影片
營業時間
今日營業
11:45 - 15:00
17:30 - 22:30
星期一至日
11:45 - 15:00
17:30 - 22:30
公眾假期
11:45 - 15:00
17:30 - 22:30
公眾假期前夕
11:45 - 15:00
17:30 - 22:30
*最後入座時間：23:00
以上資料只供參考, 請與餐廳確認詳情
📌 鍋心海鮮點心專門店 - 大圍積存街18號地舖🗓(17/8) 星期六 ⏰ 晚上6:30左右 💈特式：見圍方開左咁耐都仲未去，而家屯馬綫又咁方便，今日就同另一半過嚟行下，行完商場就梗係要搵個靚飯食，大圍舊墟個頭出名多好野食，今日食呢間鍋心就係其中之一。🥩🍔🌭🌮🥗🥯🥘🍲🍝🍣🥟🍤🍱食物：餐廳主打活海鮮蒸點心，亦有普遍傳統點心，仲有餐廳推介必食既招牌什錦海鮮粥，而家等我同大家講下💨味道先。蒜蓉粉絲蒸蟶子$2️⃣8️⃣ - 蟶子有2隻，size就未到蟶子王級數，但我都要分兩口先食得晒，蟶子非常新鮮，就咁加上蒜蓉蒸，簡單得嚟出色。🦪蒜蓉蒸生蠔$2️⃣9️⃣ - 生蠔都係2隻，大大隻，蒸完都唔會縮水，仲有豐富蠔汁，肥美鮮甜。蒜蓉蒸時令大蜆$2️⃣9️⃣ - 蜆有8隻，每隻都有花甲王size，最重要係隻隻都無沙，食落滿足感十足。蒜蓉粉絲蒸天鵝蚌$2️⃣9️⃣ - 因為今日冇貴妃蚌，店員就推介左呢款天鵝蚌，我都係第一次食，但竟然係幾款海鮮當中最爽口，鮮甜美味，真係食得唔夠喉。蟲草花燒賣$2️⃣8️⃣ - 燒賣size都幾大粒，豬肉份量好滿足，加上蟲草花一齊蒸，都幾夾，而且燒賣係我幾鐘意嘅爽口質感。🦐🦪🦑招牌什錦海鮮粥$5️⃣8️⃣ - 呢個粥底絕對係餐廳嘅王牌，上枱時見到偏橙色嘅粥底，仲以為係南瓜粥，原來係用大量海鮮熬製出嚟嘅海鮮粥底。粥入面有基圍蝦/蠔/蚌/魷魚/帶子，材料都幾多而且豐富，完全食唔到腥味，只有滿滿海鮮甜味，呢個價錢大大碗，認真抵。☕️🍵🥤🧋🍺🍷🥃🍹🧉🍾🍶🥛飲品 : 新張期內免收茶芥，茶種類可以揀養生胎菊/普洱/鐵觀音，我就揀左胎菊，出面酒樓比較少見，飲落較清香，有菊花味。🍽環境：餐廳有上下兩層，座位設計得鬆動舒適，環境光猛，餐具乾淨整潔。🤵🏻🤵🏻♀️🤵🏻♂️服務：職員服務非常好，樓面姐姐十分有禮貌，亦會提醒客人今日時令或者有咩無貨，收碟換骨碟等都好自動自覺。💰💸價錢：叫左4個蒸海鮮，1個蒸點心，1個海鮮粥，計埋加一，埋單都只係$2️⃣0️⃣0️⃣多d，仲要係食海鮮，真係十分抵食。🐲💬總結：整體成餐都極之滿意，尤其是蒸海鮮/海鮮粥質素，而且環境唔錯，價錢又抵，極之推薦。推薦指數：❤️❤️❤️❤️❣️
繼續閱讀
今次去到大圍，同大家推介呢間 #鍋心海鮮粥 ， 個粥多料又大碗，都係$59 碗，真係良心店 👍🏾👍🏾 入面仲有超多海鮮，有魚，魷魚，超多蜆仔，仲有好多炒香左嘅櫻花蝦，成個粥都好鮮甜。不過個人就覺得咁鮮味，所以唔使落咁多冬菜，但係整體都好好味，又超級大碗，超值之選🌻🌻🌻🌻🌻仲有好多蒸海鮮，都係即叫即蒸，價錢都算實惠，我哋叫咗兩隻蒜蓉蒸蠔，隻蠔都好大隻同埋有超足料蒜蓉，即叫即正，超好味👍🏾👍🏾🌻🌻🌻🌻係坐位同枱真係有啲迫，建議可以一路食一樣再叫一樣， 如果唔係啲海鮮凍曬又無位放🤭🤭鍋心海鮮點心專門店 (大圍)大圍積存街18號地舖
繼續閱讀
一直都係窩心粥底火鍋嘅常客，基本上一個月都會去食一兩次，自從大圍店轉咗做海鮮點心專門店就冇再去過，今晚得一個人食飯，所以就去試吓叫咗佢哋嘅招牌海鮮粥同埋一個蒜蓉蒸娃娃菜，原本想叫蒜蓉蒸金菇嘅，不過唔小心落錯咗，而家轉咗QR code落單哈哈個粥都算好多料，不過個味道就同以前食完晒成個火鍋之後嗰個粥唔一樣，偏鹹娃娃菜$26份量都幾少吓
繼續閱讀
之前食火鍋，價錢比較貴食過一兩次就無食了而排見到轉左海鮮點心，係咁賣廣告諗住試吓平日唔使等位三個人坐樓上樓上樓下加埋唔夠十張枱但成日錯單明明我哋落單先d野同隔離枱一樣但遲遲都無野食😩點心荷葉飯可能真係叫先蒸啦d蒸海鮮 上先好遲先上荷葉飯最後先有點心叉燒飽唔好食😩蝦餃燒賣都唔好食蒜蓉開邊蝦都一般得蒸扇貝同聖子可以 🥲🥲荷葉蒸飯都係唔好食既😩不過價錢又唔貴既2個人300蚊再貴就唔會食 但而家都唔會再一😩😂喂，可唔可以俾我食一個餅餅俾我食一個出嚟啦眼睛睇㗎
繼續閱讀
海鮮點心幾抵食，呢個價格黎講品質相當唔錯。蒜蓉調味較濃，會遮咗海鮮既味。海鮮粥好足料，但同樣調味較重。試咗幾款海鮮點心，最推薦生蠔同蟶子。特別係生蠔，大大隻肉質肥美，鮮甜冇怪味。29蚊有兩隻真係冇咩好挑剔😂沙嗲腸粉鮮魷同蒸元貝同樣可以一戰。沙嗲魷魚作為全場唯一唔係蒜蓉味既海鮮，真係可以用黎轉口味🤣元貝蒸得太老，不過都係大隻鮮甜既👍多寶魚係最唔滿意嗰樣。好腥，唔好食。蜆就不過不失，普普通通，勝在幾平😂
繼續閱讀