隆姐泰國美食館

營業中

休息中

今日係九龍城搵左成日野食!!!其實都幾飽下!!!不過出到黎應該要好似女導遊咁把錢花光!!!生蝦:: 不原來個蝦頭會炸埋比我地食,岩哂我!!最鐘意食炸蝦頭!!! 炸蝦頭炸得非常穌脆, 而且唔油, 仲可以成隻蝦頭食晒落肚, 佐酒一流!!!生蝦都幾大隻,蝦用冰鎮住, 好彈牙, 十分爽口, 而且肉真質鮮甜, 加埋個醬汁, 好惹味; :蝦餅位春卷::: 岩岩炸好, 熱辣辣,脆卜卜!!! 蒜蓉豬仔包::: 烘得十分之脆,入口又好鬆軟, 而且好香蒜蓉味, 如果可以淹上咖哩, 一定更加都美味!!但係因為今日食左太多野!!!所以都無叫到!!剩係叫左d唔飽肚野!!!! 下次一定會黎!!大食一餐!!!

7/3/2010 (星期日)今晚去完Tony Wong 買西餅後，在九龍城廣場內逛了一會，想食泰國菜，就到附近的隆姐食飯。門外有很多人排隊等位，所以只好叫外賣。海鮮炒飯： 海鮮炒飯炒得夠乾身，粒粒飯粒分開，有蝦和鮮尤，不過材料唔算多，味道一般啦。

一家三口去食隆姐泰國菜, 我就第一次去, 係細佬推介的。又係要等位, 不過我地都係3個人, 細枱都唔洗等好耐, 大約15-20分鐘就有位。食物：生蝦：d蝦用冰整住, 個蝦頭炸埋比你食, 好有心。生蝦好味, 彈牙, 不過份量好似少過出面食果d泰國菜咁。 海鮮冬陰公：用爐上, 熱住食, 正。我本身就唔係太食得辣, 不過阿媽同細佬都叫好。都幾足料, 有青口、蜆、蝦、魷魚…蒜蓉豬仔包：必食, 好味, 好香蒜蓉, 好脆。青咖哩雞：用爐上, 熱住食, 正。雞好嫩, 青咖哩好味。蟹肉飯：唔好睇個樣平平無奇, 其實入面好多拆咗的蟹肉, 好味。份量好多, 有成8-9碗咖。蝦餅位春卷：蝦餅ok, 不過唔夠”漲卜卜”。春卷唔得, 下次可以唔叫。芒果冰：好飲, 好夠芒果味, 不過唔覺有冰(唔係沙冰feel)。送的南瓜西米：暖暖地, 幾好味。食物：好；service：好, d 阿姐個個都笑笑口；環境：預咗係一般咖啦, 坐得比較迫, 不過都d整齊清潔咖。

師傅約埋食神就行去攞位, 食神嫂稍後先到; 食神嫂推介位於南角道嘅食店, 去到後發現真的人頭湧湧, 攞左飛要等十幾張枱先到, 由於街上非常炎熱, 加上師傅同食神都係怕熱之人, 於是行左過隔離間酒吧, 飲番杯啤一啤, 實行邊飲邊等; 大約半粒後鐘再去問下, 先至去左三張枱, 其時食神嫂亦差不多到達, 見到咁多人後, 於是就帶路黎左呢間食店!同一間食店但隔一條街, 人流竟然有天淵之別, 呢間食店只需要等兩張枱, 所以大約等多十分鐘就可以入座; 由於已經接近九點, 大家都十分肚餓, 所以喺等位時已經諗定要食咩! 一坐底即刻落單, 一口氣柯打左七款菜式, 有冬蔭公, 泰式生蝦, 青木瓜沙律, 泰式燒豬頸肉, 蒜蓉包, 炒通菜同埋咖哩豬肉!閒談一陣後, 熱辣辣嘅冬蔭公首先登場, 淨係望埋去個賣相已經覺得十分之得, 令師傅十分期待, 再試下個湯, 入口酸酸辣辣, 酸味比辣味更重, 但唔會令人生厭, 非常惹味, 作為第一道菜真的十分開胃; 加上海鮮十分鮮甜, 師傅前後食左一隻蝦, 而每次都只得半隻, 何解? 皆因蝦係開邊煮, 蝦肉係十分爽口鮮甜, 蝦膏亦甚多, 而開邊煮真的非常方便進食, 第一道菜能

母親節正日唔齊人, 所以提早一日慶祝, 家住長沙灣, 都要坐小巴黎食, 因為母親好鍾意食泰國野, 而在九龍城試過幾間, 其實大家水準都有番咁上下, 始終都係泰國人開大約8點鐘去到, 要等位都好正常, 先去了南角道的鋪, 好多人... 於是行過隔離街我分店, 都要等, 大約30mins 左右, 終於可以入去坐喇, 一行6人, 點了以下菜色:1. 酸辣鳳爪: 好食, 不過都幾辣下, 唔係人人食得到2. 馬拉盞炒通菜: 好食, 不過細碟左d 3. 冬陰功: 酸辣度剛剛好, 仲有個火慶住唔怕凍左, 夠細心4. 炸蝦餅: 好香口, 剛剛炸起, 熱辣辣, 唔使30秒就得番隻吉碟~ 5. 咖哩蟹 (肉蟹): 呢個之前無叫過, $220 一隻好似好唔抵, (可以揀肉蟹 or 羔蟹) 但見母親節就試下喇, 點知一係唔試, 一試之下有驚喜, 咖哩汁好正, 有大量雞蛋, 再加上青椒及其他配料, 撈飯及蒜茸包都好正, 推介!6. 烏頭魚: 無上次咁好食, 不是黃油的7. 蝦仁炒飯: 乾身, 但淡了一點 用黎撈咖哩汁一流8. 炒金邊粉: d 粉好散好碎, 似係賣得7788 的貨尾, 無之前咁好食9. 蒜茸包:

和家人一行三人來到九龍城這個泰菜集中地搵食，本來想去新開，據聞由泰國御廚主理的「金雞」，但因為是午餐，而「金雞」的價錢又偏高，所以轉移陣地去「栢檔」，諗住去食泰式海南雞，誰不知室內座位已滿，坐室外沒有空調又不想，兜兜轉轉下，結果來到這家之前未有幫襯過的「隆姐」。這裡的佈置簡單，只是普普通通的一間常見的泰菜小店模樣，想不到它的食物質素又ok喎！叫了一個「蝦醬炒飯」、一個「泰式海鮮濕炒河」同一個「炭燒魷魚」，最後意猶未盡，還多要了一個「芒果白糯米」做飯後甜品。1）「蝦醬炒飯」：這個炒飯的配料其實不太多，除了舖在炒飯面上的奄列蛋外，就只得四塊泰式香腸，不過個飯的味道就好得，甚為惹味開胃。2）「泰式海鮮濕炒河」：這個河粉炒得幾好，被獻汁重重包圍住的河粉味道不錯，配料也甚為豐富。3）「炭燒魷魚」：雖然魷魚味道偏鹹了一點，不過以炭火原隻燒烤的魷魚點上特製的酸辣醬汁都頗為惹味。4）「芒果白糯米」：這道自己一向甚為喜愛的甜品這裡做得不錯，煙韌糯口，甜中帶點鹹味的白糯米飯固之然好味，這甜品的另一個主角----芒果，也見清甜可口，可及得上許留山的水準。整體來說，假如以價錢和食物質素衡量，決定這裡是否物有所

尋日一家人去左九龍城食泰國菜慶祝細佬生日，我地7個人，叫左:~明爐烏頭~咖哩炒蟹(好香，好多汁)~蒜蓉多士(其實想要豬仔包咖，不過賣晒喳，但都ok)~拼盤(蝦餅好正!)~泰式炒雜菜(呢個好辣呀!)~串燒(得返豬喳，好好味)~生蝦刺身(個蝦頭炸到好香好脆)~豬頸肉炒飯~芒果糯米飯(好正!!)不過今次可能太夜去到，好多野都賣晒，下次要早d去先得!

隆姐...係我至愛既泰國菜館之一每次同老公去九龍城, 都心思思去食隆姐架!我既至愛..咖哩炒蟹 好正呀! 豬仔包點d汁...仲正生蝦...蝦頭會炸埋比你價錢又平

雖然不餓，但要逛的地方都已逛過，還是早點吃晚飯吧。天氣熱，我們就點了一杯龍眼冰。食物方面就點了菠蘿炒飯和香辣炒蜆。龍眼冰︰第一次喝，覺得味道有點奇怪，不是自己喜歡的口味，也有點過甜了。而龍眼也不是想像中的新鮮的龍眼。菠蘿炒飯︰香噴噴，飯粒粒分明，加上鮮甜的菠蘿和喜歡的肉鬆，很快清了。香辣炒蜆︰用的蜆不是size小小沒有肉食的那種，實在驚喜。味道其實不太辣，很惹味。份量不算少，讚﹗服務不錯了，而且有甜品送，記得像是熱的西米露。價錢著實不貴，值得一試。

今晚陳總舵主急 Call 話邀請我去九龍城食泰國菜，我問佢邀請既意思係咩先，原來係佢請客。哈哈…有好野就梗係叫埋黃老太喇，點知佢個電話一直都收唔到，整定今日無緣相見。真係多謝晒總舵主。好奇怪，唔知點解會預先送上一份兩件既「蒜蓉飽」，一問之下，原來送錯了檯。可惜，圖中左上角的怪手已經急不及待撕下了一角，所以到侍應發覺送錯的時候，已經淪為餓鬼肚中飽。「泰式抄芥蘭」麻麻地啦，未炒得熟晒，又好細碟。「冬陰功」個湯底幾好，夠酸又夠辣。可惜 D 蝦唔爽，如果唔係就一流！「泰式生蝦」夠晒新鮮，配埋個辣醬又係一絕。再跟埋脆炸蝦頭，成為今日既必食項目！「咖哩炒蟹」其實真係間間都差唔多。呢間隻蟹夠大隻又夠新鮮，不過一隻要 $280，唔算好抵食。「拼盤」$80，樣樣都幾好，總舵主話個「炸蝦餅」尤其出色。「泰式豬肉炒飯」呢碟野一送上黎我已經唔係幾想食佢。又濕又林咁，上檯又唔香。要問下陳總舵主先至知好唔好食。「椰汁西米糕」送既。係咪望黎望去都好似差咁 D 野呢？哈哈…唔知點解佢地無放粒「馬豆」響中間。我又係無食到，陳總舵主食埋我果份。 「蕃薯西米露」又係送既。話明係糖水，甜少少無咩所謂，而且佢地放佐都幾多料，有

上週在 OPENRICE 揾食, 睇到好多網友推介 "隆姐泰國菜" 於是一試! 本來想去南角道嗰間，傻下傻下反而去咗衙前塱度，原來有分店!入座後叫了一碟海鮮濕炒河，好多餸，醬汁略嫌過杰，味道 OK‧再來一碟海蝦沙律，肉質爽口，雖然味道一般，但配埋個勁辣醬汁，都幾惹味! 最值得稱讚的是，D 蝦頭是新鮮炸嘅，上枱時重熱辣辣，唔似其他店一早炸好，食時凍冰冰!雖然呢度D咖喱蟹要成 $220 碟，都決定一試，好彩隻蟹都好大隻，D 咖喱汁重好好味‧食咖喱蟹又點少得個蒜茸豬仔飽，又香又脆，必食推介!重有好多野想試，但已好飽，惟有等下次機會!

4-1-2009Dinner 時段懶得出街, 又想食泰式海南雞飯, 0係 Openrice click click click, 托了阿爸阿媽0係度買一盒 ($31) 返0黎試試.先食雞油飯, 粒粒飽滿, 十分之香, 有咬口得來了唔會乾爭爭, 正! 雞件無去骨, 樣樣衰衰, 雞皮稍鹹又稍厚, 唔太0岩食; 雞肉亦麻麻, 好0鞋口; 泰式酸辣汁 / 薑茸就酸多過辣, 用0黎蘸雞都幾惹味的. 雖然 d 雞一般, 但飯底好唔錯, 最後食到一粒都無剩. 聽講頭先門口勁多人排隊, 有機會0黎堂食試試其他食物吧.

去完九龍塘新天地, 搭的士去就近的九龍城食泰國菜~~ 朋友唔係介紹黃珍珍... 推介的是, 這間從未聽過的"隆姐".... 我地一行5人叫左好多野食~~ 泰國啤酒x3 - 好香啤酒味, 同名牌子有少少唔同 生蝦刺身x2 - 呢個超彈超爽, 值得推介!!! 佢仲要連炸蝦頭一齊上呢~~ 青木瓜沙律 - 青木瓜絲+柚子, 超清新, 好味!! 泰式炒通菜 - 普通炒菜~ 豬肉碎生菜包 - 好耐冇食過有水準的生菜包了~~ 紅咖哩雞 - 勁多咖哩汁, 用爐上, 可保咖哩溫度, 正!!! 蒜蓉豬仔包 - 用來點咖哩汁食... 超鬆軟, 又帶d脆.... 好味!! 沙嗲豬牛串燒 - 普通串燒啦~~ 燒雞翼 - 最後叫的.... 夠熱夠香~~ 但係已經好飽了~~ 辣椒膏炒青口 - 大約有10多隻青口... 好濃味.... 但唔夠辣~ 椰汁西米糕(送) - 驚喜!! 本來order就有8件, 但食唔晒~ 店員聽到竟然送5件!! 蕃薯西米露(送) - 送的甜品一點都冇馬虎~~ 唔太甜, 但好味!!食左超級多野.... 估計要$700左右.... 點知~~~ 埋單時只係$506咋~~~ 抵到爛!!!

有次鄰座同事lunch回來打包了兩客柚子沙津請大家食, 好鬼死好味, 非平時一般泰國鋪食過那種, 就今日約埋佢一齊食lunch試下E間d 泰國菜.自己一向食得比較清淡, 點了好想再食的柚子沙津同埋一碗鴨肉湯河, 我個女同事點了一碟炒河.沙津不單止有一夠夠大塊清甜的金柚, 仲有一條條酸酸地的青木瓜絲(可能係生芒果絲?!)、脆花生、蝦干仔等, 味道勁清新醒胃, 咸酸甜辣恬到好處最有驚喜的是那碗鴨肉湯河, 以為係一般湯河, 點知待應捧到眼前的是一大碗質素好高的湯河.....好想映番幅相留念, 不過連手機都無帶.湯底好清, 顏色同味道都有d 似肉骨茶, 鴨肉一片片唔係只得頭頭尾尾個種, 芽菜雪白、粗壯爽甜, 河粉形狀好得意, 有d似刀削麵和粉皮的混合體, 不規則的一片片, 又滑又爽, 除了d 鴨皮同d骨剩底之外, 成碗河粉連湯幾乎清唒.....好味道, 以為淨係系東南亞國家旅行時先可以食到的地道泰國嘢, 估唔到係香港重要係今日食到, 真係估唔到, 有d感動tim......個湯河有跟餐飲, 叫了杯熱咖啡, 香濃好滑...不過lunch time好趕飲咗幾啖就埋單走人.價錢算便, 最緊要係有質素

尋日同老媽去九龍城掃野食,而間野係因為小曼谷未開,而老媽唔知點解想入去食就入左去了一入左去,竟然咁岩冷氣壞了整緊..............熱到............拿拿林叫左老媽想叫既椰汁芒果燸米飯快快食完好走但叫完睇睇menu先發覺要38,都唔平wo=.=一黎到,食下o的椰汁燸米先,熱熱的,都幾好食幾煙un,o的芒果一般冇特別其實係唔錯但真係好熱.............拿拿林食完就走了38黎講我覺得貴左少少,因為之後去左金寶發覺都係35 only =.=