鐵板一 (裝修中)

雖然平時成日嚟開銅鑼灣，但都係某次search openrice嘅時候先發現依間食西餐嘅餐廳。見佢中午有lunch set又唔太貴，就諗住試下。餐廳裡面雖然比想像中細，不過坐落都幾舒服。本身想食扒，不過見到依度竟然有得食意大利雲吞，平時比較少見到，難得有見到就改變左主意。※布袋芝士意式雲吞伴龍蝦汁 ($70)個set有配餐湯同餐包，餐湯係羅宋湯，而我覺得佢嘅餐包幾好食，係黑糖包至於個主菜等得比想像中耐，但嚟到覺得賣相都唔錯。雲吞細細粒，分量都適中，中間包左芝士餡料，佢唔屬於有牽絲嘅芝士，食落比平時芝士更輕盈，而且有種fresh嘅感覺，平時比較少食到依類芝士，覺得相對無咁膩。至於龍蝦湯亦係非常濃郁，飲落有鮮味，覺得同個意大利雲吞都幾match。整體嚟講覺得依道菜嘅質素唔錯，而且見啲鐵板扒餐價錢亦相宜，下次會再試下。

佛誕假期晚上食飯搵位難，決定轉戰樓上鋪。朋友想食扒，於是上OpenRice Look Look最後決定了這間 。有點像家庭式作業，門口招呼的還可以。坐低點了餐，送餐飲過來的阿姨，怎麼了！需要這麼凶巴巴的嗎？送過來的飲品全錯的。是誰落錯order ？怎麼不去問自己的同事呢？整頓飯就被這個莫名其妙的阿姨搞垮了！食乜冇晒Mood啦⋯⋯我努力抽身，忘記不禮貌的對待，從食物角度來評分：餐湯南瓜湯，水太多南瓜味比較淡，鹹咗少少。龍蝦汁蜆肉意粉配三文魚子$138意粉軟硬度適中，説是龍蝦汁卻吃不出龍蝦味，三文魚子，味道還可以。鐵板雞扒$98黑椒汁肉眼牛扒～$128

星期六去開銅鑼灣, 搵到依間樓上餐廳, $70就食到的鐵板牛扒set (連餐湯&餐包&茶/啡), 一於去試下.今次我地就叫左2個鐵板牛扒set (肉眼牛扒/西冷牛扒, 可以配飯/意粉/薯菜) 餐湯係南瓜湯,好濃南瓜味, 個湯質感好滑.餐包就硬左d啦.牛扒可以選黑椒汁/蒜蓉汁/燒汁, 而牛扒相當大塊, 佢地的牛扒係唔會煮到全熟架薯菜既分量都幾多, 椰菜同紅蘿蔔十分稔肉眼牛扒配蒜蓉汁, 蒜蓉汁好濃, 肉眼食落比較軟身.西冷牛扒配黑椒汁, 個汁好重黑椒味好香, 冷西就比較多根.整體黎講, 食物質素唔錯, 環境舒適, 可以再Encore. 

銅鑼灣想食鋸扒，揀左永光中心20/F BG STEAK &PASTA ，環境好有傳統扒房既風格，較暗既燈光，場內係樹林既感覺，坐落都好舒服😌Lunch Set 都有好多選擇 今次揀左A SET 1️⃣厚切豬扒意粉蒜蓉汁 LUNCH SET 包麵包同餐湯熱飲 麵包暖暖地🥯不過就唔算鬆軟嘅主食份豬扒真係好大扒，好厚身，蒜蓉汁好好味😋 鋸扒最令人興奮就係鐵板上枱淋醬汁個一幕，意粉軟硬適中，不過店員就無比餐湯我，但我食晒成份都好飽😄 熱飲揀左熱檸檬水，但我太飽都飲唔落😂回頭率80分👍🏻

好食又抵，唔會以為咁大塊加價。餐包同湯都好好食，係黑糖麵包同埋蘑菇忌廉湯. 🥩🥩🥩🥩🥩可能以為樓上舖，所以先可以用咁抵嘅價錢食唔錯嘅鐵板牛排，質素仲要唔係將貨就價

嚴重疫情下一個無所事事的下午，其實呢排都有呢種感覺，情緒各方面都需要舒緩，食嘢好似係一個好方法，雖然出街食都有少少風險，但其實講真宜家限制食飯人數，我反而覺得比較安全，第一成間餐廳人數唔會太多，第二呢两年來大多數餐廳啲隔離隔板都成為常規，感覺防范措施都ok，而今日呢間餐廳仲有提供口罩套，呢樣對我來講係加分嘅。「鮮茄焗豬扒意粉」茄味香濃，焗豬扒亦好食，够juice，意粉份量多，爭D食唔晒。「煙鴨胸胡麻沙律」沙律菜好新鮮爽脆，胡麻sauce够多亦惹味，煙鴨胸好soft，幾完美，好啱輕食女仕食。「日式照燒鯖魚配鑊牛扒」照樣好大份量，有两大舊牛扒，可以同朋友share 食，88蚊有魚，有扒，有soup，有bread，有drink，睇怕都冇咩地方可以食到，一句話，超值。

好耐都冇出街食晏，難得生日就出去食個lunch happy 下❤️.嚟到永光中心呢間新餐廳，見都幾闊落而且價錢抵食，平均都係70幾就有埋餐包同湯💪🏻 .餐包鬆軟，餐湯菇味十足而且食到粒粒💪🏻.叫左個salmon salad 🥗 沙律菜都幾新鮮同爽脆，而煙三文魚都幾多，味道適中💪🏻.意大利雲吞配龍蝦湯🤩雲呑細細粒都幾多，配上龍蝦湯食味道亦不錯😆上面仲有好多雜菌，食落口感就豐富啲啦.叫左份肉眼😂又幾大件同肉質唔錯！薯菜都多嘅❤️❤️

係銅鑼灣唔知食咩好，行到永光中心樓下見到哩棟大廈都係被餐廳包圍住，我同朋友商量後決定上20樓，哩度有間西餐廳，內裡暗沉格調，帶份神秘氣氛。今晚客人都比較多，眼見只得兩三個侍應，所以入座都等左一陣，坐低之後，眼見附近每枱都据扒，於是同朋友都叫左份牛扒、沙律、鵝肝、意粉。 食物都好快有，鐵板餐奉送是日餐湯：羅宋湯一碗。 三文魚凱撒沙律，三文魚都有好多片，加上芝士粉，麵包粒、煙肉碎同新鮮蔬菜，用料都好足。 紐西蘭西冷：選擇左黑椒汁，黑騰騰將汁醬淋於鐵板上，滾燙的蒸氣冒出，見到都興奮令到食慾大開，西冷伴薯菜及薯條，份量都好大碟。黑醋汁香煎法國鵝肝：鵝肝的口感較紮實且綿密，入口觸感細膩絲滑，伴隨的是淡淡的唇齒生香，有沙律菜作配菜，配上微酸的黑醋汁減輕份油膩感。忌廉汁煙鴨胸炒意粉：份量好大碟，煙鴨胸多到鋪滿意粉面，香氣撲鼻，食完超級飽。飲返杯熱檸蜜消消膩。

而家無左晚市堂食，15號我放假就同男友想補番14號既情人節鋸扒餐🤣男友朋友之前介紹過呢間性價比高既扒餐！就決定黎食下扒，黎個quick lunch🤩上到黎真係幾雅致，有d 綠色配vintage 既相同燈✨因為我地12點塔正就去 所以就成為第一個客人🤣服務都快，我地揀左兩個扒餐，好似幾分鐘就上左餐包、餐湯同野飲👏🏻呢個餐包有d 似outback 咁既黑糖包揀左凍咖啡同埋凍檸樂，都👌🏻我叫左日式照燒鮪魚拼獲仔牛扒，配薯菜👍🏻我個人好鐘意食鮪魚，配埋牛扒食真係第一次，但食落又ok wor大大份，真係食到好飽😹我男友叫左西冷牛扒配薯菜，都好大份！肉質都幾鬆化👍🏻餐廳環境都坐得好舒服，而且野食上得好快，我地慢慢食慢慢坐都無人催👍🏻最緊要呢個價既扒餐，真係又抵又正👏🏻

今天特意過來吃牛扒，錯過了高峰時間，其實也是很舒服的。 環境優美，音樂🎶好聽，坐下來就很放鬆。這家牛扒和沙律等，都很抵食。適合我這樣追求性價比的朋友。套餐也是很親民的價格，有餐湯和飲品，吃得飽飽的 西冷牛扒 70全熟的牛扒，特別適合我，鮮美入味之餘又有營養，配薯條和菜，補充一整天的營養 凱撒沙律沙律新鮮蔬菜甜美，吃多少都不會膩 。素食者可以選擇這個沙律，滿足的同時更多營養。沙律醬也是清新可口的日式醬汁，很開胃口。鴨胸肉沙律鴨胸肉鮮美入味之餘滿足感很多。周圍返工的朋友真是有口服了。中午過來飽餐一頓，回公司休息一下，下午又是能量滿滿的半天。幸福一整天。BG STEAK & PASTA銅鑼灣登龍街28號永光中心20樓

近排知道銅鑼灣登龍街新開左間港式扒房評語好似唔錯，就同朋友黎試試平時d 港式扒房都坐得比較密集，但呢間d空間都算闊落，卡位又坐得舒服，唔錯望望個menu，因為我地去得早所以都仲係lunch set，只有2板紙，款式唔算多，但一個扒餐有前菜，包飯/意粉/薯菜，仲跟野飲，呢個價錢都幾okay wor 前菜係黑糖包加忌廉蘑菇湯咁我地分別叫左一個雞扒餐配意粉同西冷配薯菜。 雞扒餐配意粉雞扒鮮嫩多汁雞皮煎得香脆，仲要大大塊，d意粉多到蓋左2/3鐵板，朋友食完塊大大雞扒都食唔晒意粉，岩岩較大食既朋友仔西冷配薯菜牛扒熟度係由廚師決定，扒身容易切開，唔會話太硬，質地韌嫩，牛香味濃薯菜係粗身，雖然份量冇意粉咁多，但炸得酥脆香口，一個女仔岩岩好 總括來說，呢間新開扒房性價比唔錯，食物既質素係有水準既，又比普通港式扒房坐得舒服，值得推薦

CWB性價比高鐵板扒餐🍽價錢方面相當親民🤩一百蚊樓下都已經有交易😋環境氣氛唔錯😮燈光昏暗幾有feel😌又有卡位坐幾舒服Menu有焗飯、意粉、鐵板餐選擇🤔揀咗豬扒🥩跟薯菜🍟配燒汁🥫粟米湯🌽小麥餐包🍞餐飲凍檸茶🍹先講粟米湯打得夠熔夠熱🤤牛油小麥餐包好香口🤤估唔到細細舊幾好食😋豬扒夠Juicy😋肉質唔會韌👍🏻薯條🍟好食過M記好多😋😋新鮮炸好唔油膩又脆口撈埋燒汁好惹味👅仲有少少配菜平衡下👍🏻凍檸茶甜味同茶味正常好飲👍🏻整體黎講真係好抵食👍🏻環境又舒服😌連侍應姐姐服務周到🙏🏻值得返轉頭食過㗎

新年過後食得太多中式食物， 今日想食返少少西餐， 於是同同事去銅鑼灣永光中心20樓 "BG STEAK & PASTA" 食扒餐。餐廳主打扒類及意粉， 定價貼地。 環境優雅。是日午餐西冷牛扒肉眼牛扒牛扒餐都包餐湯，面包同餐飲西冷牛扒5成熟就係5成熟， 廚師控制火喉一流， 西冷有咬口， 有牛味，有肉汁， 用料上乘。肉眼牛扒一樣5成熟， 肉眼比西冷軟身好多， 入口即溶， 牛味感覺比西冷更濃， 加上微辣的黑椒汁， 非常搶口。 另外，意粉有驚喜， 爽口彈牙， 軟硬度適中。食完主菜， 再嘆返杯熱咖啡， 又要繼續返工。

估唔到喺銅鑼灣用咁平嘅價錢食到咁大塊扒🤭🤭 價錢平民到一個點！星期六日都有lunch set，只係$100樓下，仲有餐飲，又真係好平喎！本身因為咁平，以為塊扒會好細塊，點知完全唔係！我嘅鐵塊肉眼扒（只係$70！），配咗薯菜同黑椒汁，肉質唔錯，唔好太硬，仲要係鐵板上，呢個價錢真係好值！朋友叫咗西冷（都只係$70！），都係咁大塊，真係抵到爛！跟餐送嘅忌廉湯同埋餐包兩個人一人一份扒，人均$100都唔洗😱😱😱 實在太抵！水準都唔錯，大件夾抵食，大食嘅朋友可以考慮去💪🏻

銅鑼灣登龍街出名多嘢食，因為想搵平嘢食嘅關係，就上咗位於20樓喺永光中心嘅呢間西餐廳。餐廳嘅燈光都比較暗，算係有情調。餐牌方面，午市套餐係幾抵食，平均60幾蚊一個餐，包餐包餐湯同餐飲，正常嘅西式套餐。不過比較奇怪，佢剩係得一塊套餐餐牌，冇其他單點食物。餐包方面係值得一讚嘅，因為夠熱同夠軟熟，而且係蜜糖包嚟，所以幾好味，呢個亦都係成餐飯最好味嘅一樣嘢🥲🥲我叫咗個意式牛肝菌天使麵（$70）麵非常乾，而且成個面都係冇乜味㗎，可以話同喺屋企煮的差不多🥲最後我都冇食晒另外同行友人嗌左個扒餐配鯖魚薯菜，塊扒鹹到一個點🥲算啦 試吓薯條，薯條我最鍾意食嘅野我都竟然覺得佢難食，因為炸到勁乾，裏面好粉，好明顯係雪藏左勁來之後再用萬年油炸出嚟🥲🥲實在唔好意思，平時我個包容度非常高，今次真係要俾一個差評，雖然係平，但都希望餐廳可以改善一下，花多少少心機