鍋居

營業中

休息中

元朗國既平價雞煲超平 超好食 ๏ ⌔̮ ๏ 依加睇完啲相都想再食多次呀總共有44個餸可以任食 有啤酒 樽裝茶同罐裝飲品任飲（有我最愛既涼粉爽 飲左起碼7罐 (Ф∀Ф)糖份超標呀)同行有幾個大食既男仔想叫多半隻雞食 問店主幾錢 店主好好好好好人 (*≧∀≦*)免費加左半隻雞比我地食雖然話2小時放題 但我地食多過2個鐘都無趕我地走 keep住食點餸紙每次只可以✔️10樣 不過每次黎既份量都唔一樣 例如我地order左幾次粟米 有時黎2舊 有時黎4舊 其實都唔知店家既standard 每次係擺幾多食材比客人 ʕ◉ᴥ◉ʔ但我地同行7個人都食到飽飽錦走 鍾意佢夠平 鍾意佢有人情味 鍾意坐outdoor大排檔既風味(如果太暗 店家會放枱燈比客人用 夠曬體貼)

標題都講晒要講既野～價錢好平啊 仲要任飲任食添😆不過食物質素非常一般，無樣野好食⋯如果肚餓，想撐大個肚又唔介意味道，呢間絕對係個好選擇。PS. 坐得唔舒服的，室外座位，夏天食真係有點熱

朋友最近手緊，但我又想食雞煲，佢就介紹我去元朗食平價任食雞煲。$108蚊包野飲，2人包半隻雞煲同任叫火鍋料，性價比好高。雖然d料都係屬於平野，但咁平又味道唔錯，仲想點。個雞煲香辣惹味，d雞比想像中更好食，唔會太冇味，洋蔥煮熟左好好食，我哋兩個好快就你一件我一件咁食哂。火鍋料都有幾多選擇，質素就都係平時個d，肥牛就唔多靚，但食落都有肉香。有個地方任食下野吹下水飲下啤酒，又唔洗收加一，算唔錯啦！美中不足係嗰日坐隔離d人好嘈，同friend完全傾唔到計。下次再黎，糧尾必選。

呢間雞煲火鍋位於元朗又新街附近，近交通廣場停車場出口嗰條路，元朗西鐵站可步行到，或搭巴士在大馬路又新街落車。一入到舖頭報人數，唔同人數會有唔同份量嘅雞煲，當然人多嘅話份量就會多啲，但佢個計法有啲搞笑，人多嘅話分批入隨時會多啲雞食呢間配料選擇唔多，但都有好多好食嘅選擇，肥牛腩片嗰啲都係一般，令我最深刻嘅係佢嘅花膠同埋響鈴，花膠嘅彈牙爽口加埋雞煲嗰陣辣味真係好正😋另外啲響鈴又好脆好入味，忍唔住係咁叫黎食。仲有重點係108蚊就可以任食雞煲，其他地方真係無咁平！