隆亨串

營業中

休息中

難得屋村區都有串燒店，梗係要去試一試啦！呢間隆亨串，舖頭細細，但坐位都唔少！最入仲有一間房可以book來做私人房！裝修都唔錯！一坐低，店員就介紹有串燒嘅肉拼盤，三串有雞肉，牛肉，羊肉。我最鍾意食嘅羊肉嘅我，梗係要試一試啦！另外佢仲推介呢度嘅燒雞翼，有一隻辣一隻唔辣。辣嗰隻仲要講到明食得辣先好試！鍾意食辣嘅我梗係試一試啦。其他野食就普普通通叫左燒茄子燒韭菜燒菠蘿咁啦！仲有送酒必備既雞泡魚乾！叫咗啤酒，當然要嗌埋雞皮LA！雞皮好快到，燒到脆卜卜！好惹味。另外雜錦肉串都好快到！肉串大大串，有肉汁，燒得好香！果然係店員推介呀！呢度嘅雞泡魚乾都好平，送酒一流！大大塊都只係$40. 其他茄子燒菜都有一般水準。特別想講一講燒雞翼，鹽燒嘅外脆內有肉汁，都算交貨啦！地獄辣嘅雞翼真係唔野少啊，食咗一啖成個口已經辣到有啲麻痹嘅感覺，我同朋友食到辣都食到想叫救命呀！店員見我哋咁辣，好窩心咁樣拎咗少少砂糖俾我哋解辣  ！啤酒都飲咗幾杯先至可以冷靜落嚟，雖然真係好辣，但係又覺得好過癮，好少何會係普通舖頭食到呢啲咁嘅勁辣雞翼，真係鎮店之寶，嚟到點都要試一試啦！

大圍雖然好少去，但係知道好多美食，今日都唔例外，經過一間串燒舖發覺非常啱我食，咁就入咗去了。原條茄子：幾乎每一次去食串燒都會食，好乾身，勁多蒜蓉，加上孜然粉，好滿足。勁辣雞翼：個皮好 脆，燒到個火候啱啱好，辣得好過癮，食完一串再想加多一串。燒雞軟骨：好香口，都係幾乎每一次都會叫，送啤酒非常一流。燒海蝦：蝦味鮮甜，大大隻，燒到剛剛好熟，夠晒滋味。錫紙花甲粉：呢個花甲份不得了，花甲新鮮鮮甜，金菇索晒啲湯，加埋啲辣椒仔，絕配。司華力腸：好大好大條，燒到香噴噴，面頭燶燶哋，啖啖肉。建議大家一班人食因為可以選擇多啲食物。

喜愛串燒既我見咁多人介紹依間野緊係要去拜會下！7:30去到既時候好彩岩岩重有一枱！舖頭唔係咁大，有4個卡位同一間房。廚房係開放式，可以見到廚師燒嘢食我同老公2個人大概點左1x樣野左右（太餓都無咩點影相😂）老實講，上一手我有食過，本身對串燒都唔會抱太大會有出奇既期望！不過依餐飯都令我有小小喜出望外！🤩基本上串燒必食既野，我地都有叫！1）令我超級深刻既係佢個蒙古羊肉串，我都好耐無試過有覺得超級好食既野！我足足食左5串😂2）茄子同韭菜都係正野特別係佢個花甲粉，嗰個味道好特別形容唔到令到有人想追落去嘅感覺佢地有個勁辣變態雞翼，我對面個佬話要挑戰下😂食左第一串見佢無咩野，跟住有職員行埋黎問我意見。原來佢地客人叫依個，通常都唔會一下就比到最辣！頭先食果個只係bb level!建議我地差唔多食完野再食終極版（我地有聽佢地講☺️ 當然老公食到不要不要廢事詳細講啦下）總結下，依間野我都比90分！都真係幾高質！（無奈係嘢食等耐少少，不過我見到佢哋樣樣野都生燒，等得耐啲都值嘅）因為普遍出面食串燒全部都係得孜然粉味，而佢哋而家野好多嘢都帶出左唔同嘅鮮味！應該好快會encore!

2021年10月19日 星期二今晚收左工已經差不多6點，返到大圍決定同老婆出街食，費事煮飯咁岩見到隆亨新開張左呢一間餐廳，睇落去似係食串燒，出面寫住堂食同外賣都做緊九折，於是無諗太多就入左去坐低左再慢慢睇返餐牌，發現串燒既選擇都有幾多，除咗肉類之外，仲有海鮮同小食，價錢仲要唔貴添，所以我哋每樣都叫少少黎試下等左大約10分鐘左右，首先到既係錫紙花甲粉，見到有好多配料係裡面，除咗花甲同粉絲，仲有葱粒、蒜頭、辣椒等等，味道好足夠 食得到花甲既鮮味，但整體又唔算辣，粉絲吸收晒湯汁既濃汁添之後到串燒既部分有豬、牛、羊、雞串燒組合，者係每款肉各有一串，上面全部都撒上調味料燒，再配上沙爹醬，食落去好惹味，如果配埋啤酒簡直係一流，約埋三五知己一邊食一邊傾實好開心另外仲點左燒一口牛肉粒同燒牛舌，兩款都有濃郁既牛肉味，而且唔會好韌，燒得岩岩好再黎有西京燒雞扒，黎到既時候師傅已經煎開一舊舊方便進食，雞扒既外皮仍然好香脆，有好濃烈既西京燒汁，裡面既肉質無諗到可以咁幼嫩，以為燒完之後肉質一定會變得好乾，但食落反而仲有好多汁最後仲有錫紙牛油焗金菇，一打開錫紙就有好香既牛油味，而且金菇既份量好多，兩個人食夠晒，感覺

今日行過見到有新嘅串燒店開張 仲有得打折 天氣開始凍～食啲熱辣辣嘅串燒都幾正同朋友兩個都好肚餓 我哋兩個都係食肉獸 叫咗牛丸 一口牛 牛仔骨 金菇牛肉卷 牛舌 仲有燒五花腩肉 羊肉 鹽燒雞翼同埋變態辣雞翼🔥我最鍾意嘅係一口牛 金菇牛肉卷同埋燒五花肉 食得出食材係好新鮮嘅 唔會用過多嘅調味肉類全部都好新鮮好多汁 我哋叫咗小辣 辣辣地加啲鹽同埋胡椒就啱啱好😘另外蔬菜方便叫咗燒粟米同埋川燒茄子 川燒茄子好正 上面放咗好多惹味嘅蒜蓉辣椒 食落去唔會太多油 燒雞翼好好食 啲皮燒到脆卜卜 雞翼已經切開處理咗 好容易就食到 變態辣雞翼真係好辣 鍾意食辣嘅朋友可以挑戰下 老闆好細心咁叫我哋最後先好食 因為食完之後脷會辣到食唔到野5分鐘😂😂 我個人食得辣所以覺得好正 聽老闆講佢哋嘅辣椒調味粉係自已用超級辣嘅辣椒來製作嘅 喺香港真係好少食過咁辣嘅嘢 超刺激～店員都親切有禮 餐廳都幾乾淨 全部串燒都係即點即燒 熱辣辣逐串上枱～！推介推介

上次經過試左佢地d串燒火侯拿捏得好好，肉香多汁，唔似有d其他串燒店炸出黎生蠔，花甲粉超好食，直頭唔記得咗影相😂😂同埋個西京雞扒又係必食奄得超入味，整體講晒好食同埋最緊要飲飽食醉埋單都係2舊左右🤤真係抵食上次經過試左佢地d串燒火侯拿捏得好好，肉香多汁，唔似有d其他串燒店炸出黎生蠔，花甲粉超好食，直頭唔記得咗影相😂😂同埋個西京雞扒又係必食奄得超入味，整體講晒好食同埋最緊要飲飽食醉埋單都係2舊左右🤤真係抵食