鍾菜 (已結業)

環境都幾闊落，但冷氣略嫌唔夠坐坐下有啲焗嘅感覺有啲長筷子嘅造型圍牆晚市都唔算太多人乳豬底下有鐵板，保持住溫度另外有皮可以包住食，仲配有青瓜可以減低油膩嘅感覺大蝦炒荷蘭豆，有啲微辣但食食吓會偏鹹魚翅燉湯，又係偏鹹似乎重手左喎炸子雞，層皮都微脆，雞肉都算滑炸蟹肉鉗，都幾大舊但入邊有啲西芹粒，我就麻麻啦仲有馬蹄粒，食落多咗爽口感覺蒸魚上面鋪滿薑蓉雖然薑味唔算太重但食落口感有啲奇怪嘅配搭鮑魚炆乳鴿又係偏鹹🙈上次朋友食過係覺得唔錯所以再去食多一次嘅但今次似乎失手比較多左大部份食物都比較偏鹹

家住九龍灣，於是星期六休息巳一早約個街坊去返附近嘅酒樓飲早茶，終於揀咗呢間喺九龍灣宏遠道1號九龍大廈嘅鍾菜酒家，門面好特別全部都用玻璃設計，外表睇似個酒吧，地方寬敞，環境幽靜。雪櫃裏有很多琳琅滿目嘅甜品。最特別嘅係個廚房，全部都用玻璃做城牆，透明度極高，可以睇住晒啲廚師煮嘢，好乾淨又衛生。我最鍾意食佢呢款拉布腸，特別軟熟、滑溜又有口感。其次就係啲碗鯪魚丸生菜粥，鯪魚丸夠彈牙，粥底又稀結適中，最緊要係夠晒熱棘棘。仲有其他點心，好在有啲點心每碟有兩款，可以食多幾款。最後重叫咗紅棗糕甜品，煙煙靱靭又甜度適中，感覺滿足😋👍

跟Honey辦點事後，想飲茶，但要在週末午市不必等位的話，不易。想了想，不如到九龍灣商業區那邊，應該不必等位吧？駕車到了Kowloon One，到鍾菜，果然人不太多。雖然不是即刻有位，但我們選擇坐bar 枱 high chair，就不必等位了。我和Honey點了以下食品：一般，粥太淡，也太稀。好味！橙色醬汁少少辣，惹味。炸鯪魚球有咬口，大粒！蝦餃是逐粒叫的，大大粒。但是，澄機皮已穿，蝦的甜肉汁已溜走。這是我喜歡的燒賣的做法，全豬肉，而不是蝦肉，吃到冬菇香味。雲呑好味，但是，湯頭太鹹。好味！不太甜，棗味香。糕點｢煙韌｣，好味！雖然食物不算得很精致，但是，不必等位，價錢相宜，很不錯了！

上星期五跟同事食午飯， 一行6人去咗企業廣場一期地一酒家飲茶食點心。 跟朋友經常去銅鑼灣時代廣場那間鍾菜飲茶啦! 知道很不錯呢! 至於九龍灣的鍾菜， 也是第一次去呢! 專程去品嘗， 看看是否跟銅鑼灣的好味道。位於商業區， 因為鍾菜在地下大堂則， 很方便，好容易找到。午市時間最好訂位啦! 咱們選了一個$168 商務午宴，內有半隻沙薑雞；三小碟❨和風螺肉﹑七味赤米蝦﹑薑燒木耳小紅茄❩; 安格斯牛腸粉。半邊沙薑燒選用黃油雞， 顏色鮮嫩，雞皮薄而肉厚， 味道微鹹， 很好。還有， 以$8追加一粒蝦餃，$7追加一粒燒賣。可惜蝦餃太大隻，餃皮還有點沒有蒸熟透， 要退回廚房換過， 味道也不錯， 又大又爽又彈牙。 我喜歡一特式點心是家鄉脆芋餅， 我喜歡吃芋頭是其一啦! 表面似一般茶樓煎薄餅， 一隻圓碟上放一塊圓形， 一開八件，香﹑脆， 芋蓉加芋蓉小粒，不用加醬汁，我超愛吃呢!還有，埋單免茶錢免加一。正!安格斯牛腸粉

黎到「鍾菜」今次係和同事開會食飯嘅，之前一直想試鍾菜係點樣，原來九龍灣店入邊都幾大個喎。由於冇book位嘅關係，門口大姐叫我哋下次記住book咗位先，原來入到裡邊，都有大量空置枱面，阿姐招呼都唔算係唔錯，因為好趕時間既關係，叫伙記快點上菜，要求做到，食物水準其實算係中上，點了四人套餐，有點心燒賣，粉果，瑤柱蛋白炒飯，有湯飲，有前菜，入面有齋粒叉燒仲有菜圃，仲有上湯時菜，食物質素算係幾好唔錯，下次可再來！

收工約fd去megabox行下, 因為仲未決定食咩, 經過哩間鍾菜就睇下有咩食, 啲姐姐推介食半放題一位餐, 見到幾多野食, 決定試下~皇子鴿, 用手撕來食, 好滋味有湯和羹揀, 點左湯, 石斛未試過(就係果好似一條草果條), but fd話美顏再來半隻龍蝦伴烏冬, 味道唔錯重點: 黑松露南非鮑! 汁濃左啲, 但整體任食小菜就叫左個濃湯白菜仔, 同兩個小食, 因為都幾飽下, 所以冇叫其他菜了最後甜品來了椰汁燉燕窩 真係好足料~女士們岩洒了!

今天一大班人去食飯，食物水準不錯，服務也是比想像中好，值得推介。雖然我們人數比較多，但是食物也很夠。大家都吃得很開心，乳豬最出色，色香味都很好。我們很快會再來。

呢間酒樓雖然係九龍灣，聽講過好多次話好好食，但咁耐都仲未食到，今次同事問一唔一齊食呢間，試新野，緊係去啦！同事話呢間酒樓唔book係唔會有位，所以佢已經預先book左，去到唔洗等，即刻攞到位。12點半過少少，都full左一半有多。我地一行四人叫左7款唔同既點心，雞絲粉皮同埋鮑汁雞腳，雞絲粉皮好滑！同出面果d唔一樣，一食就想繼續係咁食呀！鮑汁雞腳勁入味，煮得岩岩好，唔會甩皮甩骨。呢個鯪魚球有d特別，點既係千島醬！但又好襯喎！呢個流沙奶皇包超正呀！本身佢無寫流沙我以為係普通奶皇，點知係流沙，煮得岩岩好！好食！ 蝦餃，貴版既，10蚊一點，但其實又唔算太特別，叫正式咁。腸粉~咩名唔記得，但個樣好好笑，勁似肥牛刺身呀喂！係好食既！

一攞飛就睇到有2張Bar枱，問喺咪可以即刻入座，回復喺可以，只需執枱。等咗20分鐘，完全無人理，再問，話叫咗人執但喺無人理佢，叫我地再等。咩邏輯？終於入座，枱未抹，就擺低餐具，碟仲附送食物殘渣，要求換，越叫越走！咩態度 ？！喺呢度返工幾年都有定時幫襯，食物越來越難食，夠喇，唔會再來！

五年前食過兩次，除了平沒有什麼可以讚。今天九月二日因為要就老人家，再次選擇這九龍灣集團酒樓。其實我這一刻還未食野，已忍不住要投訴這裏的知客。我們五人分配一張貼另一張排位的走廊邊四人枱，而我坐的走廊位，背貼另一張走廊枱，見實在太迫，而附近有多張六人枱已空（包括相片前方的六人排枱），打算同知客提議轉枱，並指明附近有很多六人枱，她答道很多人另轉枱太麻煩，拒絕了。之後我看見她將一家三口安排我前方的六人排位，而我五個人繼續坐一張單邊走廊貼他人枱的四人枱.............，我當時同一個樣似高级樓面要求幫忙轉枱，他禮貌（讚👍）請我们找知客安排，我明白他無能為力。算吧，以後不會再幫襯稻香集团；若我是集團話事人，一定換這酒樓管理人及知客（九月二日一時那位知客）😓

快要離開公司了, 同事們和我食了一餐FAREWELL LUNCH, 感覺很TOUCHING。在九龍灣工作了二年三個月, 竟然在離開時才第一次到鍾菜食飯, 第一次也可能是最後一次了‧味邊比普通茶樓好味, 點心很精緻,酥皮义燒包，碧綠鮮蝦腸，松茸燒賣等，這裡點心都ok,脆網紅米腸十分好味, 必食之選。脆米西施泡飯很清甜美味。

預早訂左枱，星期五晚提早兩日食母親節飯貪呢到有車場，又算係商業區，易搵位泊車～ （平時都有黎開飲茶）全晚6個人，食左$11xx ，勁飽! 抵食既！呢個海山骨...個個都讚好食👍🏻係豬扒黎的，炸但唔算油，味道好惹味同鬆化，比預期中出色！半隻鵝....勁大碟！下面仲有個蠟燭仔熱住隻碟，食到最尾一舊都仲係暖暖地既～ 唔錯～無逐樣影相，呢到係一部份....仲有飯呀～同埋濃濃既花膠湯都好飲👍🏻服務都好好! 又唔會坐得迫，舒服既～

星期六去食晚飯(8人)，訂位時預訂左燒鵝，4人先到，一坐低就問我地幾時可以上菜，10分鐘內問左四五次。坐低後，發覺天花版滴水，叫侍應換枱，但換枱時全程黑面，個樣好唔滿意。我地八個人，order左10樣食物，由於張枱唔夠擺咁多餸，當時成個場得三成入座率，想叫個侍應換張大d嘅枱，但侍應拒絕換枱，理由係我地已經落左order。ｄ餸在10分鐘內到齊，結果真係唔夠擺，個侍應就提議將兩三個餸擺在旁邊的茶几，這種服務態度，如同趕客，我以後都不會再幫襯。

早點好抵 10-12am 免加一免茶介點心有質素 熱騰騰 立即出爐推薦 鮑汗鳳爪但係呀姐真係好煩 態度需要改善平時十點去都好好地 今日十一點去到 呀姐重覆左十萬次要十二點之前交枱 係不斷吹吹吹你交枱同畫點心成餐食到好趕時間重點係佢地話十二點full booking ！（我想講我地好合作十二點前走 ）但個時係全場得我地一枱人點啊........

朋友試過晚飯，話小菜吾錯，週末特登去銀茶。下午兩點等坐一陣就有位，非常期待。。。點知點心令人好失望! 除左紅米腸粉之外，其他的點心真係好差，口味賣相相當粗糙!!! 因為D食物太差了，只影左三張相。