阿牛哥清湯腩.咖哩專門店 (已結業)

小第前日下午見間野冇咩人又新開張就入去試下啦小第叫左清湯牛腩河($25)加一個生菜($10)牛腩河<--河粉唔滑失敗 牛腩唔"林"又冇牛味失敗 個湯唔夠鮮 25蚊真係唔抵食去官塘是旦搵一間都好過佢 仲有開張唔夠一個月個地下D油滑到可以滑冰咁 遲早一定有人比佢既地下洗一鍋

行過見到新開..招牌菜話係牛腩..清湯腩..咖哩..入去試下..MENU度有咖哩牛腩飯..咖哩牛筋飯..同個咩四樣牛(牛腩牛筋牛肚牛利)既飯.問個阿姊有無牛筋同牛腩飯..佢竟然話無...唔係呀.. 咁唯有叫左個咖哩牛腩飯..一黎到第一個反應係太細碟..一碟飯其實得一碗飯..好似去左食西餐咁..另上既咖哩牛腩..得果五塊..有無攪錯..都成38蚊碟架喎...地方又唔係靚..坐又坐得唔舒服..一啖咬落D牛腩度..唔掂...唔夠淋...D牛又瘦..痴哂牙既..死得喇.. 招牌牛腩竟然唔得...咁其他野都唔駛諗喇...咖哩汁都算唔錯既..似阿龍咖哩..但梗係阿龍好D啦..仲有樣唔掂既係...食食下...我係坐係路口位..竟然有個阿叔係咁拎一袋袋一桶桶既垃圾由 廚房拎去正門倒...D垃圾係正我身邊過...又污漕..又核突..攪到個地下好多污漕水...唉..快快趣食完走人...埋單時行過踩落去D污漕水..真係覺得好肉酸....