長洲角酪

營業中

休息中

山長水遠入到長洲，當然要試下啦～下午3點幾，門口排左10幾人，角酪卷一早已經賣晒，排到埋去岩岩無埋莓莓角酪🥲唯有轉飲甘露角酪，落完單等左十幾二十分鐘先有得拎，裡面有芒果同柚子，味道非常夾同消暑，可惜芒果切得太大粒，用粗飲管都吸唔到，最後唯有打開蓋食

今日趁着放假，男人話想去長洲玩，咁就12點去咗中環5號碼頭搭船，去長洲之前，做晒功課，揀好咗幾間長洲名物去大吃大喝！第二站黎到長洲好多人推介既乳酪飲品店- 角酪間鋪坐滿晒，所以今次選擇嗌外賣，睇下個餐牌，我幫選擇左春季特飲，櫻花乳酪飲。另外一杯嗌咗芒芒酪酪。淨係睇個賣相都已經好吸引，我個杯仲有櫻花圖案，一飲落去同平時飲嘅乳酪飲品好唔同，櫻花個杯酸酸甜甜真係有櫻花味。芒果個杯都有驚喜有黑糯米係入邊，所以飽腹感比較強。整體來講兩杯嘢都唔太甜，反而酸味比較多。我會形容好似係飲緊酸奶，但係又比酸奶口感濃郁一點。所以建議如果有少少肚餓，但又唔想食嘢嘅人可以嚟到角落叫一杯屬於自己嘅乳酪特飲。飲完即刻成個人飽晒，所以去咗行山之後就打算去食長洲大魚蛋！

今次揀咗莓莓角酪，其實佢都紅佐好耐，甚至係開咗分店，不過我就今次真係第一次飲，個人覺得味道係ok,酸酸甜甜咁，下面就有d紫米，幾特別，好解渴，不過就無話好驚喜，價錢都偏貴，但都可以試下

第一次飲角酪，當然要試佢杯招牌-莓莓乳酪🍓入面有心型草莓，好靚呀，飲到最後仲可以食埋佢🥰🥰紫米：令整杯飲品有咬口，口感及纖維增加乳酪：健康有益腸道，微微酸很開胃買完飲品記得打卡，裝修得裝得好靚架！🫰🏻以家想飲到角酪更加方便，因為中環都有，唔需要特登搭船入去就飲到。

...早排係返新工之前，入左長洲行個圈，睇下風景😂發現原來星期二係無咩食店開 sosad..游黎游去，好在長洲角酪有開😵‍💫聞名不如見面，老實講我未飲過😂叫左杯芒果角酪試試😏..30幾蚊一杯，有啲芒果，有啲紫米，酸酸地，其實就幾啱夏天飲嘅～仲好飽肚添🤤不過你問我係咪一定要試，我就覺得未必😂 隨心所欲黎到就黎啦..打卡牆讓比大家影就ok😂🫣太多人了🫣🫣..

今時今日嚟到長洲 除咗識大大粒魚蛋芒果糯米糍 就梗係唔少得去下最近大熱人人都打卡嘅長洲地鐵站啦📷離遠就見到有長長嘅人龍👩🏻‍🤝‍👨🏽👭👬但係都係大約等咗15分鐘左右就有食物同嘢飲都算快手👍🏼🍓莓莓角酪 $42見佢打卡no.1 當然要點來試試啦酸酸甜甜嘅乳酪加上士多啤梨同黑糯米 唔錯嘅配搭而且幾飽肚🍊柚露梳打 $45飲落好清新 好香柚子味 唔會太甜 杯底好多柚子西柚芒果嘅果肉 好好味我哋覺得比起signature嘅角酪更加好味🤤🍰大馬士革茶卷蛋 $48比起出名嘅角落卷 作為茶控我哋更加想試呢個茶卷🙆🏻‍♂️ 好香嘅茶味 頂層舖了一層芝士奶蓋 (可惜我哋話外賣所以有個蓋令啲奶蓋扁左🥹 所以要靚靚記得話堂食呀) 蛋糕口感厚實鬆軟 中間啲cream好creamy而且茶味濃郁💓💭野飲同卷蛋都好味 見到人人都買完杯嘢飲喺呢個長洲地鐵站嘅打卡牆到影相 覺得店主嘅設計真係好成功好識玩😂

人氣打卡店，店舖門外長期都排長龍，好多年輕男女拎住靚靚嘅飲品影相。而且店舖內特色牆好搶眼。玫瑰四季春玫瑰味好香，選了少甜更能突顯玫瑰味士多啤梨角酪，即係士多啤梨乳酪。飲落口感豐富，應該用新鮮的士多啤梨，好好味。角酪卷軟綿綿好好味，味道好特別。推介！

長洲角酪係我去長洲必飲嘅飲品，自從上次飲過之後真係一試難忘，佢啲乳酪真係好正😳 同埋覺得有種去長洲必要去長洲地鐵站打咭嘅感覺🤣 首先不得不讚佢嘅打咭牆真係做得好好🤗 我可以話佢做咗一個景點🤡 因為就算唔識呢間嘢都好自然會停留兩步去睇😳 今次一search之下發現原來中環街市都有分店，同樣有扮地鐵🚇「皇后大道中」嘅打卡牆不過今次無上次咁好飲，但乳酪嘅好味仲係度，唔知係咪唔夠芒果果所以扣咗分🤔 平日都咁好生意👍🏻

今次同大家衝去長洲！介紹超出名嘅 角酪 ，入到長洲必試！-草莓角酪（$38）/ 芒芒角酪($38)士多啤梨/芒果乳酪加上黑糯米，酸酸甜甜，消暑解渴！標籤上有寫甜度，每句都好搞鬼🤣好似我果杯芒芒角酪咁，寫住「真心甜，講緊你」大家去叫野飲都可以留意下！🤫推薦指數:✨✨✨✨✨-本身想試角酪卷，好可惜賣曬😢😢有機會再去試除此之外入邊都有好多超靚打卡位！-本身諗住去啡寮試下超出名嘅水滴咖啡，交流下咖啡心得，但係摸門釘😢😢希望下次去有開(｡ ́︿ ̀｡)-長洲角酪 (長洲)地址：長洲新興街78號地舖

同朋友行過長洲見呢間幾多人排隊所以就決定試吓~入邊係有一面牆整到長洲站咁樣感覺幾特別幾有特色，啱晒鍾意打卡嘅人👍🏻雖然好多人排隊，但都有幾個員工幫手準備飲品所以唔係等咗幾耐就攞到個嘢飲~點咗個王牌角酪同埋芒果角酪，覺得兩個都好香乳酪味，而且仲有少少黑糯米定西米，飲落都幾有質感幾飽肚，平均30幾蚊一杯都算抵飲另外都見佢有啲蛋捲甜品都好似幾正，可惜當日比較飽所以最後冇食到，見佢賣相都幾靚，覺得下次可以試吓~

百香果角酪 好濃果香味 唔太甜 乳酪係比較稀既質地 經典角酪 口感煙韌既紫米好有咬口 加上酸酸地既乳酪味道好夾 基本上我每次都叫呢杯 角酪卷 cream係由士多啤梨加乳酪整成 蛋糕卷既顏包係碟豆花美美嘅藍色💙 蛋糕卷口感濕潤 大馬革士卷 頂層淋上芝士奶蓋 餡料好香濃茶味 一直保持到食物水準 所以入長洲都會黎食

搵完好嘢食搵好嘢飲！！ 喺甘永泰魚蛋隔離條走廊直行就到！！平日黎都咁多人，前面大約等十張單，等緊既時候可以打住卡先， "長洲地鐵牆"" 一流~ 甘露角酪應該係由楊枝甘露演變而成，好創新好好味呀！！

長洲角酪 (長洲)📍長洲新興街78號地舖趁住天氣未太熱，最岩就係同女朋友去長洲呢啲郊外少少既地方，享受下簡單既海風同寧靜🎏行到攰攰地，行過見到呢間比較有特色又賣手搖飲品同小食既舖頭，入邊有一大幅牆模仿地鐵站既設計印住長洲，亦好多人係到打緊卡📸於是就被佢吸引左入去👀入邊地方唔算太大，左右邊都有少少位置俾客人座低食下野，不過位置唔多，好大機會買完要立食或等位，不過由於係手搖同小食，一個人買哂兩樣野就比較唔方便，兩人以上或情侶去就冇咩所謂👍因為又渴又餓，我地叫左2杯野飲同一個cake，解解渴填下肚🫃🤰🥤白桃梳打口味同一般白桃梳打差不多，略甜。不過十分解渴，最岩行得太耐，梳打氣泡幫你”鋸一鋸”，補充下糖份。🥤經典角酪見飲品名同個舖名相呼應，應該係佢哋招牌飲品。飲落酸酸甜甜，底下有紫米，所以會有煙韌口感，非常易入口，同我地點既甜品非常配搭👍🍰角酪卷藍綠色有粒士多啤梨既蛋糕，亦似係佢哋嘅招牌食物。除左顏色奪目吸引，酸甜既乳酪cream，加上士多啤梨，消解左蛋糕本身既膩，又可以用嚟打卡，推薦一試👍👍

長洲角酪🧋📍 長洲新興街78號地舖❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙最鐘意入長洲飲飲食食😋，食又飲下又一日🤣。最近拜訪長洲大排長龍既人氣飲品店💁🏻‍♀️，試下因乜解究會咁多人排隊去買佢😂。另外，呢間小店都幾適合打卡📸，有個打卡牆比人影下相🤩。🌟 芒芒角酪 $40除咗等既時間比較耐之外， 冇乜缺點😂。飲落去啖啖芒果同埋乳酪🧀️😋，正到飛起， 如果屋企附近有一間就好啦🥺。🌟 莓莓角酪 $42呢個莓莓角酪必飲呀😍，正到飛起😛，酸酸甜甜，好好味🤤，排咁耐都值既😈。整體推介指數：❤️❤️❤️❤️🤍❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙

Hello 大家好👋🏻！今日我嚟到位於長洲嘅「長洲角酪」。 係長洲一個角落嘅長洲角酪，以自家制乳酪為主打，另外亦有梳打及花茶，仲有冬天特飲開心果奶添。今次同大家分享一下佢哋嘅乳酪飲品，話晒佢地嘅乳酪係自家制，點都要試下。美食攻略：入到店內當然要排長龍，話晒長洲其中一個美食境點， 係排隊當中，小弟觀察到有一款乳酪飲品特別多人點嘅，目測係當時最受女性歡迎， 就係「莓莓角酪」，一個粉紅色嘅士多啤梨乳酪。 原本想試下佢地個原味乳酪，不過見呢個「莓莓」咁有人氣，一定當中有橋妙。 於是我就懷住一顆少女心去點呢個「莓莓」。 果然無揀錯， 呢個「莓莓」一入口就有一股新鮮嘅士多啤梨味，唔會太甜，而乳酪味亦同時出現，兩者配合得恰到好處。 每一杯「莓莓」都有個士多啤梨心心係個杯入面，有味覺享受之餘又有視覺享受，難怪呢個「莓莓」咁受歡迎啦。美食指數：5🌝最高味道：🌝🌝🌝🌜🌚環境：🌝🌝🌝🌚🌚服務：🌝🌝🌜🌚🌚賣相：🌝🌝🌝🌚🌚