阿爺燒味

營業中

休息中

雖然這個燒味雙拼燒肉飯叉燒燒肉飯 價值港幣30元 但係 啲叉燒非常 硬 好似樹皮咁 燒肉反而 好似水煮咁淋 同埋得兩嚿有燒肉皮 值得一題佢隻匙羹得兩啖已經攣咗喇 雖然燒味飯30蚊要求唔係太高 但係都唔係做老咁差！

叫左燒肉豉油雞飯，$28，切啲位靚唔靚呢樣嘢就預咗未必㗎啦，但我都冇諗過叫燒肉一塊燒肉皮都冇，自動幫我走晒，乜依家嗌燒味飯有走皮服務嘅咩？本身見個裝修幾時正又開咗都有一段時間，應該都唔會差得去邊，點估到咁好服務幫我切走曬啲燒肉皮，諗起都嬲嬲地，不過都係嘅，$28係預咗㗎啦，俾啲咁嘅質素我唯有硬食，不過就冇下次咁解，我寧願俾貴啲都唔再食呢間，特登喺度幫手順便宣傳吓，想食燒味飯走皮記得搵呢間，呢度有專業切皮服務

專登走落去買個外賣已經要燒鵝係貴啲都唔緊要，因為自己想食一返到屋企見到盒外賣，得四件燒鵝加油雞翼。 但係燒鵝一舊係全肥無肉嘅一舊係得骨。得兩舊肉有油雞，仲要係雞翼位。咁就收啲食50蚊。 真係有啲過分囉。

置樂嗰頭見到有一間燒味檔人頭湧湧，原來大家都係外賣燒味，我見舖頭亦都有得坐，但係好多人都只係嗌外賣，可能同疫情有關，$30 1個湘婷燒味，再加$5一杯嘢飲，係今時今日算係抵，行返屋企都差唔多要半個鐘頭之後，一打開個飯盒，果然有驚喜，叉燒夠Juice油雞佢又俾咗雞俾我，有飯香，雖然菜心得半條，外邊都幾大風，但係盒飯同杯嘢飲依然夠暖👍同一個雙拼燒味再嗌多碗湯米粉，不過外賣湯同米粉佢冇另外分開，外賣返到屋企啲湯汁俾啲米粉吸收到一半，不過都係有雞髀，而且叉燒係半肥瘦外賣燒味來講，算係有質素嘅一間👍不過要留意，只收現金。

比左幾次機會都係令人失望一開始我係先買燒味飯食，叫咗個肥叉燒燒肉飯，燒肉唔錯，叉燒夠味但有啲瘦同韌好啦諗住試吓買一斤肥叉燒，已經再三叮囑肥少少，點知返到屋企打開都係又瘦又大舊，真係好失望，明明味道唔差係要做壞自己招牌，無肥叉燒出句聲未ok囉，叫其他野，係要斬啲人地唔係想要既野比人我連新墟果間都試過，同樣都係斬啲又瘦又韌既比人，明明門面乾靜企理，都唔好好少少，為咗清貨咩都斬比人，所以如果鍾意食瘦韌叉叉燒，不妨一試，本人一般，between佢啲燒肉係ok

經過見到呢間燒味，一於斬料加餸，買咗半斤燒腩仔和半斤半肥瘦叉燒（共$114）。燒腩仔既豬皮燒得尚算香脆，內裏肉質有點炭火香味，但係肉質未夠肥瘦適中，應該有一點甘香既肥肉，搭着炭火香既瘦肉，再配合非常香脆嘅外皮。雖然這裏嘅燒男仔略為遜色，不過都已經唔錯，味道唔會過咸，肉質不會太乾柴。另外半肥瘦叉燒方面，肥瘦得宜，唯一挑剔的是蜜汁香不夠，但叉燒味道不錯，不會過咸。肉質方面都幾鬆軟，如果再肥肉佔多一點點，會更甘香。

星期六父親節加撞正老竇生日本嚟諗住出去食晚飯，但疫情都未算好穩定最後都係決定外賣大家鍾意食既野+斬料加餸屯門燒味本身冇乜選擇，友人話呢間新開既燒味鋪燒味唔錯就試下夜晚臨近七點先去到，可能太夜關係叉燒沒了，油雞沒了燒腩仔沒了，心碎了好彩仲有燒肉，再遲少少可能真係乜都冇燒肉 $82估計係朝早燒既關係，燒肉個皮已經唔脆，可惜買嗰陣個姐姐話係後脾肉，肉會比較爽的確食落口感係好爽脆，冇乜油膩感燒肉有層肥膏，肉唔靚就好易有陣豬騷味而呢間既燒肉係完全冇騷味呀媽食完都話幾好食而且八十幾蚊有一大盒唔算貴希望下次可以買到其他燒味試

今次等一次幫襯，想試吓乳豬不過他們說不是常常有，可能乳豬成本高，呢區少人食所以我叫左肥叉燒燒鴨飯包汽水肥叉尚算肥美，不過可以再肥d，有部分略為太瘦燒鴨皮脆肉嫩，應該是自家燒的，下次可以再食

星期日 又係一個可以訓到自然醒 全日打機既日子真開心 問我食咩？我一早已經諗好啦阿爺燒味啲盒就係外買飯盒 叉燒油雞飯好抵嫁 $25 係邊度可以揾？！叉燒唔老 咬留有小小juicy 至於油雞 我初頭以為係雞patpat 而我男朋友話係雞腿先啱雞肉入口質地滑我習慣將薑蔥撈飯一齊食飯有小小乾 但啱我 我鍾意食硬小小既飯有得咬下 最後我一個人食哂成盒 男朋友話我大食 左食完就可以繼續專心打機**仲要係男朋友幫我落街買既愛心飯盒❤️牙都未刷完 就有得食

生腸墨魚比野乸到外面變成豆渣咁，一口粉浆冇口感，金錢鷄又整片义燒响度，肥肉冇玫瑰路味，真心失望😞見到置樂有呢D野賣好開心，飛身入去買，三樣野都唔平，但人老又久遗了的食物，三次分開買黎食，三款都好😩😩😩😩😩

依日放假，去街市行下睇下有咩靚菜買下咁。行到攰攰地想搵個地方，坐低食下野😋，休息下😊。經過門口，見到大大個招牌，阿爺燒味，我即刻諗到TVB個頂爺，吾知佢有冇份開，應該冇，除非有😂😂吾講廢話了🙄🙄🙄，入去試下先，價錢好平民化，但個裝潢好有中國風味，店面同店內都係，木枱木櫈啦，啲碗都係懷舊個種。講返野食，飯係貴啲，瀨粉平啲。我叫左瀨粉，一個送同兩個送嘅價錢係一樣嘅，食肉獸當然叫兩送，份量好多，我竟然食吾晒啲肉，你話多吾多？張相望落可能份量吾多，但佢個碗係大過一個手掌我男友叫左單送， 滷水雞脾瀨粉，個雞脾吾係講笑，大到嚇左一跳，吾講以為係火雞脾添(講笑)店員有禮貌，幫襯嘅多數係街坊，有講有笑咁，幾好氣氛。

話說一起身好想食叉油雞飯，就同紋青去左阿爺燒味😚之前斬過料炒銀針粉，好好味，今次食燒味飯試下！呢度環境比一般嘅燒味店更加企理整潔，裝修都幾特別。食得叉燒當然要食「半肥瘦」啦！呢度嘅叉燒燒得香，肉唔乾，又無筋，真係值得一讚！豉油雞髀唔會太肥，好靚仔！同紋青閒聊過幾次，究竟阿爺燒味係咪真係有阿爺坐鎮😂😂今日坐入舖食，佢哋每個都好有禮貌，聽到員工言談間真係有叫到阿爺同阿嫲，一家人嘅小店，一路睇，一路都覺得好有愛🥰燒味整體上都做得唔錯，但係蔥油可以做得再香啲，就更好😆因為今日太想食雞髀，所以加左十蚊要雞髀雙拼飯， $55包嘢飲或者湯，我個人黎講覺得價錢ok。