錫蘭 (滙景廣場)

營業中

休息中

今日諗住一個人黎食個快早餐，一入去同收銀講「一位」，無反應，我當佢聽唔到，咁咪再大聲啲「一位呀唔該」收銀呀姐呼喝我「直行入去啦…」我行到入去，第一；無位。第二；侍應睇到扮睇唔到，完全無人理！我行返出去，問收銀呀姐「無位喎，你意思叫我坐邊？」呀姐大聲兼夾呼喝態度：「見到有位你就坐啦」…..我聽完真係火都泥，問返佢咩態度，佢仲一副不耐煩嘴臉🤷🏻‍♀️🤷🏻‍♀️我真心覺得食完都驚背脊骨落，直接走人！其實平時都覺得呢間餐廳啲侍應同收銀態度好差，今日直頭嘆為觀止👍🏻呢世都唔會再幫襯，野又唔係特別好食，仲要咁態度👎🏾blacklist

而家搵食艱難，冇乜特別事都唔想寫負評，不過今次實在太嬲，要不吐不快。我同老公都係街坊，平時都會喺匯景搵嘢食，之前間唔中都有幫襯錫蘭，但係佢哋一直有個問題，就係凍飲要加$3都唔緊要，不過超過一半都係冰，我地同其中一個staff反映過，想要凍檸茶走冰，不過佢哋話唔走得，咁冇問題，我地可以少冰，但係杯凍飲嚟到之後，啲冰都係超過一半…然後其中一個短頭髮嘅女侍應話，原本杯檸茶係熱嘅，所以要放好多冰落去令佢變凍…又唔見其他茶餐廳係咁樣，成本都唔係咁樣慳，我哋決定以後都唔會再嚟呢間食，啲嘢又唔係特別好食，特別係個海南雞，勁鞋，應該係我食過最難食嘅海南雞飯。

侍應服務態度極差，行入去無人理都唔緊要 就當無爆場所以任坐 大把空位，不過得一兩張係執好咗枱嘅。坐低之後舉咗5分鐘都扮睇唔到叫落單，等到個白頭髮侍應嬲爆爆咁走埋嚟問「你想做咩架？」，即刻打咗個突答佢「落單唔該」，個侍應「好心你一個人坐第二度啦，又要幫你執枱又要剩」，起身轉去第二張枱想話叫佢落單先，個白頭髮侍應眼尾都唔望手指去第二張枱，示意叫我行開先唔得閒招呼人。再之後見佢都係態度好差咁鬧啲廚房同唔理啲客。

因為當時沒有侍應在門口，我就自己企在餐廳中間看那裏有位，我前面是沒有人找位。 正當我想坐下一個空位。跟著個收銀走出來叫我行去，因為該男士等先。 這個惡霸收銀，竟然如此不說理! 這已是第二次情況我遇到收銀用同一態度欺凌！今天，同桌不認識男士坐下，佢是遲來的。佢叫了牛麵。 侍應卻給了他另外餐的帳單。我叫的通粉等了18分鐘仍未到，叫侍應跟又不跟，該收銀說我改單係咁遲，等18多分鐘都係咁啦！佢不查清潔就判斷我改單！ 我從頭到尾根本都沒有改過單。收銀態度差到罵人🤬到付款時，佢又罵男客人快得滯嘟八達通，話我太慢付款，叫我比返錢給該男客人，真是不知所謂的野蠻行為！ 我帳單是$36-，該男士帳單$39-他已付八達通予錫蘭，幹嘛叫我付錢該男士？！ 亂晒籠！錫蘭完本是我喜歡的茶餐廳，但現在已blacklist 此店！ 因為收銀其差的態度！

以前多數幫襯呢間外賣，食物質素可以，之前聽聞過服務差，但都未遇過，但估唔到今日堂食，有個男侍應服務態度真係要改善！我指住特餐叫要A餐，個侍應態度唔好咁再問我一次要咩A餐，向另外一人查詢他是否心情唔好，又係冇回應的，之後送黎碗通心粉係超多香草灑係面，同平時食開的不同，根本唔好食。平時外賣D女侍應態度都幾好，只係今次個侍應態度差，食物質素都差，今日六點半得幾枱客食，有時餐廳真係要檢討，其實不是D客不來，而係你自己趕客走囉⋯⋯真心諗仲幫唔幫襯好，唔想貼錢買難受。

表面好多燶面，甘筍有點生, 猪肉好乾，蕃茄一塊都冇, 蕃茄汁就大把， 不過都好正常，一分錢一分貨，而家咁嘅時勢，$58買個下午茶餐係咁上下，跟香港經濟環境應該冇乜關係，其他款嘅食物在未試過，要求高嘅可以不理

今早又去了藍田匯景廣場揾食，見到一間名叫錫蘭餐廳，早餐都頗為多款，於是就進了入去一嘗它的味道。豬扒煎蛋出前一丁我覺得這個套餐頗為扺食，有豬扒、煎蛋 (我轉了太陽蛋）和一杯熱飲，都係$39，一般茶餐廳要出前一丁麵一定要加幾蚊，但這個套餐已包。出前一丁麵爽口彈牙，再加上散發出濃濃的麻油香味，增添了我的食慾。太陽蛋煎得恰到好處，不會太生也不會過熟，食落香噴噴的蛋黃汁流進口腔裏，滿足了我的味覺。豬扒既大塊又厚身，咬落啖啖肉，但可惜肉質鞋了一點和醃得不夠入味。

我係長期光顧呢間餐廳，最近兩次都發現豬扒中間空中，食開一定知，你可以話係咁，我亦唔想爭論，唔好以為食客唔知，我只感覺失望，唔知係老闆意思定係員工意思？不過我就唔會再食

這是一間普通的茶餐廳，在藍田匯景廣場，服務普通，食物平平無奇。今天叫了一個下午茶餐，係雞翼撈公仔麵，凍檸茶。埋單 45元，有三隻雞中翼，味道一般般，其實商場內尚有其他食肆，這間餐廳要改善一下了。

一個月前想去食晚飯,到櫃檯前想登記攞籌,個阿姐見當時無人輪壽,就大聲問餐廳裏面有冇位,但冇人應佢!我見到有一張二人枱,就走埋去坐。後來有個侍應(阿伯)走埋嚟問我有冇攞籌,我解釋話已去櫃檯登記,但無人輪籌所以入咗嚟,佢就叫我出返出去攞籌,仲不斷鬧我!我都跟佢指示再去櫃檯登記,結果因為無人等位個阿姐又叫返我入去坐,我已經火都嚟,企圖都向個侍應(阿伯)解釋,點知俾佢大聲係咁鬧係咁鬧…最後我起身離開,以後都唔會再幫襯。

嗰日出差，諗著落去樓下食個大滿足早餐，去到餐廳門口，員工見我攞著行李篋，即時大聲呼喝個行李篋擺去嗰邊！當時我呆咗。個員再次大聲呼喝，擺凳底底呀。😭😭😭救命呀邊度仲有心情食落去啊！建議你大家咪去啦！咪去啦

.................….....................…..............................早餐樓面員工,服務態度勁差,沒有招呼黑口黑面叫落單等咗十分鐘都冇人理,賣錯東西食物都放別人桌上,賣錯東西一句道歉都沒有,還大聲夾惡,貼錢買難受,以後不會再幫襯. …..............................…......…......................

其實以前很少吃這類型的西多士，即是西多士中間夾有芝士及火腿，芝士放在多士中間炸過，往往有少許流質的狀態，再加上火腿，這樣的鹹食西多士，其實比起牛油花生醬再加上糖漿，未必難吃。另外的就是雞脾薯條，佢哋都不算太乾，中間也有點肉汁，味道也不太差，薯條就比較乾身，吃落脆香但較乾，普普通通啦。鴛鴦的味道亦都不太差，奶茶味道香濃，與咖啡平衡得宜，亦都不會覺得澀。雖然它還算是一間亮麗的新式連鎖餐廳，不過服務態度以及食品質素都保持良好，至少不算是那些新式又不好吃，收費又貴的類型。

做完5日工放個假想食個早餐姐…諗住食得多大X活，不如試下其他餐廳，嚟到錫蘭試吓啦！早餐一到！嘩！！！未見過早餐炒蛋可以細到1口都冇，大佬？一隻炒蛋有幾多成本呀？問過阿姐：「早餐炒蛋真係一啖都冇喎！？真係咁細份？」阿姐：「係呀你份炒蛋同隔離嗰份一齊出兩份都係咁樣。」係咁嘅，我俾錢幫襯，都係想個體驗食得好啲啫！咁好啦，以後唔會再嚟！破壞成個早餐體驗！講真味道又普通未至於難食嘅，不過$45大把出面好多選擇，bye bye

食茶餐，粗粗地食一食下午茶餐，去了藍田匯景商埸内的錫蘭餐廳！叫了個豬排米線，出奇到豬排大大排，幾入味，仲加左少少酸菜，個湯都ok出到味！米線軟，配得好好！唯獨是真是一個下午茶餐，價錢如果平番點會好一點，不過都是食茶餐的正常價錢了！