阿一豬扒酸辣米綫

營業中

休息中

我叫左豬扒韭菜餃米線少辣+ 凍啡走甜 真係極品，可以每樣樣都有野講凍啡： 0/5 睇住個阿姨沖既，加咖啡粉溝水都好正常，但係其餘個六分五都係花奶，真係好難飲湯底： 1/5 食得出佢有麻味但係酸味就唔知去左邊，我自己加陳醋仲好過佢，個味又淡又唔出，如果佢話個湯底用豬骨煲既只可以話佢舊豬骨應該煲左1個月，完全冇味！ 米線：4/5 正正常常，偏淋 但分量都幾多既可以讚下豬扒： 2/5 以為間舖頭叫得豬扒米線個豬扒好好食啦，結果淨係食到個死咸味同豉油味，塊野又靭韭菜餃： 3/5 佢個包法好明顯就係一粒雲吞，入邊係韭菜咁解。根本就唔係餃子。個味幾好既，但我係想食餃子囉。。。

啲嘢食好難食 完全唔係正宗酸辣 仲要計錯幾次錢態度又衰 同埋我覺得人手少真係好正常 但係真係第一次見一條友做晒廚房收銀同樓面😅😅 後尾就嚟食完嘅時候有個女員工返咗嚟 態度仲要極其差 話佢計錯錢仲要喺度黑口黑面俾說話我哋聽佢個餐牌啲標價好唔清楚 奇奇怪怪 性價比極差 根本就唔值50幾蚊一碗 啲餸又唔係多 菜都係得嗰一條 食過一次之後真係以後都唔會幫襯 難聽啲講句餓死都唔想再食 真係建議大家唔好幫襯 食完成肚火仲要嘥錢😅😅😅

第一次上Openrice搵到呢間酸辣米線，一心期待去食，原來越期待越失望。一入到去，見到每張枱都有客，咁就求其坐係門口位，見就算坐門口位，唔係長期開門都叫ok，之後叫咗豬扒雞翼酸辣米線，嚟到大大碗，心諗正啊，本人好鍾意食酸辣，所以見到甘大碗確實好開心，但當食第一啖時個湯已經係清湯，我再將所有料撈勻，再試，😱🙄😱🙄😱🙄完全一啲酸味都無，只有麻麻地嘅味度，心諗點解會有麻辣😰，個餐牌上有麻辣，酸辣，清湯。但我叫係酸辣wo，心諗算啦，無下次。點知，食食下有個男人又係叫酸辣，話要走辣多酸菜，個女人就話酸辣走辣姐係唔要麻辣啦。謎底終於解開，原來佢哋嘅酸辣係用酸菜加麻辣，嘩，算數吧，到食到一大半，發現有兩張枱應該係親戚朋友嚟食，啲小朋友係到又開門又關門，我都算數。頂你，唔知伙記定老闆娘啦，唔知係咪親戚走啦，開住對門不停係到傾偈，傾咗最小10分鐘，啲熱氣入曬嚟係我背脊徘徊，大姐啊，要傾一係出去傾，好影響個客。仲要食緊你啲湯類嘅嘢。真心唔會有下次。食品唔得，伙記態度一般。大家如果真係想去食真心考慮下，聯和墟都多野食，未必需要選擇佢。

好難食。。。而且米線來講算貴$50幾冇加餸，淨豬排米線，碗野凍嘅一d都唔熱，酸辣米線大辣完全無辣而且碗湯好清 豬排一d都唔好食，十分伏。。再加上service差入黎無人理你嘅，叫落單都要等，餐廳環境不乾淨，(p.s米線愛好者本身食前見到好似幾好味，但真係好難食🙏🏻🙏🏻🙏🏻一d都唔抵食上網睇食評無人咁講所以親身中伏

年三十知道係小人手但未至於咁差態度餐牌上肥牛酸辣米線唔包飲品$46蘿蔔肥牛酸辣米線連飲品$48唔想要蘿蔔就問樓面可唔可以叫套餐走蘿蔔樓面話冇架喎一係你就叫$46個個，一係你就叫左唔好食跟住就行走左，等左佢5分鐘再返黎幫我落單12:15入單，等到12:40都未有樓面當下同全場講趕時間要等下，廚房同樓面得一個人但係試問趕時間點等？一個鐘午饍時間都比佢用左30分鐘坐對面嘅女士遲我10分鐘左右落單12:40都有野飲，有野食我面前連一杯野飲都冇好聲氣問我早過佢落單，點解連野飲都未有？樓面答：「再等多陣，廚房跌左你張單未整。」得返20分鐘午饍時間，就算你即刻比到我，都唔夠時間食唯有同佢講，既然你連飲品都未整，咁我唔要啦，都成半個鐘樓面竟然回答「好呀，唔食唔好食」呢個係咩回應？

阿一豬扒酸辣米綫 🍜📍 粉嶺聯和墟和豐街59B號地舖⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎今日小編就介紹一下，一間抵食既酸辣米線比大家試下😌，係非常之大件夾抵食😂，一上枱，個碗勁大，份量勁多，女仔食真心覺得大碗既，但價錢都係五十幾蚊左右，好合理👍🏻。但送既紅豆冰🫘係唔好飲既🙈👎，一分錢 一分貨啦，整體上都覺得抵食既。🌟豬扒韭菜餃酸辣米線 $55🌟豬扒雞翼酸辣米線 $59個豬扒係非常之大件既，另外仲有兩隻雞翼😋。整體推介指數：❤️❤️❤️🤍🤍⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎⚱︎

唔Search 唔知阿一豬扒酸辣米線原來有咁多分店，可能因為佢多分店，加上又叫阿一，所以都叫做有啲期望。佢嘅下午茶餐好抵粉、麵、飯餐都係$36起。超值下午茶 套餐A $36阿一酸辣薯粉 (豬扒、雲吞、魚鬆)一上菜見到酸辣原來係後加，感覺有啲Hea，撈埋都有啲酸辣味既。作為主打嘅菜式好似有點兒遜色。雲吞嘅餡係魚肉，魚鬆表皮炸得香，豬扒係最好食，醃得入味，薯粉彈牙！下午茶嚟講，都算幾大碗！凍奶茶少甜+$3成杯野都好淡，茶底唔香，奶味唔夠！

我家老闆又帶我到粉嶺尋找新口味，走了大半個聯和墟走得我都累了，終於我們隨意走進這間「阿一豬扒酸辣米線」。這小店前身是賣車仔麵的，轉營後我們才第一次光顧。由於我有選擇困難症，點菜的任務又交給老闆，阿一招牌豬扒、古法手撕雞紅薯粉和蠔仔粥，他又點了三人份量食物，相信大家都想到我的致肥原因吧！首先上檯是大大碗手撕雞紅薯粉，我十分喜愛這個粉的Q彈，可惜這碗粉太辣，辣得我完全嚐不到有其他味道，與我平時常吃的酸辣有點距離，以及我也不知道這個手撕雞是什麼味道了，只覺得雞肉有點過熟，可能是我吃得太慢吧。接著是招牌炸豬扒，由於被辣味影響味覺，我也只能說這炸豬扒肉質還好，作為招牌食品也算正常發揮，但就沒有炸物該有的香味，而我只嗅到輕微的油益味。最後是蠔仔粥，可能沒有期望，我反而最能接受它，主要是它能緩和我胃裡的辣，粒粒小蠔加上肉碎和淡淡的湯飯，是我和老闆唯一能吃光的食物。

呢間又係一間聯和墟啱啱轉手嘅食店，上手阿四車仔麵一直都覺得好一般食過一次就冇再幫襯，依家見佢轉手變左阿一豬扒酸辣米線就決定試試，叫咗一個豬扒雞翼上海麵同凍檸茶。.碗麵份量麵唔錯，有花生作配料，豬扒都有三塊而且都幾大塊手，味道都唔錯應該有經過醃製，而且都炸得啱啱好，咬落亦有肉汁。雞翼都醃得夠味，感覺都okay。.湯底方面，味道個人認為唔夠濃，亦都唔夠辣，不過可能比較適合大眾口味。上海麵嚟講我感覺好似偏腍，可能唔煮太耐會好啲。

小弟早前經已試過佢嘅肥牛雞翼酸辣上海麵，覺得不過不失 啲員工又幾Nice，所以決定入去翻撻一次😂碗嘢埋到黎見到都心知不妙。我唔知道係特色嘢定係搞錯咗，我嗌咗個麻辣湯底 食咗啖入口有六成係麻辣四成係酸辣😹笑死 鹹到傻左…..Okay, 鹹就唔飲湯囉，食啖面先。哇😂入口即溶喎 我同屋企人3碗都係🥲黑人問號左？撇除佢煮到過晒火，佢好似連個面底都轉埋，咁好食嘅上海麵佢冇晒煙韌嘅感覺🥲可惜！夾塊豬扒食下先 一夾起😂我真係笑左我好夾左塊豬肉乾，佢揸到過晒火嗰個程度係啲豬扒皺左 我將塊豬扒吉落筷子度都咬唔甩☠️可以唔使再去了

多次幫襯、（特別係酸辣豬扒米線、豬扒鬆軟、酸辣歌好適合香港人口味）、豬膶都好食、雞翼也不過不失、奶茶差啲無咩茶味、湯有啲咸。如果可以加點配菜、繼續支持🐷🐷🐷🐷

202209的週末-阿一豬扒酸辣米綫地點位於粉嶺聯和墟和豐街59B號地舖週末街坊揾食，試下已轉手一段時間的阿一豬扒酸辣米綫，見到店名叫阿一，又做豬扒，咁就一定要試試豬扒餐廳算是小店格局，約有六至七張圓枱，當時客人不多，座位任擇，侍應有禮主動下單點餐:先來兩款小吃麻香海蜇雞絲($44)碟頭大大，份量頗多，海蜇爽脆，雞絲肉嫩，小麻小辣，味道合格炸韭菜餃($37)熱騰騰、卜卜脆，外脆餡料韭菜足，香口豬扒魚鬆米線小辣($53)碗很大，魚鬆有點腥，淋淋的沒有彈性，米線軟硬度適中，正常發揮豬扒處理功夫不多，有醃過的味道，肉質就是一般茶餐廳食到雪藏豬扒的味道，普通不過餐飲:紅豆冰豆腍，奶味足不過甜又夠多冰埋單: $134，沒有加一服務費價錢唔算貴，食物無驚喜街坊開飯可以一試，專程到聯和墟覓食就可有更好選擇

應該係我自己嘅問題……我望住個招牌，唔知點解覺得，佢係「第一」豬扒酸辣米線……以為佢既豬扒米線一定會好出色……點知……….豬扒正常發揮，沒有很硬，也沒有好味….超級正常嘅一件豬扒，你當係……厚小小嘅茶餐廳豬扒啦⋯⋯而佢嘅酸辣湯底，非常清淡，酸和辣都冇乜……我要強調，我唔算係濃口味的……平時食譚仔，都係食十小辣…… 呢個湯，真心淡….其實你睇頭都見到啦😆最終，成碗面，只係食咗一半……實在無衝動食完佢🥹反而，杯凍檸茶算唔錯，係有茶味！算係有返少少安慰😅

由於我地早到餐廳嘅關係，一入去就有得坐，我地揀左店內較入嘅位置，對住部大電視，播緊舊年代嘅香港電影，成件事好似返左60年代！侍應哥哥服務好周到，一坐低就同我介紹店內名物，又會講下其他分店嘅特色，非常健談且好客~食物方面，我嗌左一份至尊套餐：阿一豬扒韭菜餃酸辣米線，配紅豆冰，味道同份量都一流，碗米線勁大碗，相信就算係大食嘅人士都會覺得飽，細食嘅女士們一定食唔曬添.....成碗米線最出色嘅地方係豬扒，新鮮熱辣啱啱炸起，金黃色嘅外脆皮，同酸辣米線超夾！至於杯紅豆冰就正常發揮，似一般連鎖式快餐店嘅水準。價錢方面，$55唔使加一，整體嚟講性價比真係無得輸！

2022年8月11日到呢間米線店第二次光顧，之前試過佢哋嘅主打豬扒雞翼豬肚豬潤都ok正常今次叫兩碗試下其他餸～湯底ok但唔夠熱～魚腩正常ok!～魚崧有少少唔新鮮，咬落去有梅梅哋！～豬潤有五塊，首先食咗最細塊覺得有柴柴哋，五塊入面只有我夾上嚟影相嗰塊大塊小小，其他四塊都係“邊位”及“下難位”豬潤，$50蚊一碗魚腩豬潤米線）我唔介意有下難位，就算岀名嘅漢發豬潤面，有3塊大厚切，2塊下難位都唔介意，今次係1塊大少少，其餘4塊都係薄切下難邊位，講真嗰句如果想要做好豬潤，店主要長期望下或嘗試下品質，如果無質素可改良製作或選擇取消其他餸的岀品！另外當時我已即場同員工講咗以上情況，叫個員工立刻同店主反映情況（當時負責人在水吧中），但樓面點頭後，無立刻去反映，只係繼續呆企等嘢做！當然可能有機會佢係負責人，或收工前先同負責人講咗我唔知，但我d嘢收哂，負責人又點睇到d岀品情況呢？