阿鴻小吃

營業中

休息中

阿鴻小吃重開，水準保持，滷水依然滋味；環境相當企理，有私人房間，最大的貴賓房可容兩圍枱，我們一行廿八人包了這個廳，寬敞舒適。預訂特色招牌菜，所有醬汁皆出色，我最喜愛滷水汁與豬手的陳醋汁，真心滋味；菜式造型富震撼感，例如以石鍋上的潮州翅，熱騰騰冒著煙霧；凍龍蝦冰鎮糟鹵鮑魚配雞絲海蜇賣相討好；蝦丸造成掛樹荔枝很有心思。餐前小吃贈送五福臨門 - 川味小黄瓜、千層素鵝、香糟鵝肝、芥末雞腳筋、陳醋爽豬手凍龍蝦、冰鎮糟鹵鮑魚配雞絲海蜇潮州紅燒石鍋金勾翅 (位上)黑金竹炭豆腐鴻運掛樹荔枝蝦丸珍寶鹅掌翼滷水錦秀拼盆潮式凍馬友魚招牌南乳粗齋籠仔煎攬菜肉鬆陳村粉彩鴻炒飯蓮蓉壽包 #阿鴻小吃 #銅鑼灣 #粵菜 #潮州菜

本來同屋企人食生日飯，訂左檯7點，咁我地衰啦早左到6點9到左咁門口叫我地等，好，唔緊要但後來連續幾檯客嚟到，同門口呀姐打下招呼，「乜太你好，book左7點X位想座邊張呀？」，之後同門口阿姐反映咗幾次，都係話執緊檯（但係明明入面半個場都係吉檯）最後到7點，有一檯客「我姓X book左7點5位」又係熱情招待順利直入最後再反映問幾時入得，都係話「執緊檯，你book 7點之麻」，我咪同佢「講聽住人地講7點wo」，呀姐仲係度死撐話人地book 6點9，最後屋企人忍唔住發火，先至悔悔氣氣話有位，「而家係有位你唔入咋wo」咁廢是食口水雞，我又唔係熟客，高攀唔起呢間大餐廳啦

好耐冇食，今日特登同屋企人一齊嚟食。咁耐冇食過，都係嗌啲大路嘅嘢食試吓水溫先，滷水鵝片、滷水鵝肝、蠔仔粥、豉油王大虎蝦，再加個老火靚湯。鵝片正常質素，鵝肝有啲失望，食落冇味，完全冇食緊鵝肝嘅口感。蠔仔粥啲蠔好大隻，同埋好多。豉油王大虎蝦夠新鮮，收得你咁嘅價錢，佢俾返咁嘅食物水準，食得到隻蝦係新鮮嘅。但係估唔到今日嘅MVP居然係個例湯！超好飲，好足料，$30一碗一啲都唔貴，簡直令你回味無窮。臨尾仲會送糖水添。

中午跟朋友前來午餐，有多選擇。服務員態度好好，食物亦新鮮熱辣。滑旦蕃茄大蝦、同小排骨正正，加錢要了西洋菜湯。銅鑼灣區潮州菜來講是十分不錯，性價比高，一定會再來😇

留意到阿鴻小吃是在機場時看到它的鋪位在裝修，趁昨天有機會就去試一下。我跟著圖二所說的那些菜式去點，想著應該都是招牌菜吧，卻原來已經沒再賣麻香雞腳筋，唯有改點了芥末雞腳筋。先說好的：滷水鵝飯$88, 滷水裡頭有淡淡的香料味，不會很鹹，比日日香/生記都要好吃，大推。加$16的老火湯，賣相可能不怎樣，沒有隔掉浮沫，但果皮味很足，我很喜歡。芥末雞腳筋(拼海踅)不記得$128還是$138, 包著一層黃芥末，口感爽脆但味道很嗆。芥末本身就應該用於油膩的牛肉/魚生身上，不是很理解這種搭配，好好做麻香雞腳筋不可以嗎？最後泡了兩次水，那芥末味才合理一點。說是蔡瀾推介的撈面($128)，面身很爽，炸蝦仔也很香，味道是不錯的。惟一是偏辣了一點，5小辣的級數，很少在粤菜中體驗到這個辣度，加上芥末雞腳筋本身也嗆，所以這面沒能吃完。茶芥加一，最後埋單兩日$400多，合理不貴，如果日後來吃我應該只會點鵝飯加湯。

首先，服務令人反感，明明已預約位置，還要多等半小時才能入座。職員出爾反爾 ，明明說會免費送甜品作補償，最後竟然說已賣哂甜品，未能補償等候時間過長的損失。其次，味道大不如前。蠔餅欠缺蠔味，招牌撈麵太咸，黑蒜豆腐欠黑蒜味，一夾就散。反沙芋外衣又係一夾就散，糖衣太甜，令喉嚨好唔舒服，乸住乸住。滷水平平無奇，味道普通，鵝肉偏乾身，墨魚亦滷得淡而無味。另外，小炒王欠缺鑊氣和溫度，不夠乾身。埋單價錢偏貴，質素完全大不如前。如果想食潮州菜，此餐廳完全不值得一試，建議給予其他潮式鋪頭一個機會。

朋友相約聚餐，飯局訂了在銅鑼灣阿鴻小吃，這是間米芝蓮星級餐廳，滷水特別出色我們抵達時間尚早，餐廳未有其他人，女服務員熱情招待，餐廳裝修簡潔，掛上字畫及獎狀更顯清雅。我們被安排的座位坐得舒適。花生滷得入味我們經商量，分幾輪進餐，首輪點了黑蒜竹炭豆腐及滷水鵝片以花朵襯托豆腐，賣相佳，黑豆腐入口外脆內軟雖然是例牌，但是份量也不少鹅片肉質豐腴，嫩滑，味道適中，必食第二輪，我們叫了海蜇拼墨魚片墨魚片夠稔但是無味，海蜇清爽略嫌份量太少吃到這裏，已感到差不多，這時陸續多人入座，人聲越來越嘈雜，女服務員這時走過來說，香蒜炒芥菜苗祇剩下兩份，問我們要不要？第三輪，我們便點了香蒜炒芥菜苗最後，我們在煎蠔餅與兩面黄間點了後者，埋單連加一共九百八十多元。整體而言，這裏的食物水準可以，黑豆腐及滷水鵝片出色，兩面黄比其他潮州店舖遜色，價錢亦略為貴些。

同長輩一齊食飯～最緊要揀啲坐得舒服嘅餐廳😍呢間仲要係朋友仔食過午餐覺得性價比好高嘅米芝蓮餐廳添🤩Book位嘅時候打唔到餐廳電話☎️我係用WhatsApp book嘅～Book枱嘅時候冇講到🕑用餐時間係只有兩個鐘🕑係到場先至講嘅～要留意返～🥬南乳粗齋 $138南乳濃郁但唔會太鹹～蔬菜保留到清新口感🐷冰鎮咕嚕肉 $338咕嚕肉做到外層酥脆內裏Juicy配上除咗好常見嘅菠蘿🍍仲有藍莓🫐同士多啤梨🍓好清新～充分平衡到油膩感另外擺盤都好用心😍初頭我哋以為中間嗰個裝置係一個硬膠點知係用糖拉出嚟㗎～唔係見到啲糖溶我哋都冇留意佢哋咁用心🫘黑蒜竹炭豆腐（2件起） x4 $72本身好鍾意食蒜味第一次試黑蒜竹炭豆腐～內層黑色，食落酥軟帶有淡淡嘅蒜香味內裏雪香，係軟滑嘅豆腐！就好似熊貓咁🐼如果唔係叫咗咁多嘢食真係想encore多舊！🦐荔枝香脆蝦丸（8粒）$238上菜既時候令大家都嘩嘩聲～除咗將蝦丸造成荔枝造型之外～入邊都真係有荔枝肉準備！外脆內軟爽口彈牙，難怪台台都必點🥲👍🦆滷水鵝片（例牌）$288姐姐同埋啲食評都講到係必食嘅所以可能期望好高🙈鵝片🥹雖然經特製嘅滷水汁醃製而成但味道唔太入味～好一般🙈要降低少少期

鹵水好味預料之中，由細食到大，從來冇失望過，反而經常係太多野想食，個肚唔夠大，失落就會。鹵水鵝片依然係最好果間，味道可能都仲有機會响第二間食倒類似，但呢個肉質果種鬆化，真係唔知點做到，味道加口感應該冇人夠佢嚟。非鹵水類意想不到地高質，冰鎮咕噜肉係凍食，皮仍然好脆，肉好嫩，一口一件可以食唔停，雞油花雕蒸馬友魚油加雞油好香好鮮，蒸得剛好，肉好滑，蠔餅蠔仔粥足料，蠔全部都係蠔，响蠔仔中佢果d係XXL,好鮮甜。必食黑蒜竹炭豆腐，蒜香雞，係心思手藝功力嘅展現，外面食唔倒。

中式餐廳格局，座位寬敞舒適，枱與枱之間有足夠空間感。🦐 荔枝香脆蝦丸 $238 8粒有別於一般蝦丸，佢嘅擺盤已經耀目搶眼🤩 服務員拎到過嚟嘅時候即刻嘩一聲！除咗咁好睇嘅荔枝造型之外，佢食落去外層香脆可口，內裏係熱辣辣又彈嘅蝦肉丸，再沾上特製沙律醬，真係色香味俱全👍🏼🥢 黑蒜竹炭豆腐 $18/件呢個真係好有驚喜～ 咬落去外層酥軟，內裏係軟滑嘅豆腐，強烈對比嘅口感令人覺得滋味無窮～ 蒜味十足，啖啖滋味，食完一件之後停唔到口😝小熊貓大推以上兩款為必食推介👍🏼 餐廳其他菜式，例如滷味及湯品都十分出色，冇嘢可以挑剔～ 實在具備米芝蓮質素！而且價錢合理，亦有推出午市套餐，CP值商！另外值得讚揚嘅係員工嘅服務態度～ 每一位都有殷勤嘅服務，樂意幫助每一位客人～ 亦會好似朋友咁同我哋溝通互動，推薦適合我哋嘅菜式～ 令人感受到佢哋嘅友善同親切👏🏻

20多年前去阿鴻小吃，對佢嘅滷水汁印象深刻，之后他搬到官塘就少了，最近又重回港島銅鑼湾即去回味，潮式滷水，一道源于潮汕地区的独特烹饪秘方，其独特的香醇味道和独特的配方令人难以忘怀，阿鴻滷水都有其独特的味道和配方，是我最难忘的，就是其独特的配方和长时间的慢炖。在炖煮的过程中，滷水会吸收食材的鲜美和营养，同时也将香料的味道和功效融入其中。这样炖煮出来的食物不仅口感豐富，而且味道濃郁。今天就試了滷水鵝片，果然是那曾記亿的味道。其滷水出色外，廚功也了得，單一個炒芥蘭就盡顯功夫，菜帶翠绿，脆而不硬，加上薑汁及蒜蓉帶出味道。單尾叫左荷香艇家籠仔蒸飯，單是看材料就令食欲大增，食括大蝦，蝦干，魚肚，蒜蓉，虫草花。蒸汽籠仔中慢慢地穿透每一粒米，将大米的醇香与海鲜的鲜美完美地融合在一起。当你揭开籠盖的那一刻，一股诱人的香气扑鼻而来，让人垂涎欲滴。米饭粒粒分明，又软糯香浓，搭配上各种海鲜的鲜美口感和微微的海风咸鲜味，真的是让人食欲大增。。阿鴻小吃不單回來了，而且更上層楼。

二十年前，由第一間位於北角和富道的老舖開始幫襯，十年後，如追星般追去了觀塘的新開店舖，又過了近十年時間，追去了銅鑼灣開的新舖，感恩在開張首月重拾它的味道，三個月後，心思思再度光臨，終於決定再次拾筆為它寫篇食評。首先要推介的是招牌鹵水系列，今次點了鵝片拼魷魚片，雙拼底下還隱藏了鹵水豆腐，每一款鹵水食物都是那麼的正宗，令人食過返尋味！然後是每次必點的南乳粗齋，南乳汁相當正，齋菜配料都非常豐富，是送飯的佳選！接著是蒜香雞，雞件還未入口，已聞到濃郁的蒜香，經此配搭，當然是非常惹味啦！然後再來一個招牌撈麵，麵上放滿了櫻花蝦、銀芽、蔥、芝麻，還有XO醬，所以口感偏辣，好辣的朋友一定喜歡！最後想叫一碟清菜，結果選擇了金銀蛋肉碎浸時蔬，由於之前食太多惹味食物，所以想揀清淡少少，這一道菜則是不錯之選！

來到潮州菜館，自然不得不點滷水鵝片（雙拼）。滷水鵝片經過特製的滷水醃製而成，經過長時間炖煮，鵝肉完美吸收濃郁的風味，是次選了配搭墨魚，肉質鮮嫩且富有彈性，令人一試難忘。接下來，我們點了蒜香雞（半隻）。蒜香雞選用新鮮的雞肉，經過醃製後香料充分滲透進雞肉，烹調後外皮金黃酥脆，內裡卻保持多汁。這道菜不僅香氣撲鼻，還能夠滿足對肉類的渴望。去到每間餐廳，當然都要點招牌菜，這裏有的是招牌撈麵。麵條完美吸收醬汁的香濃味道，極具口感和香氣。吃了肉食主菜，少不了要清清腸胃，所以叫了南乳粗齋。南乳的濃郁味道為素菜增添了層次感，搭配時令蔬菜，既保留了蔬菜的清新口感，又融合了南乳的獨特風味。而金銀蛋肉碎浸時蔬菜心，有鹹蛋和普通蛋的結合，增添口感的豐富性。肉碎則是用豬肉剁成的小碎末，與時令的青菜心一同浸煮，讓菜品的營養價值大大提升，味道鮮美，並且健康又美味。阿鴻小吃 (銅鑼灣)地址：銅鑼灣謝斐道535號Tower 535地庫B01號舖

今年7月鴻哥由觀塘店搬到銅鑼灣Tower535，開幕當日人山人海，也遇見很多久未見面的友人，可惜自己因趕時間未能一試菜式。😅早前朋友在這裏攪酒局，菜式由我發辦，吃過這麼多次，自然知那些是鴻哥的拿手菜，另加幾味我自己很想試的新菜式；鴻哥的滷水有幾咁出色，自然也不用我多說，應該好多人也吃過。😋想不到蠔餅、蒸馬友及陳村粉也同樣出色，蠔餅香脆美味，好食到要再追加多一碟；馬友大多是以凍食或煎香來處理，原來以雞油花雕清蒸，更能食到魚的鮮嫩及魚香味，非常好吃；陳村粉蒸得軟硬度剛好，而且欖菜更能吊出其香味，朋友話直情好食過大x樓，真是始料不及！🤭記得之前食過滷水大掌翼，雖然非常好味，但比較膩口，本以為每人半隻也不會太多，想不到大家食力這樣有限(最後剩返一半)，看來下次要再預少一點了！🤔埋單每人都係五佰多啲，非常超值！CP值超高，值得一試！👍🏻滷水大掌翼 滷水鵝肝金絲煎蠔餅 竹炭豆腐皮蛋 素鵝 滋味雞雞油花雕蒸馬友 掛樹茘枝香脆蝦丸凍龍蝦 籠仔欖菜蒸陳村粉招牌撈麵 CP值高阿鴻小吃地址: 銅鑼灣謝斐道535號Tower 535地庫B01號舖電話: 28310188

噚晚睇電視介紹阿鴻小吃，比老闆鴻哥一番言論感動到。今日下午同老公兩個人去幫襯，點咗滷水鵝，鵝肝，素鵝，招牌撈麵，呢四款招牌菜名不虛傳，果然係米芝蓮一星食肆，食物相當有水準，鵝肝係我食過多間鹵水店中最好食嘅一間，叫半份已經有八大塊，又滑又甘香，老闆事事親力親為，剛剛有老闆嘅朋友嚟幫襯，有幸坐我哋隔離枱，我哋同老闆傾咗幾句，言談親切就好似朋友一樣，知道佢工作辛勞都係為咗一班欣賞佢廚藝嘅顧客，加油呀老闆💪🏻