銀座梅林 (已結業)

銀座梅林在東京其實巳有80多年的歷史, 總店亦是位於銀座,也是號稱以日本黑豚作賣點!!在日本以及世界各地都有分店,形式似一風堂一樣,大型連鎖分店開得多!!但也是犯上同一的錯誤: 每間店的質素都不一樣,有好,也有差而用上千變萬化形容不只是指上面這一點, 更重要是佢的菜單選擇傾向半自助式選擇,種類繁多,加上數間分店的環境都清幽恬淨,而且也比較大,如果約朋友或客人食飯的話這裡的確是非常不錯的選擇,我之所以選其為心中第二大的吉列店,當中佔大部份就是這原因!!進主題前說一下,BAR檯上也有調味汁自助,左邊的是芝麻沙律汁跟青芥辣沙律汁, 是用來點生菜絲吃的,而右邊的是梅林豬扒汁,當然就是用來點豬扒了!!芝麻沙律汁:就是芝麻沙津醬,極香,幾乎是我食過的吉列店中數一數二的超香芝麻醬青芥辣沙律汁:梅林特別調製,呈水狀,直接說是有芥末味的柚子醋,但是食落感覺怪怪,然而也不算太差,不過不失!!梅林豬扒汁:一般豬扒照燒汁,偏香甜,不過比起勝博殿和井吉,這個汁沒什麼特別!!數星期前跟細妹吃飯,2人點了吉列豬扒三文治,吉列黑豚豬柳定食,吉列蠔定食,巨蜂梳打,還有咖哩汁一碗.巨蜂梳打:太過似藥水的甜味,雖然是自己沖

曾幾何時吹過一陣吉列風，專門店愈開愈多相信大部分人想吃吉列豬扒的話，都會傾向光顧丼吉但我今次介紹的是 銀座梅林銀座梅林在東京是頗出名的所以我更要試試香港的分店銀座梅林以紫色為餐廳的主色每個座位都放上餐具及消毒紙巾跟一般日本食肆差不多桌上有三瓶醬汁供客人吃豬扒及椰菜絲時選配 吉列豬柳定食 (黑豚)黑豚和一般豬柳的價錢相差$30,所以我點了黑豚定食份量適中 對一個女仔來說是剛剛好咬開後有驚喜因為豬肉味很重而我本人不太喜歡太多炸醬這份量的炸醬對我來說是剛剛好的炸醬和豬柳不會分得太開椰菜絲沒有甚麼特別不太有椰菜味 不過很清新及爽脆我加了芝麻沙律汁口味更佳生薑豬柳飯這是朋友點的豬柳是軟軟的 帶點生薑味但生薑的味有點蓋過豬肉味呢跟別的專門店一樣，飯及椰菜絲都可以免費添加銀座梅林沒有讓我失望 水準和丼吉差不多大家可以試一試呀

我是幫樓上網友說出心聲！約2012年暑假後一兩天左右，我們一家三口到過銅鑼灣銀座梅林享用晚餐，當時感覺環境不錯，可惜在點菜後不久就開始覺得 "很嘈" 及覺得女經理禮貌真的有待改善。當時有一略胖男服務員為我們點菜，由於我們是第一次在銀座梅林進食，所以不知到白黑豚分別，後來便向服務員問個明白，最後服務員解答後，我們便點了一個金星豚定食，一個黑豚豬柳定食及一個滑蛋豬扒飯。點菜不久，相信是服務員錯誤將食物落錯檯，女經理即時出口大罵，那服務員不停以笑遮醜認錯，而這經理仍然不停地出口大罵，當時我們一家三口見狀也目瞪口呆，由十分於嘈吵，我們用膳時間約1小時便決定離開，那位經理就嘈足1小時。相信用餐多年來，這是第一次感受到日本餐廳像街市大樓大排檔般嘈吵，自此我們決定不再到銅鑼灣店用膳，而改到尖沙咀K-11店，既然食物質數差不多，為何令耳朵遭殃呢！

早幾天跟友人在銀座梅林用膳，我跟朋友都覺得這餐飯非常好食，但好可惜，為甚麼在這高級日式餐廳會有位應該是經理的人在這大吵大鬧？因我朋友是日本留學生，他習慣了日本的文化，就是在動餐的時候要安靜！那位應該是經理的人很沒禮貌，可能平時都是這個樣子的關吧，那位應該是經理的人是女性,載眼鏡的，而她穿黑色恤衫，應該是經理吧，她安排我們坐位的時候無類語氣和聲調都非常差，好像命令我們必須坐這位置，到我們點餐的時侯，經理介紹店鋪給我們，我們說不需要的時候，她竟然白了我們幾眼，然後黑面離去。算，我跟朋友大方，這種小事影響不到我們眼前豐富的美食，但當我們用膳的時候，那位經理說話真的很吵，又在大大聲罵人，天啊！我們真的忍受不了，大家如果想到銀座梅林食吉列都係去另幾間分店，因為銅鑼灣呢間個經理真係好嘈。希望openrice唔好只係接受正評，因為負評先會另食店作出改善！

有舊同學從美國回來，可是近年尾，大家的工作同約會都排到滿滿的，一大班人的聚會想安排但最後都陰差陽錯，安排不了。到最後，都是弄到要朋友就我，在銅鑼灣一對一地，對食。想坐得舒服一點，大家也談談近況，而銅鑼灣最多的就是日本餐廳。結果我就選擇了食吉列，最近 Sogo 又大家就腳的，就是我好耐都冇黎過的銀座梅林。來到銀座梅林，吃什麼應該都不用多想了，一人一份吉列豬扒就夠哂豐富。中午的豬扒餐就沒有晚上的咁多選擇，沒有黑豚和白豚之分，只有簡單的吉列豬扒餐。講起香港人食吉列豬扒的典故，相信大部份市民的 first experience 都是在一些 local 快餐店食的 吉列豬扒飯，也有時會加上咖喱汁來增強味道。利用了本地的薄切豬，用鬆肉粉 "拿" 到入面塊豬扒腍哂，有時候仲會有一層充滿麵包糠的硬皮，點沙律醬食，這一個就是我們小時候對吉列豬扒的感覺。真正的日式吉列豬扒，該是我幾年前去旺角近又的那個時候才真真正正的體驗到。是日在銀座梅林，普通午餐的吉列扒就只是普通的豬扒，要真正的食好質素的豬扒豚肉，係係要俾百幾蚊，夜晚來食才有上等的豬肉食。吉列皮方面，做得非常之鬆化，而且又夠薄，所以我說，自從當年食過近

星期五晚收左工, 就去搵野食醫肚.. 行過o左 sogo 冇耐就去到呢間餐... 聽就聽過好耐, 終於有機會一試我就叫左炸豬排定食; 朋友就叫左炸豬柳定食.. 成個餐其實好簡單, 一碗面豉湯, 一份炸豬排/豬柳, 一碗飯, 一堆沙律, 同埋漬物. 先講面豉湯, 原本以為係最普通既一碗湯, 反而係最有驚喜. 佢用紅蘿蔔, 白蘿蔔同煙肉做材料, 我第一次飲咁樣配搭既湯, 口感幾新奇, 但可惜偏咸.至於份豬排, 或者我對佢有期望, 反而食左就失望. 炸得一D都唔鬆脆, 而且過左火. 雖然未至於"腍", 但係當你比百幾蚊過黎個為左呢塊炸豬排既時候, 顯然呢個質素就唔係太值. 豬排既肉質就相對豬柳既硬, 但可接受. 整體感覺只係好一般, 由於豬排炸得好乾身, 成餐飯似係食醬汁多過食肉汁 ... 由於去O既時已經比較夜, 餐廳人流都好少... 靜靜地O既環境反而可以加返 D 分...

由於記錯了 Hong Kong Restaurant Week VIP 優先訂座日期，結果遲了一天才上網訂座，心水餐廳早已 fully booked，惟有來届請早 Orz死心不息，左翻翻右翻翻，終發現銀座梅林尚有空檔，聊勝於無，於是匆匆訂座！銀座梅林以往只光顧過東京銀座店和中環IFC店，坦白說，東京的吉列專門店選擇太多，銀座梅林決非首選，個人寧可選歌舞伎町的「すずや」，點一客 とんかつ茶づけ 即可同時滿足吉列豬扒與茶漬飯２個願望。至於香港店，吉列的話，個人傾向丼吉多於銀座梅林；也曾嚐過銀座梅林的豬柳，味道還不錯，只可惜並非想像中的薄切豬柳而是厚厚的一塊，當中更橫陳着半邊肥膏，對腸胃受不得油膩的貓而言簡直是場噩夢 Σ( ° △ °|||)今次再戰銀座梅林，是以往不曾光顧過的銅鑼灣店。翻開 menu，價錢竟比IFC店便宜一截？！奇怪。由於Hong Kong Restaurant Week基本上是固定的signature menu，主菜只有吉列豬扒與免治豬柳２種選擇，由於menu尚有湯、蟹籽青瓜沙律、茶碗蒸、吉列海鮮拼盤（生蠔+魚柳+野菜），末了還附贈鮮果，不想吃得太豐富撐着肚皮離開，故男友

早陣子的曾幾何時，吹過了一陣吉列風，一剎那間，由原來幾近獨市的吉列專門店，開了數所據聞由日本過江的吉列店子，但當然質素參差不齊，本人不是日本菜的達人，對日本菜認識不多，所以至今也未試過全部，直至今天，終於吃了數所比較大牌子的。事關今天想吃飽足一點，獨自一人的來吃吉列，基本的炸功及飯菜，相信已經是可以試得到，事前沒有做過什麼準備，心想都是吃吉列豬扒好了，怎知道一打開午餐餐牌，眼睛瞬間被吉列拼盤定食吸引住了，雖然沒有豬扒吃，但至少也有件免治豬肉，另外還有大蝦、蠔及魚柳，加上其他配套，一定會非常飽足了吧。套餐的吉列也非常大件，絕對沒有因為是什錦，而每件只小小的了事，另外跟足豚肉麵豉湯、漬物、日式茶碗蒸、椰菜絲沙律及白飯，大吃如我也應該會非常夠飽。先來吃日式茶碗蒸，當中的配料也如套餐般豐富，除了冬菇及銀杏之外，也有蒲鉾及挺大隻的蝦，蒸蛋也蠻滑溜，不過也挺多多餘水份，而且味道也是有點過鹹，而當中的蝦不太爽口，銀杏是甘得來帶點澀，只有蒲鉾比較對版，軟腍中帶點煙韌，整份茶碗蒸的味道只能說很普通。豚肉麵豉湯的陣容也甚是豐富，當中有蒟蒻、甘筍、蘿蔔及一點豚肉片，豚肉由於切得薄薄的，是在湯內煮久了來吃也不

每次食炸豬扒飯,無可避免會跟丼吉比較,而到目前為止,無論勝博殿或銀座梅林(其他的不必說了),都給比下去。今日中午又到了銅鑼灣,見到八八八拉麵附近開了家銀座梅林。它在尖沙咀K11開舖時吃過一次,之後都提不起勁想再試。當時已是12點9,好多地方都會好多人,但見銀座梅林係地廬比較靜,於是落去睇睇。結果見到只有6至7成客,就坐上了在半開放式廚房前7至8人嘅長吧枱。未入嚟前,其實喺門口已經揀咗要試午市套餐滑蛋豬扒飯。十分鐘左右送上,連麵鼓湯。買相企理,但夾起一咬,就後悔叫這個飯。點解呢個豬扒飯嘅整法係先炸吉列豬扒,再在醬油內加洋蔥略煮,淋上滑蛋再舖上飯面。豬扒在醬油裡煮煮,無疑可豐富味道,洋蔥滑蛋更把豬扒帶上更高層次。但豬扒炸熟了再煮一下就變成過火,肉質粗嚡了,可惜。廚師應考慮這一點。飯方面是用圓圓的珍珠米,但在黏度上有點不足。個餐連麵鼓湯，用料豐富,有紅、白蘿蔔片、牛蒡同埋半肥廋豬肉,味道清甜,如果湯的溫度高啲會更好。這個餐並無曰式吉列豬扒餐館可自由添加的椰菜絲，但第一次在尖沙咀店食的時候感覺沒有丼吉那樣高質素。沙律醬方面亦不知水準如何。另外,這家豬扒店與其他不同的是沒有自磨芝麻的玩意,我相信

「銀座梅林」在日本很出名，猛龍過江，當然要試一試。因為喜歡星期四午巿套餐，所以特意等到星期四才來幫襯。環境：位於地庫，舒適寧靜。食物：質素一般，炸物有點油膩，豬肉只得兩件，烏冬的份量又太少，反而芝麻汁和青芥辣汁比較出色。服務：可能新開張的關係，店員仍然搞不清枱號，要向一位疑似經理的女士查詢。價錢：60元一個套餐，但質素麻麻，不划算！

是日在下生日,同男友去銅鑼灣趴趴走,本來晚餐是想去吃mr.steak的自助餐,但前晚打去沒人聽,留言沒人回,下午去到話full晒.難道今日真係咁好日??(walk in唔到=.=),咁就轉戰其他地方,咁啱見到呢間野,我男友又話正,其實我已經連續幾日都係食日本野想改下鋸扒,不過見佢讚不絕口,mr.steak又會改期再去,咁就去試新野啦,現在7點半,落到地庫入去,見有好多位,侍應帶咗我地坐張4人台,等我地唔洗咁迫.睇下個餐牌,主打的都係吉列豬,我本來想叫個梅林特選豬柳飯,但男友先說,我就改了別的,發現一個獨立餐牌是吃吉列金星豚定食,價錢係最貴的,見今日大日子就當然放縱吓啦,就order咗吉列金星豚定食和滑蛋吉列豬扒飯(他改口了),再加2串串燒牛柳,落完單後侍應話有吉列蝦送,正!,台面上一早就放低咗韭菜牛舌做前菜,味道有丁點辣,少少醒胃菜,牛舌幾好味之後就一邊影相一邊玩住pad等食,等咗15min,吉列蝦先到隻蝦都幾大隻,旁邊有給沙律醬,男友先吃說不用點醬吃都沒問題,好有蝦味,不過我就係鍾意點,隻蝦大到唔係好識食,又好熱辣辣,他教我先咬蝦頭下面的肉整走個頭,蝦頭有少少蝦膏/蝦腦味但唔多,層粉

之前响沙田分店食過一次，今次去完sogo，先發現原來响銅鑼灣都開左一間，見有大蝦送，又唔使等位，咪試多次。質素一樣高，黑豚肉鬆軟，雖然係炸嘅但係食落唔會覺得好乾身，賣相亦好吸引，生薑燒定食份量好多，我都食唔晒，味道亦唔錯。送嘅天婦羅大蝦亦份量十足，好大隻。成$150食一個豬扒定食，唔算平架，唔想等位時，久不久都會去食一次。

今日同同事見到銅鑼灣新開左間銀座梅林，就入左去試下新野~ 食左好滿意既一餐，要上離寫下 一坐低侍應就送上一杯提子梳打，服務唔錯。我就叫左個吉列雜錦午餐，呢個餐一定唔可以錯過~ 一個午餐可以試齊曬雜錦刺身，大大隻既吉列帶子、炸吉列蝦、吉列豬柳、咖喱飯、沙律、潰物同埋豚肉麵豉湯。好好味~最鍾意係佢個吉列豬柳，外脆內鬆軟﹔而吉列帶子就好新鮮。不過份量對我呢d細食一族離講就大左d ，其實3個女仔share 2 個雜錦午餐離食都夠~同事就點左個吉列豬扒定食，試左一件佢個豬扒，又真係特別juicy 同埋有口感 ^^ 仲試左個芝麻汁，呢個配搭好特別，又唔會搶左豬扒既鮮味~ 佢地仲有芥末沙律汁同吉列汁~食到超full，每人都係百幾蚊，係銅鑼灣呢個位置真係好抵食!~ 下次會同男朋友再離試

昨日因為要去銅鑼灣有拍攝工作，所以便約友人去食晏，本來大家都冇idea要食咩，經過sogo見到有個人派傳單，咁就試下啦。坐低見到個環境好光猛、乾淨，感覺都ok，由於我地差唔多2點先去食，所以唔使等就即刻有得坐低。坐低侍應已經送上熱茶同一杯提子梳打，大熱天時就真係唔想飲熱野，所以就食下杯提子梳打，ok，酸酸甜甜都幾開胃。我就冇睇餐牌就點左吉列豬扒飯，我自己個飯最快到，有飯一碗，面豉湯一碗，一小碟酸菜，一小碗燉蛋及主菜吉列豬扒，上而鋪左好多碎生菜。豬扒好厚身，上菜嘅時候仲有小小煙，中間個塊佢地特登反開，咁就見到個塊仲有小小油光，睇落真係幾juicy，咁第一樣試當然係個一塊反光豬扒啦，一啖咬落去，都真係仲有肉汁係度，冇過多油，豬扒真係幾厚，好有咬口。我習慣先唔點醬汁，試下原味先，好濃嘅豬味，但係就真係冇調味料嘅味道，所以決定點個吉列汁，唔錯，好傳統嘅味道，令你開始想扒飯，酸酸地幾好味。試埋個面豉湯，有啲特別，因為裡面有好多野，有紅蘿蔔，白蘿蔔，同埋牛蒡，個味道真係好唔同，但係我比較喜歡傳統啲味。最後食個燉蛋，淡口味得制，唔係好慣。友人1就點左吉列雜錦配菜就同我個一樣，不過佢就有炸蠔、炸魚、炸