長洲冰室

營業中

休息中

以前長洲來來去去剩係得傳統嘅甜品舖，而家已經越來越多，好似呢間行年輕路線嘅甜品舖一樣。呢個芒果冰又有芒果雪糕，又有芋圓，又多芒果，完全係啱我口味。佢啲芒果冰打到好細碎，食落唔會吉口，加埋啲芒果汁甜度啱啱好。當初我都想講吓啲芋圓，我係好鍾意食呢啲煙煙韌韌嘅嘢，但有陣時太煙韌冇咗啲芋頭口感就唔好味，但呢間嘅都整得唔錯！我都嗌咗個傳統嘅豆腐花食下，一熱一凍啱啱好可以中和返個胃，因為有陣時食完啲凍嘢個喉嚨都會有少少辛苦。雖然我係平日來，但係都有少一家大細來長洲當旅行一樣

📍長洲冰室 @ 長洲慕名而來終於食到，咁熱嘅天氣下食甜品都覺得唔好食，真係好難得～叫咗4樣嘢都偏甜／很甜／假甜，冇咩講了🥹（唔明白點解叫咩冰都可以有芋圓芋泥，泰奶同佢哋真係好唔夾呀～～～）不過打卡靚都真嘅，但就唔好喺味道上有任何期待🫡ღ 泰奶剉冰 $70 黑糖剉冰 $68ღ 多芒小丸子豆花 $42 ღ 新鮮椰皇水 $30回頭指數😼0.5/5（冇咩事唔會再食了 ಠ_ಠ

夏天黎到長州都真係幾曬幾熱，所以我地都採取行下食下的策略。而我地本身係想Target 一D Cafe，雖然係閒日，但都有唔少人係度排隊。我地係唔想等的原則之下，決定轉移其他小店。行下行下，我地最後就揀左長州冰室，主要原因環境都唔錯，地方相對上較大會多D位，而最重要就係有剉冰食! 由於我地係芒果控，所以最後就揀左芒果三色圓冰。一上枱份量比相中細，不過都有好多材料，除左剉冰外，仲包括唔少的芋圓、新鮮芒果同埋芒果雪糕。首先要讚的係呢度加左大量芒果汁，又個芒果汁唔算好人工好假的味道，基本上啖啖剉冰都吸晒芒果汁。之後新鮮芒果份量都唔少，而且全部都係甜。有時候食甜品，最驚就係生果唔夠甜，令到個人成個mood都無晒。而芒果雪糕同芋圓就正常發揮，整體而言都好滿意呢個剉冰。P.S. 呢度要提提大家，如果要堂食的話，每人都要叫一樣甜品或飲品，就算我地叫左芒果三色圓冰，價錢其實可以食到兩個甜品，我地兩個人都係要叫兩款，最後就揀左最平的椰皇水，問左店員話係用新鮮椰皇，都幾鮮甜，$30黎講都算合理。

呢排天氣咁熱，最啱食返碗綿綿冰涼下🥵泰式茶綿綿冰打得蓬鬆，泰茶滲滿整碗！面頭鋪上紅豆、自家製芋圓及雲尼拿雪糕。芋圓十分足料，口感煙靭，食完成個人清爽曬～ 而芒果糯米飯都幾足料，雖然賣相平平無奇😂仲要同menu張相幾大出入下，但係食落又唔錯～ 芒果清甜，椰香味濃郁。

今年的夏天特別熱，在路上行幾步已汗流浹背。聽聞長洲這間甜品鋪有良心之餘，出品還不錯，於是便出去一試泰式奶茶三色圓冰上層鋪滿三色圓（黃蕃薯、紫蕃薯和芋頭圓），總數差不多有15粒，份量很多，而且吃得出材料的原味。另有一些練乳紅豆和一球雪榚，令整個甜品的口感更有層次感。最愛的是泰式奶茶醬，非常香甜，也帶點茶甘味，不會死甜。冰冰的大少適中，入口不會有一塊塊的情況出現。雖然價錢偏進取，不過泰式奶茶口味幾獨特，造型和味道都優於大市，所以都值得一吃～

即興嘅長洲遊，30度高溫天氣！一定要搵d凍冰冰嘅甜品冰一冰！就係每次黎幾乎都去嘅長洲冰室！店內位置夠多，平日去幾乎唔洗等，都係試佢出名既刨冰🍧🍧泰式剉冰-$70份量比預期細碗，不過好好味😋個冰幾綿密唔似有d餐廳食得出碎冰，食落好濃泰式奶茶味，味道岩岩好，配料嘅三色芋圓煙韌度適中夠Q彈，配埋雲尼拿雪糕好味😋多芒小丸子仙草-$42｜泰式奶茶$30芒果好甜小丸子超Q彈值得推介，泰式奶茶味道好濃郁正宗👍老闆/店員人好好，提醒我就溶啦D冰，唔好影相打卡住😂😂😂呢間甜品真係值得一試！

1年前黎長洲個陣食過一次就覺得好好食,第二日都要再食一次😹但今次真係超失望😥呢度最熱門係食冰但之前食過個人都係覺得麻麻🫢🔺芒果紫米雙圓椰皇燉奶$65原來係分開嘅之前食係一齊🥺(以前個個靚啲,相係最後)首先椰皇個個裡面有芋圓,小丸子芒果同蛋白🥚芋圓嘅味道係番薯🍠紫薯同芋頭,煙靭嘅但好似冇咩味咁🤧小丸子就正常🙌🏻芒果偏酸🥭蛋白好滑,好飽肚🤣到隔離個碗紫米,真心搞唔掂😕裡面同樣有芋圓,小丸子同芒果但個紫米唔甜😩同配料完全唔夾🥶食咗一半已經放棄佢😵‍💫🔺芒果椰汁雙圓椰皇燉奶$65 呢個先不得了,一年前食超鐘意食呢個🥲但而家超級失望😭個椰汁變壞咗!!!!雖然店員有換返比我地但都已經唔想食🫠椰汁完全唔甜🤡明明應該同芋圓,小丸子同芒果先岩但食個陣完全分開哂😧芋圓,小丸子同芒果評價同上🤝🏻🔺黑糖紅豆三色圓豆花 $40呢個係三樣中最正常🤞🏻紅豆棉同甜🫘豆花係正常水平😉芋圓同樣煙靭但都係唔係好食到個味🤨黑糖味其實都唔太出😗

黑糖紅豆三色圓仙草 $34Brown sugar red bean tricolor balls grass jelly好抵！超足料呀😋 黑糖味都幾重但唔會死甜 反而啲紅豆較甜所以超配 芋圓好q好有咬口😍 仙草好滑 整體感覺超好食 等疫情完左我要encore🥺This was a very big bowl filled to the top, very worth its price! The brown sugar wasn’t too sweet, and it adds on to the flavour since the grass jelly doesn’t have much taste to it. The taro balls had a bouncy texture and it carried a nice chew. The grass jelly was very smooth and it wasn’t bitter at all.

好耐之前已經見到長洲冰室呢間甜品餐廳難得入到嚟就乜都要食下啦搵咗好耐終於搵到呢間長洲冰室啦佢呢度每人有最低消費同埋真係超級多人囉我好似等咗成15分鐘先有位入座同埋入到去你唔好預計會坐得好耐因為實在太多人店員會見你食完就即刻收嘢見你未走就會問你係咪要加嘢食咁我哋兩個人就叫咗兩樣嘢食一個好似係芒果沙冰嘅呢個真係幾好食，佢啲沙冰係芒果汁底我覺得佢呢樣嘢好特別另一個就芒果小丸子唔知啲咩呢度啲芒果唔會酸幾好食嘅行街行到熱就可以沖入嚟食🫣不過價錢就有少少貴兩個人好似都百幾蚊每人大概都七八十蚊😭

長洲冰室～好似加咗價。.₊̣̇.ෆ*˚*ෆ.₊̣̇.ෆ*˚*ෆ.₊̣̇.ෆ*˚*ෆ.₊̣̇.ෆ*˚*ෆ.₊̣̇.·《泰奶刨冰》$70刨冰上係雲呢拿味雪糕，配料有三色芋圓及紅豆。刨冰都算刨得棉密嘅，第一啖食落去幾香泰式奶茶，又唔會話好甜，但係第二啖開始就無乜奶茶味…可能第一啖嘅味道係出於泰式奶茶醬🤣個雲呢拿雪糕上面就淋上左好少泰式奶茶醬，煉奶相對就比較多啲，所以食到有甜味都係因為個煉奶😂 個冰越食越淡咁，係好淡好淡嘅泰式奶茶味🫤 而啲芋圓唔夠煙韌 🤔 所以個人認為價錢偏貴…ෆ̈推介指數:6/10·《椰香紫米露+豆花》熱 $33呢個反而好好食！甜度適中，紫米露軟糯濃稠，跟香濃嘅椰漿係絕配🤓豆花都好滑。價錢合理。ෆ̈推介指數:8/10.₊̣̇.ෆ*˚*ෆ.₊̣̇.ෆ*˚*ෆ.₊̣̇.ෆ*˚*ෆ.₊̣̇.ෆ*˚*ෆ.₊̣̇.味道：🌕🌕🌕🌑🌑環境：🌕🌕🌕🌖🌑服務：🌕🌕🌕🌕🌑衛生：🌕🌕🌕🌗🌑整體：🌕🌕🌕🌘🌑價錢；🌕🌕🌗🌑🌑人均：$30-$100（以上純粹個人意見，可作參考😛，之後會分享多啲食評出嚟～😋💕）

自問係芋圓超級粉絲，食過好多間芋圓，長洲呢間真係數一數二好食！！！！嚟親長洲都必食！！首先芋圓/芋泥可以配搭嘅種類非常多，可想而知有幾多人專程去食佢個芋圓😋呢碗嘢集合哂所有我鐘意食嘅材料～先講三色芋圓，真係三隻味都食得出，口感煙韌，唔會有唔熟嘅芋頭/芋粉。大細適中，每一口都可以食到芋圓！😋芋泥唔會假甜，又唔會似泥膠，每一啖豆腐花+芋泥真係100% matched!豆腐花夠滑夠豆味！加埋椰香更出色！好想買十碗返出香港慢慢食😂

天氣熱辣辣🔥行到身水身汗時，食凍冰冰嘅糖水就最好不過～🍧泰色奶茶三色圓冰大大粒紅豆蓉，平衡咗過甜嘅泰茶刨冰，加上雲呢拿雪糕食用，即刻透心涼🥳可惜芋圓比較偏重煙韌感，而芋頭/蕃薯味欠奉。🍨芒果西米露加珍珠芒果甜度適中，混合粒粒通透西米露，感覺似食楊枝甘露😆食完已經好飽好飽...但長洲太多小食，難得入到去，緊係要把握每秒食食食😋

本人的朋友是芋圓控，來到長洲，帶朋友來吃必食的長洲冰室芋圓。店舖在沿着碼頭一直行的海邊旁，很易找到。味道還好，不過如果愛吃甜的可能要另外糖漿。本人非芋圓控，所以點了芒果奶凍😂奶凍不過不失。

呢度既甜品配搭都幾多, 搞到我地揀左好耐都諗唔到食咩🙃 最後揀左兩款比較穩陣既款式, 但係都係有啲失望既😮‍💨桂花糖三色芋圓仙草🍡($40)呢度既桂花糖係自家製, 食落清甜得黎又有濃濃既桂花味, 食完都唔會覺得太甜既👍🏽 芋圓方面口感唔錯, 不過就冇咩特別既味道, 仙草都係正常, 我個人鐘意食啲味濃啲既仙草, 整體一般🧐多芒小丸子豆腐花🥭($42)芒果差唔多係季節, 所以都會比較甜, 但係唔知點解食落有啲淡, 豆腐花又唔算特別滑, 小丸子又過份地稔, 超失望😞呢度既質素同價錢有啲唔太成正比, 個價錢仲貴過係市區食, 要食甜品都係去返老字號度食會開心啲🤓

食呢個baileys冰有小小失望😓，上面個雪糕好食，但下面個冰baileys味有啲苦唔係好岩個人口味雪糕其實係普普通通vanilla 味，唔係太特別…整體來講如果80幾蚊，可有更多選擇😂今次坐外面，地下好多紙巾….感覺衛生可以改善