陳茶館芋圓甜品專門店 (馬頭圍道)

營業中

休息中

好友帶了我們到附近這間陳茶館！這間以芋圓出名的甜品店我是第一次來嚐了非常驚喜的好味道。Menu內有五花八門不同口味的配搭，以不同的糖水底配襯自家芋圓，有選擇困難症的朋友真的要小心哈哈。超喜歡店子的插畫式餐牌十分可愛看見也覺得好味。我們選了兩款三人分享首先來一碗養生的熱桑寄生蓮子茶$42，配料可以選芋圓或者小丸子我們選了前者，桑寄生茶味道夠香濃蓮子亦好鬆化，內裏的三色芋圓吃下真的超級有驚喜，口感煙靭之餘更吃到真正的味道，是在香港覺得最合我口味的芋圓。大滿貫燒仙草$38是奶茶底茶及奶香平衡得不錯！內裏盡是滿滿的三色芋圓、仙草、紅豆及珍珠，口感煙靭味道甜美可人好出色，這個絕對會是令人心心念念的味道。實在太好味所以我外帶了碗芋泥紅豆二仙草重奏$38給車爸爸品嚐！此款甜品本身是豆漿底我另加了$4轉為椰汁，芋泥非常香滑跟椰汁好匹配，再加上爽滑仙草和香軟紅豆真的非常好吃。

陳茶館芋圓甜品專門店 (馬頭圍道)土瓜灣馬頭圍道101號地舖開心果雪燕西米露 雖然隻綠色比較假 食落都有微微既開心果味 加左開心果粒好濃郁 口感層次更豐富 自家三色芋圓口感煙靭 配搭開心果雪燕西米露食係100分!

土瓜灣呢間分店都開咗好耐， 一直都想試下佢人氣之選 ～ 開心果甜品 🤤🍴開心果都有兩隻款 ： 一隻係開心果雪燕西米露，另外一隻係開心果牛乳🌟開心果雪燕西米露開心果係人氣產品，梗係要試下。 開心果糊配上開心果粒。配合開心果粒好濃郁，LEVELUP 左。感覺係有炒過，啖啖開心果味 ! 甜度啱啱好 🌟椰汁雪燕三寶芋圓一貫煙韌，配上一大啖芋泥好邪惡。雪燕滑捋捋 好滋補 。份量超多 好滿足埋單都係$97，甜品款式新穎，值得一試📍土瓜灣馬頭圍道101號號 地舖

呢排最HIT一定係開心果，而呢間嘅開心果糖水一定係榜上有名，今次我都唔放過黎潮聖！對比起黃埔店，呢間唔洗排太耐隊，等一陣入得。🍴開心果雪燕西米露 $52 💫8.5/10同照片係100%相同，超級開心果綠色，望到都興奮！撈勻每啖都食到有開心果碎，開心果味道都幾濃郁，唔會太甜，所以食到尾都唔會好膩。入面仲有雪燕、西米露，所以口感超級豐富。仲要有埋十幾粒招牌芋圓，煙煙韌韌好QQ，咬落仲食到芋頭/蕃薯香。咁好食難怪開心果關注組咁推薦！🍴薑汁桃膠三寶 $43 💫5/10唔叫唔知薑汁咁強勁，見到佢附嘅卡仔寫明「可能係全港最辣嘅薑」，但冇估到後勁咁強，平時食開辣薑都覺得頭一兩啖OK，但越食加埋熱更辣，有D頂唔順！同埋佢冇咩甜味，只得辣味，食得好辛苦。諗住問下有冇咩糖水可以加落去中和，但係冇。除左薑汁，芋圓、桃膠、小丸子配料係完全冇問題，水準之上。呢款薑汁要留俾平時食得辣嘅人。🌟總結：芋圓好食，QQ軟糯。開心果好正抵食。糖水好足料大碗，值得排隊食。薑汁就見人見智，個人不喜。

芋圓甜品專門店，黃埔同土瓜灣都有分店，其實都開業好一段時間，但最近因為開心果甜品而大受歡迎 個個都介紹😻．開心果雪燕西米露 $52 打開已經聞到好香開心果味😍有滿滿嘅開心味碎增加風味同口感，開心果露都香開心果味，甜度可接受，不過比想像中稀🤔芋圓大大粒好有咬口，都有本身原材料嘅味，推介😋．芒汁芋圓西米露 $48 依個相比下就普通啲，有芒果味但偏甜，無芒果粒，芋圓都係好味嘅！另外，因為唔係即時食，所以店員將芋圓另上👍🏻

🌰🌰開心果雪燕西米露開心果打成嘅糊狀基底，表面鋪滿曬開心果碎睇見都已經好開心!!一啖放入口感受到開心果堅果濃郁嘅香味，口感醇厚幼滑，甜度恰到好處唔會膩。雪燕嘅口感好獨特，同開心果糊融合得非常好，由醇厚嘅開心果味轉到爽滑嘅雪燕口感，食完一碗仲想食!!🍃🍃黑糖珍宝仙草仙草本身帶有淡淡嘅草本清香，入口即化清涼感瞬間瀰漫口腔，暑氣全消好舒服。黑糖嘅味道醇厚，甜度又啱啱好，唔會甜到滯。手工製作嘅芋圓食落軟糯又有嚼勁，同仙草嘅清香相互襯托，令整個甜品嘅味道更豐富。呢兩款甜品嘅味道都各有千秋，店舖喺材料嘅選取同搭配上顯然落咗唔少心思，開心果雪燕西米露真係好推薦，開心果控狂歡!!🔥🔥

同行四人去咗朝聖呢一間陳茶館，我叫咗呢一杯黑芝麻豆乳，相比起另一間飲豆乳好出名嘅舖頭，呢杯相對比較甜，但係芝麻味就比嗰一間香濃好多，另外同朋友人就食佢哋最出名嘅芋圓，咁相對起其他糖水舖，佢又真係幾好食嘅，但係排隊30分鐘up,上餐15分鐘左右，價錢又相對比較貴，性價比唔太高。我覺得值得一試，但未必會再有第二次

落單同事似未訓醒～聽錯點餐內容！！值得非常留意一位樓面金毛平陰後生女服務態度！本人唔知道自己企錯位置落單～被一位樓面金毛平陰後生女呼呼喝喝！完全無禮貌地叫本人去番正確位置落單～本人理解繁忙時間工作效率未必符合理想！但並無需要以負面情緒及態度提供服務！錯單都算～明明係落單同事錯誤～金毛女仲要走埋黎問多聲！質疑客人自己落錯單！幸好有另一位較年長同事幫忙退款1碗仙草芋圓原先點2杯奶茶～變左2碗仙草芋圓。被迫要選擇吃1碗仙草芋圓不會再幫襯！

作為土瓜灣街坊多年熹記一直都係我地嘅甜品首選👍🏻👍🏻所以熹記改咗做陳茶館之後當然要嚟試試佢啦！呢期見陳茶館推緊開心果同黑芝麻嘅芋圓甜品作為芝麻同開心果愛好者梗係要叫晒兩個嚟食啦🥰兩隻嘅口感都好似開心果嘅碎碎比芝麻糊嘅朱古力碎碎有口感但芝麻糊味濃啲，好啱芝麻愛好者👍🏻不過開心果糊都好好味！兩者都唔會死甜或過甜好啱鍾意清新口味嘅人🙆🏻‍♂️長輩食都唔怕負擔重啦最有趣嘅其實係佢附送嘅卡仔竟然係MK體😂😂😂好有Y2K嘅情懷啊！

當天假日下午三點，堂食客人不多。1)但等一個甜品等了15分鐘。 台面上，上一組客人食剩的甜品在這15分鐘期間都沒有員工來執拾。 在等候期間，看到收據上指繁忙時間只限入座30分鐘。 在非繁忙時間等甜品時間都等了15分鐘！ 如果在繁忙時間，等一個甜品的時間很大可能多於15分鐘？ 請問享用時間會剩低幾多呢？2)再者， 員工又唔執台。 我一人無奈被迫坐在無其他客人揀的兩張二人台度。 當有新客人到的時候，又要求我調台。 那客人進店時，好應該有個員工帶客人坐相應位置。這樣會令客人唔使咁麻煩！3)員工態度差～ 收銀員工不禮貌，指出不收現金時的語氣差令人難受～4)仙草並不是仙草是涼粉。與預期有落差。不如直接在菜單上如實寫上涼粉。5) 唯一好的是芋圓出色及上甜品員工好好態度 !黑糖的甜品會提醒你要攪勻才好享用！總結： 甜品不是十分出色，等候時間久，對待客人態度不友善。 不會再想幫襯！

最近香港掀起開心果熱潮，好多食店都紛紛推出以開心果為主題嘅產品，而陳茶館這間已芋圓為主題的甜品店亦不例外，推出咗兩款開心果甜品。今次試嘅係其中一款開心果甜品-開心果雪燕西米露。呢款甜品放咗濃燶嘅開心果醬喺西米露上面，開心果醬嘅量絕不吝嗇，而且仲有開心果碎喺上面，當然甜品入邊亦都包括陳茶館嘅招牌芋圓。甜品食落口感非常豐富，脆口嘅有開心果碎，煙靭嘅有芋圓，又滑嘅有雪燕同埋西米，開心果醬亦都令成款西米露有好香嘅開心果味，而且唔係人工嘅開心果味。而店員嘅服務都算友善，知道我哋怕冷氣大風，亦都安排咗一個冇咁大風嘅座位俾我哋

由佢以前熙記食到而家變成陳茶館，一直都覺得呢間嘅芋圓質素高，如果鍾意食西瓜佢嘅西瓜大滿貫一次過可以滿足到想食西瓜，芋圓，同奶茶底嘅慾望。試咗一次開心果，覺得佢嘅開心果碎非常香，而開心果湯底就不過不失。但呢到嘅芋圓真係好食，有芋頭味又有番薯味。

落單：比個外賣電話快過我，結果我起碼等咗佢3分鐘先落完單，然後到我落單鋪面：時間21:07基本上坐咗七至八成滿仲有一張六人枱同埋一張二人枱食物：我叫咗個熱嘅木瓜桃膠燉雪耳，一個燉雪耳好基本嘅係我會見到糖水會有少少膠質嘅感覺，好明顯呢一碗係木瓜一份，再加一份桃膠，一份雪耳，同埋一碗等同珍珠奶茶嘅3分糖甜度都冇嘅糖水，如果叫做燉雪耳的話係完全唔合格。如果佢叫做糖水的話，行咗兩年幾低糖生活嘅人，我都食唔出甜味。服務：21:37 佢話用餐時間30分鐘喎，叫我睇住時間嚟坐，態度麻麻地，應該喺後面睇住我張單夠30分鐘先同我講，仲要係出面冇人等位，而佢仲有起碼四至五個空位，忘記了，裏面食緊嘢嘅任何一個人，都應該比我早入嚟，可能我叫一碗糖水實在太少，唔緊要，我落單嗰陣時又唔同我講，我都唔想阻住人哋做生意，咁我都準時起身走總括嚟講，呢碗唔甜嘅糖水，你坐低真係要預30分鐘內食完就走，唔好諗住帶啲朋友過嚟吹水慢慢食。

開心果雪燕西米露（$52） 開心果控可以過來試試💚 面頭有滿滿的開心果脆脆 真係每一口都有開心果 雖然糖水偏重椰汁味🥥 但係依然食到淡淡既開心果味！裡面仲有雪燕、芋圓同埋西米露 其實都幾飽肚😗 我最鍾意都係芋圓！大大粒好彈牙 重點係每一隻色都好重芋頭/蕃薯/紫薯🍠味 絕對唔會過甜 或者只係食到一舊粉團！好高質👍🏻📍陳茶館芋圓甜品專門店 (土瓜灣)地址：土瓜灣馬頭圍道101號地舖

呢個開心果雪燕西米露（$52）不得了呀😍好濃開心果味，勁多香脆開心果碎，第一啖食到滿滿嘅開心果😋😋之後食下面啲料勁多西米，勁大粒芋圓😍芋圓好煙韌，食到芋頭/蕃薯味…仲有好多一條條嘅？係雪燕？ 好足料囉😆😆下次黎再試下其他糖水😆