長發餐室小廚

營業中

休息中

《長發餐室廚》長發早餐，麻甩佬既飯堂，全場都係麻甩，斷估係附近既車佬，餐廳晨早流流都播住大陸情歌，老細的taste真獨特，被情歌洗禮過的早晨，吃過早餐然後工作去。

足料，，同同事工作路過，見到舖面格局乾淨，諗住求其叫啲野食，叫咗蝦仁炒蛋，蝦和蛋的比例接近50/50。 豆腐班塊舖滿煲仔，想揾舊菜食多啲都無扺食，，哩個價錢係旺角一帶絕對係有競爭力。$60一個餐包飯包靚湯一碗，碗湯簡單咁講"老練"的味道。快靚正，，叫咗唔夠十分鐘，熱辣辣餸菜上枱👍👍

原本打算照舊開完會叫外賣返黎食，但來來去去又係個幾間，食都食到厭。朋友話附近開佐間中式餐廳，又有羊腩煲，又有小菜，見都有d人流，應該ok，於是開完會就組隊去食。位置就吾算顯眼，新裝修外觀企企理理，感覺幾乾淨。菜式選擇都幾多，價錢大眾，我地就一人揀佐個餸。上菜都幾快，小炒好似大排檔好有鑊氣，又唔會好咸同好油，呢點做得幾好!特別推介係個羊腩煲，真係好足料!一開蓋真係香到不得了，隔離枱d人都望過黎，笑!羊腩軟腍，仲食到d軟骨，而支竹燜得好入味，個汁又清甜，撈飯真係一流。不枉我地咁凍天時都出去食，誠意之作，希望可以keep住水準!冬天食羊腩煲真係好正，下次帶埋屋企人黎試下先。

雞煲勁足料，調味超好，老板用了特別的醬汁使整個麻辣汁昇華到另一境界， 沒齒難忘，絕對比市面巧立名目的火鍋雞煲專門店好食，值得專門到此一試！另外椒鹽鮮尤都是我吃過很多大排檔後認為炸得最好的，不會炸過火，也不會有厚厚的炸粉偷工減料，誠意十足！調味當然也不會像外面下重手的鹽咸得舌頭都麻掉，椒鹽量剛剛恰到好處！味道與口感皆上乘之作！老闆熱情招待，店員有禮，店鋪衛生企理，氣氛很好也不會太吵。還有超好飲勁大杯既柯華田。

去開深水埗，朋友介紹呢頭新開咗一間餐廳，去到諗緊食咩既時候，老闆娘特別推介麻辣雞煲，我地叫左麻辣雞煲之外，仲嗌左黑椒薯仔牛柳粒，同埋蠔餅！三個道菜都好好食一試難忘！特別係個雞煲，雞肉非常嫩滑，口感一流凈係啲醬汁已經好味到可以撈多一碗飯食蠔餅都有驚喜，好脆！啲蠔好大隻，一啲沙都冇～餐廳環境舒適，又有電視睇，員工都好有禮貌，食物更加係冇得彈！雖然離地鐵站有少少距離，但為咗食好野，我都唔介意行多兩步。實在太好味啦，下次一定會朋友/家人再來，試埋其他野食

叫左兩個小菜咸蛋王肉鬆炒涼瓜片同芥蘭炒臘味，52蚊小菜加白飯仲送列水，小菜夠鑊氣食落唔口乾送飯一流，！ 餐廳新裝修坐得舒服過大排檔，泊低架車係門口食唔洗怕抄牌。

今日行深水埗試左呢間新開既茶餐廳，雖然餐廳位置唔太顯眼，但聽朋友有好評就即管去左試下👍🏻👍🏻👍🏻一試難忘😻同男朋友試左兩個餸：黑椒味菜炒雞柳同豆腐班腩煲，52蚊一餸一飯一湯，真係好抵好飽好夠鑊氣！🤤🤤雞柳又軟熟黑椒汁又好夾，個班腩煲都好夠味，超級正！新裝修，環境乾淨衛生，燈火通明，員工仲好有禮貌，比提議我地簡食咩好，好有街坊人情味～～一定會再同男朋友去，再試埋其他菜色！！！！！！