影片
電話號碼
28890802
營業時間
星期一至日
06:00 - 02:00
以上資料只供參考, 請與餐廳確認詳情
事源我坐在餐廳左手邊，最角落果個2人位。坐坐下，有冷氣機滴水滴到我頭、上身、椅子濕了。於是我提出想轉位，其中一個圓圓地面形的女侍應，好大聲話😡😡😡我，邊有滴水呀？邊有滴水呀？為什麼她不是仔細看清楚，而是無理取鬧我。另外一個女侍應，來看看👀她真的是，證明有滴水情況💦💦💦並關了冷氣機。我原本想好好享用今晚，晚餐。原先100分，但因這次事，不敢再堂食光顧、由100分正面改變為印象負分👎👎👎👎👎👎👎👎👎👎🏿👎🏿👎🏿👎🏿👎🏿態度👎🏿👎🏿👎🏿👎🏿👎🏿👎🏿👎🏿
繼續閱讀
【元朗區】【銀河牛腩牛雜粉麵】入到嚟天水圍幾乎係盡頭嘅天恆地段，可能熟悉我嘅朋友都知道我喺呢邊有過一段過去。因此，當我諗唔到自己要去邊度，又或者個人嘅情緒需要調整嘅時候，我都會嚟到呢度好好咁樣唔開心一下，叫做有個出口。其實由天水圍站月台開始，個腦已經空白咗，本身都冇諗住話去邊度食嘢，新北江都仲有好幾間餐廳未食，但係唔知點樣條件反射之下又會上咗 K76 入去。行吓附近嘅商場，同幾年前嘅變動不大，好多地方都冇乜改動。行到俊宏軒嗰邊，我之前成日食煎炸嘢嗰間嘢都仲喺度，只係勸我唔好食咁多呢啲嘢嘅嗰個人已經離我遠去。我仲好記得啲炸嘢個味道，真係唔錯，不過真係好油。唔食喇，食其他嘢啦，行到天恆輕鐵站嗰邊見到呢間，就入去食。冇咩 idea 想食乜，見佢寫自己係牛腩牛雜麵店，就叫個「牛腩牛雜粗麵」，點知都幾唔錯喎，牛腩肥瘦適中，牛味又香。牛雜就發揮得比較正常，膀位切得比較薄，唔會食到太潺嘅感覺。以求其食碗麵嚟講，呢碗幾有驚喜嘅。叫埋杯「凍檸茶」走甜解吓油膩感，紙杯上嘅，味道正常。夾埋埋單 $47，個人覺得碗嘢嘅質素絕對對得住呢個價。可惜嘅係，我已經唔會再成日過嚟呢邊，畢竟我已經遠離咗愛情。暫時而家忙中有序嘅生活，或者先係最適合我。。。（地址：天水圍天瑞路88號俊宏軒地下G22號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am元朗區 #天水圍 #銀河牛腩牛雜粉麵 #粉麵店 #牛腩牛雜粗麵 #凍檸茶 #牛腩 #牛雜 #1am0820 #1ambackup
繼續閱讀
喺銀河食牛腩飯唔驚唔夠餸，唔可以話佢啲牛腩屬於超好食，但係好多時佢比嘅都係牛筋腩半筋半肉，通常都唔會un or好瘦，當然有時睇下好唔好彩，但係食10次有8次個牛腩都係唔係勁瘦果啲咬唔郁佢個牛腩飯最好係有菜，而且算係多，又夠汁，多數都起碼8舊牛腩，當然都睇邊個師傅，但都唔會勁少，$45一個牛腩飯仲想點，佢算係好抵食，我老公成日話出面啲牛腩飯啲牛腩勁少，食咁多間呢間真係好良心，疫情果時老公都怕佢執笠，叫我多啲幫襯係俊宏軒地舖都幾經常轉舖頭，呢間銀河算係我見證佢開以來都仲生存到嘅舖頭佢飯都大盒，係滿滿的，凍奶茶都唔錯係有茶味佢牛腩麵都唔錯，雲吞食過一次但係冇咩特別，去佢到買野食一定買牛腩
繼續閱讀
牛腩似湯渣，又柴、勝在價錢平民化，用急凍牛腩，湯味精重，食完好口喝，無爽腩和崩沙腩。食完例牌痴牙，環境一般，無炸雲吞，以前有潮州菜脯，依家老細慳皮，菜脯無咗。依家好少幫襯，大喜好少少
繼續閱讀
響銀河牛腩牛雜粉麵買全日超值套餐 $52。平時食開嘅牛雜麵可能得一兩舊餸，呢間有每種餸有3舊。河粉：算滑分量多牛腸：洗得唔乾淨，好多肥脂牛肚：有啲稔牛肺：軟易咬奶茶嗌左少糖，唔知係咪因為咁，味道淡。套餐可以揀魚皮，可惜今次賣曬，揀左菜，菜新鮮夠嫩甜。
繼續閱讀