阿四糖水

營業中

休息中

在西貢找新鮮果汁店是很難的一件事，剛巧經過外街發現有果汁冰售賣，所以order 了西瓜冰一杯，看着店員取出一片片西瓜，加入冰塊放入攪拌機攪爛，所以感覺很新鮮，而且是原汁原味。杯裝分量大，而且杯蓋有個小心心作裝飾很可愛。

阿四糖水天氣開始熱自然想飲凍野依加周街都係手搖飲品但呢間好特別😛😛賣點係3.6牛乳..🍼3.6牛乳紅豆冰叫左走甜一開始以為好淡 點知紅豆既甜中和番 岩岩好加埋3.6牛乳既奶香 會想飲多杯..🍋青檸梳打用泰國象仔梳打加新鮮青檸飲完個人好fresh用料十足 又會用貴野唔似平時啲加奶精糖水個啲仲要西貢黎講算平野飲20至40蚊內學生哥仲有優惠 一日一杯都得..📍阿四糖水地址:西貢福民街58號高富樓C座地鋪#happychillii西貢

當台灣的人氣飲料店陸逐登陸本港，遍地開花。今次適逢其會，試試西貢本地薑「阿四糖水」。「阿四」鄰近松記車仔麵，適合食完午餐再買杯野搭車時飲。佢地主打外賣珍珠奶茶飲品，店內有擺放小量枱櫈作堂食用。行完山到黎西貢，我同友人分別點左奶蓋珍珠奶茶同奶蓋紅豆奶茶。奶蓋珍珠奶茶($26)鮮奶味濃郁，唔會太甜，質感較濃，夠晒醇香，珍珠外軟內韌有咬口，值得推薦！奶蓋紅豆奶茶($28)悶煮熬製嘅上等紅豆，搭配濃郁奶茶，口感香甜醇濃，層次再進化。今次飲後回味無窮，下次再入黎定要試試佢地嘅黑糖珍珠鮮奶！