開爐重慶老火鍋

營業中

休息中

剛剛踏入12月，見天氣有少少涼，諗住好開心落嚟食個任食火鍋，點知落到嚟先至知道依家呢間舖頭已經冇咗任食，亦都冇咗任飲汽水同埋啤酒，汽水一罐要$20，但係都要照收每位$16茶芥費，亦都要收醬料費每人$9，嘢食全部要逐碟計，同之前一樣都有正常肉類同埋海鮮，牛就好過之前任食少少，其他食物質素正常冇特別，嘢食嘅種類唔係特別多亦冇乜特色，但係啲嘢食就有啲貴，見咁耐冇人提過呢間野，所以要盡食客責任提醒大家，嚟唔嚟就自己考慮了

服務太態度差，明明話唔收小朋友錢，收多小朋友錢（3歲以下）4個人食加小朋友真心貴 衛生問題一搬，但價錢不接受食物質素要改善啦，同埋款式冇咁多，肉質素唔新鮮，個職員話不收小朋友錢 ，為何又收佢錢呢？ 誤導消費者 希望可以改善呢幾個問題 唔會再幫襯呢個餐廳 ，未試過咁難食嘅火鍋店

雖然一開始就唔係諗住好高質，但完全不能接受！仲要除夕加$20，超級唔值1. 菜單誤導：我地簡左A餐火鍋放題，但入左去坐低先知原來只係自助吧寫既野食先係放題，現場已有食客即時投訴2. 衛生情況惡劣：現場望落座位雖然闊落乾淨，但係啲碗好油，用紙巾一抹仲要有辣椒油係到3. 食物品質惡劣：雪花肥牛同啲菜望落勁唔新鮮4. 問同一樣野，唔同既服務員都有唔同既解答，我地問啲牛肩肉可以點樣落單，一個話問佢就拎比我地，一個就話得雪花肥牛可以係出面自助吧拎

冇咩好講 就係好難食 每個食呢到放題嘅人臉上都冇笑容 有趣蠔就腥 肉就硬 咬唔開 唯一可接受嘅只有萵筍 但正常應該冇人會比兩舊幾水入黎食菜掛？因為其他菜都幾難食下 呢點都幾勁😂味道最好嘅或者可能係忌廉牛奶😂？