銀座二丁目咖喱 (已結業)

早幾日同個朋友去左九龍城行, 餓餓地諗住食快餐上到去樓上見到呢間咖哩飯店, 因為個朋友怕辣, 最後叫左一個兩人食我地叫左咖哩豬扒飯餐跟可樂, 一客薯角睇住佢即場炸, 炸到岩岩好先上碟, 感覺唔錯薯角係一早炸好, 但都仲好熱, 好有咬口等既時間又唔算好耐, 好快就有得食到拎飯既時候, 個店員問我加唔加燒汁, 但自己唔太中意食, 冇加到反而加左佢地既酸菜, 連埋咖哩飯一齊食, 真係唔錯D咖哩唔太辣, 連朋友都接受到豬扒既炸粉唔算多, 入面又唔會炸到乾曬, 又夠淋, 好易咬得開咖哩入面有紅羅蔔, 薯仔, 牛肉粒, 唔會好辣整體都算唔錯, 咁既價錢已經好好, 最重要係佢既價錢都係同M仔差唔多佢地最平個飯都係 $ 15, 加埋杯野飲都唔過 $ 20薯角加 $ 6 就食到, 豬扒飯都係 $ 27係個環境一般, 好唔慣比行街既人睇住食飯!!

叫左個咖喱豬扒飯($27)先試一口豬扒外層脆得黎唔會硬絕對唔會「銀」口塊豬扒都幾鬆又唔會炸到乾晒算合格咖喱方面就無驚喜同一般食開既日式咖喱味無乜分別不過配料都幾多每羹都會有薯仔蘿蔔絕對唔會楂流灘得d汁至於d飯就係大陸既珍珠米無日本既咁肥呢d比較扁小小點都好過佢就咁用大陸米既總括黎講以咁既價錢食個日式咖喱都算不俗既另外值得一提拎餐既時候竟然問我要唔要燒汁咖喱飯竟然諗到加燒汁落豬扒到咁要咖喱黎做乜

26/11/20086點幾去到都無咩人一個咖哩吉豬飯都係27蚊就叫左一個喇,仲有吉列蝦炸海鮮薯餅,薯角同一隻煎蛋件豬扒脆到個人切落去係"索索"聲飯又軟又香,蛋又靚,d咖哩味又香全部都係日本貨來吉列蝦就少d,得個兩隻下次經過我都會再幫襯100蚊唔使可以食到咁既質素既日本野真係抵

係 openrice 度睇到呢間新開既食店, 早幾日就去試一試下佢啦.呢間食店既招牌就係吉列豬扒, 我就緊係叫佢既招牌啦. d 豬扒都幾好, 幾 juice 唔會好乾爭爭, 咖哩就一般啦, 冇乜驚喜. 不過我最鍾意就係佢 d 飯, 真係日本米黎嫁, 一粒粒好煙 "un" 可能我好鍾意食日本米既關係啦, 整體黎講我都好滿意, 廿幾蚊黎講都叫抵食. 不過可惜佢坐位太少, 同埋個環境坐的唔係太舒服, 所以呢方面又扣返 d 分 lu

本來仲諗住嚟買八爪魚丸,但係原來已經改左做咖哩飯,不過都估到了,因為個商場都唔係好旺,就算係築地都做唔掂,又睇吓咖哩飯可唔可以頂住啦我見一場嚟到,就試食吓個咖哩豬扒飯啦,價錢就幾平,廿零蚊就有一碟了,味道就一般啦,唔係難食,不過唔算太好食,豬扒比較多油,咖哩汁味道只係一般如果以價錢計,都算食得過,但係味道唔算好好!

Curry is a fast-food, but not like MacDonald. Curry have to be seated and eat. At this restaurant, kitchen is serving foods at their own pace and don't care occupancy of tables. So when I received the foods, there are no seat available for me and have to wait for few minutes. Hot food becomes cold, and had a very bad impression to this restaurant. Need a kind of floor manager to manage timing of serving food and occupancy of tables.

又一食外賣的星期日夜晚, 今次試試呢間日本咖喱店, 托阿媽買了個咖喱吉列豬扒飯.打開發泡膠飯盒後見到賣相咁樣, 都有 d 擔心, 不過阿媽話睇住佢即炸 d 豬扒的, 咁都放心 d... 豬扒面層炸漿唔算厚, 雖然開盒至閂盒前後隔了 10 分鐘, 又已浸了咖喱汁及被淋了 d 酸酸的啡色液體 (味道似足0急汁...), 但食落仲幾脆的, 肉亦夠腍又 juicy, 算係咁啦; 咖喱配料有薯仔, 紅蘿蔔及牛肉粒, d 汁甜甜的又帶點酸, 同平日食開的日本咖喱比, 呢個味道怪怪的.唔知幾錢的一盒飯, 食完無乜感覺, 呢度0既出品相信試過就算了.題外話: 忽然諗起早排食友們的 Panda 聚會, 唔知幾時有機會試試0個邊的出品?