錦麗

營業中

休息中

TLDR總結：無咩事唔好入嚟食呢間，好似得罪啲店員咁，搵苦自己食...之前食過yoho嗰間唔錯，所以推薦外國嚟嘅親戚食下越南餐，點知中伏：上餐超慢，服務態度極差，已經係平日去，新開張都咁…..呢一餐叫咗2個兩人餐加3個自選小食，後加一人餐。落單之後野飲上咗兩杯加兩人餐嘅其一碗主食，等咗好耐先上其中一款小食：椰汁糕。一人餐叫咗一碗雞絲扎肉香濃雞湯金邊粉，加單仲上得快過第一份兩人餐嘅第二碗。我哋係兩三個人分一碗，兩碗食完又等咗一陣先上第一份套餐嘅小食拼盤。我哋同一時間落單兩個兩人餐，兩份都有包小食拼盤，正常應該係一齊上曬兩份？但唔係！隔咗好耐終於上曬其中一份兩人餐嘅野食但係如果平時兩個人去食嘅話，都要等幾耐先可以同時間開始食，唔建議大家去啦！對面有四枱遲過我哋入都已經食完翻咗一次枱，我哋落單嘅野食都未到齊。本身出面有條隊，都已經入曬嚟都未上齊主食。其他枱有叫招牌粉配油炸鬼，明明遲過我哋入座同落單，佢哋啲野食仲早到過我哋。仲以為要等佢哋啲食材喺越南飛過嚟。6點3左右到餐廳，6點半左右落完單，20分鐘後先上到一碗粉，7點30分先上完所有食物。用咗差唔多成個鐘先上曬所有野食，冇人接受到掛？？一人

晚市二人套餐 $2322主菜+1小食拼盤+2嘢飲，又飽又滿足！香茅咖哩牛腩飯送上嚟幾精緻，咖喱香濃細滑，白飯溫熱軟糯。牛腩都幾大舊下升級越式蟹•肉餅蕃茄湯檬粉+$8蟹膏餅惹味，蕃茄濃郁香甜，加上爽口彈滑嘅魚餅，大推 ！特色小食拼盤有金絲網蝦春卷、越式蔗蝦、越式蒜蓉牛油雞鎚同香茅豬扒，全部都香口惹味脆卜卜，一個餐有咁多嘢食，抵呀！椰青•椰汁糕 +$25椰汁糕香甜爽滑，淋上椰奶，多咗陣鹹香。椰青糕比較特別，味道清甜，質地易散，入口多汁，值得一試。椰汁三色冰 +$14入面係大粒硬身嘅紅豆、細粒軟身嘅褪衣綠豆，同埋爽彈鮮綠嘅珍多，口感豐富，香甜解渴。另一杯係熱蔗汁，較清甜，越式餐廳先有機會飲到。

係東薈城shopping完就睇睇有咩食 原來新開咗錦麗 n咁多年前食過一次 記得湯底唔錯 所以今日就再試吓啦 不過都幾多人排隊要等位 等咗15分鐘左右就入座啦✨錦麗生牛肉湯河 $78同之前一樣個湯底好清甜好好味 不過個份量唔多 一定要叫小食✨自選小食+ $25/一款 $46/二款 $60/三款越式蒜蓉牛油雞鎚/越式蔥油雞翼/椰青椰汁糕呢三款小食都唔錯 雞翼雞鎚好香好入味 而椰青椰汁糕好清甜可以去到食完雞翼雞鎚嘅油膩感 可以試試

收工後同同事喺附近食啲嘢先返屋企佢話呢間好食 見東涌新開咗 所以我哋就去咗食喇我未食過就梗係要食下佢啲招牌菜啦越式霸氣招牌粉入邊配料有牛小排，牛尾，牛筋同油炸鬼我就揀咗金邊粉底嘩 好豐盛呀！油炸鬼點湯食真係一流 吸曬佢牛肉湯嘅精華😋越式蟹肉餅蕃茄湯檬粉蒜蓉牛油雞翼 每隻雞翼上邊有一小粒牛油 睇起上嚟都覺得好邪惡呀🤓 外皮夠曬酥脆 雞肉嫩滑大蝦扎肉米紙卷外皮煙韌 入邊仲有粉絲大蝦同扎肉 口感豐富酸芒班蘭糯米卷 呢個甜品可以最後叫上 預15分鐘左右佢同樣都係使用米紙卷嘅外皮 但係入邊就變成咗班蘭味糯米飯同埋芒果 班蘭味好香 配搭新鮮椰青椰汁糕 食咗咁多重口味嘅嘢 食返呢個甜品就啱哂啦 清新之選 加埋個椰漿先係重點！越南雞蛋咖啡朋友話喺新產品之前冇見過 佢即刻叫黎飲賣相好特別 好似有個焦糖燉蛋喺個咖啡上邊咁飲落好香滑 雞蛋嘅甜味中和左咖啡嘅苦 唔洗落糖 👍🏻

第一次食錦麗😍🍲次次行過都見到有人等位，一於黎試下佢究竟有幾好食😋食越南菜多數人都係食生牛河，但我唔鍾意食牛所以試吓越式蟹肉餅蕃茄湯檬粉。不得了超好食🥹🥹🥹一定會為咗呢碗檬粉返嚟！蕃茄湯酸酸甜甜好開胃，而檬粉亦都冇河粉咁飽食晒成碗仲可以試吓其他嘢👍🏻👍🏻👍🏻食埋雞翼同油菜，啱啱好夠哂飽菜心好靚，之後已經聽到隔籬枱話菜心賣晒啦。椰青好大個非常解渴本身諗住試吓甜品椰汁糕不過飲完個椰青已經滿足晒🤣

今日收工去東涌買行山用品，順便就去東薈城搵食。其實時間已經係接近8點，一路沿住電梯上到7樓，見到8點都仲有人排隊，而美食廣場又無乜人，感覺跟大隊一定無死，反正都好耐無食過越式湯粉，二話不說就走左去排隊。 8點時間都仲要排隊，感覺唔簡單。等左大概10mins，就有位，流轉都幾快。餐廳坐滿曬人，但d座位有好闊，用餐環境好舒服，而且店鋪裝修都幾有越式風味。點左個胡志明綜合粉，入面有牛腩，生牛肉肥牛，兩粒牛丸。牛丸帶d牛筋，咬落去好彈呀，而且好有牛味，食完個後勁都好香，而且都幾大粒，唔錯唔錯！而個生牛肉夾上黎的時候仲係紅紅地，響d湯度搞兩下就熟曬，火候真系控制得好好。餐廳仲有較我點樣食呢碗麵，個牛肉可以用特製醬汁去加重味道。真心係好食。而個牛腩就好淋，好入味。至於個河粉，索曬d湯汁，好有牛味，而又唔會因為索太多汁而一夾就散，我成抽夾起都無斷，真系好考廚房功力。另外散叫左個拼盤，有牛油雞亦，蝦春捲，豬排同蔗蝦四種小食。個牛油雞亦好正，好重牛油味而且好脆口，咬落去好似食薯片咁，極力推介。另外個蔗蝦都唔錯，食到去錄蔗先係重頭戲，咬落去好香甜，估唔到真係可以食。哈哈最後點左杯椰汁咖啡同個甜品。椰汁咖啡

想試好耐，不過每次去一係排長龍一係太早last order (8pm) 所以今次專誠早啲到希望試到一去到full house 證明應該唔伏，等左10分鐘左右就有位，叫左佢招牌PHO同軟殼蟹，確實吾錯，湯底好有去左胡志明市既感覺，油條同軟殼蟹係有heart, 但生牛河就唔見有生牛肉整體尚算不錯，東涌終於有間有質素既Pho食下次會再來

放假入嚟東涌行街順便探朋友，朋友話商場入面有間新開嘅越南菜。位於商場7樓，錦麗喺出面仲有幾間分店，但一路都未試過。假日都仲有午市套餐，分別有湯河、撈檬、咖哩同越式飯。越南菜必叫生牛肉湯河，蟹餅扎肉蕃茄湯檬同咖喱香茅豬扒飯🤗🤗 香茅豬扒炸到好靚，越式咖喱椰香十足，略嫌有少少甜。蕃茄湯非常濃郁鮮甜，蕃茄味唔會太酸太甜啱啱好，亦都好足料。有唔少蟹餅扎肉仲有豆卜。個湯飲晒都唔會頸渴。仲加咗越式青檸梳打同滴漏越南咖啡！估唔到味道都幾出色，無論賣相同味道都起碼有8分。出奇嘅係連鎖分店都做得唔錯，亦都可能因為東涌呢間新開，質素保證得幾好。

與朋友放工後到東涌呢間越南餐廳食飯，呢度好近地鐵站，好方便。環境都好舒適。價錢都好平，好平民化。呢個係越南蟹膏飯，好香濃嘅蟹膏香味，配以蝦肉，蜆肉，非常之鮮味。好香濃嘅湯底。小食拼盤，有雞翼，豬扒，春卷，同埋蟹棒，味道好好食，豬扒炸得好香脆，雞翼煎得好卜卜脆，好抵食嘅小食拼盤。炸軟殼蟹，都炸得好香脆可口，蟹肉好彈牙，好好味。好友越南嘅風味。牛油果香芒沙律，我非常鍾意，好清新可口，芒果好好新鮮好香，牛油果配搭得好好食。三色椰汁冰，好香濃嘅椰汁香味，再加啫喱，非常地道嘅越南特飲。呢個甜品賣相靚之餘，都非常好味，好香濃嘅椰香，有趣卜卜嘅黃色一粒粒嘅脆片，配搭得非常好。佢仲有好多特色嘅飲品，都好值得試。仲有套餐，好抵食。

錦麗東薈城7樓 開左唔係好耐作為新市鎮 港珠澳大橋 香港國際機場及三跑 嚟緊仲會有好幾個大型酒店，商場都會喺赤鱲角一區建立 東涌會越嚟越好住 近年都多左人入去東涌置業風味二人套餐 $232特色小食拼盤 包括金絲網蝦春卷 越式蔗蝦 越式蒜蓉牛油雞鎚 香茅豬扒安格斯火車頭金邊粉 呢個要另加$30 因為好足料。 安格斯牛小排 牛筋 扎肉 熟牛肉 牛丸 個朋友食到極飽 牛之盛宴 香茅豬扒雞湯金邊粉 雞湯味道比較清 個人認為淡左D 不過還可以 豬扒就出色 椰汁三色冰 ＆ 青檸梳打越式椰青椰汁糕兩個心心相印 配上椰汁漿 酸芒斑蘭糯米卷錦麗 (東涌)東涌達東路20號東薈城名店倉7樓703號舖

東涌新開越南菜🐰同朋友叫左2人套餐$232包越南主食2款+特色小食拼盤+風味飲2杯因為叫左套餐仲可以加配小食自由選$46/2款。🥕越式霸氣招牌粉+$18⭐️⭐️⭐️⭐️⭐️一上枱飲左一啖湯先，勁濃郁既牛味好正，河粉口感不錯，有安格斯牛小排重牛味，牛尾炆到淋晒，牛筋炆到好淋勁易咬非常適合🐰，油炸鬼即炸出黎好香口，再漏落湯度再食又有種食響鈴既感覺，仲可以索晒d湯汁黎食更加正👍🥕酥炸軟殼蟹撈檬⭐️⭐️⭐️⭐️☆原隻軟殼蟹，多蟹肉，炸到好酥脆香口，撈檬仲有青瓜絲、胡蘿蔔絲同埋肉鬆，撈檬附上既汁微酸微辣偏甜，完全適合5食得太辣太酸既朋友仔哦！🥕特色小食拼盤⭐️⭐️⭐️⭐️☆有金絲網蝦春卷、越式蔗蝦、香茅豬扒、越式蒜蓉牛油雞翼，全部都炸到好香脆可口，越式蔗蝦需要少少牙口去咬，食完蝦肉再咬到甘蔗既清新既感覺好得意。蒜蓉牛油雞翼真係好重蒜蓉味，勁正。🥕越式蔥油雞翼⭐️⭐️⭐️☆☆真係放左好多蔥油，真係好香，不過會有少少油膩。🥕椰青椰汁糕(2件)⭐️⭐️⭐️☆☆係用大菜去整，淋上椰奶，整體不錯不會太甜，椰青幾清香。🥕椰汁紅豆冰+$14⭐️⭐️⭐️⭐️☆重椰汁味，甜度適中，紅豆夠淋。🥕清甜甘蔗汁(凍)⭐️⭐️⭐️☆☆不會太甜，偏清新，淡淡既甘蔗香。🥕蟹肉牛

一直都好鍾意食錦麗嘅牛丸，之前要去到元朗至可以食，而家東涌終於有分店啦😊😊星期六日同埋紅日嘅東薈城非常之爆場，間間食肆都好多人。今日平日約咗朋友食下午茶。新店好乾淨，地面座位都好乾淨，員工好友善有問必答。做嘢好快手上菜速度好快。位置好坐可以慢慢食吹水。下午茶一個粉加份小食，份量就一個正常食量女仔食係足夠。生熟牛肉河粉生牛肉好食😋個湯清清哋好夾法式燴火頰肉飯賣相好得😆😆個汁似紅酒汁加牛腩汁🤭少少甜好好食重點係啲似好淋身，啖啖都係汁配飯一流。馬拉𦾟時蔬菜都好新鮮加埋馬拉𦾟醬好好味個醬好食過自己喺超市買到嘅好多，呢個好正宗。幾個女仔好多小食都想試最後叫左個小食拼盤，有四款小食。有春卷、雞翼、豬扒、蔗蝦樣樣炸物都好出色，即炸熱辣辣上枱👍🏻👍🏻推介蔗蝦😋😋紫薯春卷紫薯控必食，入面完整一舊紫薯配埋個薄網食啱啱好。要試😊😊脆皮牛腩入面舊牛腩好厚啖啖肉，出面層炸粉好薄身🫠最後甜品時間椰青糕、斑蘭糯米卷斑蘭糯米卷值得一試，出面層糯米皮好薄包住芒果加埋椰絲椰汁。口感好豐富好夾。我哋每人都叫左椰汁三色冰，好足料好飲。而家東涌食嘢又多個好選擇😋😋

呢間好多人推介，今日就即管去試下。。圖一豬扒煎太陽蛋飯大大碟，而家賣相 非常討好隻太陽蛋仲要燶邊㗎😂 豬扒煎得惹味而且 完全唔乾 好有肉汁，篤爆隻太陽蛋蛋汁加蔥撈落啲飯度簡直淡淡滿足😎😎圖二 越式拼盤一共有四款不同食材， 雖然唔係四款都做得好好味 但係我最欣賞就係嗰兩條蔗蝦🍤🍤圖三主打越南河， 湯底固然之濃郁， 而且飲落甘甜， 牛丸勁彈牙， 可惜生牛肉浸得太耐 搞到熟曬冇咗軟淋淋嘅口感， 下次都係唔好影相快啲食有著數。。圖四係咖哩牛筋飯， 勁香椰汁嘅咖哩， 係好香同好滑 但係好似食緊啲馬來西亞嘅咖哩感覺。。 就係好似同越南餐廳唔係好夾囉， 不過係好食嘅。。

火車頭好有水準，湯頭好清甜，食得出真係熬好多個鐘而唔係味精嘅鹹，就算配料都好認真好高質，有安格斯牛小排、牛筋、扎肉、熟牛肉同牛丸，未試過食一碗火車頭係配料仲多過河粉！河粉好滑，唔係油林林嗰隻。整體黎講質量好高， $99一碗絕對值！沙律選擇唔多得兩款，所以揀個清新消滯嘅越式雞絲扎肉牙車快，賣相幾靚，味道正常。主菜係香茅咖喱醬燒牛肋骨，可惜佢冇跟法包嘅選擇，只可以加配油炸鬼，因為都怕油膩所以冇配油炸鬼。成尺長嘅牛肋骨，啲肉都有兩吋厚，起初都驚會韌，點知原來炆得好淋，肉質好軟，某啲位置仲連住少少肥膏，個咖喱係東南亞嗰種，偏杰身嘅。如果跟飯，呢個汁送飯一流！飲品叫左杯牛油果生椰乳，椰乳好香滑，已叫左少冰，但黎到都係略多冰。杯飲品好多牛油果肉，加埋椰乳同cream，一口氣已飲左半杯。東涌冇乜好食嘅越南菜，呢間我會再幫襯！

東涌outlet食越南菜風味二人套餐 $2321️⃣特色小食拼盤金絲網蝦春卷 金黃色外皮包住彈牙蝦肉正！越式蔗蝦 一隻手指嘅size配上越南甜辣醬非常美味爽口越式蒜茸牛油雞鎚、香茅豬扒 2️⃣安格斯火車頭河粉 +$30正宗越南牛骨湯粉熬咗23小時 先飲一啖相當濃厚！再配上安格斯牛小排、牛筋、扎肉、熱牛肉及牛丸 油花均勻甘香嫩 十分惹味3️⃣火車頭飯 +$12香茅炸猪扒、路邊煎蛋、薯角及雞翼鼓油加蛋汁撈飯！豬扒入口鬆化 配埋蕃茄同青瓜一齊食refresh 就無咁dry4️⃣椰汁三色冰 +$14香濃嘅泰式椰汁加入Q彈粉條～透心涼5️⃣玫瑰龍眼茶配料好多越式椰青椰汁糕 $36椰青糕口感清爽味道香甜，消暑一流！椰汁糕清甜滑溜重有陣陣椰香～清甜甘蔗汁 $32藍蝶花青檸梳打 $36錦麗 (東涌)東涌達東路20號東薈城名店倉7樓703號舖