阿土麵線 (已結業)

昨晚出旺角買生日禮物給姊姊後，同 Ah四專程走去食台灣過江龍阿土麵線，成日都話試，今日終於有機會試到；我們 order 了標準麵線(一碗細$12 及一碗中 $15)，標準碗包小小大腸、芫茜、麵線、醋....我那碗另加了$6蚵仔，其實加左等於無加,因為食左都唔覺，得幾粒咋!麵線很幼細，杰杰地似吃碗仔翅，唔係特別好味不過唔難食囉!豬腸味道唔錯，都算有嚼頭．不過味精下得過重了，吃完一直口渴!店舖不設座位及枱，要 企係街邊攞住碗麵食，都幾"論盡"。未必再試。

很好吃的一間蚵仔面線店價錢方面;面底(已內有大腸): 細$12 中$15 大$18配料可加: ＊蚵仔$6　蟹肉$6 花枝$6 肉羹$6 大腸$6 免費自助加: 柞菜(大辣) / 蘿蔔乾(中辣) / 莆菜(小辣)我食的呢次一共用左$21中面底+蚵仔 (已經夠兩人份量*0*)味道方面:蚵仔是最好的配料(份量也很夠的)而面的口感很新奇,似碗仔翅的feel即管一試呀ps:但大家小心一點的是加辣菜方面,我加了太多的辣柞菜,所以食到興一興大家該因應自己的程度-_-;

繼續在旺角漫遊.......回家路上經過了阿土，感覺上麵線會好熱會食得好辛苦，諗左諗好唔好試，最後都係太為食決定一試。因為街上太熱的關係，冇立食，而係拎左去新世紀度食。好幾年前去過台灣，食過一兩啖的阿宗麵線，但印象不深，所以都唔係太識比較。第一啖食的時候，其實係有少少失望的，因為好似唔係想像中的味道。味道有少少似唔係太酸的碗仔翅，食食下又覺得幾易入口。軻仔一般，但都算幾多隻，$6既配料唔要求得太多了。好快的食完整碗麵線，又唔係食得好辛苦，其實如果立食的話都還可以的。不是特別的突出，但唔知點解食完好滿足...我想還是會間中來的。

第1次食阿土麵線時，真的覺得似足台灣既阿宗麵線的！而花枝亦比台灣的花枝嚟得好味及有口感！但第2次再去食，已不及上一回了！亦不及灣仔新分店！(我2/6/09 先係灣仔店食完) 肉燥飯 @$12第1次食呢度既 - 肉燥飯第1個感覺：細細碗！香味與台灣街邊既肉燥飯既香味是一樣的！ 但入口就覺得有很大分別了！這碗的肉質較削... 不會小粒小粒般！味道熟OK LA！不過不失！ 有改善空間！ 麵線 @12 + $6 花枝第1次食既時候係好"傑"身的！咁樣先似台灣既阿宗麵線麻，宜家呢碗野同阿升麵線一樣咁稀稀流流！攪到同港式碗仔翅無分別！但幸好味道並未走樣！但灣仔點同旺角點煮法有點不一樣！灣仔店會將麵線連埋大腸一齊煮的！但旺角點是裝好麵線後才會放大腸在面的！味道差得遠LAW！失望也！至於會唔會食？會既！因為台灣癮會發作！食住阿土頂住癮先LA！

出mk 有d 肚餓, 自己去左食阿土麵線, 太耐冇食過, 真係忍唔住整返碗加左花枝$6叫佢多芫茜, 嘩, 真係好多, 正呀!!!味道依然好好, 再落多d 醋佢好似多左料, 多左大腸, 好好好好味!!! 成碗有好多囉都見佢落花枝o個時覺得好正, 因為佢比左好多我, 而花枝一舊舊好大舊下次唔會上當了!

同男友去旺角行街，專登行過來食，我未食過台灣蚵仔麵線，無比較，第一次食，好普通。麵線有大（＄１８）、中（＄１５）、細（＄１２）三種ｓｉｚｅ。我地叫左一碗細麵線，已包大腸、芫茜，再加蚵仔（＄６）。其他材料還有蟹肉、蜆肉．．．基本上好似食緊碗仔翅，不過碗麵唔多夠熱，無咩香味。大腸：我食到好似有少少味，可能洗得唔夠乾淨。蚵仔：好粉，麻麻地。

睇雜誌介紹過，好似好好味咁!! 既然去到香港就去試下啦~~~大雨中找阿土.....都幾狼狽!!!叫o左一個普通o既麵線，因為其他配料對我來說不太吸引!!味道.... 一般啦....未食過可以試下....而且唔係好夠熱....我覺得熱d會好食d!!但佢d辣味菜圃，蘿蔔好好食...又一次妹仔大過主人婆!!!

麵線算不過不失吧，一碗細的麵線賣十二塊但與台北士林夜市的地道小吃水準，就還有點距離了但味精可能落得太重了，食完後都幾口渴哈，阿土麵線旁邊正正開設了一間Happy Lemon，真的開得合適！

睇到咁多好評專登去試下,點知........叫左一碗標準加蟹肉食落好濃味仲好大蒜味,蟹肉冇鮮味唔知點好食......食個陣覺得冇咩野但食完之後成日都好口乾,好多味精一次都嫌多

今次已經係我第二次寫'阿土麵線'既食評, 由開張到而家, 每個禮拜都keep住幫親, 好可惜...第一日光顧係16-5-2009 星期六order 2個大拎走, 因為冇豬腸既關係, 本人就想另外加牛肚.. 問sales有冇? 佢同我講因為H1N1既關係.. 所以暫停供應. 新加左'肉', 問係乜野肉, 佢同我講係豬肉塊, 我就覺得奇怪, 都係豬咁點解又賣?? 佢同我講, H1N1係食豬內臟至有事, 但係有睇新聞都知, "世衛宣佈: 豬肉只係煮熟就可以食", 冇話過想內臟有事囉返到屋企打開黎食, 發現少左好多囉, 根本上就係[u]大豌中SIZE第二日, 因為搭火車, 所以又再幫親, ORDER 魯肉飯+冬瓜茶. 又係打包, 魯肉飯: 食完感覺好肥膩.. 唔太見意食冬瓜茶: 10蚊杯太貴, (點解唔可以當係餐, +5就算?)第三餐係豉油街分店.. 我去返果到寫. 講SERVICE, 講份量, 見意大家去豉油街分店, 免得貼錢買難受

我仲以為有咩咁好食....原來都不外如是者....枉我曬咁多腳力.....湯底麻麻.....食左一半就真係唔想食!!真係唔明有咩咁好食...=.=D姐姐仔落單好似遊魂咁 ,都唔知咩料 可能佢地根本唔知自己講緊乜!???叫左蟹肉同螺肉 ,蟹肉仲附送蟹殼同佢D骨.無乜誠意 不過D料好多就真既辣得滯....最後講句個湯真係非常唔得 個味道好唔得~真係無乜意慾想食落去............

阿土麵線係我最近都幾鍾意去食的一間小吃店今次買碗細蚵仔食, 十八蚊一碗, 蚵仔的味道很甜, 有咬頭, 做這個麵線的配料好合適! 好欣賞佢個台式蠔油味湯底, 用嚟撈麵線食味道十分之好比起碗仔翅, 食碗阿土的蚵仔麵線, 實際好多

今天終於有閒情逸致走來這裏試一下了。點了中size，外加蚵仔和蟹肉，看到姐姐仔放錯了花枝丸，但放好後，她發覺錯了，所以又放回蚵仔和蟹肉，所以我是用HKD 27要了一個中SIZE和三種餸，哈哈！多賺了！很香！！！進入口後，又另一種感覺。「不是很好味，為甚麼這樣受歡迎？」結論是「味道還可以吧，不致於美味到令到我再去吃」

蚵仔在我心目中一直是蠔仔, 但今日食完碗蚵仔米線之後, 覺得味道同外形都很像蜆, 有點混淆, 哈不過最緊要好食 雖然要十八蚊一碗, 仲要細細碗, 但都唔覺得唔抵, 肚仔唔餓但又口痕時候最好就有碗咁既小食落肚, 正蚵仔的數量好多, 有十幾隻, 米線幾滑架, 撈埋台式蠔油味湯底食味道好好 舖仔細細, 店員親切, 都幾吸引我去幫襯

當放了工之後, 皆旺是我回家必經之路, 有時經過都會吃一碗大腸米線的星期五放工之後, 又到了阿土的門外, 但今次失望了, 因為貼了一張通告, 豬流感的關係, 沒有大腸賣, 改用花枝代替, 但我對花枝沒有興趣, 於是改為吃蚵仔了一直喜歡食阿土, 因為鍾情個野味獻汁, 真的很好味, 甜甜地的味道, 配合幼細的米線, 可口味美, 蚵仔我是第一次食的, 其實都唔係太鍾意, 因為我覺得有少少腥味..但他的大腸好好食, 鹵水的味道很夠, 可惜今次無得食, 等有番大腸, 我一定再幫襯