開餐 (已結業)

我從來都唔食酸菜，不久前喺第二間餐廳友人食麵有酸菜伴碟我聞到即刻反胃作嘔，但係開餐嘅酸菜魚麵堅係好好味，我竟然食咗朋友嗰碗幾啖仲諗住下次自己再去食!! XD鰻魚飯大大條抵食無失望，鰻魚汁撈埋珍珠米一流😋😋椒鹽豬扒醃得入味炸得夠香，豬油渣飯加上甜豉油一流👍🏾👍🏾👍🏾炸流心奶皇包好香到宜家都仲掛住，推薦大家去到一定要叫黎食！🤤飲品跟餐只係加$10，買個樽都唔止啦，一於叫晒三個未，全部都好足料夠哂味！總結：一定會再去！

酸菜魚河粉好好食，而且酸菜魚冇骨，啖啖肉，加埋香港特色嘅河粉，完全冇違和感，一碗麵滿足兩個願望！另外加$10跟餐嘅「香港人加油」菊花茶好清甜，食完酸菜魚啲咁濃味嘅嘢再飲，可以解油膩，個樽仲可以攞走，有「香港人加油」嘅字眼，超靚！

上星期去佐敦攞眼鏡…因為澳牛係眼鏡舖附近, 就諗住攞完眼鏡就去食個光速餐同睇下自己叫野快定伙記快😏。 點知俾我昅到條龍尾去到寶靈街😱😱…真係好鬼誇。 放棄…去印象附近另一間💛目標茶記👉開餐眼鏡舖轉個灣好易就見到“開餐”…因家離遠就有堆人係度排隊…即時去攞張飛排隊。 大約等左10幾分鐘就有位…店員都好後生…而且好有禮貌👍👍。 今次點左豬軟骨同招牌雜扒飯(有午餐肉,煎蛋,香腸,雞扒)。 豬軟骨味道唔錯…不過如果炆短少少時間質感會好d…雜扒飯既雞扒都醃唔幾好味…老實講…茶餐廳要兼顧既野實在太多…呢道連酸菜魚…鰻魚飯乜都有得賣…以樣樣都有既話…食物質素唔錯…臨走時…見到有一樽樽泡茶賣…個樽好靚😍…有機會再黎試下

好耐無係佐敦出沒，今日同舊同學約見，帶我黎呢度食午餐~在門外等左一陣就有位，原本諗住太多人就買外賣食，不過好彩都好多人係外賣自取。入去前職員都會為我地量體溫同俾酒精搓手液，坐低之後更會每人派一個袋仔俾我地裝口帖，好貼心😊今次點左雪菜素絲四寶湯河，都幾好食，不過我唔記得走芽菜，浪費左d食物🙈 本來想叫香港人加油既飲品，不過已經售罄，所以叫左杯熱桂花烏龍。走既時候職員好貼心咁幫我拉開張枱俾我出黎👍🏼下次試下其他野食先💪🏼

😇😍😋係香港人就一定會幫襯新開張舖頭店舖好乾淨 非常舒適食物味道非常好酸菜魚米好好味感覺好健康食完唔會口渴喎十分滿意、愉快的一餐🤤🤤🤤🤤🤤😇😍😋

新開餐廳個人覺得一間好既餐廳除左食物要好味，服務態度係非常重要，服務唔好，無下次，服務好，會令人食上癮，而家已經好少平民餐廳有好服務好服務唔只係其中一個，而係全餐廳既職員，而家呢個世代，成日都會聽到其他人講年輕人無禮貌，去某d餐廳黑口黑面好似唔想招呼你咁，會有種貼錢買難受既感覺，希望餐廳可以保持水準，無論係食品定服務，我就係食呢間餐廳食上癮既其中一個個湯，好足料，雖然唔係個個都鐘意飲，但飲左一定身體健康

由外到內再去返外，呢間開餐都勁黃！除咗每一個角度都有文宣，仲請咗一堆小朋友做店員～~~~🍜喇沙海鮮肥牛湯拉麵($58)論正宗呢個喇沙湯就唔夠濃厚，不過味道好足夠，帶陣陣椰香，都算合格。$58包飲品，仲有帶子魷魚肥牛畀你，樣樣都唔韌咬得開，都算合理價啦～~~~🍖麻辣豬軟骨($28)豬軟骨滷嘅食得多，原來配麻辣都幾過癮～肉質非常柔軟，筷子都夾得開，我就覺得醬汁偏咸，刮走D先食就Perfect啦！~~~🧆五大素球($26)素球口感就係一般大豆纖維咁，入面加咗蓮藕定馬蹄粒，爽爽地唔會成嚿都實的的。加上酸酸甜甜嘅咕嚕汁都幾好食。下面其實有苦瓜，不過我就無食到啦～

溫馨食店, 經佢地門口兩、三次, 都令人有心情舒坦嘅感覺。今日復活節, 同老婆嚟幫襯下。喺疫情之下, 依間店舖做足200%防疫措施, 令人安心又放心! 讚!餐牌簡單直接, 隨餐附送熱飲。我選擇咗扎肉雙丸湯米(轉拉麵), 越南風味, 湯底好開胃、味道特式, 拉麵軟硬適中, 貢丸、魚肉丸新鮮味美, 無得彈!老婆選擇咗酸菜魚湯米, 都幾似四川風味, 加曬辣椒都幾辣, 我地唔太食辣, 唯有潷開啲辣椒先順利食到。魚肉新鮮, 完全冇腥味、冇泥味。凍檸茶、熱奶茶都好飲, 完全係茶王水準!店舖裝修特別, 具有溫馨、家人嘅感覺, 舒適而充滿藝術氣氛, 係鬧市中嘅一個綠洲清泉!

原條鰻魚飯 78蚊原條鰻魚正，大大條，滿足喜歡鰻魚的我，唯一不足的是醬油太少，加送平安湯，個人唔太喜歡個湯，太苦，建議煲番中式老火湯（如眉豆湯）燒五花腩豬油飯三塊大大塊的燒烤五花腩，燶燶地好好味，喜歡燒烤果種燶味，配上豬油撈蔥飯好正，都食得飽五大素球叫左呢款得意小食，叫五大素球，主要係用素整的肉丸，加上咕嚕肉果種甜酸醬去煮，酸甜味，配料係鼓椒苦瓜，不過我本身唔太喜歡呢種甜酸醬，泰式甜酸醬會比較好食d。 五大素球，缺一不可👍

小妹第一次光顧時和朋友肚餓亂叫酸菜魚米線鍾意佢個種淡淡的酸，又能將魚提味如果更辣就好了，呢個口味比較大眾化食曬先知原來可以加辣的！以前都會返內地食酸菜魚，但現在？不了加上呢度有一人前份量，少少地過下口癮都好開心第二次光顧帶同事來，中午酸菜魚米線已經售罄了咁唯有食下其他，以為自己已經與美食無緣點知。。。又有其他驚喜叫左個蠔仔肉碎湯飯隻隻蠔都好大隻呀，鮮甜好味大大碗咁連湯都飲埋呀我仲有招牌菜「五大素球」，建議各位朋友記得趁熱食呀！！因為外脆內軟好喜歡食佢襯底既苦瓜，一次過嘗盡甜酸苦辣（微辣）就好似大家既2019下半年咁，幾時先到我地既理想鄉呢？另外再點了孜然單⻣雞翼單⻣食起來方便唔論盡，又炸到好脆好惹味最重要既係~~跟餐配支冷泡菊花蜜每日鮮製，菊花聽聞係愈泡愈有味但係對我黎講已經係夠曬，仲有好香蜜糖味店面手足勤快有禮，年青人社會經驗少，少不免忙中有小錯希望食客可以理解，錯了就改不就可以了看得出老細給予伙計們用心的教導不像某女士話人放棄曬兩代年青人呢度似個中轉站，暫借的避難所給他們一個轉折點，將來發展無人會知道但係逆市（疫市）開一間咁既餐廳需要很大的勇氣和承受很多不能預計的風險作為小小的同路

五大素球，十分吸引大家的眼球，味道很好，有些微酸辣味，很開胃。驚喜是用了苦瓜鋪底，這麼精心的菜式，一吃叫人難忘，苦瓜的甘香豈能叫人忘記，也不敢忘記。吃起來真是越見激動。魚肉湯飯，吃下去很有家的味道。而且十分香，很好味。重點是吃完並沒有口乾的味精反應。飯是珍珠米，粒粒分明。我平時吃得很小,這麼大的一碗飯，還有湯，但我竟然吃了一口又一口，魚肉入口嫩滑，完全吃不到骨。有時吃魚片，我最怕就是吃到細骨，這碗就是讓我吃得很安心得滿足。外買盒用環保紙盒。價錢合理。連菊花飲品，清香甜蜜。店員有禮招待，他們十分珍惜每一個客人。這些感覺，不就是在家的感覺嗎？

今日叫左豬軟骨飯+麻辣牛腩牛筋外賣。外賣用較環保既紙碗帶走，感覺上較為環保.另外，豬軟骨飯共有3件豬軟骨，都算大件同入味，係堅好味及滿意! 唔會感到油膩，呢個係堅好味!近排中意食辣，叫左個麻辣牛腩筋，份量充足，牛腩牛筋6:4比例左右，辣度中等，稍嫌唔夠麻痺感唔太夠，不過已經係好味既級數。熱朱古力唔太甜，啱啱好，唔係死甜既，已經無特別要求走糖走奶!外賣自取$69.9, 係抵食既，店員有禮貌!如果lunch食飯，會再去! 希望水準保持

舖面光潔明亮，文宣 、畫像 、連儂牆 、書刊……通通有齊! 仲有“岳義士” 同“抗爭女神”左右伴食~~雖然食物種類唔算多，但食物分量十分足夠，而且味道，名稱有心思，當然“五大素球” & “勿忘初心”係推介之作，提醒我哋“五大訴求”同埋“勿忘初心”。“五大素球”酸酸甜甜微微辣味，仲要有苦瓜伴碟 “勿忘初心”食落真係有蜜糖味架 店主另一極力推介--平安湯，藥材料足，最緊要幫你清清肺!! 唔好忘記“蜜糖菊花茶”為香港人加油~~個膠樽仲要係可重用水樽。手足加油!!!

抗疫時期外賣客人很多，這家餐廳外賣盒用上紙盒，比較環保，值得讚許👍🏻外賣還有八折優惠👏🏻👏🏻推介豬軟骨拉麵，肉質淋滑，拉麵彈牙。喇沙拉麵，湯底濃郁，賣相吸精泰式無骨鳳爪，冰涼爽口，正！蜜汁菜心份量不多，但味道不錯。熱飲不需加錢，凍飲都係加$3，好抵加$6仲有一支菊花蜜，個樽好靚💕Very 👍🏻 餐廳清潔，服務態度不錯，鄰近佐敦地鐵站，交通十分便利💕！朋友推介芫荽魚片湯飯，我下次要試啊

知道在這個艱難的時期，還要開舗的小店，背後有感人的故事.....一定要撐呢。經理親自招待，介紹了蠔仔湯飯給我，個餐牌仲係寫「蠔肉碎湯飯」，點知隻蠔好大隻，很驚喜呢。他們會另額外比一碗湯跟湯飯一齊上，經理說以防一邊吃時，啲湯被飯粒吸咁啲.... 很細心的安排，令人很窩心呀！朋友說魚片湯飯，也很好吃呢。我也試了少少酸菜魚湯米，也很喜歡。我們也有吃招牌菜之一 ---「勿忘初心」(蜜糖菜芯)，朋友一試難忘！我們也覺得「平安湯」非常足料，經理說是清肺毒配方(也有公開材料)，只是$6....實在太抵了！大家記得臨走前買支菊花蜜喔！個樽好靚，可重用，夠環保！