陽明燒味餐室

營業中

休息中

平時去灣仔街市買餸，經常路過呢間燒味店都見有人排隊買外賣…啱啱又去買餸路過，剛好下午茶時段就入去試吓，估唔到有驚喜！下午茶餐$35有雙拼粉連熱飲，叫咗個瘦叉燒鴨河加熱啡，瘦叉唔柴幾好味，但燒鴨食到有煙燻味好香，我個人好鍾意呢個味道。今日係減肥放縱日，食到呢餐平靚正燒味，個人特別滿足！

叉燒併燒鴨飯，連飲品$35，正常長方形外賣盒size，經濟實惠。叉燒無得別要求，咬落竟然有油香，確實唔錯👍🏻燒鴨就略嫌啲肉梅咗些少，塊皮都算香口，整體普通。個湯就好多料👍🏻各大平台睇到呢間嘅留言都係好壞參半，可能水準比較不穩定，可以喺門口望下自己想食嗰一兩款得唔得先至入去買

灣仔食晏買飯 🍚，行到街市想去手撕雞點知搬咗，轉咗去陽明，燒味雙拼$35，叫咗肥叉油雞髀🍗加$15走薑蓉但阿姐唔記得走，性價比都高，送汽水，但肥叉唔夠肥，雞🐓唔夠滑，同事食燒鵝脾飯$80讚好

燒肉無皮有無諗過點解我要食燒味？叉燒仲出色，又霉又爛，自己都唔敢斬開比我睇。汁又比得兩滴，叫佢比多少少好似攞佢命咁，「比咗啦！」 唔講以為鑲金(･_･;佢$35係算平，但唔係比篤屎我食掛？想幫襯既自求多福啦大家

貴店燒味係有水準，但係外賣就有問題。外賣燒肉飯冇皮，己經唔係第一次，大家買外賣燒肉飯時望多下先好入袋。究竟燒肉冇皮係咪貴店特色？定係要堂食先會冇皮呢？還是燒肉有皮先唔係正確？

朋友話好好食，燒鵝有煙熏味，即管一試。坐低，就毫不猶豫一人叫一碗，招牌燒鵝配河粉/瀨粉。可惜，燒鵝只有淡淡差不多問唔到的煙熏味，而且肥肉比較多，本人不太喜歡。本人覺得沒有什麼特別，以朋友而介紹的朋友，亦坦言，今次的燒鵝，不給他上次食的好。之後我們三個人share左一隻乳鴿。乳鴿，只需$28/1隻，抵！但等咗好耐，因為原來伙記唔記得落單。幸好乳鴿出嚟熱辣辣新鮮炸起，而且有肉汁，不是乾萌萌。今次，乳鴿挽回燒鵝聲譽。午餐，河粉或飯，送基本飲料， $60至$80 ，視乎你揀什麼燒味，算抵食夾大件。當日仲有兩款客飯提供，分別是梅菜鯇魚，及另外唔記得是什麼，不吃燒味的客人，仲有其他選擇！

以為呢間係普通燒臘餐廳,入到去有驚喜🤗🤗地方乾淨企理座位非常舒適 ,叉燒乳鴿非常好味😋😋 忍唔住再encore 燒乳鴿,$35一隻燒乳鴿好抵食性價比超高👍👍