銀座神樂屋 (已結業)

之前一路聽講灣仔銀座日本嘢好好食，不過要早啲去拎位，如果唔係好容易冇晒位難得今日朋友話可以早少少去拎位，終於可以試到12點半左右到大概有三成座位剩餐廳喺酒店裏面，環境真係幾好，有日式和風係嘅味道<香濃滑雞烏冬鍋$85>全部嘅套餐都包嘢飲同埋甜品叫咗個滑雞烏冬鍋，份量都算幾多滑雞鍋除咗雞件之外，仲有唔少配菜，例如豆卜、白菜、冬菇等等，健康得來又幾好食嘅湯底亦都好清淡，好重胡椒味味道其實係唔錯嘅，不過講真佢嘅上菜速度真係慢到癲，閑閑哋都要等半個鐘，叫啲侍應幫手睇吓單都好似冇人理你咁，服務同埋上菜速度都有待改善

我好多餐廳都係好食既食多幾次先開始寫食評 而銀座神樂屋就係其中一間食完再食再食 不停encore到而家都想食既餐廳~~❤️餐廳近年搞左有夜晚放題 我係食過佢午市定食再加無數次既放題 由於本人係大胃王 所以放題低至248加一起跳相對定食大約100多既價錢 係cp 值非常高 加上佢既食材製作質素高質 簡直值回票價!!!!✨✨🤤🤤🤤望望下面既相 唔洗我多講都知有幾出色！😍仲要啲相係唔同次去食既相😂😂睇下我愛銀座神樂屋既程度😆😆值得特別推介必有：豬肉🐷😚(新鮮滑嫩）💫日本生雞蛋🥚❤️（蛋香味十足再配上豬豬😙🤪awesome ~~)壽司🍣👏🏼🤤(帶子爽甜連飯都好好味😋）甜品🍦🍰 😋（綠茶迷再配濃濃牛奶雪糕😚😚😍😍絕配!!）仲要係無限時任食 雖然睇得出佢地人手不足 但都向佢地晚服務致敬 辛苦哂🙇🏻‍♀️🙇🏻‍♀️身為大胃王 都唔能夠食哂甘多個鐘 同朋友食完坐下傾下計 再捧住個就爆既大肚腩走 爽啊!!!!🤣🤪🤪🤪

同朋友睇完戲，行行吓好想食放題。見時間尚早，所以就喺OpenRice度搵吓有咩日式放題可以食。搵到呢一間，可能因為我哋都比較早，大約下晝5:50左右，我哋上到去係最後一個walk in嘅名額。我覺得價錢價錢唔算好貴，同平時出去食放題嘅價錢差唔多，加埋一都係$300左右！嘢食嚟講，打邊爐嘅嘢食都算新鮮。刺身就比起其他放題，冇咁新鮮，但都算係OK嘅。佢除咗刺身打邊爐嘢食之外，仲有好多唔同嘅小食，壽司，種類都算好多元化。食咗大概兩個鐘左右，同朋友已經飽到食唔落。佢仲有好幾款嘅甜品可以俾你揀，有軟雪糕，布甸，抹茶味嘅甜品。我同朋友都覺得可以再encore！

食物質數ok, 刺身都新鮮火鍋都ok但人手完全不足，order杯飲品，等9個字都未有，問個職員，可唔可以睇睇有冇漏單，個高瘦女職員話係要等，我話等左9個字，佢跟住都係個句，冇跟單。如果唔夠人手，建議放部汽水機比客人自己攪。最後係，因為佢冇限時食，叫完第一round後再order既時候, 都係要等半個鐘。

今日公司派我去灣仔分公司做嘢難得同灣仔同事聚一聚就跟咗灣仔同事去一間佢地聲稱性價比好高嘅餐廳食日本嘢餐廳位於Wharney Hotel其中一層午飯時間餐廳都就嚟坐滿人如果你唔齊人職員唔會俾你入座住架牛肉烏冬鍋5件壽司定食🤢壽司唔新鮮，魚生食落一patpat 既感覺，啲飯好似擺咗幾日咁硬🤢烏冬每一啖都好厚粉，完全唔知自己食緊乜嘢，牛肉勁多根，肉質好鞋好鞋，又無味🤢定食送雲呢拿雪糕，雪糕勁甜，真係食緊「雪」糕真係唔明點解同事可以話係性價比高😑😑📍銀座神樂屋🔎灣仔駱克道57-73號香港華美粵海酒店1樓

年青時的我 很喜歡 任飲任食 放題 不需想太多 喜歡吃甚麼 往碟內一掃 大堆食物 送到口中 挺爽吧！年紀大了 國外旅遊 經歷多了 自助餐差劣回憶 現已少吃放題了 更不要說那些90分 120分限時的 趕得像中午吃快餐的 難受 😑😑近日看到 YouTube 某某介紹 這間酒店的 日本餐廳 不設時段的 可吃至關店 環境寬敞 舒適 食品選擇不少 所以 來試一下 希望不會 中箭 🎎🎎收費分四種 分別在涮涮鍋 肉類的選擇 其他熟食 刺身類都相同 我們3人選了個288＋10% 可以吃到牛肩胛肉眼 切很薄 肉味還算可以 這價格來說 絕對滿足 🐂🐂湯底五選二 全日本風味 有水準 🥣🥣小吃款式超多 分前菜 玉子料理 特選料理 炸物 串燒 壽司 刺身 全部 即叫即做 炸物酥脆 壽司 刺身亦鮮味 其他食物亦不錯 只是串燒 上桌時 不是很熱 稍微遜色 🍣🍣 🍤🍤甜點 款式不多 但味道 口感却有驚喜 軟雪糕 只有牛奶味 香滑濃郁 🍦🍦飲品 幾款汽水選擇 🥤🥤沒想到只收＄288+10% 酒店所在 日本餐廳 不會太好期望 出乎意料 食品質量 味道 座位距離 空間寬敞 沒限時的情況 當晚客滿的 但沒太嘈吵 舒適的氛圍

尼間店已食過好多次，食物質素好、價錢抵。但可能之前疫症張人數，店員慣了少客關係。現在的服務員由帶位至送餐哥仔，態度強差人意。帶位自己寫錯性別，會大大聲不客氣咁話自己錯，送餐重好笑。聽到佢話個食客，係咪發爛渣唔食丫？真係唔俾叻尼間店，對唔住自己。我自己唔會再幫襯，各位想俾錢受氣的話。不妨一試！午餐價錢大約：$100-150左右

一入到去有部分侍應個樣同態度已經西到我以為自己得罪咗佢 成個感觀已經好差啲餐具碗碟全部都有肉眼可見嘅污漬，睇到都反胃本身冇expect要佢幾乾淨，但全部餐具都有污漬真係第一次見之後叫咗啲肉，第一round 已經鞋到唔想食刺身唔新鮮，一擺入口嗰下feel到係暖嘅已經知大鍋，串燒熱食連暖都稱唔上，仲要燒到又苦又硬，蟹柳一擺入火鍋就即刻散哂，汽水唔到我哋渴死都唔打算送過黎，越食越火滾終於明點解明明週末都可以冇人黎食本身去洗手間嗰陣女廁唔知點解有男人係入面搞到我唔敢入去，有個侍應就好好咁幫我開殘廁道門比我用，點知明明已經鎖咗門，都仲會有個員工阿姐可以唔敲門用鎖匙開鎖衝咗入黎，真係嬲到傻咗環境衛生員工態度食物質素冇一樣嘢係正常，呢間餐廳真係連少少好印象都唔打算留㗎喎本身我都唔會寫食評，但呢間嘢真係極品中嘅極品

灣仔香港華美粵海酒店既銀座神樂屋一定要book 位先好去，如果唔係一到午市12-1點就好多人等位，環境地方都好大，坐得舒適，平均一個餐約100左右.壽喜燒牛肉烏冬好快就送上，不過牛肉已是全熟，因為一早已浸在湯上，肉味濃亦帶少少牛羶味，有咬口，烏冬份量都唔少，口感煙韌彈牙，仲有隻半熟蛋、金菇同菜，醬汁幾甜幾好味餐可以跟配幾件壽司，但我之前食過就覺得質素一般，不值一加，所以就單點牛肉烏冬就算，份量剛好，因為仲有甜品同飲品最後每人都會有杯軟雪糕，口感順滑，而且奶味超重，想食完再添多杯

從「銀座藏人」到現在「銀座神樂屋」，這店一直在我的私房薄仔中穩佔頭十位。佢哋既食物質素相當高。如果你午餐來吃，一個定食閒閒地百多元，但仍全場座無虛席。Well，午餐時段百多元個餐你只能說是物有所值，如果你晚飯時段來，我可以說簡直係半賣半送，一點也不誇張。佢哋嘅魚生新鮮又高質，其他款式食物種類雖不算十分多，但質素卻很高，好有日本風味。我個人最喜歡佢哋嘅燒雞翼，個味道真係令我有去咗日本居酒屋嘅感覺。另外佢哋有個手打烏冬，香港很少地方有，要留肚一試。$248-$288，放題連火煱，汽水任飲。闊落既座位丶高質嘅食材、全晚不翻枱沒有限時，絕對係同朋友促膝詳談的好地方。每次嚟我都會提醒自己唔可以過飽，更不可浪費食物，要好似日本人咁，夠就好收，做個高質嘅食客。環境9.5/10服務8.5/10食物9.510衞生9/10

非常滿足的一餐，找不一個位是令我失望的，好食到要寫食評。和太太吃晚市，點了兩個定食。想特別點評這個烏冬，壽喜燒湯底一入口非常清甜，配上烏冬、海鮮、牛肉等配菜實在令人不自覺地一口接一口地狼吞虎嚥。但壽喜燒吃到最後時會變得重口味，建議先吃壽司，再把天婦羅放到烏冬中，用壽喜燒湯底稍微浸軟麵衣拌著吃，非常滋味。天婦羅不過不失。壽司有帶子，用好料，這間餐廳是有誠意的。鰻魚飯也是一個不錯的選擇，但首推還是令人驚艷的壽喜燒湯底烏冬！最後不得不提是經理的服務態度一流，眼見佢分身乏術，遞餐托盤收錢應接不暇，但都井然處理客人要求，值得嘉許。價錢方面晚市一人餐連加一晚差不多要$200，經濟狀況許可的話，兩星期吃一餐我是非常樂意的。

發現咗一個灣仔好熱門嘅食晏晝地點😂呢間餐廳超級滿場，如果唔訂位就要等位🥲晏晝$110 到就可以食到set lunch，包嘢飲，壽司，壽喜燒牛肉烏冬，同埋甜品🥰壽司方面，壽司飯好黏身，唔會一夾就散，感覺上壽司都幾新鮮，唯一覺得美中不足就吞拿魚壽司有啲腥🥺壽喜燒牛肉烏冬分量比我想像中大，啲牛肉超多，不過要留意就係啲牛肉如果唔想太老就要盡快夾起，因為啲湯好熱，浸得耐啲牛肉就會太硬，牛肉味都濃厚嘅😇甜品就係超級滑嘅煉奶牛乳雪糕，喺呢度食絕對係一個超級滿足嘅晏晝不過座位來講就有少少迫，二人枱擺完個兩個托盤之外都已經冇位😂食食吓見唔少隔離位都跌晒啲筷子，銀包電話落地下😆😆

每個月總會有一次射波每次射波我都會搵喺灣仔返工嘅best friend食lunch我哋每次都會去同一間餐廳記得成10年前第一次去嘅時候係夜晚食放題幫朋友慶祝生日之後就係呢個BEST FRIEND帶我去食lunch嗰陣時佢哋個名叫做銀座藏人雖然而家已經轉咗名但係佢哋嘅價錢同味道真係不變性價比極高每次食lunch都超級多人等位好在佢哋有得訂位但係一定要人齊先至可以入今次叫咗神樂屋炸豬扒御膳 $100呢個價錢有烏冬又有飯仲要塊豬扒炸得好香口炸得啱啱好，唔會乾入口仲係好juicy仲要包飲品同甜品甜品係綠茶雪糕100蚊喺灣仔食日本嘢真係好抵仲要包咁多嘢location仲要喺酒店入面難怪佢每一日都爆滿座位都好闊落唔會好迫夾枱與枱之間亦唔會好貼

去灣仔想嘆下日式放題，先發現原來近地鐵站華美粵海酒店1樓，有間＜銀座神樂屋＞，提供晚市日式放題，仲有日式任食火鍋，價格都係$248 位起，時間可以由6:00pm食到9:30pm Last order, 非常收引，當然要試下啦!!~火鍋可以自選兩款湯底，我地簡左壽喜燒同豆乳湯底，湯底味道夠濃，味道不錯。火鍋肉類有豬肉、牛肉同羊肉，由於今次我哋主力想食日式刺身壽司同小食，所以選了最平的豬肉。先來兩盤豬肉片，放下鍋輕輕一煮已可享用，肉質薄而滑。外面還有幾款菇類和蔬菜類可以自取。刺身種類不算多，但全部都非常新鮮，尤其係三文魚、帶子同甜蝦，係必食之選。壽司質素同樣非常不錯，特別推薦火焰芝士帶子壽司，帶子夠新鮮大隻，入口啖啖肉，非常肥美。小食推薦有炸蠔、燒帶子、炸蝦、炸豆腐、燒雞翼和炸雞。飲品方面，餐廳仲包埋汽水任飲，而甜品就有三兩款蛋糕和雪糕。另外值得一讚嘅係，餐廳環境夠大夠寬敞，裝修感覺舒服，有別於一般放題餐廳甘迫，而且服務質素不錯，下次有機會一定會再來呵！！

😍位於華美粵海酒店1樓，午餐大約$100-150，但包滿足！物有所值，辛苦番工食好少少值得既🥰 🍚三文魚 魚籽魚生飯 $110 + $15 蒸蛋麵士湯😋三文魚同魚籽都好新鮮，厚切三文魚食落口感超滿足！最有驚喜係個飯低有魚干仔🥰就算食曬啲魚生都唔怕要空口食白飯😂因為本人食魚生飯最怕食到最後要豉油撈飯，所以呢一點加好多分！🍦最驚喜係佢最後會送個甜品，通常都係雪糕，而且係好食既！整體：🌟🌟🌟🌟👍🏼物有所值 👍🏼環境舒適 💪🏼服務有待改善