鐵牛台灣牛肉麵 (旺角中心第一座) (已結業)

鐵牛下午茶係諗唔到食咩既返工最佳選擇！下午茶有自選滷肉飯、湯麵、拌麵我最鍾意都係拌麵，因為味道濃郁，好好食。小食方面都可以自選三款，我覺得小食都冇雷，試過晒都好好食，不過我最鍾意係鹽酥雞、豆腐、番薯條，所以我覺得小食盲選都可以 ！不用加錢飲品有熱奶茶、熱咖啡、熱檸茶，但我覺得飲品係唔好飲的🥹冇乜味🙂‍↕️雖然每樣都細細份，以為會唔飽，但對於女仔嚟講食晒都幾飽，都幾滿足，所以都幾推薦鐵牛既下午茶！！

與朋友午餐，位於旺角的鐵牛地點方便，在商埸地庫，午餐第一頁較平，平均七十元一份左右，有飯或麵選擇。酥炸款式偏多，怕油及熱氣也有兩、三款選擇。麵的份量不多，女仔就夠既。牛肉麵的牛肉及牛筋也腍，柚子雞扒也好味，麵質Q彈但不會不消化，午餐有兩款免費熱飲選擇，好夠熱，凍飲就比出面加多D錢，但好大杯。上菜速度算快，值得一讚。第二頁餐牌有較貴的火煱可選擇，也見到兩枱客食火煱。午市也有不少客人，希望可繼續經營。

係旺角行街 突然心血來潮想食台灣野 就係openrice 睇下附近有咩食 見到呢間 好似睇落都ok 就行左入去坐低 員工馬上俾qr code 落單又無話限我時既有飯有麵有小食 但我簡左最普通既牛肉麵半筋半肉 牛肉好腍 都易咬開 酸菜就mama 地 份量岩一個女仔食 男仔可能要叫埋小食D 麵都有咬口 如果可以擺個盒係度俾人加酸菜就好啦 or俾個option 加錢加酸菜 酸菜可以酸d 呢個桂花烏龍 睇在可以拎走同無糖所以叫既 22 蚊 不過不失 可以清新一下 食完牛肉麵呢個價錢5算底食 不過不失

我是中環鐵牛粉絲，一向對中環分店之服務態度及食物品質評價不錯，但昨天嘗試旺角分店，情況相差太遠，服務態度差，食物之份量明顯不同！一向我在中環店舖下單之皮蛋豆腐，如餐牌指示都是一份四件，昨晚在旺角上台只有三件，與吳性員工反影後，他嘅解釋說相片因為沒有更新，故不乎，沒有更進，並說廚師也是中環調配過來，說中環也是一份只有三件，然後把食物放回枱上便離開！這樣之服務態度對一個長期光顧之客人來說， 十分失望！不知是員工說謊，還是公司把食物質素降低，希望鐵牛能好好更進！

上星期約左個朋友食lunch , 我中午12:30到左，自已叫左先，之後朋友到左，佢同我傾左一陣，個侍應走過來話，你們兩位是需要叫兩個餐，我話一陣會叫的，（這時餐廳入坐只有一半），如是者再過5分鐘另一個侍應揸住個牌嚴肅地提醒我朋友點餐。我同我朋友講，忍多兩日，星期六約上深圳食飯。我寧願約去隔離大家樂食，大家樂阿姐都好有禮貌，唔會咁樣對客人，真係越食越谷氣，我從來都無寫過食評，食物本身係ok ,呢間我食左好耐，不過我唸唔會再幫襯了。

牛肉麵，滋味濃郁，讓人回味無窮。嫩滑的牛肉、鮮甜的高湯，搭配彈牙的麵條，口感豐富。香氣四溢的蔥花和香菜增添了層次感，讓人難以抗拒。每一口都充滿了濃郁的牛肉香味，讓人心滿意足。無論是冬天取暖還是夏天解渴，牛肉麵都是一道令人著迷的美食。

啱啱喺旺角試咗間店，叫做「鐵牛」，台式美食嚟嘅！跟住嚟講講我當日波更。首先，佢嘅鹽酥雞真係夠哂口感，又鬆又脆，啖啖肉香，整個人嗌嘢嘅心情都爽晒！咬落去嘅時候，吱吱作響，滋味十足🍗。再嚟就係搞掂人胃嘅麵—肉燥乾拌麵。紮紮實實嘅麵身配上濃郁嘅肉燥，攪一攪，每條麵都掛住惹人嘅肉燥，簡直係飯後嘅一大享受😋！當然，飲品都係元氣滿滿嘅一部分。喺這家店，焦糖珍珠奶茶同百香果QQ冰茶都值得一試。珍珠奶茶嚟講，就算唔係超級濃郁，但甜香中帶點茶苦，亦唔錯。至於QQ冰茶就真係夠曬清新，餐後飲一杯，清爽提神🍹。吓！望落去座位都幾逼，如果食飯時想要啲私隱空間，就要做好心理準備。不過，就算坐得近啲，呢啲美食夠味咁吸引，都唔會覺得嘈！下次瞓前諗起呢碟食物，我肯定係「嗌食」再削夢！🥢🥤😍

很久沒有到旺角中心地庫的餐廳了，這個周末的午餐時段來到，目測餐廳們都不是很滿的樣子，望到很不常吃的台灣麵，就走入去啦。打開menu都覺得有幾多唔同款既選擇，有便當有麵有台式小食，仲竟然有我好喜歡的臭臭鍋，二話不說就點了，雖然呢度都係用我不太欣賞的QR Code自助點菜，但係都叫做有本實體menu睇下，係會覺得食物吸引啲的。台灣小火鍋很快就上枱，主鍋可跟白飯或新竹米粉，亦可加8蚊轉滷肉飯或芝麻海苔飯，一向都唔愛好白飯既我就選擇咗配米粉，熱辣辣既鍋，濃濃既湯，超過十款既配料，就已經係好飽滿既一餐，不過作為臭臭鍋既愛好者，實在覺得香港食既臭臭鍋唔夠台灣食既臭，大慨係因為要迎合地區口味吧。

今天午餐想食台灣嘢，經過旺角就去咗鐵牛。原來星期日係無下午茶的。排骨飯，啲排骨好鬆脆，有台灣嘅風味。鹽酥雞撈麵，好入味，唔錯。紅豆茶，有得少甜，唔差。仲叫左杯熱柑桔檸檬，甜左少少，不過係好飲嘅。

我個碗麵份量比較少，Errrrr。。。我冇刻意叫要少啲，我媽咪個麻辣麵就唔辣，佢話呢間冇下次，我就覺得味道唔差，不過員工服務有待改進，即係問可唔可以加辣，竟然同我講下次掃碼點單嘅時候打備註，咁其實唔食過點知佢唔夠辣呢

🍊 餐廳名稱：鐵牛 🐝 味道：6/10環境：7/10整體分數：6/10/💰人均：$200———————————————————旺角之前食過一次，都幾平靚正。但今次發現佢轉左餐牌之後有點不如以前。佢係以一間台灣風味料理既鋪頭，所以我地肯定就食下鹽酥雞同埋台灣腸啦！鹽酥雞都好脆，不過肉質稍微偏肥。而台灣腸就真係…台灣腸，好味不過冇驚艷。但牛肉麵呢就可以講下！幾唔錯wor！牛肉肥瘦適中，都吸收曬d湯汁。不過整體味道比較濃郁，d新竹米粉可能會有小小鹹。（但因為小編好重口味，所以都幾喜，哈哈）

美味的台灣麵星期六和家人一起去了旺角中心附近，咁啱係食下午茶時間，就見到有個落地庫嘅美食街咁樣嘅商場。個商場有三間食肆，見到鐵牛台灣麵個樣吸引啲，我哋就走咗入去，而且4點時間唔使等位，所以就入咗去幫襯。我嗌咗個招牌牛筋牛腩麵，屋企人嗌咗個牛肚牛筋麵（麻辣汁）。間餐廳係用QR code落單，十分方便。我哋仲嗌咗兩杯台式飲品，一杯紫米紅豆冰，一杯珍珠奶茶。我杯紫米紅豆冰，比較少豆多水，所以就麻麻哋一般般。我的牛筋牛腩麵好好味，個湯好好飲。牛腩的肉質好淋，好嫩滑。牛筋都好淋。好有去咗台灣旅行嘅感覺。屋企人嗌咗個辣麵，我試咗一啖都真係好辣，唔係好岩我。地方環境好清潔，冇乜油煙，地下都冇乜垃圾，餐枱都抹得好乾淨，環境好舒適。下次經過都會再嚟幫襯。

咁啱出旺角有野做，搞掂晒已經兩點幾，肚仔餓嗱嗱臨搵嘢食，有啲想食台灣嘢，醒起之前睇過有人介紹就嚟試吓⋯入座嘅時候已經有下午茶，QR code落單簡單方便，$40/1個下午茶，有一份主食+3個小食，仲有埋杯嘢飲，旺角嚟講都幾抵食叫咗一個麵一個飯，個面係麻辣擔擔麵之類，面彈牙有驚喜，滷肉飯就普通啦；小食分別嗌咗台式香腸，鹽酥雞，炸豆腐，地瓜條等，小食正正常常，如果佢有埋甜不辣揀就好啦飲品都幾多選擇，不過大部份都要加錢$5/$8，所以最後帶咗最普通嘅台式奶茶⋯如果你鍾意飲好甜嘅台式奶茶，呢個就未必啱大家啦，事關我叫咗一杯正常一杯半糖，兩杯都係比較少甜，唔知係咪呢度嘅嘢飲都冇咁甜半糖口味非常適合我，因為唔係好甜而且飲到少少茶香，另外試埋另一杯正常嘅，都唔係好甜姐， 10分喜歡我諗下次我會再去食多次個面，再試吓其他嘢，睇Menu好似仲有個臭臭鍋？

話說好多食肆既下午茶最多都係去到5:30pm，要搵間去到6:00pm既真係唔容易。好彩俾我搵到呢間鐵牛台灣麵佢下午茶去到6:00pm，人少少，而且都算抵食，主食加三個小食再有野飲我叫左呢個：主食：麻醬乾麵小吃：鹽酥雞、地瓜、小香腸飲品：熱奶茶下午茶份量做晚餐剛剛好，夜晚要早食，唔好食太多先可以無咁肥小小地一碗麵加埋三款小吃，每樣少少試下咁，個人覺得個麵幾好，地瓜好好味，小香腸就係我個人必食，鹽酥雞就一般般啦。佢個下午茶勝在擺得夠精緻，見到咁靚即刻成件事好味左至於個奶茶，由於我好勇敢叫左無糖，所以唔係咁好味，台灣奶茶都係要少少甜先得，下次啦

平時食下午餐俾鐵牛午餐第一次食有幾個便當揀最後揀左柚子蜜汁雞扒便當柚子味，極濃的的汁放於雞扒上好match!! 個飯又有魯肉碎，非常好食便當10分精緻份量10分足夠味道8分好如果女士分量來講係非常之大，甚至去到食唔晒我最後都係食唔晒嘅有幾樣嘢真係爭啲，就係冷氣非常之凍啲風吹落個便當，所以好快就凍哂同埋個便當一嚟嘅時候，都有少少唔夠熱有欣賞嘅係便當的配菜！有三款咁多，而且都各有特色，有粉絲，有炒蛋，有番薯球同埋佢便當嘅擺位方法都好靚仲有杯嘢飲係用台式手搖外賣杯嚟裝所以就算飲唔晒，都可以帶走！超方便