阿朱家 (太安樓)

營業中

休息中

排隊排左5分鐘，後面無排隊衝上買就即刻賣比佢，我出聲提佢，店員都扮聽路到，勁👍！可以做到同打尖客人一樣甘無品，唔怪得知當我透明啦，食物我就未食過啦，不過唔會有機會再試，

成日聽朋友個女好鍾意食「阿朱家」，今日路過太安樓就去覓食吓。鋪面細細但睇落幾乾淨，兩位阿朱媽負責整外賣，阿叔負責收錢。餐牌好簡單，但真係好抵喎烤豬拌飯烤牛拌飯兩個拌飯好足料、好重手，肉嘅份量唔少，而且配料有紅蘿蔔絲、豆腐、豆芽、蛋絲、紫菜、泡菜和青瓜，份量真係無得輸，但真係太油膩，沒有韓國飯一般嘅麻油香，係真油膩，所以味道已經不在考慮範圍了，食咗半盒就食唔落喇😅。老實講咁嘅價錢好難俾靚麻油，但保證食得飽，自己選擇吧！

🐮牛肉紫菜包飯 $35太安樓入面既健康之選🙋🏻‍♀️一條飯卷有10舊，每舊都好足料，一大半都係牛肉再配上各種蔬菜☺️牛肉係偏甜既調味，包住爽脆既青瓜、醃蘿蔔一齊食，唔會有食肉既油膩感😋飯有用醋撈過，所以帶有微微既酸味😌食曬成條都夠飽，而且好均衡💙

太安樓不嬲出名多小食之前已經幫襯過呢間舖頭幾次以前都算多餡但今次買赤醋牛肉包飯真係好後悔啲飯好酸啲餡又好少啲牛肉仲要好蘇好腥同傳統韓國紫菜包飯差好遠以後都唔再幫襯

太安樓開左一排的飯團店，味道好好食，一個人食一條已經好夠飽。依個店同其他韓國飯團店有啲唔同，佢係日韓風味咁整，佢啲飯又加麻油又加赤醋，一個飯團混合左兩個風味，效果原來係好夾。

午飯時段到訪位於太安樓的阿朱家（外賣店），人流不多，不用花大量時間等待。之前開業時嘗過紫菜包飯，今次見有新味道，但見不是即叫即整，而是如圖的放在桌上，於是今次沒有再叫。三位店員都分別在處理食物，其中一位同時要收銀，故衛生情況一般，今天飯盒外和膠袋有醬汁；但處理食材位置光猛及清晰可見。拌飯與紫菜包飯價錢相若，但是份量相對較足夠，有烤牛/烤豚/海鮮/烤雞選擇。今次選了烤豚拌飯($35)，即叫即拼。飯的份量十分足夠、有菠菜和泡菜等配菜，可惜豚肉很肥，而飯的整體味道都普通，是價錢相勝。店內還有其他主食、配菜和飲品出售。

今日來到太安樓搵食，試試網上好多人推薦嘅韓式小食店。韓式飯卷有很多選擇，我選擇了新出的口味——煙三文魚飯卷。呢個係一個fusion飯卷，因為用咗煙三文魚做餡，佢為係呢款韓式食品添加了一種西式嘅感覺。因為疫情嘅關係，飯卷外賣返到屋企都有差唔多一個鐘嘅時間，好彩味道依然好好，欣賞佢非常足料！下次期望可以試吓凍櫃嘅小食冷盤，我見到小螃蟹好吸引，怕拎到返屋企會壞，唯有下次啦！

好多人買外賣，其實要等都係正常，不過今日去買兩個拌飯，一個飯卷佢就有飯卷比晒後面d人先等到兩個飯ok 就無晒飯卷等緊飯卷時佢又將其中一個飯比左後面嘅人...結果等到飯卷ok 左又欠一個飯...我後面6個number 都走晒我心諗，再咁落去我等一世都唔掂外賣快餐等左20分鐘先出聲都算係咁啦所以先開口問吓話等左好耐結果佢望都唔望就同我講： 個個都等好耐咁結果當然係其中一個飯凍晒啦中肯嚟講食物味道ok 嘅而呢度食嘢當然唔可以要求有幾好service 啦但係咁乖乖哋等都仲要被佢串下次都係不了🥱

🌈 雜誌推介特色韓式外賣店！太安樓掃街必試，超抵食美味飯菜！ 💜【餐牌】【赤醋紫菜包飯】💡 巧妙加入日式美食元素，選用赤醋壽司飯，以紫菜包起紅蘿蔔、黃蘿蔔、牛蒡、青瓜、冬菇、菠菜和玉子製成一卷卷長及手臂的特色紫菜包飯。🍀 包裝紙上印有可愛討喜的卡通圖案，以視覺藝術確保愉快的用餐體驗。💯 評分：🌕🌕🌕🌕🌕 (5/5)🐥 雞肉 $30💬 雞肉肉質尚算嫩滑，配菜不會蓋過其味道。赤醋微微的酸味與食料十分配合，比傳統韓式飯卷更具清爽的感覺。 餡料與壽司飯的比例大概為8:2，厚度適中恰到好處。包飯被切成11等份，一口一件的大小既可以一次品嚐所有材料，而且方便衛生的進食。🐟 吞拿魚 $30💬 香軟濃郁的吞拿魚是國民最愛的選擇之一，與任何材料都能組成別具風味的美味組合，也能突出壽司飯粒粒分明的口感。 餡料與壽司飯的比例大概為7:3，份量比雞肉的稍多，但無損其質素及滿足感。包飯的黏性剛剛好，一件分兩口吃也不會掉下任何食物殘渣。【韓式拌飯】💡 以五彩繽紛的青瓜、芽菜、菠菜、冬菇、紅蘿蔔、泡菜和生蛋黃鋪滿熱騰騰的白米飯，製成味道豐富多元的香噴噴韓式拌飯。🍀 自行將所有食材攪拌均勻並仔細品嚐

路過見到新開左一間韓式小店 就八卦下睇吓有咩食 見到佢飲奶最能夠代表韓式嘅食物 泡菜同埋紫菜包飯 決定買來當下午茶試吓啦🥳睇咗一陣Menu 最後都係決定請老闆推介下邊一款紫菜包飯好食 最後佢推介左赤醋蟹子沙律紫菜包飯熟知韓國食物嘅我 知道赤醋同埋蟹子沙律其實比較常出現係日式壽司 韓式嘅紫菜包飯大多都係落吞拿魚沙律 不過唔緊要啦照叫黎試吓🙈🙈$30一卷紫菜包飯 仲送飲品 算係幾抵 外賣自取返到屋企一打開 見到佢滿滿餡料 放入口感覺10分滿足 蟹子沙律糖醋嘅味道好突出 所以老實啲講句真係比較似日式壽司🍣 但係又幾好食 路過的話可以支持下呢間小店丫💪🏻💪🏻

剛剛這間舖開的時候紫菜包飯真的是有赤醋味道，飯煮的粒粒分明。 添加赤醋很特別，食得多不會膩。近兩次買的時候飯已經沒有特別醋的味道，食材也少了。失望😩，不會再去了。

之前一直聽朋友同事推介食衣個包飯，遲遲都未試，因為驚當lunch唔夠飽。今日黑雨之後返工既時候終於買左黎試喇，覺得唔錯同埋飽肚最好既係，可以自選配料，因為係即叫即整我可以走哂啲青瓜同蘿蔔，唔洗揀得咁辛苦下次會再食，試下牛肉先

今日有d肌肉痛去太安樓睇醫生，睇完就順手買野食返屋企。平時都經過lee間韓國小店，但就未有機會試下 牛肉飯卷（35蚊）： 1條roll可以分到11件，牛肉量都唔少， 每1啖都有，唔會話頭尾d位就冇牛肉。 係用燒牛肉汁煮左先， 飯卷有蛋，菠菜，黃蘿蔔，味道層次豐富。鰻魚飯卷（35蚊）：里面配菜都差唔多， 但鰻魚味本身味道偏淡，好睇個人口味。芥末炸雞（28蚊）：餐牌寫就4件， 但老細好好人， 我打開其實有5件。 個芥末係甜甜地， 食落去好開胃。菠菜（10蚊）：好抵小菜，10蚊都好大碗， 重麻油香。我會翻兜，味道好食， 我買咁多樣都係108蚊

估計係新開既原因，真係連OPENRICE都搵唔到，意外地幾好食喎！🚩 赤醋牛肉紫菜飯 $𝟑𝟓一卷有分成十件，以份量計真係好抵，啲料都比得好足！美中不足就係卷得唔夠實，食果陣有啲散！🚩 韓辣炸雞 $𝟐𝟖/𝟒隻(🌶)可能係見我咁捧場(?)比左5隻雞翼，正常係 $𝟐𝟖/𝟒隻，番到屋企見到唔係太對路，好似好乾咁，我用氣炸鍋整番熱，又幾好食喎！🌶特別要講下佢個辣！睇圖好似好少醬咁，除非你食得好辣！真係叫比幾滴你好啦！真係「勁辣」，冇呃你🙈，可以自己去試下！#食開譚仔大辣LV都冇流鼻水凍櫃、菜單：