飯加野飲埋單百幾蚊完全唔推薦無下次😅第一次食飯食到咁嬲🙏🏻

一入到去見到有樽豬油喺檯 可以任加喺飯入面🥰味道即刻昇華咗 整體不錯😆蜜桃鮮茄焗豬扒飯加燶邊蘭黃蛋 $78+$15 ✨3.8/5焗返入邊個飯係炒飯底 食落似係即刻炒嘅 粒粒分明 好有蛋香 豬扒好厚好大塊 但係係切開咗嘅 焗飯面頭嘅芝士係雙重芝士 係車打芝士加mozzarella cheese 食落口感都豐富 至於蜜桃應該gimmick only代替咗菠蘿啫 黑松露肉餅飯走蔥 $62 ✨4/5 肉餅入邊有章魚粒 翠玉瓜粒 食落去係厚實嘅肉餅 肉餅上面冚咗一層好厚嘅黑松露醬 黑松露味道濃郁 個飯本身會跟一個煎蛋+椰菜絲 蛋醬撈埋落啲飯加埋黑松露入口勁滿足 即炸魚肉燒賣六粒沙嗲汁 $20 ✨3/5炸燒賣正常普通 冇咩突出嘅位 反而沙嗲汁幾好食

網上YouTube 睇到好多拍片見咁多人話好食就排隊試下去到8點幾 門口都有十幾人排排左3個字入到去點左個蝦頭油炒飯係好食的 都足料另外點左個黑松露墨魚肉餅飯黎到食左一啖已經唔對路個肉餅好紅 口感亦不實淨 咬落去林林地好似生生地食多啖都幾肯定唔熟既豬肉黎嫁喎同侍應反映後 佢拎左入去問廚房廚房堅持話熟喎你出黎食比我睇丫跟住問另外一個戴頭箍老啲既阿姐又話熟講真 真係食唔入口喎我上網睇片人地啲肉餅唔係咁既色喎大佬好生意大哂咩

喺廣華街兜咗一圈見到呢間都唔少人食 最後決定入去試吓🤔 四圍望下人哋食啲咩 最終揀咗一個炒飯一個肉餅😆- 黑松露墨魚肉餅飯肉餅好厚身又大塊 面頭啲黑松露都好多😳墨魚肉餅好彈牙 入面有墨魚粒 呢個都有個蘭王蛋 蘭王蛋就係好食 個蛋邊邊位全部都係脆脆的- 蔥油香煎豬扒蘭王蛋配炒飯炒飯係粒粒分明 但炒飯個味略嫌唔夠出眾 豬扒同我期望嘅煎有啲距離🤨話雖如此 豬扒味道同口感都算唔錯嘅整體嚟講 下一次應該會揀肉餅飯同試下焗飯🤔睇嚟要跟舖頭名嚟揀野食 不過佢真係大大碟 食到超飽😳

試完佢個沙嗲牛麵好出色，決定試埋佢個肉餅飯，因為見佢做埋promotion,食完個飯仲有得抽獎，又有得食，又有得玩，幾開心今次試左個蘭王金沙肉餅，個肉餅好好食，金沙原來係肉餅入面有個蛋黃，仲以為係d蛋黃包住個肉餅添，不佢個肉餅係好食嘅

朋友話li間沙嗲牛麵好出色，仲要有放題，冇理由唔試下可惜遲下黎，已經冇放題了，不過佢個沙嗲牛麵真係好出色，無論係湯底，定係d牛都好好食錯過左佢嘅放題真係好可惜，唔知遲下會唔會再做返呢

某日被一件厚厚的肉餅吸引了眼球！貪吃的我即時捉車爸爸放假去晚餐，在這個市道下於平日仍然要等位的餐廳真的不算多，可幸我們等了10分鐘便可入座。說的正是這間位於旺角廣華街內的金飯館貳‧零 肉餅‧焗飯專門店！一早知道牛頭角本店的大名但地點怎也沒有旺角那麼方便所以才第一次幫襯，內裏裝修是茶記的格局坐得非常親密，不過茶記形式快來快走也不用那麼考究。除了我想試的肉餅外原來還有手搖飲品名叫金茶館，點選食物可以原價減$4我們分別點了百香果綠茶$20及波霸奶茶$18，前者綠茶味清香走了甜亦不覺得太酸挺解渴，後者則有煙韌珍珠口感而且奶味挺濃。蔥油肉餅蘭王蛋飯$56上檯時香氣撲鼻！橙紅色的蘭王太陽蛋加上厚厚的肉餅賣相非常吸引。咬一口厚切肉餅質感好鬆軟亦挺Juicy，肉味不算濃郁帶上陣陣酒香以這個價錢來說性價比算高，加上鹹香蔥油和任添豬油加持下這個肉餅飯我覺得合格有餘。喜歡刈包和鰻魚的我一眼便釘上芝士滑蛋鰻魚刈包$68，刈包吃下質感好軟熟內裏夾著新鮮生菜、嫩溜滑蛋、芝士及半條日式燒汁鰻魚，咬下去口感非常豐富味道不俗，要讚下刈包非常貼心地附有袋形餐紙吃的時候不會跌到一檯也是。這間金飯館貳‧零 肉餅‧焗飯專門店價

今日係平日，下午茶時段去到鋪頭，滿心期待想試下試佢地既如何實現沙爹牛麵自由，點知去到先知已經冇做到任食，同埋去好多menu野都已經冇賣，賣哂，整體感覺感覺偏貴。

這個真的超好吃！沙嗲牛肉煎蘭陵王蛋炒飯！沙嗲牛肉嘅花生味夠鹹香 配埋燶煎蛋一流! 未食過咁好食嘅炒飯 真係超級推介大家去試吓 平靚正之餘等嘅時間又唔耐 好適合朋友聚會社會