銀津點心茶餐廳

營業中

休息中

飲茶是可以不分日夜的，所以今晚經過這間點心店就去食返一盅兩件。店舖裝修普通，地方亦不太大，夜晚人流不算多，所以坐得舒服。提供多款大路點心，仲有一人及二人套餐。今晚2 個人叫了5 個點心，1個燉湯。點了一個對女士有補益作用的川弓白芷燉魚頭湯，材料十足，好多人怕這個湯會有魚頭的腥味，但餐廳用上薑及米酒辟走魚腥味，飲落只有淡淡的藥材味，有少少薑的辛辣味，飲落舒服。飲茶當然少不了蝦餃同蝦腸粉，不算突出，但勝在夠熱。炸物就鐘意食蜂巢芋角，用芋泥作皮，豬瘦肉、蝦肉、冬菇等作餡，炸得外皮金黃，表層密佈小眼，形狀象蜂巢一般，外皮酥脆，內層滑軟，餡有微微肉汁。這裡都做得不錯啊。另一伴就最鐘意食灌湯餃，但不是每間點心店都有提供，這裡有一定要點一個吧。賣相不會比酒樓差，雖然餡料不是爆滿，但味道卻不錯，再加點紅醋就更好味。飲茶當晚餐，是要點米氣到肚，點了一盅蠟腸滑雞飯，米飯蒸得粒粒分明，雞件嫩滑卻帶點肥。溫馨提示:1. 全日免加一服務費2. 茶錢每位$3

近期又再瘋狂飲茶，連晚餐都不放過。店內十分光猛，環境企理。水滾茶靚，有普洱、鐵觀音和壽眉可選擇，而每位茶錢都係$3。店員好有禮貌，笑容可嘉。雖然點心上枱先後次序掉轉，應先上鹹點，再上甜點會較好，不過甜品的味道卻有驚喜。蓮蓉西米焗布甸唔會太甜，西米食到一粒粒， 面頭嗰層焦糖味好香，裏面仲有份量恰到好處的蓮蓉。冰火雙槤老公覺得凍好食，如果個皮實淨啲，我相信口感會更好，所以我覺得炸的好食，因脆漿不會厚，又唔會油膩。川芎白芷燉魚頭湯魚頭好滑，啲骨入哂味，湯清甜。上湯魚翅灌湯餃好足料呀！個湯有啲鹹的味道，唔錯！樽仔奶茶呢個奶茶真係好香又滑茶味好濃， 除此之外， 呢個樽仔可以係餐廳飲用，亦都可以外賣，好方便， 因為個樽的設計可以外賣的。比起公式化的大酒樓，有時食下也不錯的。

呢度係賣創意點心嘅，第一次嚟食我覺得好特別。其他傳統嘅點心質素普普通通，正正常常，唔會有伏，不過都唔係特別好食。今次次叫咗個奶黃西多士，煮得好熱，一切落去，啲奶黃係會流出嚟，唔會一塊塊咁樣樣。呢個西多士真係好特別，暫時都未見過其他餐廳有，我覺得大家可以去試呢個西多士。佢好似仲有個係芝麻糊西多士，不過食咗一件就已經好飽，所以今次無機會試。下次再嚟會試下。服務方面，餐廳入面啲阿叔阿姐都好好禮貌，唔該前，唔該後。

蓮蓉西米焗布甸 已經好少地方賣上抬時熱到仲係滾下滾下😂裡面西米夠哂多 但布甸可以再挺身點這個有點過溶 可能本身個吉士調得較稀蓮蓉溫和不會過甜最重要都係食佢面頭焗成的”布甸皮”😋這裡點心種類不算多 但勝在樣樣即叫即蒸熱辣辣送出 質素唔錯流沙包 屬合格之作夠哂流沙之餘有少許蛋黃香👍🏻呢度仲有茶餐廳奶茶飲奶茶好滑 茶奶比例剛好如果茶底再淳厚一點點就完美了叫了飲品仲可以免茶芥 夠哂抵呀整體價錢平絕對抵食仲要免加一6️⃣樣點心加杯奶茶都只係$166

早幾日黎開旺角食飯，旺角都好多野食，之前朋友黎過依間食點心，覺得幾抵食，所以就話帶我黎試。 依間餐廳可以話係fusion，有得食點心既港式茶餐廳。地點方面就偏左小小，所以可能咁樣就一入黎就有位，但食物質素唔差，價錢都合理。 食物方面，點心既選擇就同一般點心舖差唔多，而且佢有二人餐，98蚊揀兩款主食，兩個點心，再加兩杯飲品。因為都幾肚餓既關係，咁我地就叫左個二人餐，再加個菜心、腐皮卷同埋芝麻流心西多試下。 二人餐叫左個鳯爪排骨飯，叉燒腸，燒賣、菜苗餃。飲品我叫左熱奶茶。叉燒腸夠滑，燒賣粒粒都漲卜卜真材實料，腐皮卷都幾脆。熱奶茶都唔錯，茶味濃又有奶香。 食完主菜之後就食芝麻流心西多當甜品。雖然放左一陣，但一切開都仲係好流心，食完個甜品就滿足哂。埋單一人唔使100，抵食。

旺角吃中式點心，餐廳的確比較少。今天發現了一間價錢平民，品質不錯的點心店。我們點了鳳爪排骨飯，蒸飯沒有蒸很濕氣過重，飯還保持微微乾身，鳳爪和排骨很入味，淋上甜豉油，拌好蒸飯，實在太美味。釀尖椒，平時吃的是魚肉釀制，今次這味是蝦滑，甚有驚喜，尖椒少辣，蝦滑彈牙。炸兩腸粉，重點是炸兩仍要脆口，不能軟掉。這裏就做到這效果。金錢肚，牛肚不韌，洗得乾淨無內臟異味。醬汁味濃，爽口美味。甜品點了流心芝麻西多士，是招牌菜，流心芝麻很香黑芝麻味，甜度恰到好處，一切開西多士，流出來的汁，足夠沾滿整份西多，十分推薦，果然是招牌菜。另外又點了焦糖燉西米，熱呼呼的，有椰香味，像有點吉士饀和西米攪拌在一起。上面是燒了一層焦糖，多重口感。

約左朋友行旺角之後附近搵野食因為唔想食飯見有間點心店我地入左去試價錢唔貴門面有好多美食圖片見到就流曬口水呢三款我地都有叫蓮蓉西米焗布甸面頭顏色好靚食落唔會太甜布甸好滑奶黃流沙西多士第一次食流心西多d流沙奶黃好香一切開西多就流曬d「沙」出來養顔紅棗糕賣相好吸引好彩味道都一樣好唔係得個樣蜂巢芋角外層非常鬆化入面d料好飽滿！上湯魚翅灌湯餃加左醋之后個鮮味更出個餃好大隻材料豐富竹炭流沙包唔會太甜個包口感好鬆軟唔錯金蒜鮮蝦春卷呢個超脆口好好食春風得意腸腸粉好滑入面脆脆地瑤柱鮮蝦菜苗餃餡料十足味道清新帶鮮味蝦肉彈牙鵪鶉蛋燒賣呢個傳統點心唔係度度有yummy金珠鹹水角炸到金黃色好香好脆樽仔奶茶奶茶茶味夠香濃口感細滑樽仔咖啡咖啡味道好香濃奶茶王必試食完感覺好驚喜仲好食過米芝連點心店一定會再來食

今日和太太去完花墟後行經花園街，有間食點心嘅餐廳，門口貼有金茶王獎海報，很有興趣入去光顧，店員友善地安排了卡位。地方簡潔，空調舒適。食品選擇多，我們點了晚餐和幾款點心。晚餐先來熱奶茶，入口茶香撲鼻，茶奶比例適中，金茶王名不虚傳!章魚肉餅飯肉香鮮美，飯粒軟滑，燒賣王饀料鲜甜肉汁豐富，優於一般茶樓。鲜蝦腸粉粉皮幼滑蝦肉鲜厚，菜苗餃皮薄晶瑩饀料新鲜，晚餐質量兼備。其他點心亦具水準，雪山义燒飽熱辣美味，西米焗布甸蛋香西米滑溜，蓮蓉清甜而不腻，恰到好處，令人窩心嘅甜品!

食點心以前只會係酒樓，而家好多食肆都會主打點心。因為「點心」除受香港人歡迎，還有不少遊客慕名而來。係先達廣場附近的小巴站留意到有一間食肆名「銀津點心茶餐廳」，黎到旺角又要食lunch, 就決定食呢間啦！餐廳裝修光鮮，枱上餐具十分清潔，呢一點係要讚！雖然唔係好多坐位，但到午飯前已經差不多坐滿。坐低還可以選擇茶類（普洱，香片等）牆壁上貼滿餐廳特色茶，竟然有Wi-Fi 提供，為遊客及食客提供得好貼心。點心要自己係餐單上剔，原來除點心外還有西式食物，點心價錢由$18起, 蒸飯都係$28就有, 真係抵食喎 ! 勁餓底既我點左以下食物：上湯魚翅灌湯餃 $32川弓百芷燉魚頭湯 $48黑芝麻流心西多士 $25飯市一人套餐 $48（鱆魚香菇肉餅飯，白灼唐生菜，熱檸蜜）樽仔奶茶 $23 （外賣）上湯魚翅灌湯餃見到隔離枱真係好大粒就叫左，果然堅大粒，上湯鮮甜，唔鹹，湯餃肉嫩多汁還真係見到有魚翅呀！川弓百芷燉魚頭湯堅足料，湯亦係超級熱辣辣奉上。喜歡食魚頭更加不能錯過，魚頭燉至連骨都食到，口感一流。燉湯無加味精，入口啖啖又香又濃。黑芝麻流心西多士本身都中意食黑芝麻，一切開，濃濃的芝麻蓉已流出黎，好香的芝麻味而且

近年來越開越多點心店，而且好多質素都拍得住高級酒樓，今日就黎到呢間位於花園街既點心鋪試下。見倒好多人都大讚佢既流心西多士，岩哂中意食甜野既我!店鋪唔算大，大約有二十至三十個位，光猛亦乾淨。除左即叫即蒸點心，仲有提供燉湯同小量甜品。一個人食仲可以揀一人餐，有蒸飯，時菜同飲品。鳳爪排骨飯，唔好睇佢好似細細兜，食極都食唔完!排骨好腍而且食落啖啖肉。蟹籽燒賣王，包得脹卜卜好足料啊!有好多蝦，爽口彈牙。名醬蒸鳳爪，醬汁濃郁，鳳爪都蒸到好腍身，一食就已經骨肉分離。上湯魚翅灌湯餃，估唔倒係一間平民點心鋪都會食到咁高級既食材，裏面真係有一梳梳既魚翅，餡料仲有冬菇同豬肉，上湯亦好鮮甜，絕不馬虎。黑松露脆蝦腸，每一舊都有香濃既黑松露味，炸得非常香脆。奶皇流心西多士，一切開就見倒好澎湃既流心，奶皇餡仲加左蛋黃，多左一份鹹香，中和番流皇既甜味。西多士新鮮炸起，外脆內軟。呢間點心店雖然外表平平，但食落非常有驚喜!

平時飲早茶飲得多，飲夜茶都係第一次開頭都擔心細餐廳嘅點心出品，會唔會同平時酒樓差好遠但係食完之後發覺，原來細鋪嘅點心水準一樣可以好高呢度嘅環境同一般酒樓好唔同，冇平時喺酒樓好嘈好迫嘅感覺，坐得幾舒服呢度嘅點心種類好多，但係見價錢都唔算好貴，而且佢唔收加一，只係每位收咗三蚊茶錢黑芝麻流心西多士呢個西多士嘅流心好誇張，我哋一切開就已經流到成個碟都係黑芝麻醬芝麻醬唔算好甜，但係外面炸得好香脆第一次食流心嘅多士，我哋都好好奇點樣可以整得咁好食竹炭流沙包同蝦餃啲蝦餃大大粒，最重要係啲皮整得好薄好滑，同平時食到有啲好厚皮好粉嘅感覺完全唔一樣流沙包做得好好， 一搣開個包已經D奶黃已經想流出嚟，個餡唔太甜蜂巢芋角好少喺酒樓見到呢款點心表面炸得好酥脆，內餡除咗芋頭蓉仲有啲肉碎其實我唔係特別鍾意食呢類點心，但係呢款點心做得幾出色，我覺得幾好食瑤柱鮮蝦菜苗餃同蝦餃一樣都係大大粒，仲要勁多菜同樣做到皮薄餡靚，我覺得幾好味叫左個二人套餐，兩盅飯加兩個點心都只係$98我哋揀咗鳳爪排骨飯同埋章魚香菇肉餅飯兩個飯都份量十足，個肉餅飯加咗啲肥豬肉一齊蒸，肥瘦均稱，食落口感十足蜜汁叉燒腸同蟹子燒賣皇同樣係大大件份量，食到

突然想吃點心，但是在旺角區酒家的選擇實在不多， OpenRice查一下，這間茶餐廳的好評蠻多的，決定一試我是很喜歡吃西多的，港式西多的弊病就是有太多、炸粉太厚，為了健康身形問題始終比較少吃。現大家都極力推薦這裏的西多，還要是奶黃流心，就決定跟同事分享，順便平分一下罪惡感 西多不由、炸粉很薄，一切下去，金黃色的奶黃就像噴泉一樣不斷流出來，鹹鹹香香的配上西多非常好吃，價錢也合理，這個質素絕對值得放縱一下 。另外，它的西米布丁也不錯

今晚同朋友放工後到旺角行街買野，路經花園街見到呢間專食點心的茶餐廳，就入來食晚餐。餐廳入面不算太大，客人都多，今晚都坐满人，我地等了一陣才有位。點心由自己在菜單剔，全部即叫即蒸，新鮮熱辣辣辣。蟹籽燒賣皇，豬肉肥瘦適中，有隻大大的蝦，肉質嫩滑多汁，新鮮出爐，香氣撲鼻。芋粒蒸排骨，排⻣份量多，底的芋頭蒸得淋身入味，肉質嫩滑鮮甜，入口煙韌彈牙。竹炭流沙包，黑色的包入面有淺黃色流沙蛋黃，一咬開就緩緩流出，熱辣辣而香甜，麵包鬆軟美味。韭皇鮮蝦腸，每條腸粉都有兩隻大蝦，腸粉滑溜香甜，是用布拉制成的，入口即溶，點䜴油食味道好夾。川弓百芷燉魚頭湯，足火燉湯，藥材份量多，川弓百芷味道濃郁，滲入湯中，魚頭味道清甜。上湯魚翅灌湯餃，湯底清甜，灌湯餃皮薄餡靚，餡料有大菜，豬皮等，嫩滑多汁。熱柚子蜜，清甜解膩，柚子味濃郁，香氣散發。

喺旺角花園街呢度見到個咁光猛既燈牌, 非常吸睛, 埋去睇睇知道係食點心既茶餐廳, 本身鍾意去茶樓飲茶既我地, 緊係即刻入去食啦花旗參竹絲雞燉湯 - $48見到有燉湯可以叫, 叫番盅花旗參竹絲雞燉湯先, 非常清甜無味精, 而且湯料都好豐富, 可以食埋銀津蝦餃皇 - $32皮薄餡靚, 絕對唔會比茶樓既輸蝕, 而且佢價錢非常親民😍每粒蝦餃入面都起碼有2隻新鮮大蝦架😋樽仔奶茶 - $23近年都有好多茶餐廳用樽仔奶茶, 因為唔洗比d 冰粒沖淡晒奶茶既香滑味道, 而且可以減輕水吧部既工作量👍白灼唐生菜 - $20食點心都要食番d 菜中和下😂白灼夠晒健康👍好驚食d 菜好油膩瑤柱鮮蝦菜苗餃 - $25同蝦餃一樣既做法, 一樣見到非常皮薄餡靚, 薄到見到d 餡料😂每隻都一樣有2隻蝦同d 菜, 好爽👍布拉白腸粉 - $20即叫即蒸, 非常香滑👍但就冇得配埋麻醬海鮮醬一齊食, 有d 可惜黑芝麻流心西多士 - $25見到餐廳門口有呢款咁特別既西多士, 入面個餡係黑芝麻😍味道就好似食緊芝麻糊咁濃烈😋👍

呢晚係旺角見到呢間銀津點心門外好似幾多嘢食咁，價錢相宜就入咗去啦。呢度嘅茶位每位3元，估唔到呢個價錢仲可以選擇壽眉、鐵觀音、普洱不過就唔係每人開一壺好嗰種，而係一個大暖水壺果種！餐牌嘅點心價格約$20幾-$30幾左右，而且仲發現咗好抵食嘅一人套餐/二人套餐我地叫左個二人餐 $98 有飯、腸粉、兩款點心同兩杯熱飲煎蛋牛肉飯蛋熟左d，不過牛肉餅比山竹牛肉嘅彈牙。蜜汁叉燒腸叉燒餡料都算幾多，不過外皮就厚左dd鮮蝦菜苗餃 /3粒潮州粉果嘅外皮，配埋啖啖蝦肉，足料好味。蟹籽燒賣皇大大粒幾紮實有蝦肉。熱奶茶、熱菜蜜奶茶個茶底都幾濃。上湯炸粉果 $25炸嘅粉果都係第一次食，粉果炸得好酥脆，有西芹、蝦仁等餡料，附雲吞味道上湯。魚翅灌湯餃 $32細細個就最中意食灌湯餃，呢度大大個，有豬肉、蝦仁、等。湯底係菜湯果種清甜。奶黃流沙西多士 $22流沙包我就食得多，流沙西多士都係第一次。切開奶黃流心漿就湧晒出黎，感覺都幾夾。