影片
付款方式
以上資料只供參考, 請與餐廳確認詳情
又喺一年一度上嚟鑽石山墳場掃墓嘅日子，唔會揀清明嚟，反而揀先人嘅死忌日，一來呢度晌清明嘅人潮真喺多得好恐怖，二來先人嘅忌日正正喺農曆公眾假，就番大家又實唔使返工，所以，就會揀呢日嚟。掃完墓，一齊食晏亦喺慣例，行過嚟慈雲山中心搵食，舊年幫襯過嘅「安平麵店」原來已經摺咗。而今次本來打算試「中心點」食點心，嘩！人多到呢……所以，「求其」揀咗隔離嘅「阮蘭坊」，食吓越南嘢。餐廳嘅格局四正，地方光猛整潔，最入牆上貼有一大張越南稻田相，加上兩位越南少女，算喺最典型嘅越南風情，而吊燈嘅燈罩猶如越南斗笠，亦喺較有地方性色彩。楝晌門口，有個午市套餐嘅餐牌，忘記影俾大家當參考。反而，拎咗啲點菜紙，掃描埋出嚟俾大家參考。平日用餐，如果嗌啲小菜系列，飲品有8折優惠，不過星期六、日、假期就無喇，唯一好喺全日免收加一。飲品就印晌另一組小餐牌度，由於細佬妹話晏食早餐，而午餐唔使預佢哋太多，所以，就點咗兩個午餐，加幾款小食。所以慣常晌越南餐廳見嘅調味料，如魚露、是拉差甜辣醬……都會晌枱上搵到。越式香草蓮藕餅 $38睇樣就好似幾正，煎得金黃，但入口就真喺唔得，點唔得？一心諗住喺藕餅，本應帶脆口感，但唔脆之餘，口感好粉，又無乜蓮藕味，覺得喺溝咗大量粉嚟整。法式牛油雞翼 $38比起藕餅，牛油雞翼就好食好多喇，煎得既香口，又有陣陣牛油香。難得簡單一道小食，都扮得靚靚仔仔嘛。越式炸春卷 $48一客4件，炸得金黃，入口亦都唔油，而外層脆口到不得了，裡面捲住嚟少甘筍絲，故感覺清爽輕怡。不過，以藕餅及牛油雞翼作對比，定價偏貴。札肉雞絲湯檬 $45隨後兩款午餐上場，碗湯檬大大碗，份量十足，面頭放滿嫩滑嘅雞絲，可是札肉得兩片就嫌佢哋手緊啲。個湯底都幾清香，而檬粉食落爽身，算喺唔錯。香茅雞翼撈檬 $45天口熱，食撈檬就更爽，加入大量魚露，撈勻所有材料一齊食，唔單止食起嚟更有陣陣涼意，而且口感豐富，再者，魚露帶點酸酸鹹鹹，好醒胃。至於啲香茅雞翼喺加咗層粉漿炸，入口多咗份脆口感，香茅味亦算突出。熱奶茶（餐飲）小弟貪過口癮，揀熱奶茶，完全喺錯誤嘅選擇，唔單止唔滑，咪睇佢嘅色水，茶底真喺好弱，茶味唔芳香。凍檸茶（餐飲） +$5細妹嗌咗凍檸茶少甜，大就大杯喇，正如我杯奶茶咁，茶底弱，而咁大杯嘢，檸檬薄薄三片，所以，檸味亦淡，有啲「陽光」檸檬茶嘅感覺。珍珠朱古力 $24細佬近期愛上珍珠，所以，試咗杯珍珠朱古力，就連成品都做成外帶模樣，好台式，但呢間喺越南餐廳囉，所以，都要為生意求變。佢話杯朱古力唔錯，冰凍，夠濃郁，啲珍珠亦QQ極咬口。我哋入座時唔喺好多人，所以，招呼都OK，臨走時接近下午茶時段，就明顯多咗客。食物整體而言，屬中上啦，喺個藕餅及奶茶好唔得之外，其他食物都做得不俗。
繼續閱讀
之前係大埔食過呢間越南菜，今次黎到慈雲山中心發現都開左一間，價錢唔算貴，份量都合理，所以再幫襯多次－－－－－－1. 河內生牛肉湯河 7/10生牛肉呈半生熟狀態，自己決定佢幾熟，係熱辣辣的湯底慢慢灼熟，牛肉不失嫩滑口感，湯底都有越南風味，不過我覺得偏淡亦欠牛香，河粉顔色雪白，薄而滑，份量適中2. 蟹棒撈檬 7.5/10檬粉份量十足，爽口不過比較淡味，而配料都幾多，有青檸、紅蘿蔔絲、花生碎、炸蒜，配菜爽口，再加上酸甜惹味魚露，幾開胃，蟹棒雪味唔重，而且都有六條，整體口感清新👍🏻3. 咖哩雞飯 7/10咖哩色澤幾吸引，不過食落唔太辣同埋椰香味唔重，不過雞、薯仔都幾多，食哂好飽
繼續閱讀
因為工作關係，經過慈雲山中心有新嘅越南鋪頭，星期日周圍都人頭湧湧，唯獨呢一間鋪頭好多座位表，於是就入去食下試一試。我點左一個番茄蝦膏豬手湯金邊粉，另外兩位同事分別點左清湯扎肉金邊粉，咖喱豬頸肉飯，大家都不約而同話「非常清淡！」咖喱沒有咖喱嘅香味，亦都唔辣，唯一優勝之處就係豬頸肉份量也算多。唔肉出面舖頭薯仔比主菜的多。而我嘅係蕃茄蝦膏湯粉，湯則只有蕃茄味，而蝦膏味真係食唔出，當中豬手亦都冇味，只有焾⋯⋯失望失望希望餐廳多加留意味道鹹淡。
繼續閱讀
正如其他評論所講，略欠味道，又或者係，沒有味道。今日叫左個外賣，蝦餅湯金邊粉，好快就有得拎。番到屋企，一打開個蓋就嚇親，白濛濛一片，淨係賣相已經扣哂分，未食已經feel到碗野一定一粒味都無。咬左兩啖蝦餅，味道還好，外脆內軟，不過唔係好多舊，但碗野講緊成六十蚊。金邊粉就好多，口感都算唔錯，唔會太硬唔會太淋。但個湯真係完全零味，清淡到核爆。唯一好既地方係—佢比左包甜酸醬我，味道有d似m記點雞翼個隻泰式辣醬，基本上係一啖面一啖醬咁食，無左包醬真係完全啃唔落。我諗下次都係叫番d大路野，例如豬排豬頸肉個d算數。
繼續閱讀
星期日同老公訓到晏一晏，慢條斯理搵野食就黎左慈雲山中心喱間越式「阮蘭坊」門面都唔差，店鋪裝修幾有心思一去到2：30開始有下午茶，等一陣間就有位但啲位置好縮，行出行入要麻煩食客下午茶平過午餐幾蚊，但連埋杯野飲而我地落單後，野飲好快就上左我地一杯柚子蜜、一杯咸檸蜜野飲好飲喎，拿捏得好好 唔會太甜，又唔太濃味豬頸肉撈檬點菜後十分鐘內有野食，好多配料味道都唔差，但豬頸肉就好似用粉那到淋，但唔差咖喱豬排飯睇個色水都見，個咖喱真係唔多掂，而且個豬排等左好耐，老板話豬扒要炸，炸完再焗但其實黎到都一般般，而且個咖喱無咩香味，個飯等左成20分鐘
繼續閱讀