錦尚甜 (和富道)

營業中

休息中

係北角食飽晚飯想食個甜品，搵左好耐先搵到一間係和富附近。鋪頭細細，入面得3，4張枱，但係個餐牌就好多選擇。兩個人分別叫左榴連雪花冰同芒之世界。榴連雪花冰份量足夠，側邊仲有木瓜同香蕉，木瓜鮮甜。但係榴連味可以再濃郁啲。芒之世界就有三款迷你芒果甜品，芒果布甸，芒果糯米糍，同芒果小丸子，岩曬我呢d三心兩意既人啊，三款芒果甜品都夠新鮮同鮮甜，食完真係飽上加飽，十分滿足啊！

(^▽^)夜晚去男朋友嗰頭~咁就梗係佢負責帶路去食糖水啦佢帶左我黎E一間~地方唔太大 得4張枱，但人唔多 個個唔洗等位就入到去了估唔到細細間甜品店，但有好多唔同種類嘅甜品中式西式都有 原本諗住食窩夫，侍應姨姨話冇曬漿，可惜原本係出面食要成50蚊嘅窩夫，E度只係3十幾蚊，難怪冇曬最終簡左一個套餐加一碗甜品D餐: 雜果丸子涼粉 ($37) 跟餐仲簡左2粒芒果糯米糍太開心咁食左 唔記得左影 XDD 糯米糍我食嗰粒就好酸，但我男朋友嗰粒就ok嘅~不過不失啦但碗嘢一開始係幾好食，但耐左應該因為d涼粉浸落個芒果汁度，變得有d苦紅粉戀人 ($38) 唔錯唔錯草莓味唔係好甜好假嗰隻，係真嘅士多啤梨味。入面除左士多啤梨，仲有龍眼、益力多味爆爆珠、啫喱同西米。好豐富啊，E個真係唔錯嘅甜品推介

話說我同朋友一行五人去食甜品，因為唔夠位所以店員安排我哋坐四人嘅卡位，一個朋友坐主席位。甜品味道同質素就不嬲都麻麻㗎啦，但係區內嘅甜品舖並沒有太多選擇，所以諗住粗粗地去食下，志在聚下。食畢，我同朋友繼續傾計。我要強調，嗰日係閒日，冇人等緊位。傾左大概10分鐘，店員不耐煩嘅樣子同我地講:「唔得喎，你哋咁樣坐真係唔得喎，我咁樣抱唔到啲嘢食出去喎」。利申，坐主席位嗰位朋友係比較高大。因為我哋傾多一陣都會走，我哋就認一句「得啦，我哋傾多陣會走。」點知過咗未夠5分鐘，店員又皺哂眉頭走過來話「不如你哋坐出去啦，你咁樣我真係拎唔到甜品出嚟呀」。最後，因為息事寧人，我哋就俾錢走啦。而呢間舖頭由頭到尾係冇人講過一句「多謝」㗎。首先，係呢間鋪嘅店員安排我哋坐我哋嗰個位，如果會阻住佢哋拎甜品出嚟，會唔會一早都已經知道啊？睇嚟佢哋唔係好熟佢哋間鋪嘅間隔🤷🏻‍♀️第二，會唔會係我哋食完甜品再傾一陣計先覺得我哋阻住呢？我個朋友一路都坐係個個位個喎。會唔會係唔鍾意人食完甜品繼續傾計呀？第三，使唔使咁樣嘅態度先，過門都係客，我真係第一次食甜品食到好似做錯事咁。五個字，「請我都唔去」。無謂受氣😌😌

夜晚等朋友，喺北角呢個無商場hea嘅地方，等人真係無咩地方好去，結果見到呢間糖水鋪就入去啦～細細間，位唔多，深夜時份會開多幾張枱放路邊高水準🌟腐竹煲到溶溶地，啲大豆味出哂嚟，再加上白果薏米中和一下口感💯即叫即炸，黃金色熱辣辣不過太鹹，䜴油落得太多，美中不足其實呢間店喺天后有間大鋪係北角呢間細細地行小店風#小店街坊風糖水鋪

好多時去港島區食甜品都係銅鑼灣同天后，呢晚試下去北角，呢區嘅選擇唔多，搵到呢間夠多款式，中式西式、糖水雪糕都有。睇哂個好豐富嘅餐牌後，因為個餐牌冇寫實際有咩，唯有問下店主，知道呢個幾乎係純芒果，就試下，有雪糕、芒果肉、柚子、芒果汁、布甸......真係好芒，如果濃味啲會更正。我吔仲叫咗個西瓜為主嘅，實物比餐牌嘅淡色，冇芒果嘅咁吸引喇，主要係西瓜蜜瓜加小丸子同椰果，食落就淡淡地，只係消暑嘅話係唔錯嘅。

剛才去食甜品,落完單才發現落錯單,已馬上告知女店員放下食物時粗聲粗氣,吃途中仲要講:客吾係大晒嫁,佢老母都吾知有冇教佢.我走時,女店員仲要用寧厲眼神望我。女店員態度超差,以後不會再光顧。。已經去相關部門投訴。

大熱天，有時也想食熱甜品！是晚選了椰皇燉蛋白（熱），一上枱見到個樣已知出了事，直頭突然心情低落，大家也知道，食甜品是令人開心，但.......今晚真的比它破壞了！其實，在店內聽到叮一聲已知出事，應該是噃叮令到蛋白變老！蛋白明顯已離晒殻，邊位目測也見變老了！食落當然又鞋又老，不是味兒......椰皇味欠奉，感覺椰皇只是個器皿而且！

4月份係豬仔牛一 ，是日和他去揀選生日禮物 。Shopping過後，又攰又口乾，我提議去試試屋企附近間甜品店《錦尚甜》。平日經過店舖，見細細間, 都几多人幫襯，質素應當唔錯, 今日就趁機一試先 ！我倆實在太口渴嘞，齊齊首選凍飲~1.彩虹芒椰配紅豆西米大杯裝 ($24x2) :  若搭配兩樣甜點，需另加3蚊，一齊揀咗紅豆+西米露。飲第一啖，感覺超冰涼潤喉 ，非常足料 ，有好多芒果粒粒、jelly等，加咗椰奶攪拌成泡沫，口感濃郁幼滑,  至like呢種泡沫感覺 。綿密紅豆+QQ西米撈埋芒椰，竟然成為絕配 ，中泰合壁，香香甜甜, 不消5分鐘，便畀我ko了 ！2.楊枝金撈($32x1) : 開始對芒椰有癮 ，望住menu啲相, 心思思想食個甜品 ，又要有雪糕球嘅 ，呢款楊枝金撈絕對啱晒我地 ！有椰奶又有勁多芒果肉 ，西米粒粒夠爽口, 美中不足嘅係雪糕似係沙冰球，西柚亦帶點苦澀味 。下次要再飲再食，甜品一樣要叫返芒椰，唔要西柚，撈其他嘢先得！巧想試下呢度嘅心太軟，睇相辦好大份啊

食完晚飯，去左樓下呢間糖水鋪。去到冇咩人，叫左份<<錦尚至尊>>，主要以芒果，西瓜，奇異果，哈蜜瓜四種水果。不過似乎唔夠凍，可感小弟鍾情凍食。再配以紅豆，芒果雪芭等等，賣$38。我自己其實覺得幾貴，性價比唔算高。先說紅豆，食落口比較乾身比較硬。不過生果都算新鮮，分量也算多。本以為它只是雪糕，食落先知是芒果雪芭，雪芭內有少量芒果粒，算係最有驚喜的。說說這個雪芭，比起雪糕入口冇咁易熔。而且也比較有質感。

It was a hot stuffy day, and after having a light lunch, it wasn't long before my stomach started growling. Hence, with my friends' suggestion, we headed to the nearest place for an icy treat.As a clean eater, I would always try to avoid all sugary and starchy desserts like mochis and puddings. Instead, I opted for the mixed fruits with herbal jelly, which was accompanied by a choice of fruit juice (I ordered kiwi juice for the sake of its vitamin C content). At my surprise, the shop accepts ord

有晚突然想食甜品，行行下見到個燈箱寫住甜品鋪，就二話不說入去試下，感覺好似許留山，餐牌都好似！我同老公叫左芒果布甸同紫米露加小湯圓……嚟到面前有d驚喜，因為晤至一個布甸重有個芒果雪糕加芒果肉！芒果好甜，雪糕硬度好似雪芭一樣加上熟透的芒果肉一d都晤酸！一個字“正”~紫米露又係一絕！湯圓煮得好彈牙之餘，椰奶同紫米好香，甜度岩岩好！因為住附近所以之後每次想食甜品都選擇哩間

食完火鍋揾個甜品食下經過呢間錦尚甜甜品鋪試下鋪仔细细全滿，老闆娘開張枱向門口比我地餐牌好多選擇，主要係芒果楊技金露，上面唔係雪糕係雪有牛奶味入口即溶，撈埋幾好食，芒果幾甜. D西柚麻麻笀果布丁小丸子，布丁幾滑，小丸子都唔錯芒果椰汁紫糯米，椰汁超多, 紫糯米普通外賣合桃糊，合桃味道唔夠濃, 麻麻地股務唔錯味道都0k，最喜歡一份甜品包含有包含有兩種或三種味道, 啱晒香港人心多多嘅選擇

團購瘋系列 – 雖說不上是甜魔一族，但也頗喜愛以甜品當午餐，近日就從網站發現公司附近開了間主打芒果甜品的店子，而且還推出半價優惠。實在太好了，又可以有藉口以甜品當飯吃，所以亦立刻買下了現金券。由於網站規定每人最少買入 3 張現金券，所以就先獨個兒來吃頓甜品午餐。座落於和富道的「錦尚甜」，店子以鵝黃色調為主，裝潢十分簡樸，帶點家庭式小店 feel。 由於店裡甜品選擇多達十個系列，由皇牌芒果精選、開心撈、布丁系列、彩虹芒椰以至滋潤燉品等都有，而且不同種類又有不同款式，所以雖然來之前已先在網站上閱讀過店子餐牌，但入座後仍不忘再細意研究一番，一於落足眼力慢慢揀。由於筆者亦是個愛芒之人，決定點客芒果開心撈 ($30) 作午膳。其實所謂芒果撈即是以自家製芒果雪葩墊底，面層再鋪上多款新鮮生果，當中包括奇異果、士多啤梨、火龍果、西瓜球、蜜瓜球、哈蜜瓜球、椰果及芒果等，材料非常豐富。芒果雪葩入口冰涼清爽，而幾款水果亦新鮮甜美，吃來清甜又不膩口，當午飯吃，既可滿足甜胃，亦夠曬健康。之後又找了個平日，拉著老公來陪我一起吃甜品下午茶。由於上次吃的芒果甜美多汁，所以這次先點了款從相片看來，樣子十分精美的芒果

六月下旬‧晴我不是甜品人，不過天氣實在太熱，見這間新甜品店的彩虹冰只16元，進來一試。幾甜的，白色的是椰汁，黃色的是芒果汁，綠色的是蘆薈。最正的地方是夠凍，感覺夠爽。小店，看來也有不少街坊支持的。