阿公麵店 (已結業)

因為這天，晚黑不想辛苦家人在煮飯，不如自己在外邊看看東西，隨便找個東西吃。於是，始終因為荃灣很多食肆都要排隊，形單隻影顯得好像可憐，於是我就再次來到這個慘淡的商場，幫襯一下這些小商戶。豈料，店員做好了我的麵條之後，就說：「我哋做埋呢個禮拜唔做㗎啦」，😣因為可能是因為商場生意淡薄，又或是加租之類吧，他說會在荃灣物色新的舖位，再戰江湖。😕這兒吃過的幾種東西，例如麻辣燙麵條，不算太辣，亦都不算太油，但是香氣盅然，味道紛香。而我最喜歡的，就是撈米線或是撈掛麵，這次吃的掛麵，麵條非常之幼身，如果熱食的話，麵條可能會黏在一團。之前吃的撈米線，就更加出色，麵條不會太幼，有點兒咬口。通常撈的，底下都會有點肉粒、蔥粒、辣椒粒、蒜粒、花生，令到整碗麵，都充滿香氣。這次試了雲吞，自家製作，內裏餡料香又飽滿。希望這阿公麵店快快找到舖位，重振雄風！

心血來潮想起了地皇廣場這一家小店, 之前已經光顧過。店鋪位置不起眼, 相信光顧的大多是熟客。我和朋友都點了四川擔擔面($28), 我加了$4轉刀削面。整碗面很濃味很夠辣, 帶有花生香, 湯底吃到原粒花生, 刀削面的面質也很有口感, 但吃到最後略嫌有點太鹹。美食廣場環境一般, 油煙很大, 所以吃完後便匆匆離開。老闆一貫地熱情有禮, 他透露將於3月6日暫時結業, 一段時間後再另覓鋪位營業, 到時會使用同一店名, 還會開facebook fans page。希望有心做的小店能一直經營下去, 令附近居民有更多選擇。

已經不是第一次在這兒吃了。在荃灣可以找一間地方舒服，不趕客，不多人，可以靜靜地吃飯的地方不多，所以我經常到地皇美食廣場，唯一怕的是抽油煙系統不好，附近太有鑊氣時會令全場一陣油煙味。無意中發現有刀削麵吃，而且$30包飲品，每個餸加$6，對我來說是很平了。今次叫腩肉，餃子豆卜刀削麵$54，我怕辣所以叫清湯，但又心思思想試下麻辣的味道，於是店員很有心幫我加少少辣，煮完後容許我即刻試一試味道。在香港真的沒有食店店員會咁有心機煮，也咁有心讓你試味道。很可惜，店員說他們做到9/3/2019，然後一年後再找地方開店。很掛念他們的刀削麵啊！在荃灣沒什麼好地方可以坐得舒服又有刀削麵吃。

尋日行過幫襯咗呢間阿公麵店。叫咗碗小辣嘅水餃擔擔麵套餐，另加魚腐和蘿蔔。套餐送一杯豆漿。估唔到喺荃灣食到咁好味嘅麻辣湯麵。辣得來好過癮，又唔會太口乾。正！水餃啲餡料好新鮮，魚腐又係鮮甜。啲擔擔麵係真材實料👍🏻比一般食開嘅過橋米線好食好多！買單$50有找，認真唔錯。下次會再幫襯。

星期六返半日，放工梗係要犒賞自己嘅五臟廟啦荃灣大河道至眾安街呢頭真係好多野食，中西日韓泰乜都有，有時太多野揀都好苦惱唸唔掂食咩，最後決定去邊我最愛嘅地皇美食廣場呢度有好多間小店，價錢一般都夠平易近人嘅，好似我經常食嘅三餸飯，$36蚊食到捧住肚走丫不過今日想食下新野，揀咗呢間平日都見廣場呢度好多人食嘅麵店間店係美食廣場嘅最入面，唔難搵嘅佢有啲似車仔麵，餸同麵底都有得揀包野飲㗎，有羅漢果同豆漿可以揀Order咗之後，老闆會提你幾多分鐘之後返嚟攞我真係計住時間返去，真係煮好咗㗎，好準時👍🏻同埋唔知係咪過咗lunch高峰時間，老闆好好心機幫我調辣味，平時我就好少食辣，亦都食唔到太辣嘅野不過老闆話呢個麻辣味係精萃，會提起成碗麵嘅味道，叫我試下，見佢咁盛意拳拳，就試下啦老闆逐啲逐啲咁加啲辣味，每加一次都叫我試下咁加咗辣味嘅湯又真係香啲嘅，麻多過辣，唔太好辣嘅朋友仔都可以食得到老闆都話如果忙起嚟就做唔到咁幫客調味啦，不過佢都希望可以盡量俾到客食到佢哋最好嘅出品咁話每一個客佢都會提個最好幾耐食晒啲麵，如果唔係口感無咁好，又話飲晒啲湯可以返去加湯等等今時今日仲有呢啲咁有heart嘅小店，真係好滾動佢啲闊

一個地頭蟲朋友介紹話這個Food Court有間四川麵好食，有自己獨門醬汁。經過即試！位置有點難找，但為了食好西，唔會難到我的！門面整齊美觀。下午茶時段Food Court 人流唔多，但都見幾多人選擇佢。蟹籽丸，魚腐，刀削麵，麻辣。點了中辣，個麻辣十分有誠意，肉碎夠香口，芝麻蔥花加强了層次。麻，辣，香，平衡，香辣野味。落單時見到有好多款醬料show晒出嚟，口水直流。跟餐加了羅漢果水，正！唔太甜，中和返個辣四川餃子，e個要推介。食得出唔係普通批發急凍水餃，餡料口感扎實，皮薄又夠彈。餃子醬汁又是另一個味道，好香花椒味，唔算太辣。一般豆瓣醬咁上下的辣度，同行只能食小辣的朋友都話正。值得一讚是店員非常好服務，怕麵食容易浸淋，提醒幾分鐘一定要過來取，又會比我試一口湯，務求辣度合心意，仲話可以再過來加湯。咁既服務，我究竟係咪身處香港？？在香港可以食到如此精緻又平價的四川麵食實在難得，下次要試下個擔擔麵！

這個地皇廣場，一向都風評不好，但是近期看到，有很多新開的餐廳，亦都有甚多中式菜式，因此這次毅然一試 。這廣場有很多食肆，買完之後在後邊座位坐坐。看到前面已經有另一間類似的麻辣川菜菜式，但是一心來試這一間。除此之外，就會在外加了一碟蒜泥白肉；及點了一個凍羅漢果水。羅漢果水，味道不算太甜，其實家中，媽媽煲的羅漢果水，好像甜味也更加濃郁，因此可以相信，這兒煲的羅漢果，亦都沒有加糖🤔，只不過可能水的份量比較多。蒜泥白肉大大碟，如果前來買一碟，回家加餸亦都可以。大大碟都起碼有10多件，肉質不算太肥，肥膏的部份極少，上面有些大粒蒜，吃下會比較辣，其外還有很多辣椒碎，因此咬起上來口感亦都特別。我點了一個四川撈米線，亦都可以再加配料，於是就加了蘿蔔。友人的就是自選粉麵，然後配湯底，加了個腩肉、以及水餃。我的米線，賣相已經吸引，因為這種外賣碗已經夠大，他還可以放滿整個碗。據說底下有醋，因此沒有撈勻的話🤔，底下的味道就會比較酸，這樣又正合我意，因為如果整碗都很酸的話，味道就好像酸辣米線一般。沒有將酸味撈入整碗米線，面頭的味道就不會太像酸辣米線，只微辣，米線非常爽身，但也有勁彈牙，絕對不會太過軟林，是嗜米線

雖然知道「地皇廣場」其中一層轉型為美食廣場，但近期少來荃灣，就未有上去看看。最近，有事過來就順道看看，有甚麼有趣小店。遇到這家主打川菜的「阿公麵店」，定價親民，就不妨一試。除有湯麵套餐、涼菜、小食，亦有一張餐牌顯示出多款四川經典麵食。平常多在上海店子吃擔擔麵的，而四川的擔擔麵又會如何呢？聽店主介紹，他們的「四川擔擔麵」（$28）會較少湯，有些微似吃撈麵，亦沒有上海式的下大量花生醬，相反，以辣油、花椒粉為主，花生醬為副。先試兩口，果然感覺很不同，有辣勁，混和肉碎及酸菜，十分惹味。吃至中段，可要求店主加清湯，感覺又變得不同，而麵條口感幼滑，唯不耐浸，吃至最後，有點變腍了。惠顧任何食品，都可以以優惠價享用飲品，熱飲$5，凍飲才是$8，都是賺點蠅頭小利而已。至於杯熱杏霜，不過不失啦！喜歡吃川菜的朋友不妨來此一試，還有多款涼菜、小食，店主說都是其親手製作，而且，店內的女師傅是重慶人，對自家出品蠻有信心的。

無正式統計或查証，但感覺上近年開多咗好多賣四川菜、重慶菜嘅菜館，而且喺小店居多。是日就嚟到荃灣「地皇廣場」，曾經喺死城嘅劏場，原來依家一樓變成「大食皇」美食廣場，場內仲有唔少特色小店，「阿公麵店」就喺其中一家。初頭以為喺賣車仔麵，走近啲望望，原來喺主打麻辣嘅川式麵店，晌鋪面打量一下，睇見一罌罌辣油，感覺對辦。而且，順便窺探吓廚房其他位置，企理乾淨，唔會污糟邋遢。由於都喺以劏場轉型，用餐區就較一般美食廣場細而窄，還好嘅喺全場都配上梳化椅，坐起嚟都舒服。菜式選擇印晒晌兩張A4紙之上，大部份嘢都有圖片做參考。一張羅列晒多款四川經典麵食，如四川擔擔麵、四川酸辣粉……等等。不過，講到食川菜，小弟就無乜攻略，隨心即可。另一張則喺四川湯麵套餐、四川涼菜、四川小食、飲品，不過，店主都講明飲品喺廣場內嘅「飲品部」提供，然而，豆漿及羅漢果水喺自家製，值得一試。整體嚟講，定價都貼地，但如果啲四川涼菜、四川小食有半份或雙拼就更好，一個人嚟都可以試多少少嘢，哈哈！順帶一提，晌收銀機旁掛有一張溫馨提示，提示品嚐麵食嘅客人一啲小貼士，可見店主都幾細心。哈哈，不過，香港人一向匆匆忙忙，乜都要快，唔知有幾多客人會留意到

諗住試下新嘢啦，點知買到返屋企食原來超超超超超超超超超超級難食······，浪費我金錢而且我沒有食到了，因為太過難食啦，完全無味道，不過落了啱多辣椒都完全無味道個廚師是一個高廚，我比十個叻。

五一勞動節放假，一家人出去荃灣探朋友後，諗住早點吃個快的晚飯回家休息。早排看新聞，見到荃灣有這個foodcourt，順便上去逛逛。太太嗜辣，看到這間麵店的相片十分吸引，而且見到師傅是四川人，我們就更加有信心，我們就選擇了這間麵店。太太是夫妻肺片的粉絲，我們的必選。這個涼菜出乎我們意外的好吃，花椒和辣椒油很香，想不到這個foodcourt會有這樣的水準。這個紅油抄手好好味，老闆説是他們自己包的。雲吞頗大粒，阿仔十分喜歡。雖然辣，吃到咀唇也紅了，阿仔也要搶住吃，差不多食哂全碟。這個川北涼粉酸酸辣辣，很香很開胃，我們不知不覺把它KO了。我們還另外點了個麵餐，麻辣湯底刀削麵，另外加水餃、枝竹球和魚腐。難得四十幾蚊的麵餐，大大碗，包飲品，而且竟然可以吃到真的麻辣味，實在過足麻辣癮！個枝竹球好似打邊爐咁，放在麻辣湯底浸到入哂味才吃，超正！我們還點了四川擔擔麵。老闆介紹四川的擔擔麵很少湯，再加辣油和醬油等像撈麵般拌勻來吃，以香辣惹味為主，不像上海擔擔麵加入大量花生醬。我們吃過，果然夠香夠惹味。一家四口二百蚊有找，而且食得很飽，味道又有水準，實在值得推介。

網上真係多打手嗎？見到咁多人話好食，又話幾正宗，以為開响呢種food court 都咁多人讚，可能係hidden gem啦！我咪專誠走去試傳說中正宗四川酸辣粉睇個樣已知錯。一食，無味。中伏之中的伏。大家睇下張相就知幾錯。酸同辣味完全唔係平時酸辣粉個味，難食到呢，可以無味得來只有好大陣醋味，同無咸味的辣。水汪汪的紅色汁加d硬到似雪左一世紀的幼薯粉平時唔會嘥食物的我都捱唔到過十啖，真係勁難食！完全唔係四川菜又唔港式！好嘥食物，好罪過

本身唔係好食得辣，平時都係食開小小辣，今次膽粗粗同friend抱住試下既心態，食左呢間小店既麻辣薯粉。雖然係辣，但估唔到食得好過癮，食完feel到個胃暖暖地，無食到流曬鼻水，唔覺唔覺居然成碗食曬。湯底好有味，唔知點形容，但唔係加幾羹辣椒醬再溝水果隻味，幾特別，friend話係正宗四川麻辣湯底既味道。$4x有咁大大碗加3款餸，仲送豆漿/羅漢果水，真心幾抵食。配料方面，最驚喜係食到d平時食唔到既，偷食左friend一粒枝竹球，個口感好得意，同打邊爐果d枝竹一樣味，但係一個波既形狀。張圖果粒已經被我咬過，本身真係一粒波黎。 其次，墨魚丸同魚腐都好好食。呢到d魚腐係扁身一塊咁既，之前見親都係正方形果種，扁身呢隻食落好似魚蛋既味，好爽口，幾特別。另外同friend一齊share左一碟蒜泥白肉。呢到既白肉比起平時食果隻厚切d，幾有口感，夾埋d蒜泥一齊食好正。價錢方面都幾公道，一個餸都係$6-8。呢間值得一試，下次過黎呢頭會試下食另一個麵底。

朋友在荃灣上班，發現了一個Food Court中的川麵店，味道十分正宗，跟他在重慶工作時當地餐館的味道十分近似，所以在我們的朋友group極力推薦。嗜辣的我，實在忍不住，約埋朋友放工後一起試試。不知是否星期四晚，雖然已經八時了，但Food Court很容易找到位置。看到餐牌，川麵店的價錢實惠，雖然套餐$38已包了飲品，但一場來到，我們實在很想試下小吃和特色麵食。我們點了蒜泥白肉。蒜頭很多很香，腩肉不厚，份量也多，而且十分爽口，配以麻辣汁，一點油膩感覚也沒有，十分醒胃，很有大川菜館的水準，大愛。第一次試川北涼粉，一條條的粉條，是沒有味道的，配以濃濃的酸辣汁，涼涼地酸酸地辣辣地，天氣開始炎熱，吃著很開胃。涼拌海帶絲，又是酸酸辣辣，海帶絲很爽很清新。因為喜歡麻，我選了重慶小麵，頗多肉碎，說是小麵，麵的份量其實一點也不少啊！麻辣味很香很濃，不是一般餐館現成買來的麻辣油或花辣油，只是死辣不麻。吃了兩口，已被嗆到，邊吃邊打噴嚏。雖然胃部不好，但麻辣汁實在太香，忍不住要破戒，請師傅加辣😅。朋友選了四川撈麵，也是大大碗，配料多多，米線很爽口，十分醒胃。因為老闆推介，我們也點了水餃。著實不錯，很多料之餘