銀咖哩

營業中

休息中

食銀咖喱，唔好忘記，佢嘅咖喱先係重點！果份咖喱香！會令你好有食慾！店鋪門面嘛⋯ 哈⋯ 呢間成日經過都誤會佢係新開張咁，真係好樸實啊🙈 都係係門口，輕輕鬆鬆點個餐，拎返屋企食好啲，而且仲係熱辣辣、好好味嫁！打開飯盒，其實都好有驚喜！起碼無諗過佢會有咁多海鮮⋯ 啲魷魚係細咗啲啲，但都幾彈嘅！ 蜆都算不過不失，幾大粒，都有半隻手指公咁大，係咪都算肥美先～ 嗱嗱嗱～ 未完嫁！係咖喱內，仲有2-3粒玻璃蝦嫁哈哈，真係食得人哋好鬼好開嫁啫重點嘅咖喱，香味撲鼻迎面，啲疏菜份量係幾小巧，但同啲飯就好夾，每一口咖喱連飯，好好咁糅合埋一齊，一啖接一啖，好快就食完了！抵食！P.S. 佢係比即食包裝嘅咖喱包好味嫁！所以，係會捨棄即食咖喱包，直接買銀咖哩實際啲，抵食又多選擇嘛，如炸豬扒、炸天婦羅、蛋包飯咁～

以前讀書成日食銀咖哩嘅頹飯，貪佢又平又夠飽。出嚟做嘢之後就無再食過，今日行過見到竟然有少少掛住。宜家返工有錢一於食豪啲，我要食富士山！份量真係好大，雖然啲咖喱汁睇落好似好少，但加埋蛋汁，都叫每啖飯都有汁，八十幾蚊唔好要求咁高啦。而個炸豬扒同漢堡扒不嬲都唔juicy嘅，但今次食好似乾過以前好多🙈

//食物 🌕🌕🌕🌕🌑1️⃣芝士蛋包飯中學嘅時候好鍾意食銀咖哩，今次再戰味道都無變到😛咖哩份量啱啱好，唔會食到好dry ，芝士同蛋係最正嘅組合，加埋茄汁就咸咸酸酸，好開胃😎//價錢 🌕🌕🌕🌕🌑價錢唔貴，三十幾蚊一個餐，份量又夠😍-//位置 🌕🌕🌕🌕🌑喺黃大仙站隔離，好就腳！-//環境 🌕🌕🌕🌕🌑嗰日去到無乜人，位置闊落，慢慢坐吹下水都無問題😂-//總分 🌕🌕🌕🌕🌑