開花結果 (榮吉工業大廈)

營業中

休息中

第二次食開花結果，門口都要企滿取籌及外賣的顧客，雖然舖頭由細搬大，但好像仍未能處理大量顧客，當然明白在香港，有美食的地方，都大排長龍，今次幸好只等了20分鐘⏰，坐下立即落單，今次揀了香芒雞肉牛角包配吞拿魚火腿及碎蛋薯仔沙律，芒果很甜，沙律有點凍，但份量十足，值得再試。因為上次杯餐飲有陣漂白水味，今天改選了餐湯 - 南瓜海鮮忌廉湯，好味，遠超所想!

之前係荔枝角返工最鐘意就係幫襯佢地既炸脾沙律下午茶.今次照舊叫左2份炸脾1份配吞拿魚粟米沙律🥗1份就配薯條. 炸脾既皮唔會有太多調味粉食落唔會咸而且好脆，肉就好滑唔會炸到鞋曬而且雞脾本身好大隻，食落淡淡肉真係好滿足！！沙律味道都唔錯每一淡都食到吞拿魚同粟米，仲有D 火腿添！薯條就粗身，岩岩炸起熱辣辣，外脆內軟👍🏻另外我地跟餐都叫左杯朱古力雪香，好濃郁同埋topping 仲加左胚牙飲落好有口感成個餐好有份量食完已經好飽唔洗食晚餐👍🏻😂

星期六放下晝，就重遊舊地約返個舊同事仔食晏仔兼去香工行街。同事仔話當年幾乎個個星期去幫襯既「開花結果」搬左新舖重開，當然要去，睇下有無keep到水準先。新舖唔算遠，好易搵，地方大過舊舖好多！人手當然都多左，但依然要等位，不過都唔使等好耐。黎到最抵食一定係皇牌經典套餐，8款涵料、5款包，再加6款沙律任選兩款，自由拼砌，加埋飲品都只係$52！沙律仲要係大大份，並唔係大xx / 美x 果種雪糕球咁細份量。（上）香芒雞肉法包，菠蘿粟米蛋 + 什果沙律：芒果帶甜唔酸，雞肉滑，法包夠軟，仲好細心咁切成兩份。（下）蜜桃火雞香草包，吞拿魚火腿粟米 + 什果沙律：火雞本身無味，夾蜜桃食啱啱好，唔撞味，蜜桃又唔會「水滴滴」整濕個包。沙律依舊咁大份量，完全唔慳家，驚你食唔飽咁😂食到尾3款沙律都無出水，真係要贊！（左）凍香芋咖啡 / （右）熱柑桔蜜雖話凍，但黎到唔加冰，即原裝雪凍，所以飲幾耐都唔會飲到冰水味，不過夏天大熱天時，可能會覺得唔夠凍。黎到其實仲有意粉、湯麵、雞肶、游魚鬚等等小食，不過個皇牌套餐就最多人叫，唔係點叫皇牌。同舊同事仔邊食邊傾，講番起以前每逢有人請食tea，一定叫黎間，炸肶+沙律簡直無得彈

開花結果重開後，無論什麼時段都好多人等位，今日經開荔枝角所以碰碰運氣， 去到門口如常多人等位 ，可能我一人所以好快就有位， 新舖真大咗好多， 地方比舊舖闊落， 還有時尚吊燈 ,環境尚算不錯， 我平時食開沙律麵包餐多， 今日叫咗紫菜芝麻魚柳跟意粉, 份量好足夠， 大大塊魚柳，魚柳好厚身好滑， 意粉都好煙韌煮到啱啱好， 伴碟有粟米雜菜 ， 粟米粒粒都好甜 好壯 ，唔似罐頭粟米 ，配上芝麻醬汁， 令人胃口大開。午餐 $49包咖啡或茶. 我加了4蚊飲凍檸蜜, 價錢合理.

輕輕鬆鬆又一星期，難得Happy Friday 就梗係要食好啲啦。今日同同事仔行過見到呢間隱世小店，門口完全見唔到有招牌的，同事們都很好奇，但又心絲絲就不如試下。我自己就叫左個香芒雞肉牛角包+煙肉西芹薯仔沙津伴鮮果，非常之有驚喜，首先，芒果超越鮮甜，雞肉一絲扣一絲，重頭戲係牛角包，鬆脆外軟既酥皮外層，每一啖都食到層次感。無諗過原來芒果同雞肉係可以咁夾，感覺好清新。煙肉西芹薯仔沙津，原先都諗緊...西芹既味道會唔會好怪怪...比較難入口呢，點知道完全食唔到西芹既苦澀味，加上煙肉係先炸過的，所以很香口。薯仔煙煙韌韌，滿口都係薯蓉既感覺真係好幸福呢。不得不提佢既鮮果，真係好新鮮，有菠蘿、西瓜、木瓜、蕃茄、奇異果、哈蜜瓜，真係好豐富，完全食唔到有雪過既隔夜味，保證完全新鮮即席切上，仲有新鮮即榨西瓜汁，非常清甜。所以我咃決定過幾日再黎食過，因為實在太難搵到可以食到咁新鮮既食物品質。呢啲小店一定要繼續好好咁支持喔。

食物可以,服務九流。同老婆食tea 食咗$92。比一張一百一個一元二個五豪收錢個呀姐好冇禮貌咁話唔收豪子, 我好有禮貌咁叫佢解釋點解唔收，同根據邊條法例，餐廳亦都冇貼告示出嚟我心諗你呢間本身係一間工廠飯堂招呼外來客都已經係走法律罅。你唔收毫子唔緊要唔該貼一張告示出嚟同埋解釋下呢根據乜嘢ground唔收

得知新舗重開梗係去視察下啦！感覺好好好光猛!地方好大!裝修好smart and simple !比舊鋪大差不多三倍餐牌大致上冇變沙律餐、午餐、下午茶餐乜都有夥計明顯多咗好多！我梗係叫至愛嘅炸雞髀沙律餐啦！水準keep住、冇變地方闊落、坐得舒服啲、冇咁迫！佢哋營業時間依家朝七晚七大家搵食睇時間啊！

開花結果之前都有幫襯開，裝修左一排，之後就失蹤左！點知佢係隔離街開左間大啲嘅比起舊舖，除咗闊落啲，明顯有啲裝修，環境係舒適啲，但都係坐得咁親密！仲人潮依然，有好多人排隊，排左近15分鐘先入到座，趕時間嘅就唔好搏係我對開花結果餐牌嘅認知，佢係賣沙律為主，都有熱食同是日午餐！今次叫左皇牌經典套餐，聽個名都夠嚇人，知係主打呢個有兩款沙律，配一個包同熱飲，好大份，呢個份量男女都應該好足夠！Hungry pig嘅自選組合: 蜜桃火雞 + 牛角酥 + 雜果沙律 + 煙肉西芹薯仔沙律 + 飲品蜜桃加火雞令無咩味嘅火雞更清新出色，配牛角酥嘅香脆，覺得好不錯！沙律新鮮，沙律醬唔算多，亦無任何出水嘅情況出現！唔想要沙律醬，都可以揀佢個鮮果沙律同田園沙律; 唔怕紅蔥同西芹味，同唔怕濃味有口氣🙊，煙肉西芹薯仔沙律都係好選擇！佢跟餐有一杯熱飲，如果想飲特飲，就要加錢配喇！沙律的確係唔想食粥粉麵飯嘅另一選擇，亦係荔枝角比較少有，值得推介！