錦麗 (已結業)

今日中午約左舊老細食午餐聚舊，有同事話未食過錦麗，結果成班人行去坑口食錦麗。好彩舊老細一早攞位，我們唔洗等就入左去，但門口排緊19幾人。4個人，分別叫左2個綜合粉、2個咖哩牛腩飯，2杯椰汁冰同咸檸青檸梳打，再加左2隻樜蝦，成枱$290，但有人請。我食綜合粉，一如往常牛丸、牛腩、生牛加上芽菜、香葉都好正，粉好少。而同事話咖哩牛腩都好淋，咖哩唔辣好香，杯飲品就ok啦，天氣熱就好正，不過今日天氣涼左，商場又凍，所以對凍飲無感覺。而樜蝦好一般，要加成$20，下次未必食。

鍾意食牛嘅人，會好鍾意食呢度嘅牛丸越南河粉。因為佢啲牛丸嘅牛味好重，即係有一種動物嘅熏腥，同事都覺得好正。我自己就麻麻，因爲我本身唔係好頂得順牛羊嗰種腥味。所以，我係呢間食河粉有名嘅店叫咗咖喱雞飯 :0)佢話係Vietnamese curry嚟，但其實感覺同泰咖喱無咩分別。但係，真係勁勁勁好食。好香，好熱，雞肉好多，薯仔煮得好淋身，索哂啲汁。連我同事都話覺得好香，望落好想食。環境都幾好，裝修幾靚，好評。

Phole is known as the best pho in Vietnam but personally I like the North American ones as the broth tastes different.The pho is ok here with a glass of herbs, not bad but just not my cup of tea.I didn't like the pho they used but the broth was ok.

錦麗被喻為胡志明市最好食既牛肉粉，係太興集團管理質素仍然穩定，還記得上一次於apm試時，人流多不勝數，若不是友人喜愛吃越南粉，更不會排了半小時試吃🤦🏻‍♂️🤦🏻‍♂️是日晚上來到將軍澳，錦麗門前不再看到長長人龍，無他，香港人心態，新野試完就走人，但我仍然覺得錦麗的主打魚露牛肉湯絕對是推薦的🐂🐂😍😍 故自己入座後點了主打「錦麗綜合牛肉粉」味道依然很好☺️☺️錦麗綜合牛肉粉 經典招牌牛肉粉，湯頭是新鮮牛肉湯再加上魚露及特稠香料，入口甘香。參考建議食法，先將越式香茅、香葉、九不里撕碎，再混入芽菜及青檸汁🍋🍋，混合再嘗湯，清香帶甘甜。至於綜合牛肉配料，牛丸爽口彈牙、牛肉片半熟嫩滑惹味，牛腩煙韌軟腍，始終是老牌子，錦麗味道仍然不變😌😌😌

錦麗越南粉開到香港，食過兩間，將軍澳呢間平日七點前去都唔使排隊。湯夠熱，雖然有少少油，綜合越南粉有齊牛丸，生牛肉同熟牛肉，一次過試晒。熟牛肉比想像中冧。湯底我最喜歡加好多配料，大量青檸汁。最好係可以向侍應要熟芽菜。飲品方面推介崩大碗，清甜解渴。飲過椰青崩大碗及雪梨崩大碗。椰青崩大碗可能太寒涼，女士建議不要多飲了。

【錦麗】在1970年於越南創立，有40多年歷史，被《華爾街日報》譽為「胡志明市最好吃牛肉粉」。2017太興飲食集團將錦麗引入香港，短短2年間在港已有8所分店。今天到將軍澳工作，時間不多，便來錦麗吃個便捷午餐。餐牌選擇不多，並沒有素食款式。點了"大蝦扎肉撈檬"，認為比較容易挑出肉類，可分給同事吃。撈檬配料豐富，除了蝦及扎肉，還有生菜絲、青瓜絲、銀芽 、甘荀絲 、蔥粒及花生碎。不過比較特別的是加入了肉鬆，吃撈檬還是第一次見到。魚露甜酸汁另上，份量足夠，撈檬味道正常，混合了所有配料口感豐富，吃下酸酸甜甜，感覺清新。唯一敗筆是兩隻體積不大的剝殼"大蝦"，其蝦腸完全沒有經過處理，黑黑的倒插在檬粉上，看了實在令人大倒胃口。餐後到食評網翻查，想看看其他人的撈檬有沒有同樣問題。看罷55個食評，竟然全部都是吃越南牛肉粉的，沒有人點過撈檬，看來是筆者選錯食物了。同事點的"錦麗綜合粉"是店內招牌貨式，一碗有齊生牛肉片、熟牛腩及牛丸，芽菜及香料以小杯子另上。同事認為熟牛腩及牛丸非常美味，可惜湯頭沒如想像般濃郁，河粉煮得比較淋，質地不夠滑溜，有點過譽了。

呢間越南嘢成日有人排隊今次終於試試佢有咩特別🤔錦麗生牛肉粉 $63牛肉上碟嘅時候係有過半都係熟嘅生牛肉粉嚟講就熟咗少少不過都算唔太韌 但就無乜特別小米糕 $38幾特別 無食過呢個越南小食質地少少煙韌 甜甜地咁 味道不錯凍越南滴漏咖啡 $30滴漏住咁上碟 係熱咖啡自己加落冰唔係太識咖啡嘅我就覺得無乜特別了

平時見呢度咁多人排隊，今日特登黎試吓有咩咁好食。排隊等咗大概五至10分鐘到，就到我哋，入去侍應都好有禮貌，舉手都好快應我地。餐牌嘅選擇唔多，大部份都係河粉。我哋叫咗個錦麗綜合河，同埋煎蝦餅。等咗大概5分鐘到就上，個綜合河牛肉份量好多，但係河粉嘅份量就好少，食到最後都唔係話好飽，而且個湯唔夠熱，入邊嘅生牛肉淥到最後都唔熟，我都唔太敢食。入邊嘅牛展好大舊，牛丸都算彈牙，但係啲湯就好肥，唔敢飲啲湯。至於個煎蝦餅，煎得到香脆，咬落食到粒粒蝦粒，而且彈牙，都係人手打嘅味道。不過總括來講，我覺得個河粉除咗個牛丸同牛展之外，質素真係麻麻地，唔太明點解啲人成日排隊。

之前在九龍灣光顧過錦麗一次，覺得牛丸都不錯所以這次就帶老公來試試啊～～～這次要排隊候位一陣子，輪候速度都算快！為了牛丸，這次我就點了牛丸粉而老公未試過，就推介他先試綜合粉吧！看看有哪一款配料較對他的口味～另外還點了大蝦扎肉米紙卷～～～大蝦扎肉米紙卷，有2件，size適中餡料豐富爽口，但米紙卷的本身則不夠清爽蝦肉尚算彈牙卻沒什麼蝦味靠沾醋汁才有味道！牛丸粉，就是為了那充斥於口腔之中的濃濃牛油香牛丸的牛味濃郁又沒筋，有足5粒牛丸，大大滿足個人食慾！湯底同樣的香濃得來帶點甜而不膩～綜合粉，上次我試過了就不多說老公試完之後，同樣覺得牛丸是相對的出色總括而言，再來吃越南粉的話應該都只是會選牛丸粉啊～～下次可嚐其他小食啊！

六十幾蚊個什錦河，啲料少得可憐，個湯得個咸字，食完口乾，好大機會有味精。牛丸你以爲三粒，點知原來每粒一分為二，即係一碗野只得1.5粒牛丸，勁。牛腩有三片，鞋過洗碗呀姐對手，吞落肚果下條食道比佢磨親。生牛肉無味又切到薄到紙咁，好刀法呀。六十幾蚊碗粉，啲粉少到一個女仔都食完唔飽。我真係唔明點解仲咁厚面皮加一服務費。水要自己出去斟，仲要用即用即棄紙杯，隻杯個size 十足驗尿嗰啲杯，又唔環保。落單就要自己寫落張紙到。真係好好service。食完一次無下次。

經過見到東港城開左錦麗，午市時間冇人排隊，立即去試試，首次嘗試叫了個綜合粉食！有生牛肉，熟牛肉，牛丸三個餸！湯底好重牛肉味，一啖份跟一啖湯咁食，好正！！生牛肉好味，熟牛肉有點硬

錦麗呢間餐廳 第一次食時係觀塘apm當時我地係最尾2碗河粉 癲到係賣哂今次係將軍澳坑口 再會一會佢個牛丸佢個生丸真係我暫時食過最好味既牛丸超濃牛味 入面好多汁 真係瀨尿牛丸咁😂入面有啲一粒粒透明既 可能係啲牛丸汁既jelly所以一食落口 就會溶化？先會咁多肉汁而且佢地個湯頭都好重味 但又好清澈一定係煮左好耐男朋友就叫左錦麗綜合粉有生熟牛肉加牛丸而佢個牛油雞翼都神級好味炸得好香 雞皮係超脆 牛油味超香 仲有少少蒜蓉 真係想追黎食

老公想食個快，於是黎錦麗食個越南粉夜晚18:00 鋪內冇乜人，直接入。鋪面裝潢簡單，並不是行華麗路線。我嗌錦麗牛丸粉，老公嗌錦麗綜合粉配越南滴漏咖啡等左大概5分鐘左右，全部都黎齊了佢附上左杯芽菜、內還有四分一個青檸及幾粒辣椒把青檸汁滋落麵裡，然後將整個杯都倒進麵內湯底有種牛骨湯底味，令人一飲想再飲多啖內有五粒大大粒既牛丸牛丸彈牙，仲食到有牛筋粒，好味!粉是爽口的，唔係一餅餅錦麗綜合粉有生牛肉，牛丸，牛腩自稱是牛魔王的話，一定很喜歡。滴漏咖啡，老公話幾好飲

我也是那種看到食肆門口排隊會即刻掉頭的人。這裡人客流通快，六、七個人的短龍，運氣好的話有時三兩分鐘就清掉。不常吃越式河粉，上次初吃時對住那杯香葉青檸，幾乎有丁點束手無策，幸好桌面那張墊底紙印了建議食用方法，誇張點說簡直是循循善誘。愛吃生牛肉，但總怕在湯裡熟得太快，唯有嘴裡一邊吃，手裡兼顧生牛肉不要泡在熱湯裡太久，心裏總有點壓力。今次寧願選牛丸，愛其肉味濃，中間混了些半透明煙韌顆粒(其實是什麼來的？本地牛丸裡沒有見過)，入口過癮，湯底同樣清甜，吃來卻比生牛肉輕鬆，免了心理壓力。這次的座位隔著玻璃向住店外超市出口處，眼睛水平位置做了遮擋，與外面路人毋須你眼望我眼，卻同時通過稍下位置透明玻璃部份看到人來人往，竟有點置身水族箱外的感覺，路人就等同各種姿態的魚類，在面前游來游去。上佳座位，可遇不可求。

係將軍澳上完堂已經有啲晏諗住快快脆脆搵個嘢食食咗佢就算數點知發現原來呢邊雖然多商場而且多食肆但係其實等食嘢嘅人一樣好多由裝修開始見到呢間錦麗 到而家經過見人相對唔係太多於是就入去試吓越南河粉由於真係太肚餓所以諗住簡單買兩個越南河粉試吓佢於是就帶咗一個普通嘅錦麗綜合粉同埋錦麗牛丸粉其實等嘢食等得相對耐嘅等左大約10至15分鐘先有嘢食上發現其實佢有教你點樣食越南河粉其實步驟同平時食其他河粉一樣只不過佢會叫你先飲一啖湯試真啲佢湯底嘅味道先至再將配料放落湯都幾得意終於有嘢食啦首先出場嘅係錦麗生牛肉河粉牛肉好大塊啊而且份量都唔少湯汁幾夠味加埋配料尤其係九層塔同檸檬汁配合得好好呀到牛丸河粉其實個湯汁同上邊生牛肉河個湯汁一樣嘅至於牛丸食落去都算彈牙同埋其實個湯汁入晒味 只不過食完之後就覺得冇乜特別比我嘅感覺只係譚仔嘅河粉版所以下次都係食返生牛肉河算啦