影片
港鐵黃埔站 C1 出口, 步行約1分鐘
繼續閱讀
附加資料
免開瓶費
營業時間
星期一至日
08:00 - 00:00
以上資料只供參考, 請與餐廳確認詳情
食家推介
轉眼已係公司渡過第 11 個年頭，我既青春呀﹗望望有咩鮑參翅肚，原來跟某年某日一模一樣。藍色桃園金月萬壽宴，即燒原隻奶豬、原隻鮑魚伴玉掌、高湯美國龍蝦伊麵、綠野仙踪玉帶象拔蚌、宮庭雞煲翅、清蒸原條金花尾、鮮蟹肉扒翡翠、脆皮黃金雞、杏仁茶、松露帶子炒飯、高湯鳳城水餃。Moran，樓下買幾支紅酒邊食飯邊飲飲，百多元一支，質素變滿意的。即燒原隻奶豬，是否真的即燒呢？就真的不知道，不過真的熱辣辣端上。大家都好肚餓，飲杯飲勝，殺呀﹗竟然每位都抑壓著情緒，保持高貴的儀態，慢調斯理溫柔地推轉盤只夾一兩件。不如讓我先來吧！客氣生疏真係食少好很多架。前中後每個部位都夾少少，再沒收埋對豬腳，識食梗係要食晒所有部位！驚喜的味道與質地，鬆脆不油膩的豬皮，薄薄的油脂甘香滑嘟嘟，還要併上鮮嫩多汁瘦肉，咸味得宜開胃，不過份不混濁，調得美味剛剛好！添砂煻一個味，添乳豬醬又另一個味，各具風格同樣出色。何解從來未見過片埋豬頭肉比大家食呢？方便又不會浪費。原隻鮑魚伴玉掌，十個一圍可以食多碟，多謝各位厚愛！最後我吞左 2 隻鮑魚、4 粒西蘭花、6 隻鴨掌咯，滿足暢快！薄薄鮑魚充滿鮮鮑味道，用鮑汁扣回，嫩彈有鮮味，當然不會出現溏心啦。鴨掌皮爽肉嫩，混埋鮑汁同吃，損得津津有味。高湯美國龍蝦伊麵，龍蝦巨型得體不失禮，啖啖肉份量足。蝦味突出質地爽嫩，夾雜高湯醇香更加吸引。伊麵吸盡龍蝦精華，還散發濃郁高湯清香，醒神開胃不停啜！最衰太腍太濕，散碎一截截，質地不討好，不能一氣呵成，不能豪氣地不間斷一野啜晒入口，失望！綠野仙踪玉帶象拔蚌，帶子、象拔蚌、彩椒、西芹大雜錦。有著微微暖意，西芹爽甜多汁沒半點渣，彩椒清香甜美。帶子結實，咸味濃濃，象拔蚌爽嫩，不過程灰色，賣相不討好。海鮮跟配菜齊齊食最美味，亙補不足。宮庭雞煲翅，巨形排翅成隻碗咁大，連我都一啖食唔晒，驚嘆不已！無位裝湯，我非常喜歡飲湯架！爽爽粗針連肉大排翅，熱到燙嘴要食得小心翼翼，食完發現只得一啖仔湯水，可以一啖過一飲而盡！濃厚雞湯味道，黏黏的散發魚翅香，不得了！清蒸原條金花尾，免強緊緊熟！魚肉未能完全跟魚骨分離，魚味淺淺淡淡，實淨嚥韌未見嫩滑多汁，不過不失。鮮蟹肉扒翡翠，蟹肉已溶化透徹，只見一絲絲浮現在西施芡汁中。夾起大大注巨形豆苗拖埋蟹肉芡，爽爽多汁，輕輕的菜甜味搭著咸鮮芡汁，回味無窮食多兩啖！脆皮黃金雞，堅係皮脆肉嫩，剛剛炸起油光四射！薄薄雞皮一咬發出撕裂的聲音格外動聽，香噴噴入口，脆皮散發微弱雞油咸香，雞肉完全無味，雖則無敵滑溜！高湯鳳城水餃，沒什麼特別，經過一大輪激戰後，來個簡單的。濕濕口清清味蕾也不錯，豬肉蝦仁木耳，還可以平凡。松露帶子炒飯，沒怎樣的松露味道，貝柱淡淡海味咸鮮，炒飯乾爽味淡，食得過的一般水平。
繼續閱讀
幾年前幫襯過陶源覺得味道麻麻，估唔到今次誤打誤撞入左黎飲茶，啲野食勁好味。不過首先講下環境，都幾舊，枱與枱之間有冷氣機滴水，情況有些少嚴重，啲枱布舊，有啲穿左窿。環枱與價錢落差幾大，不過好在碗碟筷子洗得夠乾淨唔油。食物方面:# 蝦餃 # ***** *** 8/10餃夠大隻，鮮甜，皮有少少煙un感，唔錯。# 奶皇千層糕 # ***** *** 8/10好香奶皇同雞蛋味，夠軟綿，很可以。# 山竹牛肉球 # ***** **** 9.5/10超軟滑，唔粉，好juicy，超好味，所以食完一碟又叫左第二碟啊!# 沙巴鮮蝦燒賣皇 # ***** *** 8/10好味，足粒，size唔太細。# 蜜糖叉燒腸 # ***** *6/10腸粉好軟滑，但我比較鍾意有少少咬口既同埋鞋口既腸粉，哈哈。# 蘿蔔千絲穌 # ***** **** 9/10好鬆化，入面好軟綿香甜，滿滿既幸福感!# 蜜汁叉燒包 # ***** ** 7/10OK啦唔錯。# 上湯灼菜心 # ***** *** 8/10好幼嫩既菜心，好鮮甜!可以再黎!
繼續閱讀
24/3 9.30上到酒樓，冇人帶位要自己搵位。禁見到佢地樓面得幾個姐姐同一兩個經理，大家都‘自助’斟茶水同自己搵人比單。但係我入坐既時候就見個經理同枱客social，其他姐姐忙到死。禁我都唔例外自己去搵個經理落單，見到個個經理重同緊同一枱social，我就好態度禁叫‘唔該靚女’，跟住佢冇理我，然後我左叫多次，佢啤左我一下然後搶走張單轉身走，態度真係極差，比錢買難受以前宜間野係高級酒樓，宜家覺得佢重cheap過個d點心鋪，環境又污糟
繼續閱讀
家人的baby百日宴，擺左4圍，食物再次有驚喜。乳豬保持水準，鮑魚好好味(雖然有部份人話唔夠淋身)。驚喜: 鮑汁伊麵、荷葉飯唔油膩，蟹肉花膠翅加了金華火腿咸香適中。特別驚喜: 法式鵝肝卷(類似沙律海鮮卷)，清新的青瓜配搭香濃的鵝肝，全場讚賞！店員細心又主動幫忙！希望下次再來有其他驚喜。
繼續閱讀
初三赤口，依然仲有好多酒樓，餐廳都末開，所以隨便選擇屋企附近的陶源酒家和婆婆飲茶。點心選擇不多，加上初一和二都不斷飲茶🙈🙈，所以就求其點左幾個點心加個炒麪，至在同家人團聚傾下計。蝦餃牛肉球 - 有D馬蹄粒，都ok芋絲春卷 - 不太脆鮮蝦菜苗餃 - 不錯野菌脆皮腸 - 料不是太多，腸粉不是太脆叉燒包金錢肚 - 味道正常，失望既係用左芋頭做底，不是蘿白❗️小插曲，可能因為新年有好多炒散part time, 單有D亂，我地叫左一碟春卷，佢就話我地入左2碟，不斷再送上第二碟春卷幾次😒最後叫多碟肉絲炒麪，肉絲炒得有D黑 ❌❌，麪就正常總括，點心一般，沒有驚喜。
繼續閱讀