隨變燒烤麻辣雞煲

營業中

休息中

呢間雞煲已經開咗好耐、早期佢係幾好生意嘅（幫襯過好幾次）、仲經常排大隊，近年見佢已經少咗好多人。今晚我同朋友經過佢話想試吓，見佢無乜人排隊等、就再入咗去食，兩個人例牌叫咗半隻麻辣雞煲（少辣），味道同之前一樣咁好味😋雞都保持到水準咁嫩滑總括嚟講佢食品係ok嘅！不過最可惜服務態度差粗聲粗氣、睇見D呀姐嘅咀臉好似欠咗佢地D乜嘢咁！真係唔明以依加市道仲可以用呢種態度對代客人，唔怪得知少咗咁多人啦⋯⋯

每年冬天都必黎食返個鴛鴦麻辣雞煲，兩個人食半隻雞，叫了個小辣都已經好夠味。本身不太食辣，但黎到唔試下佢既麻辣真係會覺得可惜，最起碼叫個鴛鴦煲兩邊湯味都試下，皆因佢個辣湯煲真係好足料好入味，麻辣仲辣得好過癮。通常上台唔洗等多久就可以先食煲內既雞件，湯濃雞肉滑，天時冷黎食更享受。煲料不可不叫佢地既冷凍豆腐，吸晒湯料入口更是一絕。說起吸湯我必叫豬皮，真係會入晒湯汁。還有佢既隨變粉不得不點，滾至透明狀便可以食，口感相當煙um。但個人比較鍾意以後那幼身款的。其他鍋料都是逐樣點逐樣計。佢有些小食的命名亦相當生鬼，例如雞肉串叫「一夜情」，羊肉串叫「蘇妹妹」，襯冬天未過值得去試。

🔹渡船街雞煲首選梗係隨變雞煲啦🐔先食雞干鍋 👫兩個人食半隻雞就啱啱好雞都入味 味道唔錯 ✔️食完之後就加湯 如果唔夠辣🌶🌶🌶可以叫店員俾啲辣醬你加入去 之後就可以打邊爐🍲呢度嘅牛肩脊好重牛味🐄 刷兩下就食得啦🤩牛花又靚😍正 豬腸打邊爐吸晒啲湯簡直一流🤘🏻湯嘅精華入晒落豬腸到 🔶豬腸卷平時比較少起其他餐廳見到口感煙un ✅唯一響鈴唔得 淋既❌🥢哩到仲有一個好處係可以叫半份比你食多啲唔同種類嘅嘢

位於佐敦的「隨變燒烤麻辣雞煲」可以一邊打邊爐一邊食雞煲，一次過滿足晒兩個要求。湯底的雞煲有分半雞跟一隻雞，雞肉吸飽湯汁精華後，真的太美味😍而且還有麻麻的口感，吃起來真的太過癮了啦。

依間雞煲我有好多朋友都想試，因為平時見好多人去食。咁我地就約埋一齊睇下好唔好食。首先我地就叫左隨變麻辣雞煲，中辣 ($238)個辣度係足夠既，但我覺得d雞太細冇乜肉，而且真係太少，配料仲多過d雞，我覺得1間鋪頭你既然係用雞煲黎做招牌，當然要有一定水準，但依間真係唔得。尖椒皮蛋 ($38)唔食得辣既朋友我覺得就唔好食依個，依個好重辣味，配埋皮蛋咁重口味既味道，非常過癮，推介。美國安格斯和牛 ($198)依個牛肉食落唔錯，首先係厚身少少，食落係有咬頭，其次，配埋個辣湯真係幾好食。仲有不可錯過雲吞皇($51，一碟)係到講聲sorry冇影到相，但依個有好多蝦係入面，會食到你繼續想食落去我又係推介依個，我自己都叫左兩碟。最後當然有叫到其他野，但我覺得佢冇乜特別，所以我就冇講到。總括黎講，我個人覺得賣單既價錢並唔值得依個價，佢係有好食既地方，但食落同出面普通既雞煲差唔多，起碼我下次唔會再黎多次。

最愛既夜宵餐廳！好難得有雞煲開到咁夜, 每次反親香港都要心思思泥！呢間雞煲好夠辣, 自問都食得辣, 之前試過中辣真係辣到食唔到！可以嗌小辣先唔夠辣可以再加辣。今次醒叫左小辣岩岩好, 份量非常足夠👍🏼而且好足料！有椰菜, 最好味有埋年糕, 兩個人叫左半隻雞, 食到一大半未加湯已經覺得飽,雞肉肥美又入未, 辣汁非常惹美😋由於份量多已經飽左,好彩阿姐唔會落火鍋單住, 所以最後只落左多碟牛同雲吞。串燒幾出色夠味, 尤其係雞軟骨同豬頸肉, 呢間真心值得推介。

朋友推介的一間位於佐敦的雞煲店。到達後發現隨變雞煲數個舖位均滿座，可見生意不錯。店裡主打麻辣雞煲，同時提供火鍋配料、小食及串燒。由於同行的友人不能夠吃太辣，所以雞煲的辣度選擇了小辣。雞煲的底料十分豐富，有芫茜、洋蔥及蒜頭等等，令湯底的味道更加吸引。除雞煲外，羊腩排煲也是不錯的選擇，羊腩的肉質夠軟；煲內的蘿蔔吸收羊腩的精華後，味道更是一流。另外，小食選擇了麻辣豬耳，作為開胃菜都值得一試。順帶一提，有數款串燒絕對要推介，包括一夜情（中翼夾腸仔）、燒豬頸肉和串燒雞皮。火鍋配料無論是海鮮、蔬菜或肉類，質素亦有所保證。配合雞煲或羊腩煲的湯底，將口感大大加分。無辣不歡，再次光顧的話，必定會選擇中辣。

以前好鐘意食呢間雞煲, 琴日再返去食成個雞煲d雞冇味又落勁多水。叫左碟細既牛, $138先得7塊。好難食加唔抵食!好失望!唔會再去d雞完全冇味想要豉油點下都要收錢,..唉唯一好食既就只係隨變麵, 但絕對唔會為左個麵去食, 因為雞先係雞煲既重點! d服務態度又差, d姐姐整跌完我地把傘完全唔會幫手執返就咁就行左去另一個姐姐仲以為係我地自己整跌唉..點解間野會差左咁多? 如果連雞煲都未整得好既點解仲要加串燒, 不如直頭淨係做串燒吧啦, 真係自己整都仲好食過佢!   

同男朋友收工想搵雞煲食，隨便搵左間。原來呢間野一條野有三四個鋪位都係佢既..咁去搵位阿姐話唔洗等好耐 就喺度等一陣啦（果時係星期日晚既7點幾8點）等左一陣帶左我地去其中一間鋪，貼心既係有包Tempo 已經放左喺檯我地點左個招牌- 隨變雞煲（$138）半隻無細心睇點單紙，原來幾行之下乾身雞煲架🤪雞煲正常，啲雞仲幾滑添😬坐底隔左陣聽到幾檯隔離有人埋左單之後但都仲想加單，侍應同個客仲有少少勞嘈，之後個待應姐姐仲講左句粗口都幾大聲下😑嘈到連有食客都幫口😅嗯好啦....服務行業...😅好講返野食：呢個煲係好多芫茜架☺️其餘既我地仲點左💡安格斯牛肉 $198💡凍豆腐 $38💡鮮淮山 唔記得價錢💡萵筍 唔記得價錢💡加多寶一罐 $12個牛肉有驚喜，牛味幾重下😋我地兩個都覺得好食👍🏻其中個淮山幾出色，無試過喺街食打邊爐有咁新鮮既淮山，食落去「梳梳」聲👍🏻👍🏻因我地都唔係好大食果啲～都幾飽喇😋😋最後埋單$449

忙到狂燥，做到最後一秒數先收工，必定要食勁勁勁辣雞煲平衡心理！帶齊衫褲逃拳偷懶，食飽先講！大量食材被改上獨特的名字，摸不著邊際。什麼蘇妹妹？一夜情？秋耳？千千圈、牽腸掛肚、玩篤爆？唔係雞脾菇呀，雞髀菇，髀係骨部呢。難得有緣跟美女撐檯腳，食好一點、食盡一點。青島啤酒，正常清爽味道，可安心飲用，最緊要夠凍透心涼。涼拌蓮藕，夠麻夠辣夠香，撈得味濃均勻無馬虎。先來麻辣，後來爽甜微汁蓮藕，配搭得宜可口。麻辣豬耳，入味刺激我喜歡！豬皮膠彈，軟骨脆卜卜，香辣兼備，趙得過癮助酒良伴。最怕汁還汁、耳還耳的處理，明顯即撈未融合，淡而無味。燒蟶子皇，高質絕頂，烹調時間拿捏得分豪毫不差，嬌嫩的肉質，白滑噴汁，沾上蔥蒜辣粉齊齊烤，吊出無窮鮮甜，要大叫好味道！燒內蒙羊肉串，意料之外的出色，比神州風味更出眾。孜然粉、辣粉、焦香、鬆化，羶香不嗆，肥美嫩嫩多汁。串燒牛魔王，厚厚不孤寒，鬆軟有嚼勁，牛汁甜美，混在辣粉香料中格外醒神。燒虎蝦，落味掌握靈巧，香辣到位舒服。蝦肉香而甜，但就霉肉腍劈劈。隨變麻辣雞煲半隻中辣，壯觀豐滿的配料，眼測有胡椒、泡椒、乾辣椒、青椒、紫洋蔥、芫茜、大蒜、乾蔥頭、芹菜、花椒、京蔥、等等。耐心等

食雞煲，我淨係鍾意去隨便。因為暫時冇一間可以取代到佢係我心目中嘅位置。真係超級好味😋 呢度嘅雞煲味道有一種好特別嘅感覺，係第二度係食唔到嘅。之前同d 朋友去食，個個都讚不絕口。連外國嘅朋友一返黎港，都一定叫我帶佢哋去食。(可能是受我影響吧🤣) 首先雞煲入面由多種香料足本熬製而成，再加上惹味嘅醬汁，而雞又夠嫩滑完全晒入味。每次食完都有一種好滿足嘅感覺☺️ 跟住打埋個邊爐，必點之一 ”隨便粉”，煙煙韌韌囗感幾得意，大家可以試下。最後食埋串燒同前菜冷盤，簡直爽吖。

夜晚約咗一大班朋友來呢度打邊爐，食雞煲🥘🐔位置其實係柯士甸站附近，唔算容易搵，不過我哋平時喺附近返工所以就知道。好搞笑，佢個雞煲係連埋湯一齊上。唔係平時食開個種，熱辣辣炒嘅雞煲，食完雞煲先揀湯底打邊爐。麻辣湯底都幾好食，嘢食一般啦，中規中矩。食物嘅價錢都算係抵食嘅👍🏻 不過店舖嘅抽氣系統比較差，呢一點就有待改善。同埋打電話嚟訂枱嘅時候，冇提醒我哋原來有限時，結果，去到攞位嘅時候先同我地講得兩個小時。

仍然記得第一次來這店吃雞煲，是跟一位傳媒朋友，出席完某酒店的85周年派對，我們兩個女生穿得漂亮得體，竟然走去吃超Local的雞煲，我倆的衣著跟店裡其他人顯得格格不入，但仍無損我們想吃辣，要吃雞煲的心情。那一次，只是點了小辣的雞煲，連吃得辣的同行女友人，也高呼「受不了」。是的，這裡的雞煲，既麻又辣，最重要是「越滾越辣」，點個小辣也可由頭辣到尾。雞件是本地冰鮮雞貨式，但出奇地滾得太久，雞肉也頗軟嫩，仍吃到有點雞肉的味道，一點雪味也沒有。點雞煲的同時，店裡也有大量火鍋配料的選擇，而且可點選半份及一份，就算二人來吃也可點多幾款配料，也可吃得很滿足。這夜點了一份安格斯肥牛，切得超薄，而且份量也不太多，三兩下就被我們吃光，性價比超低的。可喜的是就算肉切得如紙薄，但也嚐到肉香，算是不錯吧。 

同老公係圓方睇完戲，行落去渡船街搵野食，見時間仲早無咁多人，老公提議食雞煲，立即諗起隨變雞煲，由佢得一間鋪已經愛上吃，咁多年黎佢嘅雞煲味道都保持水準，D配菜由原本麻麻地變得有水準，一坐低先叫個麻辣中辣全隻雞，湯底麻同辣味適中、唔會過麻過辣，偏向一方，雞嫩滑，食得出唔係冰鮮雞，全隻雞足料，唔係偷工減料，另外叫左個薯仔同冰豆腐，二者吸哂湯底又麻又辣，好野味、最後叫個牛柳粒，牛柳粒滾耐D都唔韌，咬落口好香濃牛味，牛脂充滿口腔，比吃牛肉片更好味

近柯士甸站呢間隨便雞煲，嚟親都好多人 今日茶排隊排咗半個鐘 先食雞煲🥘🥘🥘大大鍋，夠辣，夠入味， 醬汁好香濃 ，讚🐔👍之後再加湯打邊爐，平時好多間都係加咗湯會變稀晒，但係呢度就唔會，個湯都仲係好濃，火鍋料就算唔點豉油都夠味😋😋😋