鍋心粥底火鍋 (積存街) (已結業)

個侍應係咁行黎行去 好驚收唔切工 係咁係隔離望住你見你食完一碟 即刻執走一碟搞到傾偈都好尷尬本身開鍋加水 又加得勁少搞到嗰鍋啲水少到打唔到邊爐要佢加水又唔肯加去到最尾已經無咩水剩之後佢又唔記得放煮粥底嘅芋頭同南瓜要我提 先話唔記得咗之後又話落左米落個鍋 唔開得爐之後又放生嘅南瓜同芋頭落嗰粥底 堅持唔開爐痴線 芋頭都唔可以生食之後扔完啲南瓜同芋頭無耐 佢見我黑曬面又自己夾翻上黎 話要再煲過跟住佢又夾唔曬啲芋頭聽日等拎Sick Leave 多謝曬

大大話話我都食咗窩心，成四五年，每個月都會去一兩次，真係忍唔住講一句最近質素越嚟越差近幾次去食窩心啲海鮮嘅quality都好差，花甲真係好多沙，試過成隻都係沙鮑魚又好似刷得唔乾淨咁樣今次隻龍蝦好細隻，聖子好似有嚿屎喺中間咁，店員同我哋講話係膏嚟嘅，但係我哋都唔敢食最近起碼10次質素都係咁樣，唔怪得依家咁容易book到位，星期日去成間舖頭一半都坐滿，明明以前係要早成個禮拜先book到位希望之後質素會有進步啦

蜆食落口，全口都係沙，煱內在烚其他食物都有沙。之後食龍蝦肉係梅嘅，蝦唔會郁。同員工講完，完全冇反應，煱又唔換走。最後當然粥也是是有沙。之前食過好多次，完全冇問題，今次食物質數下跌好多，非常失望。

極度唔建議多人嚟食，訂咗位都隨時冇位提供😠😠 本身book了8位，店員竟然話full house，只能安排6人枱👎🏻 8個人用一個煲？跟本唔make sense。女店員叫我們等候15分鐘，話肯定有位給我們，但最後的解決辦法，竟然是叫隔籬walk in枱離開，不用他們付款。當然隔離枱也不願意。最後訂了座，confirm了booking，竟然也沒有足夠位置提供，只能分開餐廳吃。食物雖然新鮮，但環境狹窄。😓

其實呢間分店已經食過起碼五次，之前有個樓面叫Anna，態度好好，好識招呼客人。所以都有繼續再去食。呢兩日天氣凍，諗住打邊爐，又再去大圍分店，大約6點45去到，問樓面阿姐有冇位，佢叫我出去等陣，中途有四位walk in，個呀姐出嚟招呼嗰四個人叫佢哋上樓上，然後我同朋友繼續等。其實就我哋等位先既，不過人哋四位，我地兩位，梗係入咗四位先啦～哈哈等到大約7點，有另一個樓面阿姐出嚟問我哋係咪等位，話見我哋等咗一段時間，之後我同朋友話係，個呀姐先話「我地下一輪要8:15pm喎，你有排等呀…」然後我真係燥底，我話「你同事叫我等一陣喎」真係未食都一肚火，結果，唔等啦緊係

第一次去呢間食的時候，覺得係非常高質。上菜既時候全部海鮮都睇到仲好生猛，而且食得出係好鮮甜。除了揀選左的幾款海鮮，仲有好多其他火鍋配料可以任食，例如丸、魚片、菜等等。人均大約$300就可以享受甘多食物，性價比好高。雖然有限時，食得比較趕，但整體不錯，未食曬都吾會叫你走。可惜第二次去質素已大不如前，海鮮明顯係吾新鮮，部分海鮮有沙。留返個quota去試第二間。

#自費非廣告❤️‍🔥喜歡程度 9/10－－－－－－－－－－－－－✨肉蟹+沙白+自選5款海鮮+3款粥底配料+每人自選4款火鍋配料 $218鍋心係我地兩個一年會食起碼十次嘅餐廳！今次推介比大家😍一口價就可以食到咁多款新鮮嘅海鮮，火鍋配料，最後仲有一個集合晒海鮮同埋火鍋配料精粹嘅粥，真係好正！講起又流口水啦⋯⋯雖然佢唔係任食，但係個份量絕對係男仔或者女仔都會夠食到飽！呢個價錢，無加一或者醬料費，真係好良心🥺❤️食嘅次序係一開始就淥海鮮，佢仲會有個計時器話俾你知啲海鮮要幾耐先熟。之後就落啲蔬菜配料，有南瓜芋頭同埋粟米，然後就可以開始打邊爐。打完邊爐呢就可以叫店員嚟煮粥啦～疫情前已經開始食佢哋，以前真係要早成個幾兩個禮拜先book到位，依家就容易book咗好多，對我地黎講梗係好事，不過可能生意真係無疫情前咁好。我地真心推介比大家，佢哋嘅分店係全港好多地區都有，亦都會做外賣，大家有興趣去試下🤟🏼－－－－－－－－－－－－－－－－－－－－－－－－－－#lazybone_eat#lazybone大圍#lazybone新界－－－－－－－－－－－－－

海鮮食得出咁新鮮❤️本人一直對粥底火鍋冇乜興趣(因為之前試過其他覺得個粥一般般)但我朋友不停翻食又翻食呢間粥底火鍋店聽聞都幾full booking好在是日早收工 我朋友仲book檯先食到!佢個套餐都幾好 可以俾你試足5-6款海鮮2隻鮑魚上檯既時間仲係咁郁黎郁去好好笑！😂打開個蓋俾隻生蝦🦐彈左下嚇襯😂😂仲嗌左蟹 蜆仔 大蜆 魷魚🦑全部都食得出咁新鮮 👍🏻👍🏻食到最後個職員會幫你煮南瓜粟米粥我仲同我朋友講咩而家d火爐店咁好服務架咩?😅估唔到食到最後呢個先係重點明明好飽都食晒煲粥!🤤搞到而家我都成日想翻食呢間🙈🙈

肥經理無理取鬧，對客講粗口趕客走，貴公司何解會請哩啲人！根本就幫公司倒米！不知所謂嘅肥經理！出嚟食餐飯開開心心，但遇著哩個經理真掃興！一個充滿負能量嘅人！對客無禮嘅態度根本就係佢當作發洩！哩個經理繼續咁嘅態度對客，遲早出事！上得山多終遇虎，睇吓幾時遇到個比你更惡嘅客給你教訓😡

同班同事去食嘢，一行九人，book咗20:30，有啲同事遲咗收工所以遲到，呢個係我地唔啱，但唔使係咁催催催架？大部分人都未食過唔識落單，落錯咗俾人話：唔係咁寫架！你點點點寫咪得囉！心諗：公司請你返黎幫客落單都係你嘅job duty之一，唔識咪教囉，使唔使咁惡？跟手個阿姐自己拎咗張新嘅order紙喺度填，反轉話後面都未填，我話(指住我地填好咗嗰張單)另一張呀，佢先話唔好意思，佢自己都未知自己做緊乜，喺度話我地？呢頭話無帶子，轉頭又話有，跟住又話無，我都配合你喇，無咪食第二樣，我地無乜所謂，後尾俾咗啲螺我地，淥好哂，問佢有無牙籤或竹籤，佢竟然答無！咁點食？佢叫我地用食蟹嗰個鉗鉗爆佢，大佬，係咪咁反智呀？？？海鮮唔新鮮，刀貝臭嘅，蟹正常，螺又係臭加上無竹籤，無食到。未食完就話要埋單先，張單二千蚊無得碌卡，Fine！咪俾現金囉，摷緊錢期間喺我隔離打爛隻碟，整到我我都無出聲喇，對唔住都無句！唔好講服務態度喇，基本家教都無，不知所謂！食到咁上下，因為佢叫我地食完海鮮就落啲芋頭同南瓜落個煲，所以一早已經痴咗底，食到尾煲粥係燶嘅整體成餐飯體驗好差P.S.著黑色恤衫個男仔態度好過個阿姐好多

第一輪周圍都貼住係食到8點15分，食到7點58分到突然有人大叫「全世界離場」，原來咁去提示時間夠，都係第一次見甘無禮。老闆真係要好好正視下該店服務態度！全層食客都你眼望我眼，個個都投訴甘樣大叫海鮮又唔新鮮一坐低就趧你走甘，叫你不斷一次過落野⋯我相信附近有更多好選擇

今日叫左2人套餐嘅粥底火鍋，$210一位，先蒸曬食曬d海鮮，佢哋會先俾定南瓜、芋頭、粟米，呢三樣煲粥用，我哋先開始食海鮮，有沙白，蟹，龍蝦要另加$50，鮑魚，海蝦，花甲，蟶，我哋再叫左手打雞骨丸，超好味，雞滑，好味，淮山雞骨丸，超好味，蒼荀，蓮藕條，花膠仔，牛丸，台灣竹炭丸，好好味，再叫左兩個樽裝飲品，酸梅湯及咸甘吉

鍋心食過一次堂食後，就以後都唔敢再試。急到哽咁濟，成枱人一句嘢都唔好講，邊爐料要成碟倒落去，否則一定趕唔切交枱，只適合買外賣回家慢慢食，可以自己再加邊爐料，慢慢嘆。外賣每位$200-250 我覺得可以有開配料及粥水。

今日叫左龍蝦餐，包括龍蝦，超好味，蟹，鮑魚，海蝦，花甲，蟶子，同埋最後鮮甜嘅粥底火鍋，入面有南瓜、芋頭、粟米粒，打邊爐食品有手打雞骨丸，超好味，雞滑，好味，淮山雞骨丸，超好味，窩荀，蓮藕條，花膠仔，牛丸，好味，台灣竹炭丸好味，飲品支裝酸梅湯及咸甘桔

呢間野以前好中意食，因為疫情又限聚，所以好耐無食過。但今次覺得好差，蟹 有陣阿摩尼亞味道，係吾新鮮。貝類有沙。鮑魚亦吾乾淨，用紙巾擦個鮑魚肉既表面係黑色。失望！！