阿杏飯團 (文咸東街)

營業中

休息中

食過唔同分店嘅阿杏飯團，呢一間上環店都幫襯過好多次。但係唔知係咪換咗新手，包飯團包得好鬆，基本上係一拎上手，都未擺入口咬，啲飯已經鬆晒。今次叫呢個係牛油果吞拿魚飯團，舊牛油果細粒到得五毫子咁大吞拿魚味道正常，份量亦正常但係飯並唔熱，中間更加咬到幾啖係凍嘅一個飯團咁樣$50坦白講如果咁樣嘅質素，我寧願買2個華御結其實已經唔係第一次咁樣，上兩次叫嘅時候，一樣係散晒。不過冇今次咁離譜。希望店員可以握實啲飯，仲要今次個心係凍嘅，真係有啲失望。

依家飯糰鋪頭已經經過好多次，鋪面靚靚，好有日式感覺，今日見有啲肚餓，忍唔住想試一下，買左一舊金沙鹹蛋黃飯糰$35，外面係紫米，飯糰入面嘅料都算多，但味道偏淡，味道就普普通通!

阿杏飯團是一家位於上環的台式飲品店，它的特色不僅在於美味的飯團，還有獨特的台式奶茶。阿杏奶茶是這家店的一大特色，它將台灣的奶茶文化引進香港，讓人們在品味之餘也感受到了濃濃的台灣風情。阿杏奶茶的味道濃郁，帶有淡淡的茶香和濃厚的牛奶味。奶茶的甘甜度適中，不會太甜也不會太淡，能夠完美地平衡茶和奶的風味。而且，奶茶的口感十分滑順，喝起來非常舒服。許多網友都稱讚這款奶茶非常地道，仿佛就像是在台灣品嚐的一樣。台式奶茶是台灣文化的一個重要組成部分，它具有濃厚的人情味和懷舊感。台式奶茶的製作過程講究專業技巧，要將茶葉和牛奶完美地融合在一起，呈現出獨特的香氣和口感。而且，台式奶茶的種類也非常豐富，除了經典的紅茶奶茶，還有綠茶奶茶、珍珠奶茶等等，每種都有其特有的風味。台式奶茶一直以來都是台灣人生活中不可或缺的一部分，也成為了國際間認識台灣文化的一個窗口。阿杏飯團的阿杏奶茶絕對是一個令人驚喜的美味。它不僅在味道上深受消費者的喜愛，更是一種文化的體驗。這家台式飲品店將台灣的奶茶文化帶到了香港，為大家帶來了不一樣的飲品體驗。無論您是奶茶愛好者，還是想要品味台灣風味的人，阿杏飯團的阿杏奶茶都值得一試。

早上交完政府表格，就周圍中睇下有咩岩買返去做lunch，行過見到飯團細細份，又方便拎，原來拎上手都好重手。返去擺係office 兩個鐘再叮返熱食都無問題，後悔買少咗杯奶茶。

今日諗唔到食咩好嘅我係OpenRice 度search下公司附近有啲餐廳可以外賣自取，咁就比我搵到阿杏飯團。😁今次叫左三個口味分別係原味，黑椒雞扒同埋燒汁牛扒。另外再加一杯熱嘅黑芝麻豆漿。 同friend share食每個味食一半份量感覺啱啱好。味道正正常常啦，三個味道其實感覺分別不大，味道係有啲似粢飯嘅。肉嘅份量比較少，基本上三隻味嘅分別就最主要差咗喺d肉果度。如果番開上環諗唔到lunch食咩好嘅話可以黎試試佢。試吓依間都唔錯嘅，不過建議都係叫返原味會比較抵，因為其實肉嘅份量比較少。會適合想簡簡單單食飽嘅人仕。

個飯團非常難食，價錢仲唔平。啲料全部都係甜嘅，仲要係好甜果隻，就算寫明少醬都係好甜，食完好滯好膩，超想反胃，飲大量水都冇辦法解滯，第一次寫食評，因為難食到就來嘔，希望大家唔好中伏😭😭😭

又來一次中午輕食今次喺上環有咩推介呢？哈哈，就係呢個阿杏飯團😆🤣佢嘅選擇好多仲要有套餐配搭套餐係飲品加飯團就有八五折決定試吓佢我要咗個辣味雞肉飯團少少辣啱啱好啲飯軟綿綿熱辣辣最好買完即刻食飲品要咗個椰果奶茶椰果好彈牙奶茶味濃輕食OK 👍

1/5Is so heavy as is glutinous rice and they add mayonnaise and more sauce. And so many toppings that can’t taste the main ingredients I choose at all. Way too many things happening in one bite, too complicated flavour.

好味指數😋😋😋回頭指數 ⭐️⭐️開心指數🤗🤗要去上環附近，睇吓有咩外賣好選擇，見到呢間台式飯糰店，似乎幾好味咁，又有我鍾意嘅珍珠奶茶，一於試吓先！🍴新宿燒汁牛扒飯團（$38）飯糰用紙包住，都幾有重量，打開就見到好大舊，好似幾多料咁！其實我係叫麻辣牛扒飯團嘅，我咬落去嗰吓，咦！點解冇麻辣味嘅？咬咗好多啖就覺得唔對路，睇返個貼紙，原來店員落錯咗單，俾咗新宿燒汁牛扒飯團我！本身俾錯我都唔緊要，最緊要好食，可惜嘅係，食落唔覺有燒汁味，亦都唔係幾搵到牛扒響邊度，成舊飯糰只係食到生菜、肉鬆、蘿蔔乾、油炸鬼、沙律醬嘅味，牛扒呢？牛扒響邊度？飯糰用紫糯米做，係幾煙韌嘅，飯味都幾香，不過，個主菜牛扒只係得幾粒碎片，唔似得其他人影到嘅咁多！同埋因為飯糰係暖嘅，紫菜會淋晒，我都唔係好知，一個好味嘅台式飯糰應該係點樣！成個唔見咗主菜嘅飯糰，雖然好大舊，但妹仔大過主人婆，食到尾已經有D 膩唔想再食落去。🍴黑糖珍珠奶茶 - 大（$29）茶味唔錯，幾香幾滑，珍珠煮得唔錯粒粒分明有咬口，讚！店入面有韆鞦打卡位，雖然店員係落錯單，但服務態度係唔錯，感覺親切，手套紙巾飲管都會入好袋，唔使自己攞嘅。不過因為個飯糰好一般，暫時都

見到很多人推介阿杏飯團 剛巧發現上環開了一家有日早收工就買來試試看購買燒汁牛扒或烤腸的比較多但我愛食辣所以試了麻辣口味🤭❤麻辣牛扒飯團飯團是即叫即整所以要等一陣才有份量真的幾充足紫米幾有咬口牛扒有點厚度不是薄薄的加上些肉鬆，油條等配料口感幾豐富不過略嫌麻辣味較少下次要加辣❤凍燒仙草茉莉茶（無糖）所有茶飲都可選甜度大杯裝燒仙草很多茉莉茶味夠，茶底很不錯購買套餐有85折整體都幾抵食如果在公司附近買來當午餐很不錯🥰

我之前食過荃灣既分店，覺得好好食， 肉又足料，又飽肚。最近係上環返工，決定買個麻辣雞肉飯團做午餐。點知今日打開個飯團，咬一淡， 見唔到雞咁既，咬多幾淡都係得手指尾size 既雞肉， 成個飯團得簿簿一層既雞肉……其實個飯團最出名就係舊肉夠大舊， 但依家成個飯團都係油炸鬼碎同油炸鬼碎，仲要邊食邊跌， 食到一半之後咬多淡得返飯同油炸鬼碎，非常之失望。呢個飯團要38蚊，得油炸鬼碎同飯，真係不了。應該唔會再食依間分店既飯團。

7月份熱辣辣，同朋友買外賣🥡又唔想食熱嘢途經這間裝修好有特色 色彩繽紛的飯團🍙店看到餐牌更加覺得好吸引新宿燒汁牛扒飯糰（$38）⭐️⭐️⭐️⭐️賣相吸引，食落口感豐富 牛扒好食有質素 唔係cheap cheap牛，肉鬆、火腿、生菜、蘿蔔乾、沙律醬。credit比返香脆油條，加落飯團好新奇好食✅芝麻八爪魚($36)⭐️朋友簡既，我覺得一般 章魚好似得4-5粒細細 2個女仔1人一個都係食剩一半😆大大份，同埋好飽肚。

路過見倒呢間未試過，見倒評語幾好就試下。間野裝修睇落比較新，個外賣袋幾靚。叫左3個飯團，整體黎講，飯團用紫糯米幾特別，有咬口，有生菜配肉，食落都Ok，有沙津醬但唔會好多果隻，食落唔會好漏，肉既份量比較少，份量比較細，細過一隻手既size，男士未必夠食。食完有少少口渴，可能調味用多左，但味道係冇問題既。配料方面，爆漿芝士果個唔爆漿，變左一舊芝士，芝士雞扒唔多芝士，美式雜扒果個比較乾身，比預期中有d落差，呢個價錢黎講，未算好抵食。

之前喺網上面已經見到好多人介紹阿杏飯團，經過上環見到佢哋開咗新鋪，即刻入去睇吓。阿杏裝修好別緻，有一棵粉紅色嘅櫻花樹，仲有一個韆鞦（雖然我諗冇人真係會坐喺韆鞦到食嘢）令人有一種溫暖嘅感覺，我買咗一個「新宿燒汁牛扒飯團」試吓。飯團係用黑糯米包住生菜、菜脯、油炸鬼同埋牛肉。雖然話係牛扒飯團，但係食落去同睇落去，其實都只係牛肉，而且肉嘅份量頗少。不過整體來講，賣相吸引，黑糯米軟綿，口感豐富，味道亦唔錯。所以，如果食厭咗日式飯團，想轉下口味，試吓阿杏嘅台式飯團都可以。

台式飯團即叫即包，飯團溫度微溫，拎上手都幾墜手，分量好足夠飽肚紫糯米粒粒分明，口感軟糯，紫菜係包住舊飯，所以會比啲濕氣整軟咗配菜包括：菜脯粒、油炸鬼、青瓜絲、肉鬆、生菜 配上沙律醬口感豐富油炸鬼有驚喜，唔油膩之餘仲好脆口，由頭食到尾都係脆麻辣牛扒飯團 $38牛肉肉質軟嫩，唔會好硬好難咬開麻辣味似台式邊爐麻辣湯味，覺得幾特別鹹蛋雞扒飯團 $42鹹蛋份量都幾多，熱量超高😂😂雞肉肉質較為結實，個人鐘意牛肉多啲手作糙米漿 $18 米槳質地濃厚，有米香味，揀咗走甜依然有少少米本來嘅甜味！阿杏飯團 (上環)上環文咸東街135號地下4號舖