影片
付款方式
以上資料只供參考, 請與餐廳確認詳情
食家推介
相關文章
忘記帶眼鏡，揸車行錯路，順其天意，求其喺上環泊低架車揾食，行咗成條海味街都無 「茶記」，反而見到街市上面嘅熟食中心～上上上。一推門真係眼前一亮，依家啲熟食中心咁鬼靚嘅，因為當時係4點幾，有啲都收工或者落咗場，唯一選擇只有佢哋～陳財記，唔好理，真係肚餓（未食晏）。叫咗『考牌』二味～一係乾炒牛河，二係～椒鹽肉排。乾炒牛河～夠晒鑊氣，略嫌油份多咗啲，味道以我嘅要求～水準以上，雖然油多咗，我都幫唔手清碟。椒鹽肉排～難得下面墊左好多條芥蘭，影之前已經食咗幾條，講返啲豬扒，一口咬落去，好鹹，唔係偏鹹，係真係好鹹，餸飯至頂得順，但係啲豬扒係好味嘅，起碼唔係硬，唔「鞋」，係好食嘅，只係個廚落料重手左，起碼好過係醃得太鹹，二樣唔同。二口子當午餐，即炒～埋單$130街坊生意價錢，算喺咁。除咗食物同環境，我會睇多啲嘢，你可以叫呢啲喺大排檔，佢哋辣椒油果個不鏽鋼罌，乾淨過所有茶餐廳包括我屋企果個～難得。第二，通常去呢類熟食中心，最驚係去洗手間，入呢個之前都戰戰兢兢，點知同大堂一樣，乾淨企理～👍以上純粹個人意見，並沒有收受任何利益。回頭度～6/10不過我真係路過，除非過嚟買海味😂😂
繼續閱讀
陳財記的菜餚不僅新鮮美味, 還保持了傳統中菜的精髓, 食材的選擇上乘, 無論是中式小炒還是海鮮, 都能讓人感受到廚師的用心。份量充足, 價格來說非常合理, 感覺物超所值。菜單選擇豐富，良好的服務：優質的服務體驗也增加了整體的價值感，讓顧客在享受美食的同時，感受到賓至如歸的氛圍。Chen Cai Kee's dishes are not only fresh and delicious, but also maintain the essence of traditional Chinese cuisine. The selection of ingredients is excellent. Whether it is Chinese stir-fry or seafood, you can feel the chef's care. The portions are ample and the prices are very reasonable, making it a great value for money. Rich menu choices, good service: The high-quality service experience also increases the overall sense of value, allowing customers to feel at home while enjoying delicious food.
繼續閱讀
五個長者衰去幫襯，點知啲伙記只係俾四張有背凳，一張無背圓凳，當時客人唔多，有背凳亦大把，我們多番要求，伙記態度衰到不得了，堅持唔俾，算了罷，我們繼續點菜吃飯，都未食完，伙記不停收碟抹抬，擺明趕客，唔怪之得港人都北上去也，我以後也不會再幫襯🤬🤬
繼續閱讀
約咗幾年都約唔到齊人，決定無論幾多人都好，點都要約一次出嚟。有人提議去返呢度，話佢重新開返，於是就決定舊地重遊，地點決定咗，枱一早book好咗，終於成事我係最尾先join 呢個group嘅人, 佢哋一齊經歷嘅嘢似乎比我多好多，有啲而家都仲做緊同事呢外表上大家都冇乜點變過，但係食量方面就大減咗好多囉。其實約食飯有啲人會覺得食唔係重點，但係見到你又食減肥藥又話戒食澱粉令到本身想食多兩啖都好似唔係幾好意思咁 ，再加上我哋有一半人冇到，所以食嘅氣氛似乎冇之前咁開心。佢哋有部份就跟返以前曾經嚟過叫過嘅菜式copy，例如有椒鹽鮮魷啦「呢個必叫嘅」，仲有粟米魚肚羹、鹹菜豬肚湯、肉絲炒麵。今次新加嘅菜式就有菠蘿咕嚕肉（佢哋之前過咗嗌嘅會係西檸雞，雖然都係酸酸甜甜）、瑤柱豆苗（以前年紀仲細點會嗌菜啊）同埋小炒王 （特別嘅小炒王，佢嘅魷魚唔係配菜，而係做咗主角，好似另外嗌咗半碟椒鹽鮮魷加咗落去咁）原先我係想食菠蘿生炒骨多啲有啲骨選吓好過啖啖肉，不過嚟到都係變咗咕嚕肉🤪全部嘢食，佢哋話同以前大致上都差唔多，可能冇之前咁濃味喎。我都覺得幾唔錯，而且性價比高。裝修咗嘅大排檔，其實大致上都冇乜點改動 佢哋話係個廁所乾淨咗好多靚左好多囉飲咗兩支大啤，今日已經有少少頭痛，真係老咗。係個環境實在太嘈，完全傾唔到偈，如果解決到呢個問題就Perfect啦
繼續閱讀
材料差勁， 老闆賺到盡， 仲要畀面色你睇， 好似話你知，你唔嚟我有大把客 嗰啲大老闆面色， 冇下次。大家唔好做水魚!只想好心提醒下大家! 完全明白點解香港人唔肯消費。 實在覺得離曬大譜， 不吐不快。
繼續閱讀