鏗記美食餐廳小廚

營業中

休息中

昔日街市檔位置，變成後來這裡的茶餐廳，讓華富村居民多些食店選擇，是好事來的。華富村兩個商場街市，我總是回憶起昔日颱風時候的景象，大家都趁颱風來臨前，到街市買菜準備，可惜我應該沒有機會，看看今時今日，颱風來港時，華貴商場的景象。

秋冬季節，開始返風，岩岩打完風，真係有涼意，呢個時候就當然要食返暖胃野補身如果淨係打邊爐又唔夠，加返個煲就岩岩好，甘多款煲食咩好？醉雞鍋又吸引，羊腩又想食，最後揀左羊腩煲大大份，好抵食，而家呢個時間食非常正煮得入味，可以打邊爐慢慢食，入面每一樣配菜都好好食，真係可以連煲食😋冬天最岩食羊腩補一補、又暖胃我鐘意跟埋腐乳，又有生菜，呢個組合真係非常夾呢個天氣最岩打邊爐，加埋啤酒，認真一流！又可以追加配料，叫碟肥牛只係$55，鯇魚腩$45，好抵！由一入到餐廳招呼細心，會有滾水俾你，叫野食快，

話說琴日去咗行山由山頂經薄扶林公園行到去香港仔經過華富邨去咗神秘打卡位兼且睇埋好靚嘅日落之後就搵餐廳食晚飯華富邨唔係太多大型食肆求其入左一間道地嘅茶餐廳見佢環境光光猛猛最後入咗依間鏗記我同爸爸兩個人食所以揀咗兩道餸第一道菜係菜遠炒牛肉一嚟到嘅時候嚇親因為係⋯⋯超級大份😧對比出邊嘅茶餐廳等於兩倍而且味道唔錯香蒜味幾出第二道菜係牛乳炆豬手實物同相片有出入顏色比較淺味道亦都比較淡感覺唔算炆得好耐，味唔出但係肉質係算林不過不失，下次唔會揀呢道菜值得一提嘅係有免費送老火靚湯真材實料冇味精，味道夠濃竟然仲可以免費添加任飲😍如果有機會再去香港仔都會食呢間下次試吓唔同菜式最後我哋係食唔晒打包😂多咗一整盒餸拎返屋企

小小肥撞啱freelance多喊，由月頭趕到月尾，食都盡可能定時。不過壓力下，腸胃容量唔健康，所以未出發先定左自己食嘅嘢都係輕鬆少少。健康人生，做完尖，即刻歸家食茶記。聽舅父講，呢間以前喺華富上村係大排擋，而家成為左上村三大茶記之一。好嘅係水準都算保持倒，過開呢個離島區嘅朋友(住屯門天水圍)行下、影下有四十年歷史嘅地方就要試下。星期四-茄子魚崧飯話說回來，呢碟星期四特選碟頭連熱飲，味道合適，魚肉煎得可口，茄子爽爽的。加左配菜，簡簡單單，不錯！飲完凍奶茶小甜又返家做freelance*不多吃的女生可要少一半飯，係少一半。記得上次有女生話少啲，一上枱，應該少左兩粒。

屋村茶餐廳，裝潢有點老舊，空調不足。午市客飯連飲品四五十元左右。一客豬柳漢堡扒煎蛋飯配茄汁，豬柳漢堡扒選材很小，質素食味一般。破開煎蛋蛋黃，蛋汁一湧而出，拌飯吃一流。茄汁本身略稠，並與鮮茄二字無緣，普通。

早餐 唦嗲牛面 炒蛋 牛油方包凍奶茶少甜呢間野既午餐同附近茶記相比 就真係失色啲既 不過有日同個朋友朝早食野 就比個餐牌吸引左入去 因為個個餐都好似好夠飽肚 我點既呢個餐 好多茶餐廳都有 但佢個牛肉面真係值得一讚 牛肉夠淋 而面既咸味又適中 至於方包啲牛油就搽得唔平均 一塊好多一塊好少左上角個杯就係凍奶茶 叫左少甜都甜到死 唔敢想像冇少會點 總結黎講 呢間野服務係差啲 但早餐原來可以接受

由細食到大o既食店,以前淨係賣粉麵,宜家搬左去新舖,加入左小菜,咖啡,茶等.以前D粉麵係極難食,宜家睇落好似換晒個班底,味道好左好多,而且分量相當驚人,個外賣飯盒比一般飯盒size大40%.今次堂食個豆腐班腩飯,亦係好好食.所謂班腩當然係用不知明魚肉取代,但食落相當熱,應該係即叫即炸,魚肉白淨,無腥味,算係高質素.豆腐外表金黃色,仲係脆皮,裡面甚滑而有好多水分,絕對唔係乾爭爭,應該係o岩o岩炸好,非常難得.個"獻"汁裡面仲加入左洋蔥,相當開胃.食完碟飯後回味無窮,完全係一碟高水準o既碟頭飯.