阿杏飯團 (文咸東街)

營業中

休息中

之前喺網上面已經見到好多人介紹阿杏飯團，經過上環見到佢哋開咗新鋪，即刻入去睇吓。阿杏裝修好別緻，有一棵粉紅色嘅櫻花樹，仲有一個韆鞦（雖然我諗冇人真係會坐喺韆鞦到食嘢）令人有一種溫暖嘅感覺，我買咗一個「新宿燒汁牛扒飯團」試吓。飯團係用黑糯米包住生菜、菜脯、油炸鬼同埋牛肉。雖然話係牛扒飯團，但係食落去同睇落去，其實都只係牛肉，而且肉嘅份量頗少。不過整體來講，賣相吸引，黑糯米軟綿，口感豐富，味道亦唔錯。所以，如果食厭咗日式飯團，想轉下口味，試吓阿杏嘅台式飯團都可以。