鐵板一 (裝修中)

突然間好想鋸扒，收工去咗銅鑼灣登龍街永光中心「鐵板一BG Steak & Pasta」食dinner🍴店內地方寬敞舒適，燈光明亮，感覺乾淨衛生炸薯條配黑松露醬粗薯條份量充足，炸得金黃香脆，唔油膩，滿載薯香。沾上香濃黑松露醬後食用更滋味五道菜生酮食肉瘦套餐生酮套餐係餐廳新推出的，價值$328，合共有五道菜，包括餐湯、沙律、主菜、甜品或水果及飲品意大利雜菜湯及餐包雜菜湯酸甜開胃，內含豐富蔬菜增添口感。餐包小巧迷你，鬆軟可口牛油果素菜沙律雜錦沙律菜新鮮爽脆，牛油果好軟滑，加咗日式芝麻醬作點綴，更美味主菜自選主菜可以從扒類及海鮮類各選一款，我就揀咗美國雞扒及三文魚柳。雞扒勁大塊，啖啖肉，嫩滑又juicy，鮮雞味濃！三文魚柳外脆內軟，充滿魚鮮味及魚油香，好好食哦！伴碟配有炒青菜，碧綠爽脆，健康滋味鐵板燒紐西蘭牛柳熱辣辣的鐵板扒餐有好多款揀，紐西蘭牛柳有2大塊，份量十足，啱晒食肉獸！牛柳口感軟嫩，肉味濃郁，配上黑椒汁食用更加美味水果拼盤精美水果有西瓜、菠蘿及鮮橙，冰凍又清甜熱檸檬茶

🔥🔥聞說銅鑼灣有間性價比好高，食鐵板餐嘅餐廳，今晚去附近shopping完，終於有機會試吓。餐廳環境好別緻，有大量綠色植物，響度食飯感覺好舒服。🦞🦞生硐食肉瘦餐（本身$328，而家半價$164，真係好抵🤩🤩）- 包餐湯（羅宋湯或忌廉湯）、沙律、主菜可選肉類及海鮮各一款，連餐飲。我哋點咗西冷牛扒加半隻龍蝦，鐵板上，仲有唔少蔬菜。牛扒肉質鮮嫩，要咗七成熟都唔會鞋口。龍蝦好爽口，配埋洋蔥汁，好開胃。🐮🐮另外點咗一個set dinner，雜扒鐵板餐（$148）- 同樣有餐湯，主食包括豬扒、雞扒、牛脷同煙肉，亦有餐飲提供。各種肉類味道都唔錯，跟牛菌汁食，好惹味。🍀🍀餐廳環境好靚，枱與枱之間嘅距離都算寬敞。食物質素亦相當好，呢個價錢食鐵板餐真係幾抵。

個fd又要減肥,但又要拉我食飯~結果就係比佢搵到依間店,要我陪仍食個生胴瘦身餐,好似仲話而家做折平咁話 (佢埋單, 係唔係做折真係佢先知啦)環境寬落, 冷氣夠,店員好溫柔好有禮貌,仲特別快手!一set真係包好多野,又有肉,又有海鮮 (仲要係有龍蝦/軟殼蟹E D level的選擇! 唔洗加錢喎!!) 仲要有埋沙律+湯+野飲+甜品/生果, 其實原價食一個dinner set我都覺得唔算貴囉沙律係牛油果沙律,細細碗唔錯. 牛油果熟度岩食餐湯有兩款,我覺得我飲的菌湯好香好味,值得試!飲品我同朋友都揀左凍檸茶,正路野,唔伏朋友叫左五成熟的牛+龍蝦! 牛扒唔係特別厚個D,但勝在一D都唔UN!不過因為係鐵板,所以牛如果放住唔食有機會愈黎愈熟架龍蝦肉好易就整到出黎, 啖啖肉隔離仲有D薯條伴碟,朋友專登叫佢拎左醬我個個係雞扒+軟穀蟹。軟穀蟹大大隻,入面都好多肉。我同朋友都覺得牛係好食D同抵食D 甜品我地一個揀左芝士蛋糕一個揀左生果。成餐食得好滿足!

我同朋友每人叫咗一個生酮食肉獸套餐，套餐有餐湯, 沙律, 揀一款扒同海鮮，仲有餐飲同甜品，就咁睇Menu都已經覺得好豐富意大利雜菜湯+蜆肉粟米忌廉湯+牛油果素菜沙律雜菜湯同沙律都好味，不過比較有驚喜既係忌廉湯，佢絕對冇一般嗰種罐頭湯的味道，加咗蜆肉就好鮮甜，啲蜆肉仲要係爆多，非常好香煎羊扒配軟殼蟹我哋叫咗羊扒要四成熟，咁佢用熱騰騰的鐵板上，個熟度就剛好，一啲都唔會好韌，都食唔出有羊膻味，咬落去好juicy好厚肉。至於軟殼蟹就幾大隻，同我拳頭差唔多大，炸得好香，重點係佢入面有啲蟹膏，陣陣的蟹味就湧哂出嚟，正！美國安格斯肉眼牛扒配扒虎蝦虎蝦好大隻，燒得好香。雖然個肉眼牛扒冇想像中咁厚身，但係都超大塊，食落去個牛味好出，都煎得好稔身。水果拼盤+藍苺芝士蛋糕食咗咁多肉之後，有啲水果配搭都幾好。個芝士蛋糕都唔會太甜，我又鍾意食硬身啲，芝士味重啲，所以個甜品都唔錯

生酮飲食已經係潮流，今日去咗銅鑼灣一間專食鐵板牛扒餐嘅餐廳，已經好耐冇食鐵板餐，而家又流行返，呢個套餐最好就係可以由餐湯，沙律，主菜，甜品都可以自選生酮食物👍🏻👍🏻，真係好迎合依家嘅主流，減肥都可以盡情食✨生酮食肉瘦套餐 $ 328📍而家響OpenRice 訂位食呢個套餐有買一送一優惠，真係超抵（優惠期有限）🫕▪️野菌忌廉湯味道幾濃，仍然食到粒粒碎野菌，非常唔錯🥗▪️牛油果素菜沙律沙律菜新鮮爽脆，牛油果即切熟度剛好，配上黑醋汁，好開胃🥩🦞▪️美國安格斯西冷牛扒 •龍蝦半隻牛扒大大件，肉質幾淋，配上經典黑椒汁，十幾年前食扒既感覺立即重現😎，龍蝦相當唔錯，大件厚肉，肉質亦好彈牙🐏🦆▪️香煎羊扒 • 鵝肝羊架做得幾好，帶淡淡羊膻味及少少肥膏，可以不需點任何醬汁已經好正，亦可以加自選既洋蔥汁，鵝肝好慷慨，有兩大件，好香煎到外脆內軟🍰🍊▪️是日甜品 • 水果拼盤甜品係藍莓紐約芝士蛋糕，芝士味幾濃厚另外水果係新鮮水果，可能會有機會唔同，健康又好食

放半日假去做GYM, 丫姨即興出黎同我食飯, 帶咗我去登龍街一間樓上餐廳食鐵板餐。正值6點鐘放工時間, 餐廳未開始出現人流, 環境燈光柔和, 以仿植物做裝飾, 很有大自然感覺。其中一個menu為生酮食肉瘦套餐, 原價HK$328/位, 宜家做緊半價優惠 (另原價加一), 即係幾乎買一送一, 再加上生酮飲食, 岩哂我地怕肥人士。生酮食肉瘦套餐包括自選餐湯、牛油果素菜沙律、自選主菜(扒類+海鮮)、是日甜品、coffee/tea。餐湯: 野菌忌廉湯有野菌幼粒, 加咗忌廉令湯質滑一點。牛油果素菜沙律: 沙律菜新鮮爽脆, 加咗少少酸醋, 酸尾尾, 牛油果好林。我揀咗穫仔牛柳併鵝肝, 自選黑椒汁。牛柳自選3成熟, 鐵板熱辣辣滋滋聲上檯, 雖然做緊半價, 點知份量都咁多! 牛柳好林, 粗身脆薯條墊底, 鵝肝為半熟, 充滿鵝羶香, 超正!丫姨揀咗美國安格斯西冷牛扒配半隻龍蝦,西冷牛扒揀咗四成熟, 肉質林, 相比牛柳, 肉味更重; 半隻龍蝦表面微微煎過, 鎖住了肉汁, 肉質爽彈兼食到原汁原味嘅鮮甜。同樣有粗身脆薯條墊底。餐飲-凍檸茶: 沒有加糖水, 符合生酮健康飲食。最後送上daily dessert

港式扒房呢種美好，講真係香港而家百物騰貴，寸金尺土既地方，每年追通賬都嗌哂救命，想食餐好既，每個月又要度住度住，咁「BG STEAK & PASTA」就絕對幫到你，享受到平價扒房之餘又過足口癮，一家便宜兩家著！👇📌KETO GENIC DIET · SET MENU - $328/Head▪️ Avocado · Garden Salad - ▪️ Cream of Mushroom Soup - ▫️ 想食得健康又要好味？呢個「生酮·食肉瘦套餐」可能係個好選擇，先黎兩個頭盤，前者「牛油果·素菜沙律」牛油果夠新鮮，入口軟腍，沙律菜非常爽口，又夠清甜；而「野菌·忌廉湯」又夠濃稠，啖啖野菌粒，口感豐富。▪️ USDA Angus Sirloin Steak · Lobster (half) -▪️ USDA Angus Rib-eye Steak · Goose Liver - ▫️ 主菜一定係鐵板牛扒咖啦，分別同朋友試左「美國安格斯西冷牛扒·龍蝦半隻」、「美國安格斯肉眼牛扒·鵝肝」。西冷牛扒嗌左個7成，揀左黑椒汁，肉質就咁睇賣相肥厚，非常易切落，非常嫩滑，龍蝦肉亦有咬口，夠爽彈；而後者肉眼揀左3成熟

生酮都一樣多姿多采今日約左個生酮朋友，要搵一間岩佢食，又好食既餐廳先得。今日就試左個生酮食肉獸套餐。首先先黎兩個餐湯分別為磨菇湯同埋雜菜湯。兩個湯都吾錯，個人覺得夏天飲紅湯就好岩。好開胃。配有餐包，個包本身都已經有好香黑糖味，正。兩份是日沙律，牛油果沙律，好開胃。主菜方面，相當flexible .其實分別係肉類同海鮮類各揀一款。肉類 豬扒，牛扒，牛柳，雞扒都有。海鮮類就更加多。龍蝦，虎蝦，帆立貝，鰻魚，軟殻蟹都有。其實好多野可以食。今日就揀了牛柳配帆立貝。配黑椒汁。作為一個鐵板餐，我好享受個汁淋落去個一下。正。好有feel 既沙沙聲。聽到已經好開胃牛柳好入味好香。帆立貝都煎得吾錯。另一份係雞排併軟殻蟹配蒜蓉汁。正。雞排其實都可以做到好好食。朋友鍾意食白肉，佢就覺得雞排今次真係吾錯。個蟹都炸得好新鮮。完仲有水果食。岩曬再配兩杯好正既野凍飲。

有一個鐘意食西餐嘅朋友，竟然係銅鑼灣搵到間平價又貼地嘅西餐廳，意想不到地個位置居然係登龍街樓上鋪，絕對稱得上為隱世餐廳。而且張枱夠大張，冷氣十分充足，再加上綠色嘅植物裝飾，感覺到少少大自然嘅氣息。Menu 好多選擇，但原來發覺set dinner 仲低食，跟埋白湯，餐包和飲品，都200蚊有找，所以就叫咗個紐西蘭牛柳。當中薯條係有幼薯條🍟，而且竟然配3款配菜，絕對唔係馬虎。紐西蘭牛柳叫咗7成熟，都真係7成熟，唔會overcook，肉質嫩滑可口，唔使配汁都好夠味。朋友就單叫咗龍蝦汁蜆肉意粉配三文魚子，份量都適中，好多蜆肉，誠意十足，反而三文魚子就偏鹹咗少少。水牛城雞翼，啲雞翼係骨細多肉個款，食落唔會太辣，酸酸辣辣，食落好滋味。絕對抵食過出面好多聲稱疫情價嘅餐廳！！！

銅鑼灣嘅鐵板一，主打鐵板餐同埋Pasta，晚市嘅生酮食肉瘦套餐，大件夾抵食！生酮食肉瘦套餐 $328/位套餐包括餐湯、餐包、沙律、雙主菜、炒青菜、甜品同埋飲品，份量豐富，而且出餐頗有效率，勁快就上齊晒啲嘢食！餐湯及餐包餐湯有紅有白，紅係意大利雜菜湯，白係野菌忌廉湯，夠晒地道！牛油果素菜沙律配麻醬，清新開胃！Main嘅鐵板可自選兩選食材，扒類有齊豬牛雞羊，可以拼魚蝦蟹帶子或鵝肝，我哋就嚟咗兩份海陸雙拼！醬汁可選黑椒汁、蒜蓉汁、燒汁、洋蔥汁同埋牛肝菌汁！美國安格斯西冷牛扒 拼 龍蝦半隻波士頓龍蝦大大隻，大到鐵板都裝唔落！龍蝦尾同埋龍蝦鉗啖啖肉！西冷牛扒肉味濃郁，仲好Juicy，配燒汁好惹味！美國安格斯肉眼牛扒 拼 三文魚柳三文魚柳煎到好香口，肉眼牛扒夠軟腍，配黑椒汁，港式嘅風味出晒嚟！甜品是日甜品係雜錦生果，食完生果阿姐仲醒多兩件Tiramisu畀我哋！飲品凍飲唔洗加錢！

今日同朋友放咗工之後過嚟銅鑼灣到行街，一向都知道銅鑼灣好多美食，但係今次比我搵到一間又平又抵食，仲要嘢食質素勁高嘅西餐廳，就係位於銅鑼灣永光中心嘅樓上鋪😆💓上到嚟真係有意外嘅驚喜，餐廳嘅環境幾乾淨闊落，重點係嘢食超高質，價錢勁抵❤️‍🔥平均每個人都係$100左右，我哋仲叫咗一個晚市套餐紐西蘭肉眼扒🥘仲有餐湯同埋餐茶🎉 肉眼扒超級高質，我哋叫左五成熟，熟度同埋質感都啱啱好😜餐湯仲有粟米湯飲，嘢飲方面我哋叫咗凍檸茶，依個價錢性價比超高，食物質素都好高🌽龍蝦汁蜆肉意粉配三文魚子🍣都係另一個必食之選，估唔到依度整嘅意粉都好高質，廚師一啲都唔吝嗇，落足料，裏面有超多顯肉同埋三文魚子，每一樣都好新鮮💓

叫咗dinner set，有湯、沙律、自選main同配菜，仲有甜品。蟹肉龍蝦湯雖然都算足料，但有啲鹹。塊扒就淋得滯，一切就散咁，鵝肝都唔係好食，仲有甜品冇影到，係藍莓芝士餅，係real難食🥵淨係食咗一啖。不過價錢反映質素，300幾一位係咁上下，貪平嘅都可以一試嘅。

喺銅鑼灣食日式嘢都食到厭🥲同朋友睇下openrice有咩食，呢間主打牛扒嘅西餐都有唔少食評，就一於上去試下！😋店舖裝修偏向懷舊，冇太多浮誇嘅裝飾，行平民路線，就算食西餐都冇壓力🥰一嚟到侍應就立即招呼我地，服務態度好好。《酒池⋯肉林 隊爆你個肚。餐》$228前菜我哋叫咗煙三文魚凱撒沙律$118同喺高級餐廳食到嘅差唔多，冇沙律菜岀水嘅問題😌法式牛油汁焗無殼田螺質感好似薯蓉，田螺都唔會有霉臭味，香到一啖接一啖咁食😍水牛城雞翼雞翼汁做得好香，甜甜地帶點辣，作為小食10分開胃🥰🥰套餐包兩款主食，食肉獸嘅我地就揀咗西冷同埋肉眼🍖加黑椒汁西冷牛味偏重，肉質厚實肉眼肉質較軟，大大啖食都冇問題😻兩款牛扒CP值都好高，鹹魚青菜各有所愛，雖然係套餐，但係可以揀返自己鍾意食嘅牛扒呢點我好鍾意🥰套餐仲包兩杯紅/白酒，不過我唔係好識酒類就唔多分享，主要都係呢個價錢就食到2人套餐比較抵食😻😽

本身諗住今晚去食同一條街的泰國甜品，所以再同一條街，先醫下個肚，食完晚餐先去。見到這一間西餐廳除了有牛扒鐵板燒之外，還有不同的小食和甜品，所以我們決定在這裏先吃晚餐。平時我都是在潮州打冷食鵝肝，今次試吓西式煎法，真的很好，油分更加香，有外脆內軟的感覺。雞翼的醬汁不會很辣，但是卻10分惹味，令人一隻接一隻。我們叫了一個晚市套餐，一個set dinner兩個人分享，這樣就可以叫多一些dessert and appetiser 。雜扒餐包羅萬有，我很喜歡那個蒜蓉醬，吃完口腔不會太大浸味，又有趣卜卜大大條的薯條伴碟。心太軟真的是重點推介，一上枱的時候，我們都被那隻小鴨子吸引住了，沒有想過原來這裏都做得非常有心思，以為它只是一間食鐵板燒牛扒的餐廳。小鴨子的身體是雲呢拿雪糕，心太軟一熱一凍的配合，雙重口感，視覺方面，一黑一白，亦都令我們感到驚喜。最喜歡的地方，就是一切開心太軟，中間就像火山溶岩流出來的一樣，真的有那種衝動，而且岩漿仍是非常熱的，記得要趁熱食外面做得硬身企身，與入面的朱古力醬造成對比。

今日去銅鑼灣想買D家品，行到又熱又攰，老公就話不如帶左我去扒房鋸吓扒。呢幢大廈全部都係食肆，佢唔帶我去我都唔識黎。餐廳都幾有森林感覺，有氣氛，職員安排我哋坐卡座，地方好闊落，坐得舒服。呢度有set dinner，價錢都幾抵，我哋叫左一個牛扒餐，一個什扒，仲有兩個小食。餐湯：呢度餐湯唔係普通嘅紅白湯，而係西蘭花薯仔湯。第一次飲呢個湯炸，已經覺得好好飲。飲到淡淡薯蓉同西蘭花味，味道濃。另外仲有餐飽跟，真係大滿足。香燒煙肉帶子：煙肉燒到好香出晒油，帶子唔細隻架，包住帶子食原來味道係咁夾，估唔到咁好食。水牛城雞翼：熱辣辣，入口好香椒鹽味道，真係食幾多都唔會厭，西蘭牛柳：鐵板上，一路食一路keep住熱。牛柳成寸厚，比較瘦，叫左五成熟，剛剛好，點埋黑椒汁食就最好。另外旁邊薯條同菜比都平時餐廳食開嘅多，真係食到好飽。BG什扒：什扒份量好多，有豬扒、牛扒、雞扒、青口、火腿同司華力腸，老公話呢個最啱佢，夠豐富又多款式，唔錯。凍檸檬茶 & 凍檸蜜：凍檸檬茶叫左少冰少甜，兩杯味道正常，夠冰凍。