銀龍茶餐廳

營業中

休息中

係銀龍茶記食下午茶。點咗個$吉列魚柳意粉。用咗中電優惠卷。即係免費。個魚柳肉質鮮甜。意粉好彈牙。好大塊。好抵食。加埋杯港式香濃熱奶茶。個下午茶無得頂。餐廳環境好重八十年代香港電影聲光大道Feel。誠意推介。

因為中電有優惠卷$50。可以係銀龍茶記用。我個人點咗個下午茶餐。椒鹽肉排飯配薯角。折後價只需付$11。椒鹽肉排飯好重椒鹽，但唔辣。肉質好美味。薯角加入亨氏蕃茄汁。滋味無窮。杯奶茶好香濃。

呢間好多分店，裝修都好有特色，好多香港明星嘅海報。環境都唔錯，寬敞舒適，平時落嚟食下午茶都會揀呢間嘅奶醬多士或者牛腩河粉，有埋嘢飲。服務都ok，落單好快，上菜都幾快

眨吓眼又一星期，放假喺屋企食乜好，求奇叫個魚蛋粉頂下肚，味道都唔錯，有傳統魚蛋粉感覺味道 Taste：😋😋😋/5服務 Service: 🙂🙂🙂/5消費 Spending：$50 /人 Person推介度 Recommendation：4/5

成日起身只想食清啲既粉麵類銀龍就滿足到我🤭最常外賣都係叫一碗魚蛋米線加份奶油多士/奶醬多士😍碗麵有成4.5粒魚蛋，2件魚片幾好味，個湯又唔會無味奶油多/奶醬多都唔錯。

我今日年初三點唸住食下外賣啦，點知道就出事啦，酸菜鯛魚片好似滾水煮熟噶咁，點芥蘭炒牛肉就畀個唔知道咩菜我，如果無心機營業噶，不如唔好做啦。以前都做得幾好，變外賣後就越黎越差

好耐無去蘇屋邨，見佢重創左，諗住同屋企人去行下啦。之前都食過银龍質素可以嘅。但依間個四眼男職員落單態度惡一般，我哋12點入去食午餐都無乜人啦，吾知佢點解輸錢咁嘅態度，好趕咁款。叫個蒸魚話吾要魚尾，佢又話未必得架播🙄間間都可以，最多人吔會客氣D講`我哋盡量啦`👎👎👎👎而抵讚係杯奶茶落少少甜佢有跟足👍但個短髮女職員就好有禮，又主動問小朋友要吾要碗仔👍👍👍👍食物方面整體可以，蒸魚新鮮味道OK 。

公司附近食午餐，不用排隊就想立刻食完快些回公司工作。干炒牛河鑊氣不夠，導致色香美都不太吸引。河粉口感比較爛不夠乾身，生抽老抽不夠令顏色不夠深，味道比較淡。牛肉炒得比較老，非常韌。最吸引我還是，餐廳提供的辣醬，立刻解決了味道不足的問題。份量還可以，一個大男人也吃得飽

同鄰居嬏嬏去咗銀龍茶餐廳。因為我有中電$100消費卷。所以我地點咗約$118兩個餐。嬏嬏食海南雞飯。我點咗鼓油皇准山炒麵。個海南雞飯金黃色。賣相非常好。准山炒麵賣相都唔錯。個麵好軟身。但份量唔係好夠一個男人食。個海南雞雞肉鮮嫩。彈牙。屬上等食材。個飯軟身易入好。個老火湯好足料。杯熱奶茶最正。最有茶味加上非常滑溜。但係有位男服務生態度一般。我本想先埋單，但佢話一定要走之前才可以埋。但話語中好悔氣。個橫裝好有八九十年代電影院 feel。印有天王巨星海布做牆紙。

因為間餐廳係我屋企附近，所以都有去食幾次。初頭都覺得OK，因為都只係去食個早餐同埋下午茶。但前日去食lunch，點個是日午餐（首先先講明先，佢每日都有唔同嘅lunch餐，真係好麻煩），原本以為係鹹魚蒸肉餅，點知係一舊舊嘅鹹魚「煎」肉餅，仲要無鹹魚味，連鹹魚都無。咁我都算，當我眼殘。點知佢好L油，成個盆都係油，仲要淨係得個三塊餅，每塊都淨係差唔多3cm咁大塊，碗飯就幾勺，個下真係好嬲。個餐加埋野飲用左我$60幾，完全唔值。服務生態度都好差。如果唔係逼不得已我誤會再去呢間野作賤自己銀包。

蘇屋邨重建後 商店陸續開幕，地舖多了幾間新的餐廳，今日試了其中一間叫銀龍茶餐廳。這間餐廳很多地方都有分店，但這間新店裝修有些不同。 新店的裝修比較新穎，而且很有趣，是模仿 80年代。 牆上掛了不少八九十年代歌名的霓虹燈。平日早餐時間不算多人， 但假日就比較難找到位置， 要齊人才可以入座。早餐的選擇有很多， 除了茶餐廳日常的麵類，包類和三文治， 還有中式湯粉麵如雲吞麵牛筋牛腩麵等等， 適合一家人不同需要。今天我們試了好幾款早餐。菠蘿包餐 ($22)菠蘿包份量頗大， 外層是微脆（ 再脆一點更好)， 內裏很軟熟。沙爹牛肉麵餐 ($34)牛肉頗腍， 沙爹也很香口。 這個麵餐是跟炒蛋和迷你牛角包， 炒蛋算滑，不過不失。 牛角包真是太迷你， 一口已吃完。三文治餐 ($27)(烘底+$2)餐肉蛋三文治， 味道還可以， 但麵包太薄，冇乜口感。 烘底不算太脆。牛筋河粉餐 ($35)中式湯粉麵反而是最好的。 湯底夠 濃味， 河粉也相當滑。 還要讚牛筋 煮得非常軟熟和入味。飲品 熱檸茶正常， 奶茶茶味比較濃和苦，淡奶多一點會較好。整體來說， 餐廳裝修特別，食物和服務不錯， 價錢合理， 不妨一試！

尋晚係朋友家慶生玩board games玩過夜。早上早左起身，就同其中一位朋友落樓下商場搵食醫肚。我地分別叫左個A1(金妹火腿通粉+西煎雙蛋+法國牛角酥) 同埋A5沙嗲牛肉公仔麵+香滑炒蛋＋法國牛角酥)。A1(金妹火腿通粉) 火腿煮得Ok既，個湯幾夠味，所以通粉吸收左湯味後就唔會淡茂茂，唔錯。西煎雙蛋+法國牛角酥個蛋煎得太熟，蛋黃太實，唔係甘好食。正常茶餐廳就算煎唔到流心，都可以煎到蛋黃保留有D軟身，但依個太實啦。而牛角酥係迷你版，最慘係細得黎唔酥。A5沙嗲牛肉公仔麵個沙嗲牛肉公仔麵都有幾多牛肉係上面，用料幾足，而且牛肉好入味。但可惜係個麵。個麵好似都煮透甘，食落口仲有DD未熟透既質感。香滑炒蛋＋法國牛角酥高牛角酥站著多講喇，個香滑炒蛋好似浸咗油咁，勁多油。最奇係佢放左甘多油，竟然一點都唔滑，食落口只有油味。

新開張諗住試一試 好多人食不過有個女職員唔知係太多野做定點 脾氣臭到一個點 講野又唔耐煩 又無禮貌 又串人 搞到一坐低就好想走不過另一個男職員態度幾好 同埋為左試食一次 所以忍住左野食款色唔算多座位間隔有啲奇怪野食味道ok 不過不失如果唔係個女職員既話我都覺得尼間野都ok不過第一印象比個女職員破壞左 以後應該唔會再黎了唔想食個野都比佢串比佢呼喝